.
كعدت الصبح وكمت اغير ملابسي رايحه للمدرسه
رحت اشوف سرى بعدها وكاعده بالصاله تتريك وماخذه راحتها
* ليش بعدج مظل وقت
سالم* شلها بالمدرسه بنيه راح تتزوج تلتفت البيتها ورجلها
باوعت الامي وميلت راسي وكاني اكللها ها بدت
علي* ميخالف عمي بس خلي اتكمل هالسنه
سرى* علاوي عمري انا ما احب المدرسه اصلا خليني اشبع نوم
وضحكت ضحكه فاتره وكانها ضامه وراها شي امي باستها فدووه بنيتي التسمع الحجي
* متحبين الدراسه وانتي درجاتج فوول سرى اشجاي تسوين انتي
محد رد عليه بس علي اشرلي طلعي
اخذت جنطتي وطلعت مدري شلونه الوضع امشي واعصابي محتركه سمعت صوت يصيح عليه
باوعت فهد جاي مشي وراي شبي
وكفت انتضره وهو يمشي سريع
وصل يمي
* لج لحضه انتضري اوصلج
*ميحتاج ليش تعبت نفسك
* لا تعب ولا شي حبيت امشي
جر الحنطه من على ظهري جنت لابستها من صفحه وحده لبسها بكتفه ومشه وياي شكله يضحك
جان لابس دشداشه والجنطه لونها بنفسجي
* ضحكينه وياج عيني اسو
* حتى انت تعلمت اتكول اسو
* ليش مراضيه بزواج اختج
*موضوع يطول شرحه غير مره نحجي ، ليش مخليتوها اداوم اليوم
* صدكيني اسو ابوي وامج همه الي كاللوها وشفتها وافقت محجيت
* وليش ابوك يتدخل مو المفروض انت الي راح اتصير زوجها على الاقل جان حاولت وياها فهد اتمنه ....
سكتت ما كملت من شفت انور بسيارته تعده علينه انبلع وجهي
وصلنه قريب المدرسه فهد وكف ونطاني الجنطه
*اسمها عمي مو ابوك واذا على المفروض فالمفروض ما ينحجي يلا روحي لا تتاخرين
ذبها حسره وراح منتظرني ارد علي بس مشه خطوتين وحجه بصوت عالي لا تنسين اليوم موعدنه انروح الفي
اجن يمي البنات يتسئلن منين هالحليوه ذبحن عمرهن علي وصدك فهد ما عايز وخاصه لابس عربي ولايكله
دخلنه للمدرسه اتلكتني بان تضحك
* خوش تعرفين تصيدين بس يبقى انوري احلا
* انورج منو وبعدين شعرفتي انتي حتى خوش اصيد
* مو مهم عرفت الي عرفته عافتني ومشت
