ابتعدي منها
* ليش انور وبعدين باي حق اتبعدني عن صديقاتي
جر نفس ودار وجها على الجامه يباوع للشارع
* انور تره اتاخرت امي تـكلب الدنيا عليه حتى لو علي وابوي مموجودين لازم اروح
انور* بان مو خوش بنيه لا هيه لا اهلها لتمشين وياها وهاي جاي احجي بكل هدوء اذا شفتج تمشين وياها اكسرج
* باي حق اتهددني افتح الباب خلي انزل شي ميخصك عندي اهل انا يحاسبوني
جرني من حجابي
انور* ليش متخليني هادئ انا مخبل يبنت لا تستفزيني حجايتي وحده تتركينها يعني تتركينها
شغل السياره و وصلني نزلت بسرعه مقهوره منه
دخلت للبيت امي عاطت بيه و وين جنتي اجت حته رادت تضربني معرفت شنو اكللها طلعت سرى
* يماااا موكتلج جانت تكتب هالصفحتين يم ورده
عافتني وصاحت اذا تنعاد مدرسه ماكو بعد
رحت دخلت للغرفه
سرى* شبي وجهج مخطوف شراد منج
* حذرني من بان يكول مو خوش بنت
سرى* وانتي شنو راح تسوين ويا بان اساور تره انا سمعت كلشي انتي وبان وشلون هددتج لازم انكول الامي او في او حتى هو انور خلي يتصرف وياها
* شترديني اكله تعال جنت اريد العب لعبه وصارت صدك ها ست سرى كليلي شتتوقعين ردت فعله ابسط شي يروح العلي يكله
سرى* والحل اذا صدك هيه مثل ميكول انور اتسويها وميهمها شي ورطتي روحج و ورطتينه
كعدت حضنت نفسي كلت اشوف في بلكت اتساعدني
ظليت كاعده منتضرتها بس دخلت في حالها ما يطمن رحت يمها حجيت ابد ما ردت صلت ونامت حتى متغدت انا هم متغديت للعصر كعدتنه سرى سمعنه صوت الزفه مال ريم همزين علي مموجود جان اشكد احترگ گلبه
ظلت سالفة بان والورطه الي اتورطتها تاكل بگلبي
اجت ببالي شغله اسويها لو تصيب لو تخيب
...
راحت الناس و دزيت على رافد
دخل ميحط عينه بعيني باس راسي وكعد
* ما عرفتك شنو هاي الاخلاق
ما رد بس نزلت دموعه قلقني
رافد شبيك تره انا المكتول مو انت
رافد* بس بسببي سامحني سيف والله رحت الهم بس ملكيتهم محد بلبيت والباب مقفول من بره
* لحضه لحضه شنو رحتلهم المن وهمه منو فهمني
رافد * جنت طالع من الدوام واجتلي رساله وبيها صورك وانت مضروب
