صار وقت انتهاء الدوام وشفت انور منتضرنه كالعاده
باوعت بوجها وابتسمت و هو ردها الي اتعدت بان من يمي كالت شفتي شلون يضحكلي اساور انا لو شنو اسوي ما اجازي وكفتج وياي
وتعدت اشرتله بيدها سلام وراحت للسايق مالتها
وكفت بمكاني اريد استوعب كلامها يرن باذني شتقصد بان
اجت سرى تستعجلني ورحت وياها كعدنه يسولفون هو وسرى وكال باجر انا دوام ومراح اجي كل الطريق يحجون وانا ما حجيت حرف بالي وفكري يم بان معقوله بينهم علاقه وانا ورطت نفسي بحب
انور
وصلنه البيتنه شفنه سيارة بيت عمي دخلنه جوه والهوسه مشتعله نريد نفهم ماكو عمي كالب الدنيا وعلي يرد علي وامي كاعده متربعه وخاله ايدها علي خدها
شفنه زينه واكفه علي صفحه رحنه سئلنه شكو شصاير
كالت على في ليش مزوجينها بدون علمنه
رجعت يم علي اسمعه يبرر العمي البنيه من زمان مخطوبه والولد استعجل وجانو عازمين ناسهم و و و و
ختمتها امي من كالت سالم احنه حتى زاعلناها وما تجينه بعد بسبب هالزواج
سالم* مو مشكلتي الزواج مشكلتي انا عمها شلون ما ادري وما احضر
علي* بعد صارت عمي واعذرنه ما متعودين على وجودك
شويه وهده الوضع صاح علي صبو غده
شفت مرت عمي ام زينه بالمطبخ رحنه بدلنه وغسلنه يلا عرفنه نسلم عليهم من الهوسه الي جانت
طملنه كلشي وتغدينه وخلينه الجاي
عمي فتح موضوع زينه
علي* يا عمي البنيه طفله ليش تربطها بواحد مثلي
سالم * انت ابن عمها واذا مو بت عمك اتشيل همك تنتظر الغريبه تشيلك
راد يحجي علي مخلا كاله بعدني على حلفاني
سكت علي بس وجها مطعون طعن وزاد عمي من نطا قراره الثاني
...
سمعنه عيطه بالبيت نزلنه نركض شكو شصاير بهالليل
مروه تدفع بامها و اختها وهنه يجرن بيها وصفا هيه الي صرخت
طلع رافد مصدوم يباوع بالوجوه
شفت امه مثل الي نصدمت وخافت من شافته
رافد* شنو صاير هنا احد يفهمني
مروه استغلتها فرصه من التهن ب رافد دفعت امها و اختها وطلعت تركض
ولحكها رافد اسرع منها صار وصلت باب الشارع فتحته وهو الباب نفتح رافد وسع عيونه على حدهن وجر واحد من الشارع خمطه دخله للبيت يحجي ويا
