* شوفي في يما انتي تعرفيني من سنين وانا مربيتجن على ايدي وافقي على سيف تره عند اهلج مالج مكان
*غصب عنهم شنو اظل بالشارع لعد
* يا يمه صدكيني اهواي امور اتغيرت هاي صار سنه مو شويه لا عبالج امج هيه نفسها لو علي هو نفسه لا يما لا
جرتها حسره ودكت على كتفي وافقي احسن الج سيف ورده مالت الله ومتاكده يحطج بعيونه وهم اعرفهم ما ينطونج ابنج لو تتثالث الدنيا
عافتني وطلعت وخلتني بناري
بليل كاعده بالغرفه دخل عليه بدون كلام هز راسه بمعنى شنو
وانا هزيت راسي بالموافقه
اي وافقت على سيف من لا چاره من رديتله جوابي وكف صفن للحظه وطلع وركع الباب
دخلت عمتي بوستني وتشكرت مني وكاني مسويه انجاز
كعدت بالارض ظليت ابجي مو هاي العيشه الي جنت احلم بيها و اخطط الها
يوم ثاني اجه الشيخ يعقد وصرت زوجت سيف
الي حضرو بس زلم عمام سيف وباقر و وليد ومحمد صديقه
خلص العقد كلها طلعت ظل بس هو
جنت واكفه بالمطبخ اغسل الاستكانات
دخلت عليه سمر اطك بالعلج
* وين اكو عروسه تعقد منا وتغسل منا
* لان اعرف يخيسن ومحد يغسلهن
* حبيبتي هذا واجبج ولا عبالج صرتي مرت سيف يعني عود مرت الجبير والكل بالكل تره مطايقج واصلا سمعته راح يرجع لجين
اخذت الطاسه البيها رغوه واشرتلها بيها
* عيونج تريد غسل مو
طكتها ضحكه وطلعت
لميت الفضله مال المطبخ وطلعت اذبها
بدخلتي للبيت عمه سئلت وين سيف اشرتلها ما ادري
عافتني ودخلت للاستقبال سمعتها اتكله شبيك يما صدك جذب
ردت ادخل ما كدرت اخذتني رجليه الهم
* شوفي يما الي ردتي سويته بعد لا اطلبين مني اكثر
* شطلب منك بعد اهم شي ابن اخوك بحضني
* وهاي هيه انا عقدت عليها حتى ابن رافد يبقى بحضنج ما اريد يوم تجين تكليلي عاملها كزوجه لو خلفلك طفل منها كلشي يبقى مثل ما هو هيه يمج وانا ببيتي
* هذا شلون حجي سيف البنيه بعدها صغيره واخوك الله يرحمه ...
ما خلاها تكمل صاح بصوت عالي وسعمت شي انكسر
* ابد يما ابد لا تكملين وهذا الي كلته تره مثل ما عقدت عليها اطلكها واهج تعبت حيل تعبت
طفرت دخلت للمطبخ
بعد ما سمعت رد عمتي شنو
