اوصيكم باعمال ليلة القدر شأنها كبير عند الله غفر الله لنا ولكم وللمؤمنين بحق محمد وال محمد
تصوويت ★ بنات قلبي
فتره متجنب بيت اهلي على كد اشوف امي و ابوي بس اوقات احداث تصير تجبرني اروح
الحياة صارت ملل وكل وقتي بالشغل رجعت وليد للفرع ماله بس مو مثل قبل ما يكدر يمشي اموره الا بتوقيع مني وفتحت فرع يشتغل بي رافد وهذا الفرع اهواي انطلبت علي دين
وجنت احاول بكلشي اكدر علي اكبر شغلنه واسم ابوي
جنت اخلي التعب على التعب في سبيل مستقبل اولادنه كاعد بالمكتب و افكر صار سنتين متزوج ليش لحد هسه ما حبلت لجين
جان ميهون عليه اروح افتح وياها الموضوع اخاف يطلع العيب بيها وتتاذه حسبه تجيبني حسبه توديني
ورافد منا الي فجئه ما اعرف ليش طلع من البيت
واجت على بالي شنو حالها شنو جاي يسوي بيها رافد معذبها لو يمشي وياها عدل
شعليك سيف شعلليك كوم العن الشيطان و ولي للبيت
نكتت الافكار من راسي وطلعت متوجه الرافد شفته هم يريد يطلع
سلمت علي و وكفت بباب المكتب
* ها ماكو اتفضل اتغده يمنا لو ما عندك اكل
التفت عليه باوعلي بنظره استغربتها
* ليش سيف امي وين شنو مطابخين
* هاي شبيك رافد شهالبخل
،طكيت على كتفه وضحكت يابه بس جنت اريد اشوف نفسية اخوي
* انت وين جنت منين جاي
حك لحيته ويباوع بالارض
شنو سيف بس لا رحتلي للبيت
* لا رافد شسوي اروح بيتك واعرف بيك هنا و حتى لو اتصل عليك لو اريد
امشي امشي مطلعت حجايه تعال انت تغده يمي امي مسويه دولمه اتخبل
* لا ما اريد روح بالعافيه عليكم
دار وجها وعافني ظليت قلق شبي شصاير ويا كلت خلي امي العصر لو بليل اتروح عليهم وضعه معاجبني
رجعت للبيت تلكتني لجين بمصاختها وتفاهتها
ولو صارلها فتره كل ما ادخل اتظل اتباوع بوجهي وتسئلني صاير شي او لا ودائما خايفه ومن اصيح عليها تطفر بوجهي شبه مرعوبه
هاي صار يومين رجعت طبيعيه
الف مره سئلتها اما تكتفي بالسكوت او تغير الموضوع
رحت سبحت وطلعت اتغده يم امي حجيت وياها بخصوص رافد عود زعلانه علي توسلتها اتروح انا اعرفها گلبها عنده بس اتكابر لان عزل
خلصنه وعلى استكان الجاي كعدت اتسولفلي عن خطبة مروه ما صدكت تتزوج و زوجها هم يريد يسافر خارج العراق جايتله بعثه كلها ايام ويكمل اوراقهم ولليوم انا ما احجي وياها
