شوفي في انتي اكيد تتذكرين من رحنه وتعاركنه ويا هالكلب انور
**طبعا هو شي ينسي هذا
اساور* من يومها وهو دائما يراقبني
** يعني شنو يراقبج فهميني
اساور* اطلع اروح اجي اشوفه بخلقتي حتى امس من رحت الهنادي شفته وراي رغم علي يمشي كبالي
لطمت على خدي
** ولج تحجين صدك مخايفه علي يشوفه
اساور* طبعا خايفه وميته رعب واليوم زاد الطين من اجه وحجه وياي
** اصخام بوجها شنو حجه
اساور* يكلي شسويتي بيه يمصكوعه
**شنو شسويتي بي انتي
اساور* فهمي في فهمي انور جاي يحاول يتقربلي وانه راح اخلي وحلفت اكسر گلبه مثل مكسر گلب علي
** اش اش اش لتكملين هالخرط بله شوفي اساور احنه على كد حالنه ابونه واخونه ناس فقره عوفي هالسالفه هاي مو دروبنه شلج بيها
نزلت راسها ظلت تبجي
اساور* في انه كتلج حتى تساعديني مو تنهيني لان مقرره ومخلصه وحلفت فدووه في ساعديني اريدج وياي هاين عليج علي صارله يومين شنو حاله لو امي اريد بس انور يضوك شويه
** اساعدج اكيد بس بالشي المعقول مو الي يضرج ويضر اهلي فدوه اساور وعديني اتشيلين هالسالفه من بالج خلي يولي هذا اصلا واحد ما يستحي باجر مو بعيده لو زليتي بحرف يفضحج بالمنطقه
هزت راسها باي ومسحت دموعها وعافتني معرف اقتنعت او لا بس اتمنيتها تقتنع هيه وين و انور وين
اساور* عفت في بالغرفه وطلعت مقتنعت بكلامها رغم اعرف خايفه عليه بس خذيت عهد يا انور لخليك اتضوك الي ضاكه علي والله
..
رافد وين من الصبح طالع
رافد* كليه وين يعني
* تعال اريد احجي وياك
رافد* سيف ما تتاجل تره مستعجل
* تعال راافد الي يشوفك يصدك ميت على محاضراتك
رحت للديوان وهو دخل وراي بسرعه جريته من ايده وكفته گبالي طلعت موبايلي وفتحته وخليته بوجهاا
* فسرلي شنو هاي
رافد * شنو ما فهمت
* ولك خسيس ما لكيت الا زوجة طه ولك اخونه هذا
باووع الولد شاك بمرته ومخلي كاميرات واحمد ربك ممتصور بس ظهرك وبلبوكه خمطت الصوره
هذا البدي تحركه وهناك متروح وعيب عيب طه اخونه خلي يبين بعينك الزاد والملح
رافد* هيه تركض وراي الف مره كلتلها رجلج عزيز عليه ما تفك
