حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثالث والخمسين

ودعهم اسامه وراح كل واحد يجهز شنطه صغيره ورقدوا على موعد خطوبه اسامه وورود .
وفي الصباح :
قوم اسامه اهله بحماس قامت معالي وشافت شنطه متوسطه داخلها هدايا شهقت وقالت:عقد ولا خطبه
اسامه: بأذن الله زواج
معالي :انا اختك اعترف من هي؟
لف اسامه برأسه يمين يسار وقال بصوت واطي وهو ما يعرف يخبي على معالي ابدا :احكي لِك بس ما تقوليش لحد
معالي :سرك في بئر
اسامه بمزح :والبئر فيه اهل البيت كلُهن
ضحكت معالي وقالت بحماس :لا والله ما اكلم حد
حكى لها اسامه كل اللي حصل انصدمت معالي وقالت :استعز أقدام عدوك اذَ وانت شفتِه بالروب كيف بالفستان
مسك اسامه على قلبه وقال :يااارب
معالي :انقلع اروح اكل احسن
رسل لها اسامه بوسه على الهواء وراح كل واحد يتجهز وبعد ساعه جهز كل اهل اسامه وتحركوا متوجهين صنعاء ،وفي الفندق :
صحى هتان وشاف ترف لابسه برقعها وتجهز شنطتها ابتسم وقال :وش فيتس؟
رفعت ترف نقابها وجلست جنبه وقالت بحماس :صباح الخخيرر اخيرا قمت! ،قوم نخطى بيتنا نكتب اسامينا في اللوحه هخخخ اخخخيرااا ولا جنب اسمي اسمك اسرععع بالله
تحمس هتان من حماسها وقال :يالله دقايق
قامت ترف وراحت تكمل تحط في الشنطه اشيائها سحبها هتان حضنها وقال :صباح الخير يا وجهه الخير !
ابتسمت ترف بحب وحننت على ظهره
ابتسم هتان وقال:صدق اللي قال القلب يحن لشبيهه امه
ترف :ليش ؟
هتان :اليا حضنت امي تمسح على ظهري
ترف :الله يحفظها
هتان :امين يارب العالمين ويحفظ شبيهتها
ابتسمت ترف وقالت باحراج :هتان ممكن تسرع اليوم اخر يوم خلينا نلحقه
هتان :على ذا الخشم
ترف :عليه الشحم
ابتسم هتان وتجهز واتجهوا لبيت محمد آل مُنيف ،دخلت ترف واعتلت الزغاريط والترحيب واتوجهت لعند ماما لطيفه حضنتها وقالت : بنكتب على اللوحه اسامينا
ماما لطيفه :شمس تغطي وتعالي صوري
شمس بحماس:من عيوني
نزلوا ابو مازن وأبو هتان وحريمهم وهتان وترف والتؤام بعد هتان الزجاج وهو منذهل قرأ اسم ترف بحب وكتب جنبها هتان وفي الوسط قلب صغير ابتسمت ترف بحب وقالت :يالله اكتب تحت اسامينا إلياس وليلاس
كتب هتان اسامي عياله وغلق اللوحه أخذت ترف التؤام من حضن ام هتان واخذت إلياس وأخذ  هتان ليلاس وكل واحد جنبه امه وابوه وماما لطيفه في الوسط أخذت لهم شمس صورة لفت ماما لطيفه وقالت :الان اكتملت اللوحه كل احفادي تزوجوا
ام مازن :يا سرعة الايام !!
تنهدت ماما لطيفه وكل واحد راح غرفته حست مامالطيفه بصداع تجاهلته وكملت طريقها عدا الوقت وعند اسامه:كان يغني وابوه يصفق ويقول :إلا ياليتنا لك ويا ليتك لنا!
ابو اسامه :إلا ياليت دارك يساوي دارنا
تحمس الكل واعتلت التصفيق وأخيرا وصل اسامه لفندق نزل هو واهله ونزلوا عفشهم وتغدوا وبعد الغداء اتصل اسامه لكريم وقال :ساعتين واحنا عندك مستعد؟
كريم :وعليكم السلام ورحمة الله وبركاته
ضحك اسامه وقال :نسيت اقلك وصلت
كريم :قصدك وصلت تعز ؟
اسامه :كون جدي لمره
كريم بسخف :جدي ولا عمي
اسامه :اسمعك صوت القطار؟
كريم :سمعني
غلق اسامه في وجه كريم فطس كريم ضحك وعاد الاتصال وقال :السلام عليكم، يرجال ما لحقنا نقول الحمد لله على السلامه
اسامه :الله يعلن الحاجه
كريم :عيب عليك يا عريس خلاص انتظرك بعد ساعتين
اسامه:اي خدمات
كريم :اسلم
تغلقت المكالمه وراح كريم للمجلس اللي فيه رجال ال مُنيف وقال :السلام عليكم يا رجال
الكل :وعليكم السلام ورحمة الله وبركاته
تربع كريم وقال :تعرفوا اسامه رجال ونعم فيه
غيث باستغراب :وين المعلومه ؟
كريم :وهو طالب القرب من وحده من كريمات كيان ويشتينا نتوسط له
دارت في غيث الدنيا وتذكر كيف جاء كيان يتقدم لدُجى ابتسم وقال :مشينا
ابو كرم :اسامه رجال اجودي وما عمرنا ننسى وقفته مع ابننا
قام ابو مازن وقال :صدقت هيا توكلنا على الله
توجهوا كلهم لبيت كيان بعد ما جابوا له علم شافت زهور من الطاقه ال مُنيف كامل وقالت :دُجى اهلش جو يزورش
قامت دُجى بفرح لطاقه وشافت عيال عمها اللي مستحيل يزوروها ضحكت وتذكرت الموقف وقالت :في وحده منكن اليوم عروسه
دق قلب ورود بقوة وقالت ام كيان :ايش تقصدي يا بنتي ؟
دُجى:مش متأكده بس شويات ويجي كيان ونعرف
ام كيان :خير ان شاء الله
وعند الرجال :
استقبلهم كيان وغازي بترحيب وبعد الضيافه فتحوا مواضيع واخرها موضوع اسامه ابتسم كيان وقال :يجي يتقدم حياه الله
رن كريم على اسامه يبشره وبعد ربع ساعه توجهوا اهل اسامه لبيت ال قاضي ودخلوا البنات عند البنات والرجال الديوان وبعد السلام حط اسامه الشنطه جنب كيان وجلس وقال ابو اسامه :كيف حالك يا كيان
كيان :نحمد الله على النعم
ابو اسامه :ما كذب اسامه يوم مدحك ويوصف هيبتك تشرفنا فيك
كيان بابتسامه :على رأسي يا عم الشرف لنا
ابو اسامه :والله يا ولدي قدك تعرف خير البر عاجله وتعرف اسامه ولدي وتعرف الموضوع اللي جينا علشانه
كيان:حياك الله
اسامه بجديه :وحنا جينا طالبين وحده من كريماتك على سنه الله ورسوله
كريم بصوت واطي :ما عرفته
غيث :اسكت هذي المواضيع ما فيها ضحك
تعدل كريم وقال كيان:انا نظامي زي اعمامي ال مُنيف نسأل البنت ونعقد في ساعتها
اسامه بفرح :موافقين ابركها من ساعه
ابو مازن:اجودي ابن اجودي
غيث :اصيل منا وفينا والله
كيان :من عمق وطيب اصلكم والله
غازي :ونشهد
ابو مازن :تشهد لك يمناك
كيان :عن اذنكم دقايق ونرجع لكم خير
ابو اسامه :اذنك معك
وعند البنات :
دخلوا اهل اسامه استقبلتهم ام كيان وقالت باستغراب:تفضلوا حياكن الله
ام اسامه:الله يحييك
سلموا على بعض وجلسوا وقالت ام اسامه :هذين بناتِك؟
زهور :شكلكم تعززيين
معالي :ايه
زهور :عيال عمم
معالي :اهلااااا
ورود :تم الاقتران
الكل :هههههههههههههههههههههههههه
حصلت لحضه صمت وقالت ام كيان :هذا بنتي عبير الكبيرة وهذا ابنها عادل ،ابتسمت عبير و
كملت ام كيان :وهذي مرت ابني دُجى
فاطمه :ايوة ما تشبهين
ما عرفت دُجى ترد ابتسمت بس وكملت تقول :وهذولا بناتي زهور واخر العنقود ورود واخوهم الكبير كيان زوج دُجى
ما عرفت معالي تعرف من اللي يحبها اسامه لان الثنتين شعرهم اشقر
ام اسامه :ماشاءالله الله يحفظهن ،وهذول بناتي فاطمه مزوجه ومعالي ،وابن واحد اسامه
ضرب قلب ورود بقوة توسعت عيونها وشافت زهور بنظره خوف شافتهم معالي وعرفت من منهم ورود كتمت الضحكه وقالت زهور تغير الموضوع :كل وحده معاها ولد واحد ماتشي ماتشي
عبير بصوت واطي :ليتش سكتي
ضحكوا البنات وقاطعهم دقت الباب مشت ام كيان وقال كيان :يمه خارج قبيله
أم كيان :حتى عندي مابه؟
كيان :يشتوا وحده من خواتي ،اسامه صاحبي لو عرفتيه
ام كيان :يالله نصيب اختك زهور هي أكبر من ورود
كيان :صيحي لها
اشرت ام كيان ل زهور استأذنت زهور وراحت عند كيان وقالت :مابه؟
حس كيان بشعور الاب اللي فيه وقال بحنيه :صاحبي رجال واخلاقه تشهد له وتعرفي ما
شزوج خواتي من هب ودب
رفضت زهور الفكره لانها تعرف ان اسامه جاء وتعنى علشان ورود وفوق هذا هي تحب تعليمها جدا وقالت :اسمع ياخي انا مش حق زواجه واشتي اكمل دراستي عند زوجي وانا اشوف نفسي ان شاء الله دكتورة ،اغسل يدي من هذي المواضيع لبعد التخرج
لف كيان لعند امه وقال :لا اشتي اغصبها ولا اشتي احرجه واحرج نفسي وانا قد اديت كلمه!
زهور بتمثيل :اممم... صحح ليش ما نزوجه ورود هي دخلت دبلوم وبتتخرج قريب
كيان :ادخلي صيحي لها
ام كيان بصوت واطي:صدق ان كيدهن عظيم
كيان:هاه؟
ام كيان :قلت ماشاءالله ادت حل
ابتسم كيان وجت ورود وقالت:في شي ؟
كيان بتوتر :صاحبي رجال ونعم فيه جاء يتقدم وتعرفي يا اختي يا حبيبتي اني ما ازوجكن إلا واحد يقدركن هاه موافقه؟
كانت ورود موافقه بس علشان ما تثير الشكوك قالت :طيب حتى ما استخرت!
ام كيان :دامه من طرف كيان وال مُنيف ريحي قلبش يا بنتي وفي فتره قبل الزواج استخيري واذا انتي مش مرتاحه مش مجبره نفسخ وخلاص
كيان:صح ايش رأيش؟
ورود :بعدكم
باسها كيان وقال :الف مبورك يا ضغط البيت والله يعنيه
ضربته ورود بخفه ودخل عند الرجال ورجعوا عند البنات ووجه ورود احمممر وقالت ام اسامه :نقول مبورك
ابتسمت ام كيان بعد ما عرفت الموضوع اللي جو له وقالت :الله يختار لهم ما فيه الخير
وعند الرجال:
اسامه بصوت واطي :تأخر
عبد الله بمزح :اساسا احمد الله انه دخلك البيت وانت بهذا الشكل
مسك اسامه لحيته وقال :صدق!!
ضحك عبد الله ودخل كيان وقال :احنا موافقين
ابو اسامه بفرح :الله يتتم لهم على خير
الكل:امين
بدأو يباركوا ل اسامه واتصلوا لشيخ ووقع اسامه على الدفتر ومن بعده ورود اعتلت الزغاريط واتفقوا على الشروط وان العرس بعد اسبوعين وعند البنات:
معالي :والله اني حبيتكن
زهور :واحنا زورونا مره ثانيه
فاطمه :ان شاء الله
معالي:من بعد ما وقعت ولا جابت كلمه
دُجى :بنتنا خجوله بسم الله عليها
ضحكت عبير لا ارادي وقالت زهور :بسم الله علينا وعليكم
الكل :ههههههههههههههههههه
توادعوا وراحوا السياره وفي السياره :
اسامه:مدري افرح ولا لا
ام اسامه :كلفتهه
اسامه :هي هي ولا لا؟
معالي بغمزه :هي هي
فاطمه :مو فييي؟؟
ضحك اسامه وارتاح قلبه وفتح زفه بأعلى صوت واتوجه باهله للفندق
وفي بيت ال قاضي:
قام ابو مازن وقال :تستأذن يا ولدي
كيان :الله المستعان اجلسوا في عيني وراسي
ابتسم ابو مازن وقال :الله يعلي مقامك بس تعرف عندي ضيوف وبكره سفرهم لازم اروح
كيان :اذا الله معاكم
ابو مازن :بس صيح ل دُجى شسلم عليها
كيان :حاضر
دخل كيان وشاف اهله يلبسوا العبايات وقال :لوين؟؟
ابتسمت ام كيان واشرت لعند ورود ودُجى وقالت دُجى :بكره اختي اتسافر قوا خلينا نروح ومنها نبشر الاهل ونزف ورود
ورود :قوا ياخي خلوني احس بالاجواء 
استسلم كيان وقال :من عيوني وانا اللي شاوصلكم
حضنته دُجى وبعدها ورود تنهد كيان بحب وقال :يروحي جاوبي ابوش هو في الصاله
جرت دُجى وسلمت على أبوها واخوانها واتوجهوا كلهم بسياراتهم لبيت محمد ال مُنيف :
دخلوا الرجال الديوان وطلعوا البنات يزفوا ورود جرت ترف وشافت البنات ضحكت وقالت :مش متخطيين عرسي او كيف ؟
دُجى :معانا عروسه
ضحكت ترف تحسبها تمزح وطلعوا كلهم لغرفه ماما لطيفه سلموا على بعض وقالت دُجى :نهني ونبارك لبيت ال قاضي بمناسبه دخول بنتهم ورود القفص الذهبي
ماما لطيفه بضحك :من فمش ل باب السماء
ام كيان :لا يا عمه من صدق ورود انعقدت اليوم
الكل بصدمه :هاههه!!!
دخلت شمس وقالت :السلام عليكم ايش في؟
جهاد :ورود اتملكت
ترف :وعلينا تراكمات ٣ اعراس
ريفال :وفوق هذا كله بتسافروا بكره العصر
مسكت ملاك على رأسها وقالت:ما بيكفي وقت للكلام
ام محمود :صدق هموم قوم عند قوم مضاحكو
الكل :ههههههههههههههههههههههه
فرشت شمس السجاده الحمراء الكبيره حق ماما لطيفه وجلسوا البنات فيها وفي النص الاكل وكل وحده لابسه لبس شتوي ومتفرده بجمالها ،ضحكت مامالطيفه وقالت :غرفتي تشبه كل شي الا الغرفه
ترف :ايش ذنبها اذا هي اكثر غرفه نحبها وأكبر غرفه
ملاك :اساسا جدو حمودي لما بناء البيت احتسب غرفتكم حساب ديوان
ضحكوا البنات وقالت ماما لطيفه :المشكله ما دريت وين أسير كلامكم هنا ما يتفوفت وعند النسوان كلامهن مهم وما يتفوت
ريفال بضحك :بالحالتين حيره مليئه بالحش وأخبار موثوقه
ماما لطيفه :يالله شويه عندكم وشويه عندهم
ضحكوا البنات وراحت مامالطيفه فوق كرسيها اللي حوله الامهات وعند البنات :
جهاد :ايه وش صار على العرسان؟
ترف :كلنا عرسان
طيف :اللي على رأسه بطحه يحسس عليها
ضحكوا البنات وقالت ريفال :شكلهم امس يختصرها جمله واحده
ملاك :قولي وانا عمتش
ريفال :هذا وجه عمه؟
الكل :لوء
جهاد :تبي تكبر بالغصب
ضحكت ملاك وقالت:خلاص قولي وانا ملاك
ريفال :(يا بدايات المحبه يا نهايات الوله)
الكل :الله
استحت ترف وقالت:لا تخليني احكي لهم كيف غيرتي واحد كان قلبه ميت لواحد شغوف بش
تربعت ليان وقالت :تضاعفت المواضيع
ضحكوا البنات وبدأت كل وحده منهم تحكي قصتها وكأن المكان يطلع قلوب عدا جمان اللي تجمع في عيونها الدمع بعد ما سمعت قصة ملاك وتذكرت سند اخفت دموعها وبسرعه غيروا البنات الموضوع ورجعوه على سلسله الاعراس اللي حصلت ،حطت ليان الدونت وقالت :تذكرت!!
ترف :هاه
لفت على ملاك وقالت :مين ام فستان برتقالي؟
ملاك بكرهه:جعلها تعفن في السجون!
تذكرت ليان سماح وحست انها جابت العيد وقالت طيف تغير الموضوع :الان خلوكم من اللي فات الان كيف انعقدت ورود
تربعت دُجى وقالت :طلعت هذي الكلبه مخبيه علينا لا تقليدي ولا هم يحزنون
لفت ورود وقالت :من قلش؟
تخبت زهور وراء امل وقالت :انا في وجهش
امل :اللي يقربها يا ويله
ترف :اقسم بالله ارجل واحد في النسوان
الكل :ههههههههههههههههههههههههههه
حكت لهم دُجى كلشي وسموها :ام روب سحري  ضحكوا البنات وتنوع الكلام بين البنات وضحكاتهم ماليه غرفه ماما لطيفه الدافيه وهي كمان وسطهم دقت الساعه وحده الليل وهم على نفس القعده واللي يتغير الاكل وملابس الصلاه لا غير ،مشت ام هتان لعندهم وقالت:ابك ما تتعبون انتم !بس حش على خلق الله
ام شمس بتعزيز :خافوا الله
ضحكوا البنات وقالت جهاد :سفرنا بكره خلونا نحلل اليوم تكفون
امل:وهي صادقه
ام امل: انتم حللتون عظام خلق الله مو القعده
الكل :ههههههههههههههههههههههه
ترف :اليوم انرقد مع بعض قوا
ماما لطيفه :خلوني اشبع منهم قبل السفر
ام هتان :انا ما عندي مانع بس لو رجلهن يرضون لهن يقعدن
ماما لطيفه :امر واقع
جهاد :امر جده لطيفه
ام شمس :ونعم وطاعه الزوج
طيف :اليوم يحسوا نفسهم احرار يرجعوا لعزوبيتهم احنا مش نازلاتتت
ريفال :زي امس
طيف :لا والله
ترف :موضوع جديد ايش وقع امس؟
ضحكوا البنات وقالت أم هتان :اجل تصبحون على خير
ام مازن :وانا استسلمت معش تصبحين على خير لا تسهرينش! شركن عليش يمه
غمزت ماما لطيفه للبنات وقالت :ولا عليش
الكل بحب :وانتم من اهل الخير
نزلوا الامهات وكلموا عيالهم ان ولا وحده رضت تنزل ولا واحد قدر يطلع لعند ماما لطيفه لان البنات كلهن هناك خرج هتان الحوش الخلفي ومعه إخوانه بعد ما حاولوا ينامون بس عيا النوم يجي ،نزل غيث بملل الحوش الخلفي مع مازن بعد ما فقدوا الامل واتصلوا على كرم وكريم تجمعوا كلهم في الحوش وكل واحد شاف الثاني وكاتمين الضحكه لانهم تجمعوا على سبب واحد جلسوا كلهم على حصيرة وقال مازن:سعود اطربنا دام تجمعنا
غيث :وانا أسير اجيب الشاهي والحلا
كريم :وبروح اشتري أشياء واصيح لكيان وحسين واسامه
سعود بحماس :تمممم وانا بصعد اجيب العود وارجع
وبعد نص ساعه تجمع الكل وشب حسين النار وقال كرم :دق واطربنا يرجججاللل
دق سعود بعوده وبدأو الرجال يصفقوا بهدوء سمعوا البنات الصوت وقالت ترف :سبحان الله الايام تعيد نفسها
ماما لطيفه :نطلع الطيرمانه (السطح)
الكل بحماس :تم
ماما لطيفه :بس بشرط البسو حق الصلاه وصوتكم ما يعلى
وافقوا البنات وطلعوا السطح يشوفوا أجواء العيال وعند العيال :
غيث :هتان سمعت ان صوتك حلو
مازن :ونشهد
كرم:سمعنااا
دق سعود بعودة وقال هتان :
وشلون مغليك وانت الذي علمتني احبك!
يا هاجسي عشقي عيونك
بدأو الكل يغنوا معه مع الجو الرهيب ونسايم  الشتاء ،جلست ترف تتأمل هتان بحب وعدا الوقت على خير ما بين جو البنات في السطح وجو العيال في الحوش قاطع سهرتهم أذان الفجر توجهوا الرجال المسجد وصلوا البنات وناموا عند مامالطيفه وفي الظهر :
قامت ترف على صوت دق الباب فتحت وقالت ام هتان :السفر بعد اربع ساعات اسرعون!!
صحصحت ترف وقومت البنات ، قامت ماما لطيفه وقالت بخوف :من انتم !!
ضحكت جمان تحسبه مقلب وقالت :وش فيتس يا جده ا....
مسكتها طيف وقالت بحزن :ما شربت علاج الصبح  وتعبت امس طبيعي فقد ذاكره مؤقت
الكل بخوف :والحل؟
مشت طيف وجلست جنبها بحنيه وقالت :انا طيف بنت ابنش احمد
ماما لطيفه اللي ما تذكر شي الا احن خلق الله عليها وقالت :ما عندي ولد اسمه احمد !!وين محمد؟؟؟محممددد!!
دمعت عيون طيف وشربتها العلاج بعد عدة محاولات ونامت ماما لطيفه غطتها طيف وقالت :بس تقوم اترجع تذكر
الكل بحزن:ان شاء الله
راحوا البنات غرفهم ودخلت ترف غرفتها تأملتها واسترجعت كل الذكريات وحتى رند اختها ما استحملت اكثر ونزلت غرفتها هي وهتان فتحت الباب وشافت هتان يجهز الشنط ودبشها المزين اللي حتى ما فتحته تجمعت الدموع في عيونها  دخلت بصمت وبدأت تعطف مع هتان شافها هتان خاف وقال يمازحها :مالي يوم معتس إلا ورحتي؟
ما تكلمت ترف وبدأت دموعها تنزل حط هتان الملابس مسح دموعها وقال :ابك وششوله االلدمووعع؟؟
ترف بصوت غصه ودموعها ماخذه مجاريها :ماما..رجع لها فقدان الذاكره وكل ما تقدمت في العمر كل ما خفت وانا والله لو بيدي  اعطيها من عمري ... وانا ما اقدر على فراقهم كلهههم يا هتان!وفي نفس الوقت ما اقدر على بعدك! زاد بكاء ترف حضنها هتان بكل قوة وقال بصوت حنون:وعد وانا هتان ابن نايف يا حبيبة عيوني بنكون نزورهم كل فتره، اما جده لطيفه الله يطول بعمرها حبتس لها بقلبتس هذا اهم شي حتى لو راحت بعيد الشر، لكن لا تخافي هذا شي طبيعي مع كبار السن اذا نسوا علاج او شي ويردون طبيعي
هدأ شهاق ترف ومسح هتان دموعها وقال :اضحكي يا ترف وابشري بالسعد باللي تطلبينه
ابتسمت ترف وقالت ببراءه :احبك يا رضى عمري
ابتسم من ابتسامتها وقال :انا انعكاستس اذا انتي تحبيني صدق اسعديني بسعادتس
ابتسمت ترف من قلبها لكن اثر الحزن بقى في وجهها وهي تذكر رند وما تشتي تفقد حد بعد رند ،مسك هتان وجهها وقال :
ياوجه اللي لبسك الحزن لبس الثياب
قلي وش الحزن في ذي الملامح يبي؟
لو الحزن يستحي من وجهتس كان تاب
الحزن ما يدري ان شكله عليتس غبي ؟
وان دمعتس لو تطيح تطيح بعدها رقاب!
ما تدري ان قلبتس وصى عليه النبي ؟
باسته ترف وقال هتان بهيام :شعر يتيم لكنه يستاهل نقطه
ضحكت ترف وباسته وقعدوا الاثنين يرتبون الشنطه وعند البنات :
شمس:يعني لما تعودنا عليكن تسافرين؟
طغى الحزن في ملامح الكل وقالت جهاد :ان شاء الله المره الجايه تجون كلكم السعوديه
شمس بحزن:ان شاء الله
فتح اوسان الباب وقال بنفس سريع :وين طيف
طيف بخوف:ايش في؟؟
اوسان :ماما لطيفه صحت وقالت تجاوبيها
مسكت ملاك على بطنها وقالت :طالع على اختك تشتي تولدني قبل موعدي
دُجى بضحك :ما عليك منها يا اوساني خلاص روح العب
راح اوسان وضربت ملاك دُجى بخفه وقالت :ليت اوسان زي غيث زمان كان حتى ما يرضى يسلم على نسوان اعمامه
ريفال :وانتي ايش دراش به وهو صغير؟
طيف  :مراقبه
ضحكت ملاك وقالت:عمته
ضحكوا البنات واتجهوا كلهم لعند ماما لطيفه فتحت طيف الباب وقالت بمزح :هذا كله نوم الله المستعان بس
ماما لطيفه :ليش ما صحيتوني؟
لفت جهاد لعند دُجى وقالت بصدمه :ما تذكر؟
اشرت لها بلا وقالت ريفال :دام قمتي هيا غدا
مامالطيفه :كم الساعه
ريفال :٢
شهقت ماما لطيفه وقالت :يالله أغفر ذنبي ووسع لي داري في الجنه الحق اصلي ظهر وارجع لكن
ابتسموا البنات وتجمعوا كلهم في ديوان الحريم وتغدوا اخر غداء مع بعض ومشاعرهم ما بين الحب والحزن وضحكاتهم على مقولة مامالطيفه :ملح الغداء، وبعد الغداء لبسوا البنات عبايتهن ولثامهن وبدأو الرجال ينقلوا الشنطات لسيارة ،تجمعوا البنات حول ال سعد وال ياسر وترف ،حضنت ترف ماما لطيفه وبعدها امها وما قدرت تحبس دموعها وقالت :مسخاش يمه تسفريني معاهم من غيرش؟
ماما لطيفه بعتاب :مسخاش وانتي اتتركينا يا بنتي يا راحه الانفاس!
*نرجع بالأحداث *
ام مازن بحزن :ياعز قوا احجز لي معاهم اشتي اسافر مع بنتي
ابو مازن :تحسبي يا غزالتي اني فارح بفراقها؟لكن ما ينفع نسافر معاهم اول شهر وهم عرسان لكن نفعل لهم فتره ونرجع كلنا نخطى عمره ونزورها
ام مازن:ان شاء الله
نرجع للحاضر :
حضنت ترف اختها وبنات عمها وقالت بحزن :اتوحشني
بكوا البنات وسلموا على باقي البنات وقالت امل :اتصلوا لنا كل يوم
مسحت طيف دموعها وقالت :والله ل احرق تلفونكن اتصالات
ريفال :الحب افعال
ضحكوا البنات وقالت أم مازن :انتبهي لبنتي يا نجود قوا
ام هتان:لا تخافين يا غزال بنتس صارت وحده من بناتي
حضنتها ام مازن وودعوا البنات المسافرين ونزلوا كلهم متوجهين لسيارة حضن غيث ترف وقال :انتبهي لنفسش ولو حصل شي لا قدر الله وهو ان شاء الله ما ايحصل روحي عند عمي عبد الرحمن امد ما نجي
ترف :ان شاء الله
مازن :احبش يختي والله !
حضنته ترف وبكت وبكى معاها مازن وغيث أشر لهم ابو مازن وقال :جي يا بنتي
مشت ترف لعند أبوها وقال :استودعتش الله اللي ما تضيع ودائعه فتره ان شاء الله ونجي نزوريش
ترف بحب :انتظركم
اوسان:ليش يا بابا ترف تسافر وانا لا ؟
حضنته ترف وابتسمت من براءته باسته بكل قوة وقالت :منتظره لك تجي عندي
أشر لها اوسان بتمام ،حضنها أبوها وسلمت ترف على اعمامها وخالها وطلعت الباص مستعده لسفر مره ثالثه مسك غيث هتان وقال بجديه :اختي في امانتك يا هتان!
هتان :وانا رجال واعرف اصون الامانه!
ما كان غيث يستلطف هتان في الفتره الاخيره والسبب بعد اخته عنه ويعتقده هو السبب ،مسك غيث كتفه وابتسم وقال مازن :ما يحتاج أوصيك الله الله!
هتان :ابشر
ابو مازن :أخذت سراج البيت حافظ عليه يا هتان
هتان بحب :منعيوني ياعم
اوسان:وانا ايش اقول؟
الكل :هههههههههههههههههههههه
حمله هتان باسه وقال :في امان الله
ابتسم ابو مازن وقال :استودعتكم الله
سلمت العرب على بعضها واتوجه الباص للمطار ،ومشوا بعدها اهلها وفي المطار :
وصلت ترف ودموعها هي وامل ما وقفت سلمت على اهلها مره ثانيه ووصلت لمنطقه ما يقدروا يدخلوها اشرت بيدها واختفوا من نظرها تدريجيا مسكها هتان وقال :تكفين يا ترف وصوني عليتس قبيله طالبتس لا تنزل دموعتس
ترف :صدقني مش بيدي!
هتان :بنعود الزياره يا بنت الحلال!!
ام هتان:هتان!
حضنها هتان لما حسها هدأت مسك يدها واتوجهوا لطيارة اما امل ما كانت الا تدمع حزن على صديقاتها لكن بقرب سعود وأهلها وترف هان عليها الموضوع شويه

______
بارت جديد لا تنسوا النجمه واشوفكم في بارت جديد يَحلوين 🤎🤎.