اجه باتجاهي مبتسم اشرلي براسه ولاف دورتلي حجه رايحه اجيب ماي ورحت بنفس الاتجاه الي راح بي
جنت طايره بوقتها معبالك امشي بالارض
لكيته واكف على صفحه رحت سلمت علي
رافد* يا هلا في شلونج مشتاقلج
** زينه حمد لله شلون صار اخوك
رافد* الحمد لله زين بس منين تعرفين اخوي مريض
اتذكرت عاصم گلبت وجهي
** من صديقك الي دزيت بيده الرقم رافد همزين اتذكرت جانت طلعه محلوه منك ابد محبيتها
يلا اترخص
رافد* لحظه لحظه تعالي يا صديق الي دزيت بيده رقم
** لتغشم نفسك رافد
بسرعه وجها انگلب وتعصب حجه من بين سنونه
* احجي عدل في
انه هم حسيت على نفسي جفصتها
هديت روحي وحجيتله كلشي عافني وراح متحلف بعاصم
مدري ليش فرحت مجرد حسيت هو مداز رقم بيد صديقه
رجعت يم البنات شاكه الحلك من الذان للذان وهنه ووحده تباوع بوجه الثانيه
جانت عدنه اخر محاضره رحنه للقاعه وخلصناها بطلعتنه وكفت انتظر اودعه
اتعده من يمي محجه وياي عرفته زعلان عليه
كلت يله باجر اراضي لان اجه ابو الخط ورحت ويا
...
ظلينه كاعدين بالسياره ننتضر حلة المدرسه كل ما اريد انزل ميخليني
انور* لتخافين تره مظلل محد يشوفج اطمني
* مخايفه انا بس مليت وضجت شنو معناها محبوسه هنا
انور* مخايفه مني متاكده
* طبعا متاكده وليش حتى اخاف
انور* لعد ليش ترجفين و وجهج اصفر
غلست منه درت وجهي اباوع من الجامه صدك خايفه منه مو كذب بس مريد ابين اله
انور* راح امشي السياره اريد اشغل تكييف مو زين عليها اشغله وهيه واكفه
هزيت براسي اي لان مفهم بهاي الامور مدري صدك مدري يكذب عليه
مشه بينه السياره صارت بارده نعست ميلت راسي وظليت بين النايمه والكاعده كلش نعسانه
انور* يبنت كعدي صارت الحله
* خلوني نايمه والله نعسانه
انور* لو عليه اخليج العمر كله نايمه يمي بس بعده وكت كومي اختج طلعت
طفرت وستوعبت انا وين فركت عيوني عدلت حجابي وفتحت الباب انزل كض ايدي
