بنات اعتذر صار كم يوم اكو مشكله بالواتباد انشر وما يطلع يكلي ستتم الاعاده وماكو ف سويت ايميل جديد وسجلت و و و و حذفته ونزلته جديد والحمد لله .
شوفي خاله في شترديني اكلج امج حلفت عليه تطردني لو فتحت موضوعج
* ليش مو بتها انا ليش معرفت رجلي مات وهاي كلها ايام وتخلص وين اولي وين اروح
* والله يا يما هذا الصار وهذا الجرى وشبدي عليج
كعدت علي الكرسي منهاره ميته قهر دموعي تنزل
حطيت ايدي على خدي وكلتلها وعلي شنو كال
* ما شفته ولا جاي اشوفه اخوج لاهي بشغله
مسحت دموعي وطفرت يمها
* شنو خاله علي صار زين وظل يطلع يشتغل بس شيشتغل هو شعنده غير الستوته
* لا يما علي فتح سنتر وحط رجل صناعيه واموره زينه وبخير
* منين جاب فلوس السنتر
كعدت تحجيلي وصدمه بعد صدمه ورث وعلاقتهم بعمي شلون قويه صايره انقهرت انا مثل الغريبه عنهم بتهم وما ادري باخبارهم وفرحت لان امورهم صارت تمام
عفتها وطلعت للحديقه كعدت ابجي دموع فرح وحزن ظليت لحد ما سمعت صوت سيارة سيف كمت دخلت للغرفه
بين صفناتي اتذكرت شكي بحملي دعيت كون يطلع مجرد شك وين اروح بالطفل هو انا ما اعرف وين راح اولي
عمتي جانت يوم عن يوم تذبل موت رافد و طيحة عمي ومشاكل مروه ولجين
اشوفها تقهرني اكثر اوقاتها كاعده صافنه
بيوم كاعده يمها واجت صفا
* يما والتالي ويا مروه تعبت
* يما شسويلها اذبحها لا تستحي لا تخجل ومرت اخوج مثلها لا يحترمن انسان جبير بالعمر لا انسان مريض شسوي
* والله مو حاله هاي كولي السيف عليهم خلي يطلعون
ويا ما جانت صفا تشكي لمها دخلت مروه مثل الاعصار اتعربد
* هااااا گحـ...... تحجن عليه روحجن اطلعها اليوم
كامت صفا بوجها وكل وحده بحجايه وصارت من الروس
عمه ما تحركت ظلت كاعده وتبجي دخلت خاله وداد اتفكهن
اجت سمر تشمت بمروه مروه عافت صفا ودارت عليها وهم وحده تملخ الثانيه جنت ماخذه دور المتفرج
خلصت سمر روحها من مروه واخذت جهالها وطلعت وهيه تتوعد وتتحلف
شفت عمتي صار وجها اصفر وشفايفها بيض رحت ركضت جبتلها ماي تشرب
