علي * هاي شنو شجاي اتسوين هنا
اباوع علي خازرني ويحجي وانا انبلعت حروفي
اتوقعت رافد راح بله شنو ابررله
انصدمت من شفت رافد مد ايده يتسالم ويا علي من الصدمه حسيت خشمي انشك اشكد ما فتحت خشمي وعيوني
رافد* اهلا خويه اعرفك بنفسي انا رافد اخو صديقتها اختي وصتني على اوراق اعتذر اذا واكف بهاي الطريقه اسفه
يلا اترخص وانتي خابريلها وفهميها انه كلشي ما فهمت
دار وجها ومشا وانا ظلت عيوني بعدهن مكان ايده وايد علي من اتسالموا
علي* في امشي كدامي بسرعه
رحت بسرعه طرت كدامه مدري شعجب هو جاي لعد ابو ليث وين وخفت اسئل
علي* في انتي اكيد ما نسيتي كلامي و وصايه مالتي الج
** اكيد لا علي والله
علي* لتحلفين ما علمتجن على الحلفان وكف السياره والتفت الي
مجرد تثبتيلي انتي مجاي اتغلطين يكفيني
معرفت شنو ارد علي بس انقهرت حيل
مشه بالسياره
علي* اليوم ابو ليث اتصل امه خطيه مريضه و وياها بالمستشفى وخابرلي مكدر يجي عليج
** الله يشافيها اشلون مره هيه
سكتنه بعد محد بينه حجه وصلني للبيت وراح يرجع السياره للولد
سبحان الله احس الله دزه اشاره الي لازم اصير حذره ويا رافد بعد ما اريد اوكع نفسي بمصيبه واخسر ثقة اخوي
...
بعد شهر
كدرت اجمع مبلغ زين سديت نص فلوس خالتي وقررت اروح بنفسي اشتري شحنه قليله للمعارض مالتنه بس مو توزيع حتى ارجع اوكف المعرض على حيله
كملت كلشي واتفقت ويا التاجر مال بغداد استغرب لان متعودين ناخذ منه كميه اهوي انوزع على محلات البصره كتله اجي وافهمك
خفت يشوف موزعين غيرنه وتروح علينه كل هاي الارباح للاسف خساره جبيره بحقنه
دخلت للبيت وانه كلش ضايج طالعه روحي
شفت سمر بوجهي كاعده يم امي وتبجي
سلمت وصعدت فوك مهتميت الوجودها
اجت وراي لجين الي صايره ابد معاجبتني تصرفاتها اتاذيني
لجين * اكول حبيبي تعرف سمر ليش جايه
جنت واكف انزع ملابسي نزعت القميص شمرته على الجربايه وباوعتلها فرحانه
* الناس اتسلم بالاول تتلكه زوجها بكلاص ماي الله يساعدك احضرلك الحمام مو گبل شريط اخبار
