حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الرابع والثلاثون

حضنته جهاد وجمان بادلهم الحضن بقوة وراحوا غرفهم وهم يدعوا ان هتان يكون لترف وترف تكون لهتان ،اما هتان كان معلق بين نارين نار انه بيفارق حب حياته الوحيده ترف او غضب ابوه عليه والخيارين احسنهم اشد وامر على قلبه وماكان في باله إلا خيار واحد اخذ جوازه ووثايقه واشيائه المهمه في شنطه صغيره وأخذ تلفونه وكتب لسعود :
انا بعتذر لك يا رفيقي على التقصير
ولا تتحسب اني كاره انك ترافقني
قطعت العرب لعل حالي يصير بخير
وادري ضيقتي كل ما رحت بتلحقني!
ارسل الرساله وطفى تلفونه وحطه في جيب الثوب وكره اللحضه اللي قرر فيها انه يتزوج وخرج من البيت ومو عارف وين وجهته .
وفي اليمن :
كانت شمس في المستشفى منتظره دورها متى تدخل تسوي كشف علشان تشوف ايش في بطنها وبعد ساعه انتظار نادت السكرتيره :شمس قاسم ال مُنيف ؟
شمس:اخيرا
دخلت شمس عند اشطر دكتورة في المنطقه بحماس الأرض وخطواتها تسابقها امتدت فوق السرير كشفت عليها الدكتورة مِسك وشافت في التلفزيون وانصدمت لكن صدمتها كانت بوجهه شمس انها تبتسم بوسع ثغرها مسحت بطنها وقالت بخوف :انتي تأخذي الجرع بانتظام؟
شمس:جرعة ايش؟وكملت بحماس :بنت او ولد؟
الدكتورة مسك :انتي مش حامل!
شمس :هاه؟
مسكت الدكتورة كتف شمس وقالت :اذكري الله واعرفي ان الله اذا حب عبداً ابتلاه
شمس بشهقه :مات؟؟؟
الدكتورة مسك :سبب كبر بطنش لهذا الحد وضح عندي انه ورم مش كيس حمل!
تلاشت الضحكه من وجهه شمس وصاحت بقهر بكل قوتها ،صحيت شمس من نومها وفز كرم من نومه من صياحها وقال :سكنهم مساكنهم يالله سكنهم مساكنهم
شمس بخوف :حلم اللهم لك الحمد حلم
مسح كرم على وجهه وقال :ايش في؟؟
كان تنفس شمس سريع ويدها على قلبها والثانيه على بطنها راح كرم جاب ماء شرب وشربها وقال:خلاص عوذبي من الشيطان وارقد علشان بكره نروح نشوف ايش في بطنش
حست شمس بحركه في بطنها وقالت بخوف :والله ما اخطى افحص والله ما اروح
كرم باستغراب وضحك :والله انك تروح
ما ضحكت شمس وعرف انها متضايقة وقال :ليش طيب؟
ماحبت شمس تحكي الحلم عوذبت من الشيطان وقالت :بشتري زينه وملابس بالون الوردي والازرق اذا طلع ولد تأخذ ملاك زينه البنت واذا طلعت بنت تأخذ اي وحده مننا الأشياء لما تولد .
عرف كرم انها حلمت شي على حملها وما حب يضغط عليها اكثر وقال بحنيه الأرض :حاضر يا شمس الكرم
ابتسمت شمس ورجعت توضع نفسها لنوم حضنها كرم بيده وبدأ يقرأ عليها قران لما هدأت نفسها ورقدت ورقد بعدها .
نرجع لتركيا :
كان سعود صاحي يتأمل المطر وهو من عشاق المطر وامل نايمه جنبه باسها بحب وغطها ل تبرد وكان بدأ يهوجس بشعر قاطع جوه رسالة هتان قرأها وتذكر انه وقت العشاء فاتح ابوه في موضوع زواجه ومن نص الرساله عرف ان ابوه رفض زواجه من المترفه اخذ ثوبه من العلاقه ولبسه بسرعه وخرج متوجهه يدور على هتان .
شاف هتان الجو ممطر حط الشنطه في السياره ونزل رفع يده لسماء بكى ودعى من كل قلبه بحرقه :يااارب ان كانت الخير لي لا تحرمني منها يارب هي جابت لي سبب اني اعيش واكمل ،وشهق بقهر وقال :يااارب تكون حرمي وتمام ديني يااارب
سعود من وراه بحزن :اللهم امين ،كنت بتروح بدون ما تودع؟
ما توقع هتان ان سعود بيكون وراه لف وارتمى بحضنه وقال : وانا ياسعود صديت مغبون ماصديت عايف
سعود :انا عونك وانا كتفك وانا مركاك وانا لك في مجالس الضيق سبحه يمينك
ابتسم هتان في نص حزنه ومسح وجهه وقال:ابوي يبيني اتزوج لبنى
شافهم الشيخ فتحي اللي كان رايح المسجد يقيم اذان الفجر استغرب وقال :صبحهم بالخير يالله
ابتسم سعود من ابتسامه الشيخ فتحي الرضيه وقال:صباح النور
شاف هتان الشيخ وقال :يا شيخ اجمع بين اثنين يبحون بعض بالحلال انا في وجهك يا شيخ!
الشيخ فتحي بمزح :هتان بن نايف يحب وينحب بهذا العمر
غمض هتان عيونه وهو في موقف ما يسمح له يضحك ابدا فتح عيونه وقال :
اذا غمضت عيونك وشفت انسان بين عينك وجفنك
او هلت دمعتك وشفت هالانسان بين عينك وبين دمعتك
تراه حييبك!
حزن سعود على وضع هتان وهو ما يشعر إلا بشي مأثر فيه نفسياً وقال الشيخ فتحي بجديه :تعالوا معي المسجد
نسى هتان انه كان بيسافر اي مكان ينعزل فيه وتوجه بعد الشيخ بعدم حيله وصلوا المسجد وكان فاضي صلوا تحية المسجد وجلس الشيخ بين سعود وهتان وقال :ايش حصل
هتان بقهر :حبيت ياشيخ وحده من جنسية يمانيه
قاطعه الشيخ فتحي وقال :أبوها رفض؟
هتان :ماهي المشكله في أبوها، ابوي اللي رفض يبيني اتزوج بنت عبد العزيز وانا ما ابي إلا بنت عز الدين
الشيخ فتحي :شوف يا ولدي نصيبك مكتوب من سابع سماء من وعادك في بطن امك واعرف ان هذا حكمه محد يعرفها إلا الله وبترجع تسجد لله شكر ،وتعرف بنت عبد العزيز يتيمه والرسول عليه الصلاة والسلام قال انا وكافل اليتيم كهاتان (ورفع أصبعه الوسطى والسبابه)فما بالك انك بتستر عليها ارضى باللي كتبه الله لك وطيع ابوك في شوره وادعي الله وشوف كيف بيعوضك الله بطريقه ما تتوقعها ابدا، واقامه الصلاة هذي أجرها بنية ان الله يجمعكم على كل خير
قشعر بدن سعود من كلام الشيخ اما هتان كأن قلبه انغسل بعد المطر وكلام سعود والشيخ ابتسم برضى هذي المره ومسك الشيخ على كتف هتان بحنيه وقام كبر لصلاة الفجر واستند هتان على جدار المسجد مُسلم امره لله وبدأت الناس تجمع لصلاه الفجر دخل ابو هتان شاف سعود وهتان في الصف الأول وراء الشيخ ابتسم وصلوا كلهم جماعه وبعد الصلاه الكل توجهه بيته عدا هتان اللي قرر يقرأ قران لين يهزمه النوم وينام في المسجد .
وفي صباح بيت نايف بن ناصر ال سعد :
استصعب سعود النوم ويفكر بسرحان صحت امل من النوم وشافت علامات التعب في وجهه سعود وقالت :صباح الخير نمت؟
سعود بتقليد :صدق اللي قال الحالي حالي حتى لو قام من النوم والشوعه شوعه حتى لو تحمم كل يوم
ابتسمت امل وقالت :قدك تتكلم زينا
حمد الله سعود ان ابوه وافق على امل وقال :
صرت اشبهش أخذت من طبعش كثير ولهجتش
حتى الكلام اللي سرقته من شفاهش
اذا حكيته ابتسم بنص الحكي واتذكرش
ما استحملت امل لطافه سعود من الصبح وحضنته وقالت :ذلحين لقالوا صباح الخير
ابتسم سعود وتذكر هتان وقال بقهر :قولي لبنت عز الدين ترفق بحال هتان
امل بحماس :خلاص بالكثير شهر وياخذها وبنعيش في بيت واحد
رجع الحزن لسعود وقال :ما اعتقد بس ان شاء الله
امل :في شي ؟
سعود:ابوي رفض يبي هتان ل لُبنى
توسعت عيون أمل بصدمه وقالت :وهو موافق؟
سعود :ابوي خيره بين خيارين يايتزوج بنت عبد العزيز يا متبري منه
مسكت امل على رأسها وقالت :يقهر قلبي عليكم
سعود بضيق :يالله بروح الدوام
امل :اصبر بزهب القهوه والصبوح
اشر لها سعود براسه تمام راحت امل المطبخ وشافت ابو هتان يشرب ماء ابتسمت بضيق وقالت :صباح الخير ياعم
ابو هتان:صباح النور
امل:روح ارتاح ياعم وانا بجيب الصبوح
ابتمسم ابو هتان وقال :وين جهيد
امل :ما يخالف يا عم انا وجهاد واحد شوي وتصحى تروح الدوام ف حرام تتعب مرتين
كان ابو هتان يشوف كلام امل كيف شويه يمني وشويه يقلب لجهه امها وزوجها سعودي ابتسم وقال :ما قصرتي يبنيتي
امل :الله المستعان يا عم هذا واجبي
راح ابو هتان يجهز نفسه لدوام وهو يعرف تربية امل وترف وطيب أصلهم لكن كل ما يجي يوافق يمنعه لسانه ومستحيل انه يثني الكلمه بعد ما جاب لهتان الرفض .
رن منبه إبراهيم وصحى وأول شي جاء في بالها هتان راح غرفة هتان فتح الباب ما شافه خاف وهو يعرف ان هتان مستحيل يصحى بدري وقاطع حبل أفكاره دخول هتان ،دخل هتان بدون ما يزعج حد ومو من عاداته ابدا وراح لغرفته شاف إبراهيم وقال:تبي شي ؟
ابراهيم :صباح الخير ،صحيت بدري اليوم
هتان:صباح النور
شاف إبراهيم التعب في عيون هتان وما حب يتكلم معه مسك على كتفه بتعزيز وراح اما هتان دخل غرفته غير ملابسه وراح للمطبخ شاف امل وقال :صبحتس الله بالخير
امل :صباح النور
شاف هتان وجهه امل الحزين وعرف ان سعود حكى لامل وقال :وش ذنب المشاعر لو اخطئت في الاختيار
امل بحده:ما اخطيت! من متى والحب الصادق خطيه؟
هتان :اجل قولي لرفيقتس تنتظرني والله لو اسوي المستحيل لاجل تكون حرم هتان
ابتسمت امل وقالت :طيب اليوم بروح النادي وباخذها معي واحكي لها
اشر لها هتان ب تمام وراحت امل حطت القهوه والصبوح في الطاوله تجمع عيال نايف ال سعد
وصحت جهاد من النوم على أصواتهم شافت الصبوح جاهز شافت امل وقالت :بدخل ٢٢ سنه وما شفت اجمل من هذا المنظر
ام هتان :حصل خير
جهاد بضحك :اسلك لها يالحبيبه عشان ما تقول انا عروس واطبخ
امل :عليكم بالعافيه كلكم إلا جهاد
جهاد :من زين اكلتس عاد
امل :اذا مديتي يدش كسرتها
جهاد :انا اقول عيال نايف ما يقبلون المزح مو بنات عبد الرحمن
ام هتان :لسانها ذي البنت يشفع لها
امل:كلي كلي بس لاتروح عليش المحاضره
راحت جهاد تاكل معاهم وتجمع الكل في الطاوله وهتان ساكت وبس يفكر دقه إبراهيم وقال :صب لي قهوة
اخذ هتان الدله وصب له وسرح بالتفكير مره ثانيه لما امتلأ الفنجان وانكب لفوق إبراهيم قفز من مكانه وقال :ابك ما تشوف يالهطف
استحى هتان وقام يمسح لإبراهيم القهوة من ثوبه وقال :رزقك كثير يخوي
ابو هتان بجديه:بزر انت؟تمرجل وقهوي اخوك زي الرجال هذي المره اخوك المره الثانيه عند الرجاجيل!
هتان :ان شاء الله
ام هتان :مايخالف يمه هتان روح غير ثيابك وتعال كمل اكلك
هتان :شبعت الحمد لله
راح هتان باس رأس امه وابوه وراح ولحقه سعود بنفس الحركه وراحوا الدوام بدون نفس
شافوا جهاد وامل بعض بحزن ورجعوا يصتبحوا اما إبراهيم شاف الوضع متوتر حمد الله على النعمه وراح عمله توجهه كل واحد دوامه وبقيت امل وام هتان في البيت وقالت :عمه
ام هتان :سمي؟
امل :سم الله عدوش،خلاص هتان بتزوجوه لُبنى؟
ام هتان بحزن :والله يابنيتي مافي باليد حيله اسويها لكن الله يكتب لهم الخير
امل بنفس النبره :امين
وفي اليمن :
فتحت شمس عيونها وشافت قدامها صبوح وكرم جالس على اشغاله ابتسمت وقالت :صباح الخير
كرم :
كل شمس من صباح الخير تشرق باسمها
قطعه من سحر بابل زينه السحر الحلال!
شمس باحراج :مارحت الدوام ؟
كرم :اخذت إجازة علشان ام ضياء امس ما رقدت زي  الناس اكيد بتصحى تاعبه
شمس بمزح :والصدق؟
كرم بمزح :تعبت من الدوام واخذت مرضش عذر
شمس :قلت لك مستحيل تكمل يوم كامل وانت ممتاز
كرم بضحك :وانتي هذا سؤال؟
قامت شمس من سريرها صبحت عليه وقالت :جبرني بك يا كرمي
كرم :وبش يا شمس كرمش
وفي غرفة غيث :
كان غيث يستعد لدوامه اما ريفال كانت عند الطاقه اللي تطل على بيوت صنعاء القديمه التراثيه كامل تشرب قهوه وتتأمل جمال البيوت قاطع روقانها دقة باب الغرفه سمعت صوت ابوها خافت وراحت وراء غيث، تعصب غيث لانه يكره ريفال تخاف وهي عنده حاوطها من وراها وفتح الباب بقوة وقال :إسلام! خير ان شاءالله؟
ابو محمود :يا قليل الادب سميني عم على الأقل قدام ريفال
شافت ريفال بسمه ابوها وفي يده البطاطيس اللي تحبه بعدت من غيث وحضنت ابوها اللي ما شافته من لما دخلت المستشفى وقالت بفرح :هذا لي؟
اعطاها ابو محمود الكيس وخرج من جيب الكوت حقه خاتم ذهب رقيق جدا ولبسها الخاتم وقال :ايوة يا بكر ابوها
وكانت هذي الحركه رد اعتبار لهيبة ريفال قدام زوجها على الموقف اللي سببته براءه وأول مره يحن أبوها عليها
ابتسم غيث بعد ما شاف لمعة عيون ريفال من الفرح وهي اي شي بسيط يسعدها وما تحقد وهذا اكثر شي يحبه في ريفال  ،لبست الخاتم في يدها الفاتنه وجلست تتأمله حضنته وبادلها الحضن وقالت :شكرا يا احلا اب
غيث :يا احلا اب تعال نلحق الدوام!
ابو محمود بضحك :يالله يا ولدي الله يصلحك
دقه غيث وخرجوا يضحكوا ودعتهم ريفال واستودعتهم الله وراحت عند ماما لطيفه تجهز معاها الغداء وتحكي لها كل شي حصل لها .
وفي تركيا :
اتصلت امل على ترف وقالت :عادش راقده؟
ترف :خليني احلل اخر ايام الاجازة
امل :اشتحطي وقومي تعالي معي النادي اليوم بنروح قسم الاحصنة
ترف بحماس :يالله بس اتجهز ومسافه الطريق وانا عندش
امل :تجهزي تجهزي او تجهزي من حقش؟
ترف بضحك :لا لا بتجهز
امل :يالله بسرعه .
أنهت امل المكالمه وراحت ترف تجهز وبعد نص ساعه جت ترف وراحوا النادي بسيارة سعود اما سعود راح مع هتان بنفس السيارة
وفي النادي :
بدأت أجواء الرياضه واصوات البنات من جميع الدول تعج بالمكان وراحت امل وترف يغيروا ملابس علشان يركبوا الخيل واتوجهوا لعند الخيل ركبوا عليه وكان باقي وقت كثير قبل ل يفتحوا الساحه ،قربت امل لعند ترف وقالت بحزن :تعرفي لُبنى بنت عبد العزيز
ترف :ايوة جارة جهاد هذيك الطيبه
امل :امس هتان فاتح عمي بموضوع زواجكم
احمرت خدود ترف وقالت :وايش دخل لُبنى؟
حكت لها امل كل اللي حصل مع هتان بدون ما تجيب سيرة لبنى وقالت :يقول لش انتظري له لما يلين قلب ابوه او بيسوي اي حل المهم وصلت كلامه
قررت ترف تقول اجابتها وتوصل لهتان عن طريق امل وقالت :
الاصيله لو رخيت لها الرسن
ما تروح لغيرك وانت خيّالها
الاصليه وافيه بليا رسن
ما تخون ولو قسى خيالها!
ابتسمت امل وقالت :الله يجمع بينكم على خير يالمترفه
ترف باحراج :امين ،ايش دخل لُبنى الان ؟
امل بحزن :عمي نايف حالف يزوج هتان لُبنى وعلشان هكذا عاده هتان يدور حل وقال لش تصبري
اختل توازن ترف وهي تعرف كلمه ابو هتان بتطبق لا محاله لكنها شدت على اللجام وتذكرت صوت هتان لما يقول لها :يَحرم هتان وكل اشعاره ابتسمت بغلب وسخريه انها تمادت في الاحلام ونسيت القدر ووزانت نفسها بسرعه وقالت :هاهه!!الله يهنيهم .
امل :بس هكذا؟
اخفت ترف حزنها وقالت :انا احسب ظروف حصلت له لكن دام فيها عمي نايف محدد البنت خلاص انسي شي اسمه زواجنا ولو هو نصيبي بيجي لي وين ما كنت
عرفت امل حزن ترف من نبرة صوتها وقالت آخر فكره لها بحماس :لو رضى ابوه واخذ لُبنى وياخذش الثانيه؟
شافتها ترف بنظرة جاده وقالت :ورثنا العز والذله عليها ما تربينا يا اكون الاوله والاخيره يا مااكون! ولُبنى تستاهل كل خير
امل :ب....
سلمت ترف امرها لله وقالت بمقاطعه :غلقي الموضوع يا امل!
سكتت امل بحزن وعرفوا ان طريق ترف وهتان مسدود لا محاله تدربوا الثنتين بدون نفس واخيرا بعد تعب ٤ ساعات روحوا البيت وفي الطريق قالت ترف :شنزل معش البيت والله اشتقت لجهاد
امل :ياكلبه يعني اتجي عندي علشان جهاد بس
ترف بضحك :لا لا بس اقصد نمُر عليها مع الطريق
امل بمزح :اشوى
وصلوا البيت بعد ما جوهم تعدل شويه نزلوا الثنتين دخلوا الثنتين غرفه جهاد بمداهمه وانهاروا ضحك على شكل جهاد وهي منهاره في النص ومن اليمين ملازم ومن اليسار لابتوب مسحت جهاد وجهها وقالت :ما تعرفون تطقون الباب؟
ترف بضحك :هذا بدل ما تقولي السلام عليكم نورتي يا ترف تعالي اغديش يا ترف
جهاد :وين الغيبه يا ترف وين السحبه يا ترف وين الغداء يا امل
امل بضحك : والله ما تستحي انا عادني وصلت من النادي المفروض انتي تسويه
جهاد :عز الله يعزنا بأمي وجمان سوون الغداء وكملت بمزح :لو كنا اعتمدنا عليتس بنموت جوع من زمان
ضربتها امل بخفه وضحكوا كلهم وسلموا على بعض ،رجع هتان من دوامه بمواصلات عاديه وخلى سيارته مع سعود بعد ما داوم نص دوام بعذر انه مريض وصل البيت وسمع صوت ضحكه ترف اللي يميزها عن الف ضحكه واللي كانت تزيح همه كلياً لكن هذي المره غغغغيير اول مره هتان يكره جيت ترف لبيتهم لانه خان وعده لها وكل ما ضحكت ترف كل ما تقطع قلبه اكثر كيف الانسانه اللي بيدخل في حبها السنه الثالثه ما بتكون له بتكون لواحد غيره كيف العيون البُنيه بتكون مصدر الهام وحب وجمال لحد غيره وكيف بيكون كحل ترف حبر اشعار شخص غيره وكيف بتكون الشامات الموزعه في وجهها وفيها بشكل فاتن مصدر تأمل لحد غيره وكيف حمره خدها مع ابتسامتها اذا قال حد غيره لها شعر او كلام حلو او انهزم بجمالها واعترف بحبه وهو طماع جدا بها
شد على قبضته وما استحمل كسر الدولاب من شده غضبه وكل ما تخيل شي فيها كل ما زادت قوته على باب الدولاب سمعت جهاد صوت التكسير القوي لان غرفتها مقاربه لغرفه هتان وقالت :تسمعون الصوت ؟
حست ترف بوجع في قلبها اخفت هذا الشعور وقالت :يمكن يصلحوا شي في الشارع
هدأ الصوت وقالت جهاد :يمكن
امل :المهم كملي السالفه
كملت جهاد تحكي لهم عن ايامها في الجامعة وكيف لحد الان ما جنتت من ضغط الدراسه وكل وحده تقول اللي عندها ويضحكوا متناسيين الصوت .
اما هتان شاف باب الدولاب مهدم قدامه ويده مجرحه وتنفسه سريع وسعود مو موجود معه هدأ وانسدح فوق السرير بتعب ،عدا الوقت واستأذنت ترف انها ما تقدر تجلس اكثر علشان بتروح تسوي الغداء لاهلها ودعوها البنات وخرجت من الغرفه على خرجت هتان من غرفته علشان يغسل يده ويعقمها شافته ترف بنظرات تجمع ما بين الخذلان والقرف والاهتام والشوق والاستغراب انه موجود لكن صدت نظرها بسرعه وراحت ودعت ام هتان وراحت بيتهم  ما اعتاد هتان هذي النظرة اللي فهمها وهو  من اول ما طاح بحبها وهي يفهم ترف من نظراتها ،وراح عقم يده بقوة
وفي غرفه جهاد :
امل :يالله يا طلاب الجامعه بروح انام لاني تعبت اليوم
جهاد :والغداء؟
امل :عليكم بالعافيه انا اذا جاء سعود باكل معه
جهاد :مجرد تخيل اني احرم نفسي من الاكل لان زوجي ما رجع من دوامه فكره تبكي
ضربتها امل بخفه وقالت :ما تعبتي ضرب؟وبعدين انا بنام ما بجلس على جوع بطني
جهاد بضحك :يووه يالتصريفه النايمه
ما جابت لها امل رد ضحكت جهاد وراحت امل غرفتها وشافت هتان سألته عن سعود وقال لها انه اخذ اجازة وسعود مداوم ،ردت له رد ترف وراحت غرفتها تنام ،حطت جهاد علامه لاخر شي ذاكرته وراحت تقرب الغداء مع امها وعلى طريقها سمعت صوت هتان وقالت :هتان ؟
ما ركز عليها هتان اللي كان يكتب شعره لترف ويردده بلسانه :
عهد الوفاء منساتس ما دُمت حي
لو كان دربي في محبتس مسدوده
لو كان تطوينا سنين الوفاء طي
تبقين بوسط قلبي حاضره ومجوده
خافت جهاد لو انه يهلوس وقالت بصوت عالي:هتان!
هتان :هاااه؟
جهاد :مو المفروض تكون في الدوام؟
هتان :مهبط واخذت استأذان
جهاد :اداويك بخبراتي الثمينه
هتان بمزح :افضل اروح عند اوسان ويسوي لي ماسك بمنديل ومويه ولا اخذ بندول من عندتس
جهاد :انت الخسران!
ضحك هتان وانتبهت جهاد على يده وقالت :جرح؟
هتان :جرح بسيط
جهاد :اي روح عند اوسان يضمد لك
ضحك هتان وهي قاصده تضحكه لكن سرعان ما جاء في بالها الصوت شهقت وراحت جري تفتش الغرفه شافت باب دولابه مكسور توسعت عيونها وقالت :ورع انت ورع؟ تكسر دولابك ما سواها اسامه ابن جمان!!
هتان بجديه :سقط الباب لما فتحته عشان اغير
شافت جهاد ملامح هتان الجديه وصدقت وقالت :منجد؟
هتان :اي يا بنت الحلال ابكسر باب ليه؟
جهاد بضحك :مادري عقلي افلم
هتان :اقول روحي روحي مع امي زهبي معاها الغداء انا جويع
جهاد بابتسامه :ان شاءالله
راحت جهاد تقرب الاكل مع أمها وتجمعوا الكل عدا سعود وحرمه شاف ابو هتان هتان وقال:بتقعد تصيح زي الحريم وما بتزوج و....
إبراهيم بمقاطعه:يبه ارتاح وكُل وبعد الغداء نتكلم
ابو هتان :اصصه!
بلع إبراهيم ريقه من الخوف وسكت وقال هتان :وش فيها بنت عزالدين ولا لان جنسيتها مو مثلنا ؟من متى يايبه ونحنا كذا ؟طول عمرك وانت تقول لا فرق بين عربي ولا اعجمي إلا بتقوى!والله لا لُبنى ولا بنات العالم يملون قلبي بعد ترف!
ام هتان بتعزيز :اخت عدنان من دريتنا وماهي بكفو و بنت عز الدين من دولة غير من عندنا والكل يشهد باخلاقها
جهاد :اصابع اليد ما تستوي يايبه!
ابتسم هتان لوقفة الكل معه اما ابو هتان ما كان رافض ترف من حيث الدوله او اي شي ثاني هو رافض لان قلبه مش مطمئن وهو يوثق بحسه دائما واتخذ الدوله عذر ،توقعوا ان ابوهم بيعصب عليهم لكن قال بكل برود :بكره اذا ما رحنا لبيت عبد العزيز الله يغفر له لاعاد اسمع حسك ولا صوتك في البيت أو خارجه
توسعت عيون هتان لان ابوه بيطرده وهو مهما حصل ما يقوى على فراق اهله ولا غضب ابوه وتذكر كلام الشيخ سكت شويه وقال بغصه :نروح لهم العصر!
انصدم الكل وما توقعوا ان هتان يتخلى على ترف بهذي السرعه ولا حتى ابو هتان نفسه ابتسم ابو هتان وزفر براحه وقبل ل يقول اي كلمه دخل سعود وهي يتنفس بسرعه ووجه اسود  وقال :لحقوا على ألين .....

______
عارفه اني طولت عليكم لأول مره بهذي المده كلها لكني كُنت مشغوله بعرس قريبتي اعوضكم ب ثلاثه بارتات كلها أحداث لا تنسوا النجمه واشوفكم في بارت جديد لا يَحلوين 🤎🤎.