اليوم يوم عادي كباقي الايام بالكليه بس نور ورهف ممداومات انه و ندى فقط
جنت كاعده بالاستراحه ندى راحت للمكتبه عدها ملخصات
محسيت الا واحد طفر من وراي وكعد يمي
فزيت مخروعه باوعت بوجها عرفته هذا نفسه صديق احمد
بسرعه كمت من الكرسي جرني من ايدي وكام وكف
جريت ايدي حيل منه خوفني هذا شبي
رافد * شبيج يابه ما اكل بشر تره لحظه وين طايره
** عفوا منك بس تصرفك معجبني
درت وجهي بسرعه صار مقابيلي ميخليني امشي
رافد* شنو قضيتج بس اريد احجي وياج كلمتين
باوعت بوجها محجيت منتضرته يحجي
طلع جكاره و ورثها نفخ دخان يباوع عليه مقلص عيونه
معرف ليش شدتني هالحركات
رافد* انه بس حبيت اعتذر عن الي صار امس واكلج مسحيها بوجهي
** لا حشا انت شعليك صديقك هو معرف شلونه
رافد* اي ادري بي معرف شلونه رغم اشكد انصحه اكله هاي بنات ناس تطلع بعرضك بس للاسف
** ولا يهمك انسى هو تصرف تصرف غلط واخذ جزاته
رافد* عفيه عليج والله والنعم من تربيتج
خجلت ودنكت راسي مبتسمه معرف شنو ارد علي
هو هم ضحك
رافد* فدوه للخجلانه هو شكلت قابل المهم اوعدج ما تتكرر واذا اتكررت شاربي مو عليه
رفعت عيني بعينه اباوع بوجها گلبي حسيته راح يطلع من مكانه كلماته لامست گلبي
مد ايده يسلم
رافد* ما عرفتج عن نفسي اسمي رافد قسم هندسه العمر 25 وانتي يا ورده
باوعت الايده مكدر اسلم علي خليت ايدي على صدري
** اعذرني ما اتسالم يد انه اسمي في قسم علوم العمر 19
رافد* اول مره تمر عليه بنت محترمه اعتذر منج وتشرفت بيج اترخص منج ورده
عافني وراح وظليت واكفه بمكاني شنو هالاخلاق شنو هالادب
متصورت اكو بشر هيج عدهم هاي الاخلاق
كعدت وعيني ما زالت على المكان الي اتجه اله محسيت الا ندى تضربني بالكتاب
ندى* ووووين يمعووده
** اخ ولج شبيج فززتيني
ندى* صار ساعه احجي بالج وين
** هنا يمج اكول ندى اريد عصير شو گلبي حار
