حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الخامس والخمسون

بشروا البنات كل البيت واعتلت الزغاريط معلنه فرحه الحمل وفرحه عرس ورود واسامه بكره
بدأو البنات يجهزوا انفسهم ويجهزوا ورود لعريسها اسامه وفي صباح اليوم الثاني :
قاموا البنات على صوت الزفه وحصل زي كل عرس تضارب الصباح على كرسي الكوافير وحوسه المكان وضحكات الفرح وأخيرا جهزوا البنات وبدأت الناس تجمع والأصوات تعلى وأخيرا انزفت ورود بفستانها الأبيض ومن تحت فصوص على شكل ورود حول الفستان ومن الصدر صافي وإكسسوارات بارزه ومكياج ناعم وكان شكلها من اسمها وكأنه ورده انزفت بكل حماس ودموع ام كيان واخيرا جاء وقت دخول اسامه راحت معالي ل عند ورود وقالت :اسمعي غطي وجهِك بالطرحه
ورود :ليش
معالي :نعذبه نفسيا
ورود :فكره
الكل:هههههههههههههههههه
شمس :اخر من يزوج جاهله
ملاك :واخت زوجها اجهل منها
ضحكوا البنات ودخل اسامه مع كيان وهم يشوفوا بس الفستان ومسكه اليد السماويه اسرع اسامه بخطواته ضحك كيان وقال :دلا دلا!
استحى اسامه ومشى مع مشيه كيان افتتحت غنيه اهدأ من كيان ل ورود (الفرحه لانا حاسس بيها لانا قادر اقولها ولا احكيها اختي حبيبتي وضي عيوني لعرسها بيدي اوديها!)
بكوا ام وخوات كيان ودُجى وتأثروا الباقي وصل كيان حضن ورود بقوة وهو يسمع بكائها من تحت الغطاء ابتسمت وهمس في اذنها :سال الكحل ايفتجع الرجال ويهرب
ضحكت ورود ارتاح قلب كيان واشر ل زهور،جت ومسحت لها دموعها وأخيرا جاء دور اسامه بعد الطرحه وشافها هي هي اللي شافها اول مره دق قلبه وابتسم وكأن قلبه طفل حضنها لكن هي من الصدمه ما حضنته ما اهتم اسامه وقال :والله ما كذب الشعور اول مره شوفتش حييتي قلبي يا ورود عمريي!!
استحت ورود لأول مره وهي ما عمرها سمعت نفس هذي الكلمات واكتفت انها حضنته بعد ما تأكدت ان هذيك النظره مش عابره هذيك النظره نظره حُب ،مسك كيان اسامه وقال :يكفي
اسامه :من سلطك عليا؟
ضحكوا الاثنين وجت ام كيان تصورت معاهم وبدأت تلبسها الحجاب علشان تروح ،وثقت شمس كل اللحضات وقالت فاطمه :هذا اخي الحجره ولا مشبهه ؟
ضحكت طيف وقالت :كلنا انصدمنا باخواننا شي طبيعي
معالي :متشوق اشوف الفرست لوك حقي
ريفال :قريبا ان شاء الله بس اهم شي اعزمينا
معالي :من العيون بس عليش اشتغلي خطابه واجمعي بين اثنين بالحلال
ملاك :هذا المشروع ريفال القادم بالتلفون الارضي
الكل :هههههههههههههههههههه
دٌجى بمزح :خلاص نزوجش حسين صاحبهم
معالي بمزح :يعني فقدتوا الامل من السنيين تزوجوني شيعي
طيف بعصبية :مش كل حسين وحسن وعلي وزيد شيعه ولا علي رضي الله عنه يمثلهم!!!
ضحكت معالي وقالت:اعاصبِك مله، اعرف بس مزحت
ضحكوا البنات وسمعتهم حور اخت حسين اللي كانت وراهم ضحكت بصمت وقالت :لقينا العروسه يمه
ابتسمت ام حسين وقالت :ونفس المواصفات ذكريني اسال غاده (ام كيان )بنت من هي
اشرت لها حور ب تمام وراحوا يزفوا ورود زفه الوداع وفي السياره :
سلم كيان على ورود واسامه وقال بنبره جديه :انتبه لها يا اسامه من ذمتي ل ذمتك ولا تنسى أن معاها اخ س...
اسامه بحب:ما يتعوض، ابشر في عيوني
طلعوا كلهم السيارات يزفوهم بموكب السيارات للفندق ، وفي ظهر السعوديه :
اخذ تركي حجره وضربها في الجرح عشان يفتحه وما يكون لجهاد عذر غمض عينه من الالم ودخل المستشفى وقال بهيبه :وين الدكتورة جهاد؟
ما صدقت السكرتاريه انه نفسه اللي جاء اول مره وكأنه جاء يزور حد مو كأنه هو المريض ذكرت الله وقالت:الدكتورة مناهل جت وهي المسؤوله عن هذي الحالات
تركي :انا كلمتي واضحه ابي الدكتورة جهاد هي اللي تتابع حالتي !
ما ناقشته زياده وحولته لعند جهاد ،مشى وشاف جهاد تضحك مع الممرضات وواضح الراحه النفسيه اللي مسببتها في المستشفى وقال بشوق كبير:
ما ألوم اللي لا قابلتس يرتاح
وجه السعد!من قابله ما يمله ؟
لفت جهاد شافته تنحنح تركي وانصدمت من جيته عدلت وقفتها وقالت :عسى ما شر اخ تركي ؟
انقهر تركي من كلمه اخ وقال :ابد ابي اجارح
مشت جهاد للغرفه عشان ما تحرج نفسها وقالت :الحقني!
مشى الغرفه وبعد الجاكت العسكري شافت جهاد يده شهقت وقالت :وش ذا؟
تركي :تخصصتس او تخصصي؟
ماركزت على كلامه وخافت لو الغلط منها لكن ركزت على آثار ضرب توقعته دخل اشتباك وعدت الموضوع مسكت يده ومعد حس بوجعها واخذت جهاد المخدر مسك يدها تركي وقال :كثر التخدير يأثر علي!
تعصبت جهاد وحدت نظرتها على يده ركز تركي اللي قاعد يسويه فلت يدها وقال بتصريف :لحضه توترت ما انتبهت اعتذر
رجعت جهاد المخدر وهي اصلا ما كانت نيتها التخدير اخذت المقص وقالت :وش دراك بالتخدير؟
تركي بابتسامه ساخره :ابد دخلت اكثر من مره هنا اشيك على الوضع،  باقي لي اصابتين ويعينوني مريض عام
ما قدرت جهاد تمسك ضحكتها وهي تعودت تضحك بصوت عالي مع ذبات ترف السخيفه ،حاولت تمسك نفسها وضحكت بصوت واطي جدا وسكتت على طول بعد ما عرفت انه سؤال يمكن يكون شويه غبي ،ابتسم تركي من ابتسامه جهاد اللي ما قوى بعدها يكون ثقيل ابدا وهذي مو من عادات تركي اابببدااا،بدأت جهاد تجارح له تألم تركي عند مكان ضربة الحجر مسك على جبهته وغمض عيونه وقالت جهاد لا ارادي بصوت واطي :وش قعده توقوموري (عم كونان )ذي ،سمعها تركي وقرر يحل جريمة ابتسامتها وقال :
ورد على غصن من البان مياد
ورد نمى في ظل رمش كساها
رمشٍ على جال النواعيس ...صياد!
ذبح القلوب اللي تعرض حماها
قلبي وعقلي منتس في حرب وجهاد
وأشوف دق القلب ميل خطاها
ما استوعبت جهاد الكلمات وكانت تحسبه يهثري وركزت على كلمه جهاد وقالت بجديه :سم؟
تركي :سم الله عدوتس ابدا بدأت احل الجريمه!
احمر وجهه جهاد وارتجفت يدها حسها تركي وعدل جلسته وسكت بس يتأمل يدها على جرحه وشويه يتأمل تركيز عيونها عشان تتقن عملها وعرف وش الحكمه اللي انرفض فيها اول مره ،ربطت جهاد يده وشالت الجونتي من يدها وقالت :الحين الجرح نظيف انتبه له من اي ضرر وتعال باتسر اخر يوم وان شاء الله تلتأم بأسرع وقت
تركي :ان شاء الله، شكرا
ما ردت جهاد وخرجت عشان ياخذ راحته في اللبس وخرج بعدها تركي توجه لسيارته اللي فيه اخوانه وابوه وقال ابو فيصل :عسى ما شر طولت؟
ابتسم تركي وقال :الشر ما يجيك يالغالي ..يبه؟
تحرك فيصل متوجهه لبيت ابو هتان وقال ابو فيصل :سم؟
تركي:سم الله عدوك ،تذكر اخت إبراهيم خويي اللي تقدمنا لها ورفض أبوها  عشان دراستها؟
ابو فيصل :اايهه؟
تركي :هي الدكتورة اللي تداويني!
ابو فيصل :ماشاءالله والمطلوب ؟
تركي :نبي نتقدم مره ثانيه
فيصل :على الأقل استخير!
تنهد تركي وقال :قعدت ادعي واستخير سنيين!
ابو فيصل :وشو؟
تركي :اقول تكفى يايبه ابي اكمل نص ديني
ابتسم ابو فيصل وقال :والله دام وهي رغبتك للمره الثانيه نمُر لسوق نزود على هالاغراض اغراض ونتقدم رسمي
لف تركي بكل حماس وقال بفرح :يا جعلني ما اخليك يا يبه!
ضحك فهد ابن فيصل وقال فيصل بمزح :ابني كبره وتوه قرر يعرس 
مسك تركي إذن فهد وقال :اساسا وش جاب ذا البزر معنا
فهد :ذا البزر عمره ١٨
تركي :شربت حليب قبل ل تطلع؟
فهد :هاهاهاها
ضحكوا كلهم وضم تركي فهد بيده بحنيه  واتوجهوا السوق اخذوا كم غرض واتوجهوا لبيت ال سعد وفي بيت نايف بن ناصر ال سعد :
جنب إبراهيم موتره ونزلت جهاد غيرت واتوجهت للمطبخ ضحكت ترف وقالت :من رئيسه الممرضات ل رئيسه المطبخ
امل :قصدش رأسه
ضحكوا البنات وقالت ليان :وش ذي القوة لا إله إلا الله من اول يوم رئيسه
جهاد بثقهه :ابك وانا جهيد اكتسح المكان من اول ما اطبه!
امل :ولو عاد اكتسحتي المطبخ يا سلام
الكل :هههههههههههههههه
جمان :بنات اصواتكن عاليه!الحين بيجون الضيوف
جهاد باستغراب :ابطون؟
جمان :وش عليتس منهم المهم كل شي جاهز؟
جهاد :ايه يا الأمر الناهي
ضحكت جمان ورسلت لها بوسه الهواء
وعند الرجال :
شاف إبراهيم موتر متوجهه لعندهم ابتسم وقال :جوا!
قاموا رجال ال سعد على صف واحد،نزلوا من السياره وقال ابو هتان :يا مرحبا عد ما هل هتان اقلطوا حياكم الله
ابو فيصل :المرحب باقي يابو هتان
سلمت العرب على بعضها ودخلوا المقلط وتعددت الهروج ومن بينها رجعه ال سعد لسعوديه ورحلتهم لليمن ،وجاء وقت الغداء قال تركي :ابي اغسل يدي
إبراهيم:امش سيده ولف يمين
أشر له تمام وراح الحمام وهو يدندن فتح الباب لكن عيا الباب يفتح حاول يفتحه بقوة لكن شاف حد من وراه يدف الباب خرج سلاحه من جيبه فك الأمان وطلع صوت وبسرعه شاف من الفتحه الصغيره اللي على الباب وتجمدت عروقه بعد ما شاف بنت وعرف انها جهاد اللي ما تغيرت من سنين الا انها زاد جمالها لا غير خافت جهاد واضطرت انها تتكلم قبل ل يطلق وتتأثر او لو نادى لواحد من اهلها ويشكون فيها وقالت :وخخخرر من عند الباب!!
امن تركي السلاح بعد ما عرف مصدر الصوت تماما وقال :وش تسوين عند قسم الرجال!!
جهاد :ما سمعت؟ضف وجهك ابي اروح
تنحى تركي من على الباب وصد عيونه وخرجت جهاد تجري لعند البنات
نرجع بالأحداث شويه :
ألين :جهاد تكفين روحي جيبين شامبو الأطفال من حمام الرجال
جهاد بضحك :وش يسوي هناك؟
ضحكت ألين وقالت :امس كان الحمامين اللي داخل مليانه واضطريت اروش بندر ولدي هناك ونسيته 
باست جهاد البندري وبندر وقالت :يالله ثواني
راحت جهاد وسمعت صوت رجال خافت وغلقت الباب ما توقعت انه قاصد الحمام ومن الخوف غلقت الباب بيديها ونست تأمنه بالمفتاح ، نرجع للحاضر :
وقف مصدوم باللي صار وقال :
وابتليتس لين اني وجاهد عليتس جهاد
اذا اصلتس ولا دونتس الموت وخلاجه
لتس من السعه عين ومن الحاجبين حداد
انا وين اوديني على الرمش وحجاجه
ولا انتي من يظهر بحسنها الأضداد
ولا عينتس النجلاء تبي كحل ودعاجه!
غسل يده ومشى متوجهه لعند الرجال وعند البنات :
حطت جهاد الشامبو بقوة وقالت :خذيه
ألين :وش فيتس كأنتس مضروبه
ترف :تيه البنت من لما دخلت المستشفى ونفسيتها تتغير بسرعه
امل :اخاف تدور الدنيا وترجع مريضه فيه
تذكرت جهاد كلام تركي ضحكت وضحكوا البنات وقالت أم هتان :ما تبون تتغدون؟
الكل :إلا
ام هتان:اجل يالله !!
مشوا البنات وتغدوا الطرفين وبعد الغداء عند الرجال :
دخل إبراهيم يقهوي الرجال وقال ابو فيصل :دام جمعنا الله على خير يا نايف اليوم جينا للمره الثانيه نبي وحده من بناتك المصونات لولدنا تركي على سنه الله ورسوله ،ماهو بعشان ولدي لكن الحق يقال ولد طايع لله ووالديه وموظف واخلاقه تشهد له
ابتسم ابو هتان وقال:شهادتنا مجروحه فيكم يبو فيصل بس صراحه ما توقعت تطلب ذا الطلب لكن والله ما نردك مرتين
زفر تركي براحهه وحمد لله ان جهاد محد تقدم لها وقال ابو هتان :رفضنا للمره الاولى ما كان تنقيص منكم!لكنها كانت تدرس والحين خلصت اللهم لك الحمد
تركي :وحنا نتشرف نخطب من عندكم ياعم!
ابو هتان :بناخذ رأي البنت ونرد لكم خبر ان شاء الله
توتر تركي وراح ابو هتان وقال :جهاد!!!
حست جهاد ان قلبها بيتوقف لو ان أبوها  عرف رغم أنها ما سوت شي تشهدت وقالت بخوف :سم؟
ابتسم أبوها وقال :سم الله عدوتس
زفرت جهاد براحه بعد ما شافت ابتسامه أبوها ابتسمت على تفكيرها اللي افلم وقالت :أمرني وش اللي تبي يايبه؟
مسك ابو هتان يدها وقال :والله يا بنيتي مهما كبرتي تبقين في عيوني صغيره واخر العنقود المدلعه
ابتسمت جهاد بواسع ثغرها وهو صح دلال ودلع أبوها ما أثر على تربيتها ابدا بالعكس زادها حب وزادها ثقه وخاصه ان دلع أبوها ما كان مبالغ فيه وقالت بدون ما تفهم المقصد :الله لا يحرمني منك ولا من دلالك لي يبه
ابو هتان:وحنا قاعدين مع الرجاجيل واحد منهم اجودي مثلي وشرواي قال انه يبي وحده من بناتي يبي يكمل نص دينه ،وماعد باقي إلا انتي وهو تقدم لتس قبل ورفضناه عشان دراستس ،الحين انتي موظفه والكبيره وتقدرين تكونين عائله وتتحملين مسؤوليه ،هو صديق إبراهيم اسمه تركي وهو ملازم أول ماشاءالله موافقه؟
دمعت عيون جهاد من حنيه أبوها ومن سرعه تركي وانصدمت انه هو الضيف وقالت :اللي تشوفه خير لي انا موافقه
حضنها ابو هتان وقال :اجل الف مبروك يبنتي
ابتسمت جهاد ودخلت ،وعند الرجال دخل ابو هتان وقال:حنا موافقين
اعتلت التبريكات ل تركي وقال ابو هتان :يوم الملكه هو نفسه يوم الزواج
ابو فيصل :تم وبكره ان شاء الله يوصلكم المهر اللي تشرطوه ل اخر ريال
ابو هتان :متى تبون الزواج؟
تركي :عقب شهر!
ابو هتان:تم
تركي :تتم افراحكم يعم
ابتسم إبراهيم ان صاحب عمره بيكون صهره واعتلت الأصوات مره ثانيه عند الرجال وعند البنات :
دخلت جهاد وعيونها مورمات شافتها جمان وقالت :وش فيتس رجع وجهتس فطيره!
انفجرت جهاد تبكي في حضن امها خافت ام هتان وتجمع الكل حولها يهديها وام هتان تسمي عليها هدأت جهاد وحكت لهم القصه من اول ما شافته في المستشفى ل كلام أبوها مسكت ام هتان رأسها وقالت :ياشيب عيني شيبااه كيف عرفتيه؟
توهقت جهاد ونست ان امها موجوده وقالت :من اسمه مو دائما إبراهيم يهرج عنه؟
ام هتان:اي صح، خلاص وليه البكاء استخيري
ليان :تستخير بعد الموافقه؟
ضحكوا البنات وقالت ام هتان :اذا ما ارتاحت نهون قبل ل يصير بينهم عقد رسمي
ليان :صادقه
راحت جهاد صلت استخاره وحست راحه كبيره في قلبها ومع البكاء والراحه نامت على السجاده دخلت ألين غرفتها شافتها وابتسمت وحطت تحتها وساده وغطتها وخرجت وفي الليل :
راحوا ال سيف وراح كل واحد من ال سعد غرفته دخل هتان غرفته وشاف ليلاس في حضن ترف وترف فاتحه شعرها البُني الحريري اللي يداعبه الهواء غلق هتان الباب وشافته ترف بحنيه واضحه حتى في عيونها ابتسمت وقالت :هتانييي!
هتان :المبسم اللي عليه من الطرف شامه
ياويل تسبدي عليه وزين منطوقه!
باست هتان وابتسم من ابتسامتها وحنيتها وقالت :ليلاس من اول تناغي (تتكلم كلام مش مفهوم)
اخذها هتان من حضنها وقال بحنيه :هلا يا بابا
ترف :قولي ماما بابا
ليلاس:ماممم
دمعت عيون ترف وقالت :قالت قالت يا هتان قالت!!
ما توقع فرحتها لهذا الحد وقال :وبالانقليزي كمان ضحكت ترف وقال هتان :بابا بابا
ليلاس :بابه
قشعر جسم هتان وحضن ليلاس وقال :لبيه يا عين ابوتسس
ترف :بحاول مع إلياس لما يصحى
ضحك هتان وقال:هم صح تؤام بس ما يتكلمون بنفس اليوم
ترف :إلا أن شاء الله
أعطى هتان ليلاس ترف وقال :نوميها باخذتس مكان
ترف :وين؟
هتان :بتشوفين الحين نوميها
اخذتها ترف نومتها وباست التؤام وراحت لبست لثمتها وعبايتها واتوجهوا الاثنين لمكان مجهول بالنسبه ل ترف جنب هتان في اسطبل استغربت ترف وقال :انزلي
نزلت ترف ودخلوا الاثنين لقى هتان العامل وأخذ منه المفتاح وراح العامل وغلق هتان الباب وقال :اختاري الخيل اللي يعجبتس وتعالي نتسابق!
ترف :قوللل والله!!
هتان :ليه الحلف شوفة عينتس المكان فاضي ومافيه إلا قمرين وهتان!
غطت ترف وجها بيدها تستوعب فتحت عيونها مره ثانيه لمعت عيونها وقالت :تعبت وانا اقول يااححظظظيي
ابتسم هتان وعرف ان ترف حساسه تبكي على اتفهه شي وقال :انتي بس تدمرين وطني ما غير دموع دموع جربي شي ثاني
ارتمت ترف في حضن هتان ضمته بقوة وشد عليها وقال بحب :اي كذا!
ضحكت ترف وقالت :سباق!
هتان :تسابقين واحد تربى مع الخيل والجمل؟
رفعت ترف حاجبها وقالت:خايف تخسر؟
هتان:الموضوع تحدي ؟مشينا
تحمست ترف وفتحت شعرها واختارت خيل واختار هتان خيل مشوا لخط الميدان وقالت ترف :يالله بدأنا
اسرعوا الاثنين بالحصان وما توقع هتان ان ترف تعرف لهذا الحد لكن وين وين على هتان اللي من نعومه أظافره وهو في مسابقات خيل لكنه استغل الفرصه وخلى ترف تسبقه عشان يتأمل صنعه الله وابداعه فيها وكيف شعرها يتطاير مع ذيل الحصان قاطع تأمله ترف وهي تقول : ٤ امتار وافوز عليك يالخيال
ضحك من ضحكتها واسرع بالخيل لجنبها وقال :خسرت لاجلتس كل شي يفداتس السباق والمتسابقين
ترف :احب روح الرياضيه اللي فيك يا خسران بس يا تسابق بصدق يا بطلت  لا تعاملنيي بطفوله
قرب هتان خيله بجانل خيل ترف ومسك يدها ووصلوا الاثنين للخط وقالت ترف :يا نفوز مع بعض نخسر مع بعض !
نزل هتان من خيله ونزل ترف ربط الخيول ومسك يد ترف ومشوا مع بعض وقال :أربع سنوات بالضبط وحبتس في قلبي يزيد تمادي
ترف :من كثر حبك في قلبي حبيت ديرتك واهلك وشيبانك
ابتسم هتان وقال:اتذكر اول مره شفتس انعكس ضوء القمر في عيونتس وتولع قلبي بتس
ابتسمت ترف وقالت:حتى انا لما كنت اروح معك المدرسه ادركت اني وقعت في حبك خلاص
تنهد هتان وبدأو يتذكروا الاثنين ذكرياتهم وضحكاتهم ماليه المكان ،وفي اليمن :
ماما لطيفه  :اشتقت لترف
ابو مازن بشوق :من يوم سارت وحشتنا والبيت ضاق والظلام انداس
ام مازن بحزن :صح والله
مازن:نحجز عمره بعد شهر لنا كلنا نعتمر ونزورها ونرجع
ابو مازن :وهو كذلك ،بكره ان شاء الله نحجز
الكل بحماس:ان شاء الله
وفي صباح اليوم الثاني :
صحت شمس وشافت كرم يحسب وواضح الانهاك في عيونه تعصبت وقالت :تصحى على الشركه وترقد عليها ويروح يومك انت ومازن في الشركه ويظلم الليل ويالله على هذي الحاله!
كرم :ايظلم الليل وانتي شمسي؟؟
لفت شمس وجهها باحراج ورجعت تشوفه وتقول :اتكلم من صدق!
كرم :اليوم الافتتاح وخلاص يهون هذا التعب كله!
شمس:منصدق يا كرم؟
كرم :منصدق
راحت شمس بدون كلمه زياده راحت غيرت ملابسها وتكشخت وراحت سوت الصبوح وجابته لها ول كرم وقالت :صباح الخير ،يالله صبوح وارجع
حط كرم الحاسبة وقال بحب :اي والله انش شمس عمري ونورها وانش شفاء لهمي واحزاني!
شمس بحب :يا وجه ما ألوم قلبي يوم حبّه
حضنها كرم وقربت شمس الصبوح وبعد ثاني لقمه دق الباب وقالت شمس بضبح :جاء الشريك
ضحك كرم وراح فتح الباب وقال مازن:اليوم الافتتاح والناس كلها نازل وانت عادك راقد!!
كرم :يالله مشينا
دخل كرم ودع شمس وأخذ الكيمرت شمس يوثق اول إنجازاته وراح تجمعوا الكل واعلنوا فتح شكره طيف الشمس للانشائات المدنيه الكل استغرب من الاسم لكن كرم ومازن ما اهتموا لان هذي الاسامي تعني لهم كثير بارك الكل لهم وقال غيث:رضعتوا شحم خنزير ما تغاروا انتم ؟
ضحك مازن وقال :ما كتبنا طيف زوجة مازن
كرم :اسم زي كل اسم اهم شي احنا لما نقرأه يهون تعبنا
غيث :ونشهد ان المراجل كاااايده
مازن:يالرجل المغوار اليوم تمشيه العصر على حسابك انا فلست رسميا
كريم :خلوها عليا علشان لما تنهض الشركه ان شاء الله رغم اني ما اعتقد تذكروني بسهم
غيث:ما بيذكرونا إلا بسهم حربي اعرفهم جلد
الكل :هههههههههههههههههههه
تحمسوا الناس وكل واحد راح يسوي عقد معاهم خاصه ان ال مُنيف معروفين بامانتهم وإخلاص عملهم من زمان وان اللي في الشركه المهندسين ذو كفائات عاليه دخل مازن يتطمن على الشركه وشاف عامله في الشركه بس تحلي بنفسها قدامه استغفر الله وسفها وينتظر اقرب زله منها علشان يخرجها لانه انعمى بطيف عن كل البنات ،عدا اول يوم لشركه بخير كبير من الله وروحوا الرجال فارحين بالإنجاز اللي حققوه فتحوا الباب وشافوه مزين دخلوا وشافوا امهاتهم وحريمهم مجهزين ترته بشكل شركه واكل من ما لذ وطاب وصوت التصفيق والزغرطه اشعل في قلبهم الحماس صورة شمس رده فعلهم اللطيفه بكيمرتها الثانيه واجتمعوا كل ال مُنيف في الديوان الكبير محتفلين وحامدين الله على النعم ،وفي صباح السعوديه:
صحت جهاد ووصلها إبراهيم المستشفى وراح دوامه دخلت جهاد مكتبها وشافت بوكي ورد كبير بلون الأحمر وفي كرت جنبه فتحته باستغراب وقرأت :
اهه يا دكتورة جروح الغرام عالجي قلبن
جروحه من وله له ثلاث سنين ما ذاق المنام
السهر سبب لعينه مشكله !
يا بنات الزين في غيره حرام يا صبايا خلو الزين
لاهله كل عام يمر يذبحني الهيام والغلا دايم حلاته ف اوله!!
احمر وجهه جهاد وصورت البوكي مع الرساله ودخلت الكرت في الشنطه وعلقت البوكي في مكتبها لانها مستحيل ترجعه البيت دخلت الممرضه مرام وقالت :مين اللي تعنى يجيب لتس من الصبح ورد يشبهتس
جهاد :مو كاتب اسمه بس اكيد خطيبي
شهقت مرام وقالت :متى اعرستي؟
جهاد :اااصصه وطي صوتس بس خطوبه والزواج بعد شهر حصل كل شي فجأه امس
مرام :يقرب لتس؟
جهاد :لا خوي اخوي
حضنتها مرام وقالت:مبروك يروحي
جهاد بحب :الله يبارك فيتس
سمعت جهاد صوت تركي عدلت نفسها وقالت:جاء جاء
مرام :ابي اشوفه
خرجت مرام مع جهاد وشافت الملازم الاول تركي لفت بصدمه وقالت:هذا ما غيره!!
جهاد:ليه في شي ؟؟؟

___________
بعد هذا البارت بيكون البارت الختامي .
لا تنسوا النجمه واشوفكم في الختام يحلوين 😢.