فتحت ايدها بيها شريط حبوب شايفه انا قبل واعرفه امي جانت توصيني علي باوعتلها
* هذا شنووو لجين
* مو الي موو الي والله
* لجيييييين منو هنا عندج تستعمل الحبووووب ليش خايفه هالكد اذا مو الج
اكتفت تبجي ضربتها رااشدي طلعت حركت گلب مال سنتين
لج سنننتين صاررر اتحسر على طفل وميهوون عليه افتح وياج مووضوع لا تتاذيين سنتييين لج سنتييين غاشتني وانااا مثل الغبي اوصي امي يما لااا تحجين وياها عن اطفال تنقهررر
دفعتها رجعت ضربتها بوكس صار بعينها
باااعي لج المره الي متريد اطفال من رجلها ثنين بس اما جاي تخوونه وخايفه يختلط عليها النسب اوووو تكرها وبكل الاحوال ما اجنيج انا
نار بگلبي لو اگطعها ما تبررد عطت بيها كومي لبسي اشمرج على اهلج
وطلعت لاعن الشيطان لان لو تظل يمي اخلص عليها
شغلت السياره وهيه اجت وراي تركض شمرتها بباب اهلها بدون حررف وشخطت السيارره ورحت للكورنيش
ضايگ صدري تعبان من هالدنيا ليش كلهن عليه
ظليت لحد ما اجت دوريه شرطه فتشو السياره وفتشوني عبالهم شكو لان الوكت متاخر
فتريت ورجعت للبيت
رحت الغرفتي القديمه الي ببيت اهلي ونمت هناك
كعدت الصبح طالعه روحي نزلت بدون ريوك رحت للمعرض اريد بس شي الهي نفسي بي
ابوها حرك التليفون حرك ما رديت علي
ردت يهده بالي لان العصبي ما يعرف يتصرف
احس روحي نغشيت صار سنتين انتضر ومقدرها وخايف افتح وياها الموضوع وتتاذه
من زوجة وليد تحبل وتجيب انقهر اكول هسه تغار وهسه تتاذه وبالتاالي طلعت هيه الما تريد وتشرب حبوب اشكد فكرة بمشاعرها هيه ليش ما فكرة ليش دوم انا الي عادي ينداس من اخ من اخت من زوجة
يومين ظليت على هالوضع حاكرها هيه و اهلها
محتار شلون احاسبها
الدنيا عصر وكاعد بالمكنب
دخل عليه رافد يباوع بالمكتب اشرتله تعال هنا
كعد بدون سلام شمر روحه على التخم الجلد بتعب وتنهد تنهيده مالت شايب عمره 60 سنه
* شبيك رافد
*كلشي بيه سيف كلشي بيه
* احجيلي يمكن اكدر اساعدك
* بنت الكلب العندي ما تمشي عدل كلشي سويت وياها سيف مجاي تصير جوه طوعي ما تحترمني لك محسستني انا ولا شي
