حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الأول

بسم الله الرحمن الرحيم
لازم اعرفكم على احن شخصيه واللي اتفزع كثير في الروايه وهي ماما لطيفه وهي فعلا الطف قلب هي ام عز الدين جدة ترف اللي ورثت أغلب طباعها وعمرها : ٧٥ سنه
غزال (ام مازن): بنااااااتتت خالتكم ندى جااايه
اوسان بلغة الاطفال : الله كنعان ايجي عندنا ؟
ام مازن: ايووه يالله كلم خواتك
جرى اوسان لعندهم ،وعند جدته والبنات :
ترف : دُجى قومي افعلي لنا اندومي الله يوفقش يا حبيبتي
دُجى : حركات الشحت بادب وكلام المعسول مش عندي
ترف : يخي انتي اختي الكبيره وهو لي ولش !
ماما لطيفه : يعني اللي اكلنا قبل ساعتين سلطه ولا مندي وكل ما لذ وطاب وتفعلين اندومي والله لو يشوفكن عز دين ابني اتكونين ذبيحه غدوة
ترف بضحك: ياخواني انا ما اكلت سوا لاني كنت اكرف ،الحق التنظيف ولا الحق الاكل وبعدين حرام عليكم انا جاااوووعهه، يا دُجى يوم بتطلبي واسوي لش !انا تاعبه وجاوعه
ماما لطيفه : يعني قدي وجبه الكسلى وعادكم تضاربوا من يسويها ؟
ضحكوا كلهم وقاطعهم اتصال من امل جاوبت ترف بكل فرح وقالت : قولي انش اتجي عندنا ؟؟؟؟
امل : اكككيد ايوة راجعه من النادي وقلت امر اكل امي في عرس وابي في الشغل وريمان مع امي
دُجى بضحك : نتضارب من ايفعل اندومي اقول بس اطبخي في النادي اللي تجلسي فيه أكثر ما تجلسي في بيتكم وتعالي
امل : انقلعوا انا جايه وجهزوا اكلي ! غلقت وكلهم يضحكوا على وجهه ترف وقالت رند : انا بفعله خلاص
ترف: تعرفي شي انش ذراعي اليمين مش زي بعض الناس وشافت دُجى وواصلت: الله يشبع جوعش يا اختي كل ما جوعتي
اخذته رند وضحكت وراحت المطبخ قاطعهم دخول اوسان وهو يقول : خاله ندى اتجي
ماما لطيفه اللي تحبها لاني ما عندها بنات بس ٣ عيال وكانت تعامل نسوان عيالها وندى اخت غزال بذات زي بناتها ، وكانت ندى (ام كنعان) بس تدخل والجو كله يرجع ضحك وفرفشة وعمرها: ٣٠ سنه
وكنعان ست سنوات .
جاءت امل ودقت لملاك جارة ترف اللي كانت تكتمل الشله معاها وعمرها :١٨ وفرفوشه لكن فيها لعانه تخارجهم من اي مصيبه
دخلوا وسلموا على بعض واكلوا الخمس واتجهزوا لان كل عصر جمعه يجي لهم ضيوف وكان هذا حال بيت ال مُنيف كل جمعه .
ماما لطيفه: تجهزتوا يا بنات ؟
كلهم بصوت واحد : ايوة
عدا دُجى وترف اللي تصايحوا على شميز واقتطع ومحد لبسه وكان البيت كله فرح وأصوات
دق الباب وجاءت ندى مع ابنها لكن زوجها مسافر
وبعدها بلحظات طلعوا اخوان عز الاثنين وتجمعوا كلهم الامهات في للمجلس والبنات في غرفه والرجال مع الاولاد في الديوان .
بدأت الفعاليات وحش الاسبوع وضحك ورقص وكلهم متجاهلين فكره الدراسه إلا طيف جالسه معاهم بس الكتاب معاها ارتياح ضمير .
وراحوا كلهم يساعدوا العامله (امينه )اللي اصلا ما يعتبروها عامله كانت زي صحبتهم لاني من نفس الدوله وكان معاها في الدور الاول غرفه وكانت حنونه عليهم جدا وكانوا البنات يساعدوها في العمل وبناتها الصغيره (نجلاء ) تلعب مع اوسان وكنعان واكتفت بشهادة الثانويه بسبب الظروف وتزوجت ودخلت معهد انقليزي وبعدها عاشت عند بيت ابو مازن هي وزوجها وبنتها وعمرها ٢٥ سنه .
جاء الليل والبنات في المطبخ يسووا العشاء متفقين ان بعد العشاء يطلعوا السطح يتسامروا ل فجر .
والامهات في المجلس وكل واحده تقول اللي عندها مع ماما لطيفه اللي تعتبر ام لهن
وفعلا تعشت العوائل كلها ونظفوا وكانوا اذا اجتمعوا كلهم ما يحسوا بالتعب
طلعوا السطح لكن طيف اللي بقيت في المطبخ تجهز أشياء السهره لاني ما ساعدت في الطبخ والتنظيف وجهزت من فشار وعصائر وبطاطيسات وكل شي
وهي طالعه صادفت مازن اللي راجع من الحمام وهي بدون اي شي يغطي وجهها أو شعرها ابتسمت بإحراج وطارت ل عند البنات بعد ما سمعت مازن وهو قال بصوت خافت :جميلة ومثقفه!
عند البنات :
امل : ترف اطبق عليش اليوم ايش تدربنا في النادي ؟
ترف : والله ل اهفش بالصحن عظامي تكسرت منش حسبي الله عليش من بنت انتي بيننا شُبهه
ملاك بضحك : شمس تعالي شوفي هكذا صح المكياج؟
ترف :صدق كلن على همه سرا
شمس : ظلام ومحد مهتم تعالي كلي احسن وبعدين المكياج شغل ترف انا إلا مطبقه
ضحكوا ومحد ركز لاحمرار طيف مع الضوء الهافت اللي كان موضوع مهم بالنسبه لهم لو شافوها وتبدا التحريات ،وكملوا سمرتهم ما بين اغاني باصواتهم واكل وحش .
عند الرجال :
ابو شمس : دام كل أعمالنا تمام وشفناكم استودعتك الله يا اخي
ابو مازن : بدري أو ارقدوا هنا احنا عمارة واحده
ابو شمس :لا البنت معاها اختبارات والوقت متاخر
ابو كرم: حتى انا استودعتك الله الاختبارات وبكره عندي مستشفى و الساعه الان ٢ ما بقدر اقوم لو طولت !
ابو مازن : خلاص اذنكم معاكم الله معاكم
دخلت امهم (ماما لطيفه ) سلموا عليها ونادوا اهلهم علشان يروحوا كل واحد شقته
عند البنات
ملاك : دام بتروحوا وانا بروح
ترف بزعل : شقتكم جنب اذني ارقدي عندنا ! يعني كلكم تروحوا
امل : إلا انا
ترف : انتي كلب وفي اعرفش
ضحكوا وسلموا على بعض سلام وداع
رند مع شويه كحه: وانا بنزل علشان برد
ترف مع دجى وامل : يله استودعتكم الله .
عند العيال:
كرم : ابي يتصل يقول بنروح الان
مازن: ياخي ما شبعنا منكم !
كرم :مش احنا وجبه هههه
شافه مازن بنظرات وقال كريم: بجي من الصبح علشان الجامعه واشوفك هناك يا دودة الكتب
حط مازن قلص البُن وقال : بسم الله انا ادور مستقبل كبير
كريم بضحك :ما كبير إلا الله
كرم : انت لو بيدك تعيش في الجامعه هذا وانت كملت وتداوم وانا يالله خلصت بالعااافيهه وذلحين ادور شركه هندسه اشتغل معاهم
مازن: الله يوفقكك انا عقبال ما افتح شركتي واوظفك فيها
اخذوا الوضع ضحك ورجعوا من حوش الديوان الخلفي ورواح كل واحد الدور حقه في العماره ورجع البيت ههدددووء
خطى ابو مازن يامن الابواب ووصل لغرفه بناته وقال : وين ترف ودُجى؟
رند : فوق مع امل وامينه
تعصب ابو مازن وخطى متوجهه للسطح ،سمعت امينه صوته وهو طالع السطح الخلفي اللي ما يكشف لشارع اللي هم فيه وقالت بخوف : ابوكم جاء
سحبت ترف دفتر فاضي كانت تحل مسائل رياضيات فيه طيف وسوت نفسها انهي تذاكر هي وامل واللي تذاكر لهم امينه انقليزي واصلا كان معاهم رياضيات ودُجى فعلت نفسها راقده لان في مكان سطح معلق (طيرمانه) وكان ما يبان في الشارع وعادي البنات فيه يجلسوا
شاف المنظر تطمن ونزل وانهاروا ضحك وواصلوا ياكلوا وكان معاهم ام كنعان اللي تخبت وراء الخزان وقررت ترقد  عندهم علشان زوجها مسافر ورقدت كنعان جنب اوسان وجابت لهم اخبار الكبار والصغار وبوجودها السهره تكتمل وسووا تحليلات اليوم كالعاده ،وماما لطيفة كانت بتطلع معاهم لكن جلست مع رند بسبب مرضها المزمن .
نزل ابو مازن بعد ما تطمن على الكل وما شاف غيث اللي مختفي من امس تعصب جدا وهو عارف انه في مكان خطير جدا ....
___
اول بارت لازم تتعرفوا على الشخصيات والأجواء ومن بكره تبدا الأحداث 🔥🔥.