.
اكو امور تظل مخفيه احسن لان ظهورها يسبب وجع ونكسار للاسف خاصه من تكون من ناس نعتبرهم ارواحنه مو مجرد ناس
..
طفر علي من مكانه
*يعني شنوو حق عام متفقنه هالشكل
* لازم يا اخي هيه ضربت البنيه ونهزمت وتره انا لو لا تدخل الضابط محمد لكان القضيه اخذت مجرى اخر
* حلها شنو ما اريد اختي تنسجن
الضابط جانت عينه تتنقل بيني وبين علي
ثواني ودخل الضابط محمد و تبعه سيف
جنت كلش ضعيفه ومسيطره على وكفتي بالدعاء
اقره بگلبي ايات
هذا الضابط من شاف محمد وكف ودكله تحيه وكاله تفضل سيدي
علي وكف سلم عليهم وخلاني وره ظهره
كضيت بقميصه وعبالك راح يطير
محمد * ها العضيد شنو سالفت بتنه شصار منها
ظل يحجي و يسولفله وشنو لازم يتخذ اجرائات
سيف تقرب يم محمد وشاوره ومحمد بتسم
صاح العلي تعال ستريح جريت قميصه
كاله خليني يمها
* اي ياخي جيبها وتعالو استريحوا
مقبلت اريد اظل وره علي مريد اشوف احد او احد يشوفني
اشرلهم ورجعو للموضوع
محمد * طلع جكاره ورثها وقدمها للكاعد وره الميز
هيه بتنه وتخصنه ومنه وبينه
وهاي الامور تنحل بغير طرق مولو مو مو
* اكيد سيدي وانت تامرنه
*طلع ورقه وكتب تم دفع كفالة المتهمه دار وجها على علي سئله الاسم
الي رد سيف ونطا اسمي الكامل
كملو كلشي واخذني علي وطلع خارج المركز
التفتت وراي ممصدكه
** هاي شنو علي هاي هيه يعني
* هاي هيه خلصت لو تردين ترجعين
** لا دخيل الله بس ما مصدكه خلصت
جنت احجي وابجي وامسح بدموعي حضني وتجهنا للسياره
انور هناك يباوع ويهز بيده
تحمدلي السلامه وتباركلي
والتفت على علي كاله يوم تفض الثانيه وجرها حسره
علي هم دنك راسه وتحسر معرفت شنو يقصدون
* يلا يمعود خلي نتوكل
