،،
سيف انا قررت اظل هنا بس ارجع دراستي و اربي ابني
حجيتهن كلهن فد مره وبسرعه
جان مدنك راسه بسرعه رفعه باوعلي وبتسم
عكدت حواجبي وميلت راسي معرفت سبب الابتسامه
عدل كعدته وتحمحم
* وانا انطيج وعد تعيشين مثل ما تردين بس طبعا مو مخالف العائلتنه
بالنسبه للدراسه هسه بعد ماكو فايده السنه الجايه اذا انا عايش وعد ترجعين
** عمرك طويل ان شاء الله
* تسلمين ، يلا اروح انام
رحت انا هم للغرفه ظليت افكر معرف هالخطوه صح لو غلط وهل فعلا سيف راح ينفذ وعده الي او لا
الصبح عمتي دكت الباب جيبي يوسف جده يريده
كمت بسرعه غيرتله وعطرته واخذته الهم
الساعه 8 بعدهم بلا ريوك عمتي حانت هسه مخلصه من عمي وتريد تروح تسوي ريوك سمعتها كالتله بس ارتاح حجي
نطيتها يوسف ورحت للمطبخ هوسه ومزعبل
سويت ريوك ونظفت ورحت اشرب جاي يمهم
شويه واحت خاله وداد رحت سلمت عليها واخذت من ايدها المسواك
باوعت بوجهي وعيونها مدمعه
** خير خاله بيج شي
* لا خاله مابيه شي تعالي ساعديني انا مالي الحيل الاولي
** اي تدللين
رحت اساعدها بس شكلها قلقني
خاله اهلي بيهم شي حجيتها بشهكه
هزت راسها لا
**امل جهالها بيهم شي
*.جرتها حسره وكالت اي عمهم صاير حنين ويريدهم
** مو بكيفه دام هيه ممتزوجه
* الله كريم يا خاله بس انتي شلون سيف وياج
** زين المهم شايل ابني وممقصر ويا شريد
هزت راسها وكامت تسلك اللحم للحظه گلبي كرصني
شكيت هيه مضايجه بسبب بتها بس حتى لو اسئلها ما ترد عليه
سمعت يوسف بجه رحت يمهم عمي مقبل اخذه كال سكتي وخلي يمي
نزلت سمر سمعته حتى مكالت صباح الخير بسرعه شمرتهن
* هاي شنو عمي عندي خمس جهال ما يوم شفتك اتحن على واحد منهم
عمه * هذا يتيم سمر كولي يا صباح خير
سمر * المن اصبح وانتو ما طايقيني وما طايقين جهالي لو حيه جان كلكم خفتو عليه وعلى ابني مو صح في
