معقوله لهاي الدرجه يما انتي مستوعبه كلامج زواج شنو جاي تفرضينه علينه
* استرر واحسن لو مثل اختجن بسواد الوجه يلا ترتاحن
هاي العندي حجيته وها الي اتريدني ارضا عليها تقبل بابن عمها والماتقبل بريه منها اليوم الدين
عافتنه وطلعت باوعت بوجه علي هزيت راسي كتله منو هاي المرره هاي امي علي الله عليك هاي امي بدور
* معليجن بيها انا بضهرجن روحن بدلن ويلا تعالن خللي غده ميت جوع
يحجي ويبتسم ويانا عود يغير الموضوع
مسحت دموعي وطلعت دمي محترك اشلون تريدنه نقبل بولد عمنه يمشون ويتزوجون وعيشتهم غير عيشتنه
يمكن فهد نكدر نتناقش بموضوعه بس اسد شلوون متزوج ثنين اخ يما اخ .
بدلت واخذت صينيه الغده يم علي صحت على سرى ما موجوده
كمت للغرفه حمام مطبخ ماكو اتعديت يم غرفة امي سمعت صوتها تبجي
ظليت متصنته
سرى* يعني اذا قبلت بفهد انتي ترضين عليه وترجعين وياي مثل قبل
* اي اقبل عليج واخلي عليهم مؤخر يكسر ظهر فهد انتي بس قبلي وهذا ابن عمج وزلمه معدل
ورايحه مكمله تحمد بفهد الي ما عرفنا الا من كم يوم
فتحت الباب ودخلت سويت هجوم وصحت بسرى
* كل عقلج وولج احنه وين وهمه وين اصحي اصحي
سرى * ما يخصج انا قابله لا تدخلين
كامت حضنت امي والمصيبه امي اتكللها كلها يومين ويجي عمج واكله
اتجاهلتني وطلعت رجعت يم علي
* سمعت جاي تشوف امي شنو اتسوي
* معليج بعدين نحاجي سرى تعالي تغدي هسه ولا تضوجين
كعدت يمه عود نتغده الاكل مثل ما هو اعرف علي ضايج اكثر مني وما بيده شي
اجت يمنه سري حجينه لمن ملينه متخذه قرارها وما تقبل نقاش
بليل راحت يم امي نامت اعصابي احتركت سرى مو مثلنه اقل شي يبجيها وابسط شي يراضيها وبسرعه ينضحك عليها
الي عرفته عنهم وحوش وكل تقدير للمره ما عدهم المره عباره عن انسانه اتلبي خدمات زوجها و اهله
نمت وانا كل الي ببالي احنه وين وهمه وين
...
خطار رايح جاي يتحمدون السلامه الاخو رافد
رافد سطرني عدلي بدلي غيري باعي متلحكينهن استحي يكولون انتي مرتي
عبالك مكافي خلوني اذب الاسود لا تعالي خلي مكياج وانا گلبي بعده محروك علي ابوي
