مدفوع الثمن

P 29

امشي محتاره بزماني راجعه من المدرسه بالي وفكري يم سرى و امي الي مدري شبيها راح اتخبلني

عرضتلي سياره انور بنص الشارع وكف كبالي نزل الجام و اشرلي صعدي

رحت صعدت
* السلام ،هلو انور

* منو بيجن انخطبت

* رد السلام اشبيك

* منووو بيجن انخطبت احجي

* انور خوفتني ليش هالكد عصبي صاير شي اهلي بيهم شي

* ما شفتي شييي من العصبيه بعدج
،
ردي عليه منو بيجن انخطبت للج

* سرى
بس ليش كلي قلقتني

* وانتي !؟

يحجي معصب وميباوع عليه

* انا لا عمي صح خطبني بسـ....

* بي شنوو وخطبج المن الفهد الي كاضيتها ويا فراره ليش تكوولين لا احجي

ضجت من عصبينه وخفت شبي ليش هيج يسوي

فتحت الباب اريد انزل
عاط صووت رج السياره رج ، ووووين موليه مو جاي احجي

* لا انت مجاي تحجي انت جاي تتعارك شبيك ما اعرف

صارت رجفه بصوتي انا الف شغله ببالي وانور يعصب عليه
نزل الجامه ورث جكاره وظل داير وجها يدخن وينفخ بره السياره
انور انا اتاخرت خليني اروح

* ردي عليه انخطبتي الفهد مو

* لا انور سرى هيه الفهد وانا عود الاسد بس رفضته

التفت عليه ملامحه اتغيرت للارتياح

* ليش رفضتي

* متزوج 2وعنه 8 جهال

* بس ؟!

دنكت راسي عرفته الشنو يريد يوصل

* و اريد اكمل دراستي

* وبس!!!

بتسمت وكتله اي

* اشكد خبيثه

رفعي عينج بوجهي وحجيها متنكلب تره

باوعتله صفح ودرت وجهي افتح الباب نزلت اول رجل

* وهيه شنو قابل الي اريد احجيها يلا باي اشوفك بخير

ونزلت روحي طايره للسمه مشيت للبيت وهو يمشي وياي بطيئ لحد مدخلت وهو كمل طريقه

بين الغده وبين الصلاة والعصر رحنه الفي انا و فهد كلش ضجت من رجلها انسان مغرور متكبر ويباوع النه بعين الصغيره بيت عمي مجرد رجع فهد راحو كلها يومين ويجون

مشت ايام عادي وبدينه نحضر للاربعين مال ابونه
اجو بيت عمي وطلعنه للنجف بجينه ولطمنه وعبالك هسه ميت بس شنو الفايده ما شفنه بس الحجر والحجر ما يرد