اخذت عنوان بيت ام عبير ورحت قريب شارع بشار وهاي منطقه معروفه عدنه بالبصره هيه تتبع اماكن مو زينه
ظليت اسئل عنهم بالمنطقه بيهم الي خاف مني عبالهم امن وبيهم الي يريد يبيع عليه والي والي بس ثنين كالو هاي وحده ادور مشاكل وتبيع ابن بطنها على مود الفلوس
رحت دكيت الباب طلعتلي بنيه سئلتها عن ام عبير رادت اتدخلني ما قبلت كلتلها صيحيها الي بالباب
وكفت على صفحه واجت هيه طلعتلي
بدون سلام
* من الاخير شكد تردين وتنطيني الصور
ام عبير * على كل صوره مليوني وهنه عشر صور شكد
* هاي هيه بس شلون اتاكد انتي ما راح تجين بعد تردين فلوس وتهددين اخوي بالصور
ام عبير * عيب كلمتي وحده اسئل كل المنطقه عني
* اي والنعم بس قبلها هم نطاج 15 وهسه رجعتي
ام عبير * شلون اتريد ااكدلك
* تكتبيلي ورقه بالمبلغ حتى لو فكرتي اتهددين انا عندي ضمان وهيج خالصين
ام عبير * اتريدني اكتب على نفسي ورقه كل عقلك اذب تفسي بالهلاك شوف غيرها
ااتقربت يمها حطيت ايدي بجيوبي
* شوفي انا رجال صايم مصلي ما عندي لف و دوران وهاي الامور هاي وحده ثنين اخوي رجال شايل عيبه سنه سنتين العالم تنسه
بس انا هسه واكف اتفاوض وياج بسبب البنيه الي ويا اهلها يذبحوها سكتت شويه حكيت لحيتي
اكلج تدرين شلون تستاهل الذبح انسي وجن ما صار هالحجي يلا اترخص روحي اشتكي على اخووي عسا ينحبس و يتادب
مشيت كم خطوه ظليت احسب للعشره وصلت رقم 8 وصاحت لحظه وكفت بس بدون ما التفت
ام عبير * ما فهمتني الورقه مال شنو
* يابه انسي كل عقلج دافع 20 مليون بسبب ثنين زنو انا شعليه خلي اهلها يدفعولها
وكملت مشي اجت وراي اتهرول لان امشي سريع ومتلحك عليه
ام عبير * اوكف خلي نتفاهم تره مابيه حيل اركض
شفتها صدك وكفت ظلت تتنفس سريع مابيها تمشي
* بشنو نتفاهم ما فهمت
ام عبير * 15 واعتبر الصور احتركن
* هيه خمسه وما اشوف وجهج بعد
ام عبير *قليل اهواي خليهن عشره
* تؤ خمسه وبس
....
سمعت صوت من وراي هاي شجاي تسوين
