الدنيا احسها جاي تضغط عليه من كل ناحيه
امي ومرتي والمعارض والشغل كلهن عادي الا انت يا وليد مو عادي احزام ظهري لا تنكطع انكسر
كاعد بالمكتب واجر جكاره وره جكاره دخل عليه ابويه دفع الباب حيل بسرعه التفتت اله وجها مخطوف
طفرتله شبيك يابه
حجي سلمان * ولك بويه شهالخبر طمني
جريته كعدته على القنفه فتحت دكم الدشداشه مالته نطيته ماي
حجي سلمان* كلشي ما اريد بس كلي شنو هالخبر
** ارتاح يابه فدوه عندك السكر انت محلوله وتهون شبيك
حجي سلمان * بويه يا محلوله انت اتروح بيها انت المسؤل
باوعت بوجه ابويه وبتسمت اريد اطمنه لان وجها نشف وخفت علي
**يابه انه كدها تره تربيتك ابن الحجي سلمان مو شويه
هدي ولتهتم وتنحل اصلا حليتها والبضاعه كلها يومين وترجع
حجي سلمان * صدك بويه لكيتوها طمني لا تلعب باعصابي
كمت بست راسه
**اطمن يابه صدكني كلشي تمام
كعدت مقابيله فتحت تليفوني وراسلت محمد
بعد عشر دقايق اتصل وكلي راح انرجع البضاعه وانا افهمك
خليت التليفون على صفحه وظليت اسولف ويا ابوي
ومسوي نفسي مشغول باوراق يمكن اطول عشر دقايق مرت بحياتي
اتصل محمد ويا دخلت وليد اشرتله بيدي لحظه
فتحت التليفون وخليته سبيكر
محمد / ها العضيد شلونك طمني عنك
/ هلا بالاخوه كلها حبيبي طمني
محمد / البضاعه لكيناها وكلشي تم وراح ترجع وعرفنه منو الي غدركم
وليد من سمع مثل الي انكرص وطفر من مكانه وصفن بوجهي
من حرگتي ما رديت على محمد مجرد سديت التليفون
حجي سلمان * الف الحمد لله يابه لو تدري شكد جنت خايف عليك لان انت بالوجه وانت المسؤل والتجار ما راح يرحمونك يلا كوم وصلني للبيت هسه ارتاحيت
بدون حجي رحت اخذت ابوي وطلعت بس نطيت نظره الوليد وهزيت راسي مع الاسف
كل هذا وجان عندي امل انا غلطان او مجرد شك
اجتلي رساله من محمد اذا معندك شي تكدر اتمر عليه
...
احس صار عندي حافز الصبح اطلع حتى بس اشوف انور شلون يريد يحجي وياي وانه الي ما انطي وجه عرفت هو يحب الصعب وكل ما اسوي هيج راح يزيد اكثر
