To Love You (Completed)

Part 31

ထိုနေ့ကကိစ္စကြောင့်ကျောင်းရှိကျောင်းသားကျောင်းသူများအားလုံးကြား ထယ်ယောင်းနဲ့ဂျောင်ကုတွဲနေတာသေချာသွားပြီဟုသတင်းတွေရှိနေသည်။

ထိုအကြောင်းအရာကအခုအချိန်သူတို့ကျောင်းမှာ Hot ဖြစ်နေပြီး ကျောင်းရဲ့ website တွေမှာရော *ဂျွန်ဂျောင်ကုနှင့်သူ့ကောင်လေး* စသဖြင့်ပလူပျံနေလေသည်။

သဘောကျသူကများတယ်ဟုပြောရမည်။ သူတို့နှစ်ယောက်လိုက်ဖက်လွန်းပါတယ်တွေရောမှတ်ချက်ပေးကြသည်။

ဤသို့ဖြင့်သူတို့နှစ်ယောက်ဟာကျောင်းမှာရော လိုင်းပေါ်မှာပါ Taekook အတွဲဆိုပြီးနာမည်ရသွားကြသည်။

လိုင်းပေါ်မှာဂျောင်ကုဟာအခြားအနုပညာရှင်တွေလိုမျိုးနာမည်ကြီးသည်။ သူတို့ရဲ့ Jeon Company ကြောင့်ရောဖြစ်ကာ စီးပွားရေးသမားတွေကြား Top 5 ထဲဝင်တဲ့ Company နှစ်ခုရဲ့သားနှစ်ယောက်ဟာတွဲနေတာဟုအမည်ထွက်လာခဲ့သည်။

သူတို့လက်ထပ်ထားတာကတော့အခုထိမကြေညာရသေး။ တစ်ချို့တစ်လေသာသိသည်။ ဂျောင်ကုကသူ့ကိုထယ်ယောင်းပြန်ချစ်တဲ့အခါမှတရားဝင်ကြေညာမည်ဟုဆိုသောကြောင့်မိဘများမှာလည်းငြိမ်နေပေးရသည်။

ဂျွန်ဂျောင်ကုကလည်းရတဲ့အခွင့်အရေးကိုအသုံးချကာထယ်ယောင်းကိုရင်ခုန်ပြီးသူ့ကိုချစ်မိလာအောင်နေ့မနားညမနားကြိုးစားသည်။ အမြဲတောက်တဲ့လိုတွယ်ကပ်နေသည်။ အဲ့ဒါကြောင့်ကျောင်းမှာလည်း play boy ကြီးတကယ်ချစ်မိသွားပြီ ဘာညာဖြင့်ဝိုင်းစနေကြသည်။

ထယ်ယောင်းလည်းသူ(Jk)ကအမြဲကိုယ့်အနားမှာပဲမခွာတော့ကြာရင်ရင်ခုန်လွန်းလို့ရူးရမည်ကိုတွေးမိပြီးစာသင်ချိန်လေးတော့အနားမှာမထိုင်ဖို့ကိုပြောထားရသည်။ မဟုတ်ရင်စာကိုအာရုံမရဖြစ်နေသည်လေ။

သူကလက်မခံချင်ပေမယ့်စာသင်ချိန်လေးနဲနဲမို့သာလက်ခံသည်။ ဒါတောင်အဝေးကနေထယ်​ယောင်းကိုဖလစ်နေတတ်သေးသည်။

အခုလိုစာသင်ခါနီးအတန်းမစခင်အချိန်လေးမှာပဲထယ်ယောင်းနေသာထိုင်သာရှိရသည်။ အခုတော့သူကသူ့သူငယ်ချင်းတွေနဲ့ရှိနေသည်။ အတန်းကစောသေးတာမို့မဝင်သေးတာနေမယ်။ ထယ်ယောင်းကဂျီမင်နဲ့အတူစာလုပ်စရာရှိသေးလို့နာရီဝက်ကြိုဝင်နေလိုက်သည်။