كعدت يمه نشرب جاي وبده يحجي
* في انا عقدت عليج الخاطر ابن رافد وانتي تعرفين الاسباب
بس ما اجبرج تعيشين وياي وانتي ما حابه اعرف ضغطنه عليج بس اريدج تفكرين اخذي فتره وكلبيها بعقلج تحبين تكملين بهاي حياتج او تنفصلين وابنج عندج
** يعني تقبل اخذ ابني واطلع منا زين وعمه توافق
* امي مردها توافق بمرور الوقت بس انا جاي احس بالذنب انتي بعدج صغيره
اهذله رشفه من الجاي وباوعلي وتغيرت نبرت صوته
وحلوه والف من يتمناج
سكت وجر نفس وكمل
ممجبوره تعيشين بمثل هذا الوضع روحي كملي دراستج وربي ابنج والج مطلق الحريه بس
حطيت عيني بعينه كلبي لعب من كلمة البس هو جان يشرب جاي
اذا تتزوجين عذريني ابن اخوي عندي ما اخلي غريب يربي
** يعني بثواني غيرت كلامك هسه كتلي الج مطلق الحريه
* النفسج انتي ابن اخوي اسف صعبه عليه اخلي الغريب يربي
ردت احجي مخلاني كال فكري الا تاهذين قرار اما تبقين هنا معززه مكرمه وهاا تحبين ترجعين الدراستج ما عندي مشكله او تحبين اطلكج وترحين لهلج وتشوفين حياتج بس مثل مكتلج حدي وياج اذا اتزوجتي ابن رافد عندي
رحت للغرفه تمددت افكر
اذا رحت لهلي منو كال علي يتقبلني هو انا رحتله مره وطردني زين اذا تقبلني يقل ارجه اكمل
يقبل يحتضن ابن رافد
غفيت من بين كل هالتفكير الصعب
كعدت على صوت عمه اتلاعب يوسف
شلت راسي سلمت ردت من وره خشمها
* كومي طلعيله هدوم عمت الولد هنا وتريد تشوفه
كمت غسلت وجهي ورحت طلعتله ملابس وبدلته بيدها مقبلت انا
اهذته وطلعت وصاحت عليه غيري وتعالي واي شي يخصكم لا تحجينه
رحت هم بدلت ملابسي وطلعت وره عمتي دخلت للصاله سلمت عليهم
وبين السوالف عمتهم ام باقر سئلتني صلوات سيف تمم زواجكم يغني اي احسن زين اتسوون الخاطر هالطفل
باوعت بوجها معرفت ارد نقذتني عمتي وجارتها بالحجي
اي خيه عينه على ابن اخو وعسا الله يرزقه بطفل ثاني
رفعت عيني بعين عمه مستغربه خزراني
وغيرت الموضوع
وجانو جايين يحددون موعد خطبة صفا و باقر وتحدد بعد اسبوع
