رحت تبعته للمشتمل والخوف متملكني شنو يريد مني
بس دخلنه قفل الباب كمت كتيتهن كلهن
** سمر و مروه هنخ دخلن غرفتي وضربني صح حجيت حجي مو حلو ويا مروه بس ما متندمه وتستاهل من يمته هيه وسمر صديقات ها من يمته
جنت رايحه احجي وهو متكتف يباوعلي وما يرد عليه
* خلصتي ؟
** اي وهذا الي صار
* جيد تعالي وراي لعد انا راح اخليج تجرين عدل غصب عنج
دخل للغرفه وجهي ظل ينطي الوان اصفر احمر اخضر
هيج حسيت شيريد مني صاحلي للغرفه
وكف بباب الغرفه واشر بيده تعالي
تقدمت بالصاله وكفت
** انت كلت العمتي حدي وياها بس عقد لا تنسه كلامك واتمنه تصير كد حجايتك
* يا عقد تقصدين
اتقرب يمي وكف
* متحجين يا عقد
طكها ضحكه قويه برطمت شفايفي وباوعتله كوه حابسه دمعتي من الفشله
خلص ضحكته وبالسبابه طك على راسي
* عقلج وين راح شهالتفكير المنحرف
خله وجها كبال وجهي بعد ما دنكت اباوع بالارض واحجي وياها بگلبي انشكي وبلعيني فددوه
شنو جنتي تتوقعين ردت منج
رجع يضحك وراح مشه للغرفه وصاح تعالي تعالي بالج لا يروح بعيد
درت وجهي اريد اطلع رجلي متعيني من الفشله
لحكني وجرني من ايدي ودخلني للغرفه وهو يضحك عليه ويكلي ما سويلج شي وعد شبيج
** سيف والله مو قصدي شي تره
وكف كبالي وبعده كاض ايدي
وتحول للجديه
* اهدي ليش ترجفين عادي مصار شي المهم شوفي شنو ردت منج
ويا ما رفعت وجهي دمعتي طاحت مد ايده مسحها وجر نفس وحجه بهمس لا تبجين هوشنو صار قابل
طلع اكياس مال زبل (اجلكم الله )
ونطاهن الي
* شوفي شنو شغله اتخص لجين خليها هنا من اصغر شي لاكبر شي اابد لتخلين اي شي وشنو تشوفي نسائي هم خلي وبدون متسئليني
راح للصاله شغل التلفزيون
فتحت الاكياس وظليت اعبي واغلط على روحي بسبب هالموقف الصار وشبيه بالي شطح
