تصويت ★ بنات فد لا تنسون
نزلت وبيدي علبة المنظف بطلعتي من باب المطبخ وسمعت اصوات توسل فدوه ، الله يخليك ، يعمري
وكفت اريد افرزن صوت منو هاي
بباب المطبخ اكو دنكه عمه مسويه رفوف بينها وبين الحايط وتارستها سندانات ورد يعني كفاصل مسويتها بين باب المطبخ وباب الصاله
طليت رافد واكف متصنم وايدين محاوطته
مديت راسي اكثر شعر بدني وكف عقلي جمد حسيت الدنيا وكفت
وانا اشوف لجين حاضنته وتتوسله بس هالمره ما ظلت وحده مواصل الها ليش يمي صرت تستحرم
ورافد واكف مثل الجامد عبالك صنم
لحد شويه التفت عليه خنكها وعصرها علي الحايط وتفل بوجهاا وتولاها راشديات
فتح باب المشتمل البينه وبينهم ودفعها جوه
طلعت اشوف شنو حاي يصير بس بلحظتها جسمي كله جان يرجف اريد اسيطر على روحي ما اكدر شنوو هالقبااحه شلون تعرض نفسها على حماها
طلع رافد من بيتهم وسرك الباب البينه شافني واجه يركض عليه
دفعني على الحاايط
* والله اذا كلمه انحجت من الي شفتي احسب الله ماخلقج فاااهمه
دفعني وعااط كلجن بر..........
ظليت بمكاني ما مستوعبه الي شفته اتذحرت اسئلتها عن رافد وكل ما اكعد تفتحلي موضوعه
كعدت بمكاني بالارض اريد ابلع ريكي مينبلع من هول الي شفته
رافد صعد شويه ونزل مغير ملابسه شغل السياره وطلع وهو خازرني
ظليت فتره على كعدتي
طفرني صوت خاله وداد وهيه تسئلني شبيج ليش كاعده هالشكل
جريت نفس وكمت غسلت وجهي مرتين وثلاثه عفتها وصعدت للغرفه
تمددت على الجربايه وعقلي يودي ويجيب
هل هاي اول مره معقوله رافد مسويها بس لا شكله جان حيل مصدوم سمعته من يكللها لج سيف ما وكف بعينج
دخلت خاله وداد عليه
* ولج شبيج صايرلج شي ليش هيج ذابه روحج
باوعتلها بس هزيت راسي كعدت يمي حجت وتعاتبني ليش زعلانه وانا شبيدي كلشي ما فهمت منها حجت حجت وطلعت بالي وين انا اذا عرف سيف شنو راح يسوي او رافد راح يسكت لو لو شنو يصير اخذتني الغفوه ونمت وانا التفكير مسيطر عليه
لليل كعدتني عمه كومي كعدي مغرب مو زين
كمت غسلت وصليت ونزلت يمها جايين ناس على مروه وعمه ممصدكه اتريدها تنخطب وتتزوج
