حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثامن والثلاثين

سمعت امها تقول كلام تمنت لو تموت وما تسمعه تجمد الدم في عروقها كذبت اذنها لكن كل كلمه كانت تأكد الكلمه اللي قبلها اضطرت انها تجسس عليهم علشان تسمع الموضوع كله وكالعاده خانتها دموعها اللي تعبت وهي تمسح فيهم ولا نشفوا كانت تبكي بصمت وقالت ام مازن بحزن :وهذا كله الموضوع
ماما لطيفه بخوف:عادي ندى اختش جابت كنعان وهي فيها هرمون الحليب وامتنعت عن الحمل بأردتها لما يستقر وضع زوجها في السفريات يعني مش كل من عندها هرمون الحليب زايد ما تخلف ونحنا ندعي ان الله ما يحرمها من الذريه الصالحه
ام مازن :امين
فتحوا الامهات موضوع ثاني انسحبت ترف بهدوء دخلت غرفتها وقالت بصوت باكي :يفوز بأكثر يوم انكسرت فيه
دُجى بحده :ما تنكسري وانتي بنت عز الدين الله جابه الله يجيب غيره !!!
جلست ترف وقالت ببكي :محد جاب سيرته انا سمعت امي تقول لماما لطيفه اني ما اقدر اخلف بسبب هرمون الحليب!
توسعت عيون دُجى بصدمه وقالت :يمكن سمعتي غلط
ترف ببكي :لا وخالقش
دُجى :محد يعلم الغيب ينجبوا وهن عقيمات رغم أن الدكاتره اجمعوا انها ما تخلف انتي ثقي بالله وخلي المستقبل لله هو مجهول ومحد يعرفه لا تصدقي الكلام وخليها على الله!
اقتنعت ترف بكلام دُجى ابتسمت ومسحت دموعها ورقدت بعد يوم طويل جدا .
وعند هتان:
راح هتان للحوش مع جليسه (الشاهي)كان يعرف ان شهد اكيد بتسوي مشكله وعلشان ما يضر سمعه ترف كابسط شي يقدمه لها قرر انه يجامل لُبنى وما يبين لها أي شي يعاملها معامله احترام لا غير ، شاف الهلال وتذكر خصر ترف وقال :
وامسيت تايهه على ماطاك اللي مضيع ويهديني
عجزت وانا على شدواك ما كنك إلا تنادي لي
لازلت في سيرتك واهواك والليل عيا يخاويني
يقول مقوى على فرقاك مدري على وين حاديني
ام هتان من وراه :والله اني دريت انك هنا
قام هتان باس رأسها وقال:وش تسوين هنا يمه الدنيا برد ادخلي
ام هتان :عشان كذا جيت ابنصحك تدخل
ابتسم هتان وقال :ابشري
ام هتان:خلاص يولدي ارضى بما كتبه الله لك بكره العرس ولازم المعرس يظهر بابهى صورة
هتان بمزح :اذا جاء الشيخ كتبت اسم ترف بدل اسم لُبنى واحط ابوي في الأمر الواقع
ام هتان :انتبه بنتفشل وبتكون سيرتنا على كل لسان !
هتان بضحك:ادري يالغاليه امزح معتس احنا نقول ما ننقال
ام هتان :اي هذا اولدي
باسها هتان وقال:ابوي عرف يختار لكن ما يبيني اختار مثل اختياره الحلو يغار
استحت ام هتان وقالت :امش نام بس تصبح على خير
هتان :يلبى اللي يستحون
ام هتان:اممشش!
ضحك هتان وراح غرفته وراحت امه غرفتها وهي تستودع الله قلبه وحياته وناموا الكل على خير .
وفي الصباح اليمن :
تجمع رجال ال مُنيف لصبوح وبينهم كيان اللي يعتبروه واحد منهم دخل كريم الديوان وقال :وريحهم
الكل :وهو بينهم
تربع كريم وقال :بعد ثلاثه ايام انا مسافر مع كيان
نزل كيان رأسه من الحزن وقال ابو كرم:لوينه ان شاء الله؟
كيان :ياعم ما حبينا نقلك إلا وقت ما كل شي امن قضيه الثأر اللي تدخل فيها كريم الطرف الثاني يشتوا رأس كريم تعويض ،وهم شويه غجر بس نقبض عليهم ونرجعه بسلامه
كريم :ولا تكلموا حد من الحريم انا بخير قولوا لهم سافر شغل وايرجع
اقتلب وجهه ابو كرم من الفرحه للحزن وقال بعدم حيله :دام قد جهزتوا كل الموضوع استودعتكم الله
غيث :الصبوح لايبرد يجماعه هيا سموا بالله
قربوا كلهم للاكل ومحد كان له نفس ياكل ومن هنا لتركيا وبعد صلاه العصر دق باب الفيلا فتحت ترف الباب وهي لابسه ومتكشخه كشخه بسيطه وقالت :تاخرتي قد مكيجت الكل باقي انتي
دخلت امل وقالت :الفستان اشتط ويالله ادور فستان ثاني مناسب
ترف بضحك :تستاهلي
دخلت ودخلت معاها امل وقالت :اليوم حفل تكريم الفايزين
ترف :والله ،حظش زفت ما بتروحي
امل:عادي بكره بروح اخذ الشهاده والجايزه وخلاص
ترف :المرتبه الكم؟
امل :ما يليق بي إلا الاولى
شهقت ترف وقالت:عالميا!!!!
امل بثقهه :ايوة
زغرطت ترف وقالت :خلاص اعتبري المكياج هذا هديه ويمين عظيم ما تدفعي ريال
ضحكت امل وجت دُجى وقالت :خلوا هذا الحماس للعرس
ترف :امل المركز الأول عالميا يعني اي مكان تروحه كمدربه مقبوله
صاحت دُجى من الفرحهه ضحكت امل ومكيجتها ترف بعد ما تعدل مودها تماما من هذا الخبر مر الوقت والكل تجمع في بيت نايف بن ناصر ال سعد دخلوا بنات ال مُنيف شافتهم جهاد وقالت :يهلا والله بالمتأخرين
شافت ترف امل وقالت:هذي جهيد اللي نعرفها او غيرت وجهه؟
امل:حتى هذي مش جهاد
جهاد :جورجينا
دُجى :إلا والله نفس الصوت والتفاهه
الكل :هههههههههههههههههه
ترف :خفي علينا ايش هذي الحلاوة
جهاد بتقليد :الحين لو شافني الريال بيحسبني انا العروس
ضحكوا البنات وقالت امل :اليوم جهاد غطت علينا كلنا
جهاد :كل يوم مو اليوم بس
ليان :تستاهلون محد يمدح ذي الاشكال الحين بتشوف نفسها طول العمر
ترف :يحق لها
جهاد :ليت وانا شاعره كنت جبت فيتس بيتين يالغلا ضحكوا البنات واكتفت ترف بابتسامه بعد ما تذكرت اشعار وقصايد هتان عم الهدوء لثواني وقالت ترف بنفس الابتسامه :يالله يكفي النيه
ابتسمت جهاد وقالت :ما ينفع نقعد هنا مشينا عند الحريم
مشوا البنات وقالت ترف :لعل وحده منهم ام راعي النصيب
جهاد بضحك :اللهم امين
ليان :امشي امشي بس
دخلوا البنات وبدأت الفعاليات ورقص مثل اي عرس ،راحت ام هتان لعند جهاد وقالت :روحي لعند الباب جيبي من إبراهيم الكيس وتعالي بسرعه
جهاد:وش في الكيس؟
ام هتان :كعب لُبنى نسيت تجيبه
ضحكت جهاد وقالت :واضح انها عروس
ام هتان:بسرعه!
ضحكت جهاد وراحت لعند الباب وبحكم أن اليوم عرس والباب مفتوح لرايح والجاي ما انتبهت تنتظر له في الحوش راحت لعند الباب لان باقي دقايق وتنزف لُبنى تلاقت عيونها بعيون تركي  رجعت بسرعه للحوش وقلبها يدق من قوة الخوف تصنم تركي مكانه وهو بعمره ما شاف بنت بهذا الجمال كله دقه إبراهيم بيده وقبل ل يدخل  مسكه تركي وقال له :وين بتروح هنا الحريم يا دلخ
إبراهيم :بتعلمني وين اروح في بيتي!
انحرج تركي من حركته الغيبه وقال بتصريف:لا بس قلت يمكن نسى
ابراهيم:اهجد اهجد بس ،خليك هنا بعطي كريمتي الكيس ونرجع نروح عند الرجال قبل ل يعصب ابوي
أشر لها تركي بيده تمام راح إبراهيم وابتسم تركي كونه لقى مواصفات البنت اللي يحلم فيها من سنين
دخل إبراهيم الحوش وراح لعند الباب وقال :يا بنت
خرجت جهاد وقالت :لو اني أخذت شوط ابرك وينك ما تشوف الدنيا برد
إبراهيم :بسكت لتس لأني اول مره اشوفتس حلوة من بعد ظفيرة امي صف رابع
أخذت جهاد الكيس منه بقوة ضحك إبراهيم وراح وتمنى لو انه شاف على الأقل ظل ليان،دخلت جهاد شافت شهد وألين كالعاده مع بعض واستغربت انها ما سوت شي لحد الان دعت الله ان العرس ينتهي على خير وصعدت فوق عند غرفه اللي بتنزف منها لُبنى ،فتحت الباب وشافت بسمه لُبنى المحرجه وجمالها الطاغي رغم بساطه الفستان ومكياجها الناعم اللي وضح ملامح وجهها الجميل ومسكت يدها زيتوني عليها حبات كرستال زي فستانها ردت لها جهاد الابتسامه وقالت :حد ينسى كعب يوم عرسه؟
ام لُبنى بضحك :ما يخالف متوتره
جهاد :متى الزفه؟
ام هتان: بعد ربع ساعه
جهاد بحماس :ونااسه
ابتسمت لبنى وراحت جهاد جري تكلم خوياتها
عند الرجال :
جاء الشيخ فتحي وانهى كل إجراءات الزواج سلم عليهم وصل لعند هتان شاف علامات الحزن في وجهه سلم عليه وهمس في أذنه:لا تنسى الكلام اللي اتفقنا عليه
ابتسم هتان وقال :ان شاء الله
بدأو الرجال يستعرضوا في ديوان ابو ريان بحكم انهم في غربه ما سووا خيمه،راح هتان جلس فوق الكرسي وهذا اليوم اللي حلم فيه انهدم وبنسبة له بياخذ جنازة مو عروسه، بدأ أصوات الرجال تعلى مع الفرقه والناس تسلم على هتان وتبارك له وتحط الهدايا قعد هتان وقعد بعده سعود وقال له :ابي اروح بعيد مابي اقعد زياده 
سعود  :انطم ولا تفشلنا يا معرس!
هتان :مكتوم ي...
رجع ابراهيم واتجهه نحو إخوانه وقال بمقاطعه :يا سعود ضاق صدري قوم نلعب شوط ونستانس
ميل سعود بشفايفه وضحك هتان وقال :
ياسعود يلي كل شاعر يناديك
يشكي عليك من الظروف العظيمه
هو انت شيخ ونتعزى كلنا فيك
او لك حكايه بالسنين القديمة ؟
ابتسم سعود وقال:كل'ن ليا ضاق شكي همه لسعود وسعود ل ضاق شكي همه لمن؟
حط هتان يده فوق سعود وقبل ل يقول شي قاطعه إبراهيم وقال :يالغوالي الهواجيس مو هنا لا تضيقونها علي زياده
ضحكوا وقام سعود وأخذ هتان معه بالقوة تحمس الكل اول ما قام هتان واصطفوا جنبه وبدأت اجوائهم الحماسيه
عند البنات :
نزلت جهاد وشافت ليان وسيلين يتمايلوا ابتسمت وقالت:مين كان متوقع ان ليان وسيلين يحبون بعض في يوم
ترف :سيلين قبل الزواج بكم يوم عقلت عقبال شهد
جهاد بضحك :ما ظنتي
شافت جمان بنات خالها وتحمست وقالت:ابي ارقص
ترف :شطحات جمان تفوز
جهاد بضحك :تكملة الرقصه في غرفه التوليد
الكل:هههههههههههههههههههههه
دقتها جمان وقالت :الله يوصل عيني بس
ضحكوا البنات وعدا الوقت على خير اتصل ابو هتان على ام هتان وكلمها ان الان موعد الزفه دقت ام هتان على جمان وراحت تكلم البنات ،دخل هتان شاف لُبنى ابتسم ردت له لُبنى الابتسامه وانزفوا بدون اي كلمه زياده تلخبطت مشاعر ترف لكن جمعت نفسها وكأنها ما تشوف إلا سعاده لُبنى ووحدت مشاعرها بفرح بس، شافت جهاد وجهه اخوها خالي من المشاعر وتعرف ابتسامه هتان التسليكيه همست في أذن امل بحزن :رمى هتان كل أوراقه لابوي عشان ذي اللحظه وفي الاخير تزوج على اختيار ابوي
شافت امل ترف طبيعيه وقالت:لعله خير ما علينا إلا ندعي لهم بحياه سعيده
جهاد:امين
شافت ترف جهاد وامل يتكلموا راحت لعندهم وقالت:على من تحشوا وقت الزفه
ما حبت امل تذكرها بمحاولات هتان وقالت :مستغربين على هدوء شهد
ضحكت ترف وقالت :صدق والله الله يهديها ويخليها عاقله دائما
الكل :امين
أخذت المصورة كم صورة للُبنى وهتان ولاهل هتان وراح هتان ولُبنى لفندق حجزه ابو هتان لهم تحت توصيات ام لُبنى لهتان على بنتها .
دخل العشاء تعشوا المعازيم وبدأت الناس تروح تدريجيا لما فضى البيت جو عمال اخذوا الكوشه ونظفوا الصاله وراحوا وفضى بيت نايف بن ناصر ال سعد نزلت جهاد وكان البيت هدوء شافت إبراهيم نايم في الصاله ضحكت وراحت تغير وتنام اما امل ودعت ترف وراحت غرفتها تنتظر لسعود دخل سعود الغرفه بعد شماغه وقال بتعب :الله يهنيهم
امل :امين
شاف سعود امل بفستان سماوي فاتن وشعرها اللي لنص ظهرها بلون الاسود ومكياجها الفاتن ابتسم وراح لدولاب فتحه وقال :تعالي
استغربت امل وراحت وراه شافت بوكس تشكلت من اللي تحبه مع ورود ككككببيير صاحت بفرح وقالت:لي!
سعود :تهقين انسى شي يخصش؟ولا بعد شي عظيم !مبروك المركز الأول يا حبيبة عيوني
حضنته امل بقوة ابتسم سعود وأخذ عوده وقال :ابدا
امل بفرح :يوه نسيت اني قلت لك ،اصبر اصورك
ضحك سعود وقال :شايفتني خالد عبدالرحمن؟
امل بتعزيز :إلا أطلق منه!
تحمس سعود اخذ عوده ومن كثر ما تأملها نسى كل كلمات الحب وقال :امل؟
رفعت امل التلفون وقالت :حتى كلامك كأنه شعر اسمي وهو اسمي يا حلوة من فمك
انهزم سعود وقال :
كل ماجيت أبتدي فيتس أنتهيت
وكل ماجيت انتهي شفتس بدايه
أن كتبتس حرف شفتس ألف بيت
وأن كتبتس بيت صرتي احلى روايه 
امل بحب :الله يا شاعري
سعود :الله عليش يا حلوتي
غلقت امل الفيد وقالت بحماس :فراااشااتتت قلبي ،يجنن الفيديو يجنن
ما بعد عينه من عينها وحب ردة فعلها ،توترت امل من نظراته وقالت :بروح اغير
أشر لها ب تمام راحت أخذت دش ولبست بجامتها الحرير رفعت شعرها تعطرت وتوجهت لسريرها تنام بعد يوم كله رقص واخره دفعه حُب ،ما استحمل سعود جمالها اللي يزيد كل يوم و...
وفي الفندق :
دخل هتان ولُبنى الفندق جلست لُبنى فوق السرير وقال هتان :ماشاء الله ارقي نفستس دائما
لُبنى باحراج:ان شاء الله
هتان :دقايق ويجي العشاء
لُبنى:وانا بروح اغير
أشر لها ب تمام راحت لُبنى غيرت بجامه ورديه وجاء العشاء تعشوا وبدون أي صوت منهم الاثنين قامت لُبنى وقالت :الحمد لله شبعت
هتان :بالعافيه
راحت لُبنى سرير وحطت رأسها ومن كثر ماهي مستحيه نامت غلق هتان الضوء وراح الطرف الثاني وخلى بينهم مسافه توسع لشخص ثالث ونام .
وفي الصباح اليمن :
صحى البيت كامل على صوت بكى نور وضياء قامت ملاك من النوم وراحت الصاله شافت طيف راقده فيها قومتها وقالت بضحك:ما عندش غرفه
طيف ببكي :غرفتي جنب غرفه كرم الزفت وعيالهم طول الصبح راقدين والليل بكاء وانا عندي جامعه اشتي ارقد والصاله قدهي ابعد شي من غرفتهم والله لو مش هم عيال اخي رجمتهم للكلاب
كتمت ملاك الضحكه وقالت :ذلحين امسحي دموعش وروحي الجامعه اخر محاضره لهذي السنه
طيف:وبعدين اختبارات كيف بذاكر على صوت الضيوف والبكاء الليل
ملاك :ارقدي عند ماما لطيفه هذا الشهر
مسحت طيف دموعها وقالت :اول مره في حياتش تدي فكره حلوة
ملاك :روحي روحي بس
طيف :قد شنقل من البيت سارحل وستندمون
ملاك :قمة الروقان والراحه النفسيه
قامت طيف تشتي تضربها لكن دافع عنها كريم وقال :تضربي حامل يلي ما تخافي الله
طيف:نقلت لك العدوى؟
الكل :هههههههههههههههههههه
كريم :البسي بسرعه بوصلش الجامعه على طريق العمل
طيف :ووفرت قيمه المواصلات حق اليوم اللهم لك الحمد
ملاك :الحساب عندي
طيف :الحساب يوم الحساب
ضحكوا وراحت طيف تلبس رجعت ملاك الغرفه وفي يدها صبوح لكريم شافها كريم وقال :ملاكي
ملاك :عيوني
كريم :جبر عيونش يا عيوني
ابتسمت ملاك وقال كريم :انتبهي لعهد وقولي لها ان معاها اب يحبها وزاد حبها لان امها انتي
خافت وفرحت ملاك في نفس الوقت وقالت :مالك تتكلم بصيغة وداع قول لها انت!
كريم :محد يقدر يوادع اهله،اعرفي اني احبش واحب كل شي منش
حضنته ملاك وقالت بصوت مهزوز:وانا احبك لا تفلتني ولا تفلت عهد
شد عليها كريم وقال :عهد وجودها في حياتنا بيكون اكبر دليل لعهد حبنا
ما ركزت ملاك انه ما وعدها هدأ خوف قلبها شويه وقال كريم :بتاخر على طيف استودعتش الله
ملاك :الله معك يروحي
خرج كريم وتمنى لو اليوم يكون ٢٤ سنه مش ساعه لان بكره سفره وكل امره لله وراح هو وطيف
وفي تركيا :
صحى هتان من النوم وشاف لُبنى صاحيه تكلم أمها في التلفون أخذ تلفونه شاف الساعه شهق وقال :راح الفجر الله يغفر الذنب بس
راح توضأ وصلى فجر وشروق لف على لُبنى وقال :صليتي؟
لُبنى :اي اول ما صحيت
هتان :اجل جمعي الاغراض بنرجع البيت
لُبنى :ان شاء الله
جمعت لُبنى اشيائها ولبست عبايه بنفسجيه شافها هتان وقال:يكون في علمتس اليوم اخر يوم تلبسين فيه ملون في الشارع في البيت البسي اللي تبين!
استغربت لُبنى وقالت :ان شاء الله
استحى هتان من ادب لُبنى وأخذ الشنطه وسلم المفتاح وتوجهه للبيت فتح الباب زغرطت ام هتان وجهاد وجمان استحت لُبنى وسلمت عليهم ودخلت الغرفه سلم هتان على اهله وقالت ام هتان :عساكم طيبين ان شاء الله
هتان:اي الحمد لله لا تحاتين
خرجت امل من غرفتها شافت لُبنى لابسه جلابيه وحجاب زي امل عشان وجود الرجال سلموا على بعض شافتهم جهاد وقالت:اتحاد السلايف الله يستر
لُبنى بمزح :اي خافين مننا
جهاد :ما خافت منتس دجاجه بخاف انا وانا جهيد؟
امل :الظاهر اشتاقت لضرب الصباح
لُبنى بضحك:انتم كذا كل يوم؟
امل :هذي صباح الخير عندنا
ضحكوا البنات وراحوا كلهم لصبوح شاف إبراهيم إخوانه كل واحد جنبه حرمه وقرر يفاتح ابوه في الموضوع لكن قرر ما يقول اسم ليان عشان ابوه ما يعرقله زي هتان وقال :وانا ابي اعرس
جمان :نطق العزابي
جهاد:لتصحيح الحاسد
الكل :هههههههههههههههههههههههه
ابو هتان :في بالك وحده؟
همس هتان بشفايفه :فخ!
ضحكت جهاد وبعدها امل وأخرهم إبراهيم وسعود انصدم ابو هتان وقال:وش فيكم ؟
إبراهيم :يحبون الخير لنفسهم بس ما عليك منهم يايبه ،تختار لي امي بس المهم تكون بنت ناس محترمه هذا اهم شرط
ابو هتان:اي هذا ولدي
اخفت الضحكه جهاد وقالت ام هتان :ليان بنت خالك؟
ابو هتان بتعزيز :بنت عمتك وبنت خالك ما بتلقى احسن منها
زفر إبراهيم براحهه وقال :موافق
هتان :لعبها صح
ابو هتان :هاه؟
أشر له إبراهيم ب يا ويلك ضحك وقال:الف مبروك يا اخوي منها المال ومنك العيال
إبراهيم:ادعي بنفس الله ياخذ ابليسك
جهاد :ثلاثيني توه اعرس اكيد بيكون بقلبه غيره على السنين اللي ضيعها
الكل:هههههههههههههههههههههههه
مسكت امل على فمها وجريت الحمام الكل خاف ولحقتها لُبنى وسعود استغربوا الكل ولحقتهم ام هتان وجهاد استفرغت أمل كل اللي اكلته مسكتها ام هتان وقالت :وش فيتس يبنيتي كنتي تضحكين معانا ولا فيتس الا العافيه!
امل :احس غثيان
ام هتان :ودها المستشفى وانا بروح معاكم
جرى سعود اخذ عبايتها ولثامها لبستهم امل ولبست ام هتان وراحوا للمستشفى سوا ل امل فحوصات وبعد انتظار نص ساعه خرجت الدكتورة وقالت :الف مبورك المدام حامل
حضنها سعود وقال:فديت ولدي اللي يبي ابوه بأسرع وقت
دقته امل بخفه حضنتها ام هتان وقالت:الله يتمم لتس على خير
امل بحب :امين
رجعوا البيت ومعاهم كم دواء استقبلتهم جهاد وعيونها تتكلم عن خوفها على امل وقالت:في شي ؟
سعود بفرح :سلامتس رحنا ثلاثه رجعنا اربعه
ما فهمت جهاد وقالت ام هتان :بتصيرين عمه
فرحت جهاد وقالت :وش فيكم يخواني علي كبرتوني وانا توني شباب
امل بضحك :شكلها ما تشوف المرايه
سعود:يمكن
جهاد :الحشمه حق ولد اخوي اللي في بطنتس ولا انتي بطقاق
أخذت امل الشبشب جرت جهاد وجرت امل وراها صرخ سعود ومسكها وقال :مو مثل اول الحين لازم تعتنين بنفستس
خرجت جهاد لسانها رجمتها امل بالشبشب ضحك الكل وبارك لامل ووصل الخبر لأهل امل تجمعوا عندها والفرحه ماليه قلوبهم ،راح ابو هتان يتوضأ ولحقه هتان وقال ابو هتان :عقبال ما نشوف اولادك
هتان :تو الناس يايبه
ابو هتان:عنبو دارك عمرك ثلاثين وتقول تو الناس وتحسب اني غافل كيف تعامل بنت الناس وانتم في اول يوم ولا انت طاق لها خبر اسمع لو ما تعاملها معامله زوجه لا انت ولدي ولا اعرفك!
حزن هتان ان ابوه مو مقدر مشاعره ولا وضعه وقال :إن شاء الله
ابو هتان :يالله ناد اخوانك خلهم يلحقونا لصلاة الجماعه
هتان :ابشر
ابو هتان :بشرك الله بالخير
عدا اليوم على خير زي اي يوم بس الفرق خبر حمل امل وبداية دخول ترف الجامعه .
وفي ليل اليمن :
تأكد كريم ان ملاك رقدت حلق دقنه وشنبه وحط بوكي ورد احمر ورساله مكتوب عليها :
وانا زعلتي من وداعي يا رضاي
لا يبين في عيونش مدمعش
خايف اني أترك الدنيا وراي
وارجع امسح دمعتش وابقى معش .

انتظريني وامانتش عهد وصونيها ،النسيان يقتل وانا اشتي اكون في قلبش حي!تهون في عيوني البعد المؤقت ولا يهون عليا اخر مره اشوفش فيها دموعش حفظت ضحكتش وبسافر فيها وارجع علشانها ،جنب البوكي الورد شجره ريحان اغرزيها واذا رجعت شفت طول المده ،احبش .
اخذ الشنطه حط فيها الوثائق المهمه وملابس باس ملاك وباس بنته المستقبليه غطاها من البرد وخرج ودموعه مغطيه عيونه ،نزل لعند الباب شاف عيال عمه وكيان واعمامه سلموا على بعض واستودعوه الله وضحك غيث لشكل كريم الجديد وتوادعوا بطريقتهم وراح بسيارة مع كيان وفي السياره :
مسح كريم دموعه بقوة وقال كيان :وين تلفونك
كريم :ليش؟
كيان :يا ذكي اي حد بيقدر يطلع عنوانك علشان هكذا جبت لك تلفون نوكيا تواصل مع اهلك بس حتى أصحابك لا تتصل لهم انت في وضع حرج ولا تتصل لأهلك وعندهم ناس! ،امنت لك سكن مع طلاب معروفين تعيش معاهم وشغل بسيط واسمك الجديد سيف حمزة القاضي
ضحك كريم وقال :ما قصرت يا اخي والله حتى لقبك جريته
كيان :ايوة انت ابن عمي الان
كريم :ابن عمك درع جنبك لو يكيد الوقت كاده
ضحك كيان ومسك على كتفه حط كريم رأسه على طاقه السيارة ورقد من التعب والسهر والتفكير وسافر مع كيان خط لتعز .
اشرقت الشمس وصحت ملاك على صوت عامل دبات الغاز لفت وهي مغمضه وقالت :كريم ليش ما قومتني اصلي فجر؟
ما حست فيه تحسست المكان حست اكياس فزت من مكانها وهي تعرف ان اليوم اجازة أخذت الورقه وقريتها ما استوعبت وحست نفسها تتوهم خرجت من الغرفه ما لقيت حد شمس راقده مع اطفالها وزوجها وعمها احمد في المستشفى مداوم وعمتها ليال راقده وطيف عند ماما لطيفه أخذت الورقه مع البوكي والزرعه وراحت جري لدور الثالث دقت الباب فتحت ريفال وقالت :الله على الرومنسيه من الصبح
ملاك بعصبيه :وين ماما لطيفه؟
حست ريفال ان ملاك كشفت كريم يخونها وقالت بكل خوف :ادخلي
دخلت ملاك شافت ماما لطيفه وطيف وقالت طيف :يالله حتى لو الواحد هرب تلحقوه لهذي الدرجه ما تقدروا تعيشوا بدوني وجايه تعتذري بالهدايا؟
ضحكت ريفال شافتها ملاك بنظره حقد وبسرعه سقطت على الأرض وتعبت الغرفه تراب من الزرعه الصغيره (الريحانه)خافت طيف وجرت حضنت ملاك وبدأت تصحيها بخبارتها وبسرعه صحت ملاك وأول ما شافتهم متجمعين حولها بكت وقالت:كريم سار لحد غيري؟

______
لو التواصل بين الاحباب دايم
ماكان لـ ابيات المفارق جماهير
اكثر بيت حسيته مناسب للبارت😢بارت جديد وإحداث جديده ما تكتمل إلا ببارت الجاي لا تنسوا النجمه واشوفكم في بارت جديد يَحلوين🤎🤎.