اكثر شي صعب يمر بحياة كل انسان هو فقد الاحبه صعب تتخيل مكانه وسالفته وضحكته
ومن تشتاقله متعرف المن او وين تتجه
وهذا الي جاي انمر بي اليوم ثاني الفاتحه لان اليوم الي سمعنه بي الخبر ما حسبو حسبو من ثاني يوم بدخلت عمي وعمتي
اجت ناس من العماره البيت انمله سواد احتاريت المن اصير امي بالمستشفى بليل ااتخربطت واخذوها ابن عمي و خالد ابن ام انور وراحت وياهم اساور
لحد الان معرفت بس عمتي و ام سالم كاعده بالمطبخ حاضنه روحي ابجي دخلت يمي عمتي شمرت روحها عليه وتصيح ااخ
هيه من اجت لهاي اللحظه بس اتباوع علينه وتبجي
فاطمه* اشكد تعاركنه وشكد قسينه علي
هاي سنين كلها اتحرمص على شوفته وماخذني التكبر واكو لا هو يجيلي وهو الكطع بيه وانا ارمله وما سئل بيه ولك حسن يا ريت ما كطعت بيك يا ريت ما عاركتك يا ريت ما فاركتك
اجن كعدن يمها بنات ثنين يبجن وحده بتها لان كعدت اتهدي بيها والثانيه جنتها سمعتها اتصيح كافي عمه
** تدرين عمره ما جاب اسمكم بالباطل تدرين اشكد يجر حسره لو شافنه انا وخواني ملتمين اشكد يغلط بس علي ويصبحه سالم
شنو الفايده هسه كاعده وتلومين بروحج ومتندمه
خديجه * خيه كافي شوفي حالها تره امي مريضه
** الله يشفيها مو قصدي بس دوم جنه انشوف الحزن بعيون ابوي على اخوانه وراح وهو گلبه محترك
فاطمه * ابشرج هاي گلبي هم شعوط مو احترك علي اخيي عمت عين الفلوس الفرقتنه
عفتها وظليت ابجي ما رديت شنو الفايده هو راح بعد
شويه ودخلت اساور وجها يلطم
.......
شفت المقطع عقلي ما استوعب الي جاي اشوفه معقوله يعني هذا زوج اختي مروه
* محمد اتصير تشابه بالمعاني مو بس كلي هذا زوج مروه طلع من هاي الفئه ما اصدك
محمد * والله يا اخي مدري شكلك الغريب هل ام عبير تعرف وتعمتد اتوصلها الك انزين اخوك رافد يعرف بالسالفه لان نفس البيت ما معقوله ما ملتقين
* لا اتكمل بروح اهلك اخوي اخوووي لالا مستحيل رافد
محمد * شبيك لا تظل تشبش اخوك مو هيج ررركز هاي مقاطعه كله ويا بنات بس الي قصدته يعرف لو لا
* اخذلي طريق الله يخليك
محمد * يمعود وين خليك لتطلع وانت بهالحاله
