خنكني وهو يحجي
* مو بهاي الطريقه اختج اتزوجت مو مشكله اذا تزوجتي مثلها
امي بالباب اطك وتصيح مو هيج اتفقنه
اتخبلت وانا اسمع كلامه وكلامها معقوله امي مسولفتله على في
للحظه استسلمت ونهد حيلي شفته هو هم رخت اعصابه بدل ما جان ضاغط عليه باوع بوجهي وبتسم
* هسه صرتي تفتهمين
استجمعت كل قوه وقهره بگلبي ودفعته ورحت على سندانه ورد مصنوعه من الجص اعتقد جانت موجوده باغلب البيوت قديمه ومثلومه وصبغها طايح بس قويه
اخذتها وركعتها براسه وهو عاط كعد بمكانه وانا استغليتها فرصه ركضت للباب فتحته
شفت امي واكفه وتباوعلي وعيونها تتفحص دفعتها
* كل عقلج اتدخلينه عليه كل عقلج ظليت املخ شعري واصرخ بعلو صوتي
سمعت صوته وهو يصيح ويتوعد اليووم ما ارحمج
التفتت علي شفته كام وانا ركضت بس وين ما ططاعرف وين اروح امي كضتني
اوكفي خلي افهمج نتلت ايدي منها وصحت بيها ووخرري عني اكرهج
ما شفت روحي الا وانا بالشارع
اسمعه يصيح كضيها لا تفضحنه
رحت البيت خاله وداد ادك بالباب حيل محد اكو فلشت بابهم ماكو رد
فتح باب بيتنه وطلع خازرني يحجي من بين سنونه ويتلفت يمنه يسرى
* ادخلي فضحتينه العالم شتكوول
اجه تقرب يمي خطوتين وانا شردت ركضت بدون وعي معرف وين رايحه اركض وملتفته وراي علي وهو يمشي وياشر تعالي
نصدمت بشخص وطحت بالارض باوعت علي بعده يمشي وامي بالباب
من كثر التعب الي بگلبي خليت ايدي بالارض حتى اكوم ما اكدر انمدت ايد الي وهيه تصيح اسم الله خاله شبيج باوعتلها والا اشوفها ام انور ما صدكت
* خاله فدووه لحكيني لتخلينه ياخذني وديني البيتكم لو خابري خاله وداد
* كومي يمه امشي وياي انا لو وداد شنو الفرق
كومتني من ايدي واخذتني البيتهم وجنت اعرج رجلي ملتويه وكوه امش ومن خوفي ما التفتت وراي بعد
رحنه بيتهم دخلتني للاستقبال
* ظلي هنا يمه اجيبلج شي تلبسينه
باوعت على روحي انا بدشداشه نص ردن وطالعه هيج لا حجاب لا ستر
كعدت على القنفه خليت ايدي على وجهي وظليت ابجي من كل گلبي وين علي يجي يشوف اخته
شويه ودخلت ام انور جايبتلي جبه وحجاب من البنات لبستهن شربت ماي اهدي روحي
