حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الواحد والخمسين

ابتسمت دُجى واقتنعت بكلام شمس وراحت مع البنات ومع جمعت البنات نست دُجى حزنها ورجع الحماس في قلوب البنات كلهن وأخيرا جاء وقت زفه طيف وهذا اللي ما تقعوه افتتح الباب وخرجت طيف باستايل غير عن عادتها كانت لمعه الفستان قويه والفستان ماسك على الصدر بس بدون أكمام ومناكير حمررااء مع مسكه لايقه على الفستان اما مكياجها كان جرئ وزاد حلاها اكثر من الازم، افتتحت ايه الكرسي بأمر من ام كرم ونزلت طيف على أسماء الحسناء ولما انتهت زغرطت ماما لطيفه ومن بعدها الحضور وبدأت الزفه والكل تحمس ويردد مع المغنيه ابتسمت طيف بحب وأخيرا جربت شعور بنات عمها لما كل وحده انزفت ،تذكرت كلام ترف وبدأت تبتسم بطبيعتها وترقص مع الزفه وتحرك البوكي انفتن الكل بجمالها وكانت شمس تحاول تأخذ لها صور غير الفيديو الزفه لان حركاتها مع الزفه جميلة جدا ،اما الحضور كانوا متوقعين الجمال من ال مُنيف ومفجائتهم في كل مره ،تحمست جهاد مع ترف وهي تحب طيف من حب ترف وقالت :ابيكم في زواجي ضروري
ريفال :يشيخه اعتبرينا اول الحضور
ملاك :كلام الليل يمحوه النهار
جهاد :تسلبه !
ملاك بضحك:امزح معش انتي بس اتزوجي وابشري كلنا نجي
ليان :اي والله بيصير حماسسسس
ريفال بحماس :إن شاء الله
ليان :هذا اذا حد تزوجها
ضربتها جهاد بخفه ضحكوا البنات ورجعوا يزفوا طيف وأخيرا جلست طيف في الكوشه وتجمع الكل حولها واخذت لهم جهاد صورة بكيمره شمس  وبدأت فعاليات البنات والرقص الجماعي وملاحظات على المعازيم إلا أن جاء وقت دخول مازن لفت طيف على ترف وقالت :اسمعي ايش رايش بكره اروح لعنده اليوم اروح معاكم
ترف :اليوم بكره بعده هكذا هكذا اتروحي له ف قومي اجدد لش الحاموره والعطر احسن لش
ليان :جابتها لتس من الاخر
طيف :طيب كونوا حولي
دُجى :مش احنا مناشف خلينا نروح مكاننا ونشوفش من بعدين ونضحك زي ما تفعلي دائما
الكل :ههههههههههههههههههههه
ريفال :الله يالدنيا الدواره شفتي كيف شعورنا
ضحكت شمس وشافت توتر طيف وقالت :خلاص انا شبقى معش اصور واكون جنبش
طيف :صدق ما تعرف الناس إلا من المواقف
ترف :بيدخل اخي يالله تعالوا نروح نشوف الفلم اللي بيحصل الان
امل :الله يستر
الكل بضحك :امين
نزلت طيف تأخذ كعبها ناويه تضرب ترف مسكتها شمس ضحكوا البنات وراحوا ،دخلوا كرم وكريم لبسوا اختهم فل حضنها كرم وقال :من متى طيف حلوة لهذا الحد يا كريم؟
مسح كريم دموعه وقال :٢٤ سنه ونحنا نشوفها بروب المطبخ ومازن في يوم وليله يشوفها اميره
طيف :حتى انتم يا كلاب
ضحك كرم وحضن طيف وقال :والله انش اجمل بنت شافتها عيوني
كريم :ذكرني اكلم شمس هذا الكلام
كرم :بعد شمس اقصد
ام كرم :طيب طيب!!
كرم :انتي مصنع الجمال اساسا
ماما لطيفه :أثر عليه مازن هذا الولد
ضحكوا وحضن كريم طيف وقال :استودعتش الله يا حلوتي ،زوجناش بواحد يستاهلش
باس كرم رأس طيف وقال :ولا تخافي اخوتش معش دائما
جت في عيون طيف لمعه وحضنتهم دمعت شمس من حلاوة المنظر ودخل ابو كرم حضن بنته بقوة وقال :كنت متوقع يجي هذا اليوم يا بنتي الأولى والأخيرة وصاحبه الحب كله
ما استحملت طيف اكثر بكت وقالت :احبكم
كرم :شاهد قبل الحذف
كريم :اعرست يا جماعه
ضحك ابو كرم وقال :على الأقل اليوم بس اغمروها حنان
كرم :تروح عند نبع الحنان انا ناقصني حنان انا
تنحنحت شمس ضحك الكل وقال كرم :يمين بالله اني احبش يا طيف
كريم :مش اكثر مني
طيف :واختلفنا من يحب الثاني اكثر
ضحكوا ووقفوا كلهم جنب طيف أخذت لهم شمس صورة وودعوا اختهم وخرجوا عدا ابو كرم ،دخل ابو مازن ومازن انصعق مازن اول ما شاف طيف خفق قلبه ولا ارادي غطى على عيونه بسرعه وقال :احمد الله اللي جاب لي هذا الجمال ولا احمد الله على نعمه النظر
ابو مازن :لا هذا ولا هذا استرجل احنا عند النسوان
ضحك مازن بأعلى صوته دقه ابو مازن بخفه وصل ابو مازن لعند طيف باس رأسها وقال :ما ذلحين يا احمد بنتك بنتي
ابو كرم:مش لهذي الدرجه يا عز تأخذ راحتك
مازن:لا حقك ولا حقه حقيي
توسعت عيون ابو كرم استحت طيف اكثر وقال ابو مازن:امسحها في وجهي ياخي اليوم بس
ضحك ابو كرم اما شمس كانت تضحك بصامت وتوثق كل شي انصدموا الكل ان مازن حتى ما تكلم مع طيف اشرت شمس لبنات عمها عز تجمعوا بنات وحرم عز الدين مع مازن وطيف واخذوا صورة جماعيه والابتسامة شاقه وجههم شق خرج ابو مازن وأبو كرم واشر مازن لترف تبعد ضحكت ترف واشرت بيدها لا توسعت عيون مازن بعصبيه ضحكت ترف اكثر وراحت مع دُجى ،سلمت ام مازن على ابنها وبنتها الجديده ونفس الحركه مع ماما لطيفه وراحوا وبقى بس طيف ومازن وشمس بعيدة عنهم شويه علشان التصوير تقدم مازن لمقابل طيف واللي صدمه اكثر انها لابسه في يدها خاتمه اللي جابه لها في سفرته الاولى بعد الخاتم من يدها وخرج علبه فيها خاتم الماس انحى لها وخلسها الخاتم الأول ولبسها الخاتم الألماس وقال :
يا قطعه فيني ومني
طيفش مع روحي ملازم
مدري علامي احسن اني
حبيتش اكثر من اللازم!!
ابتسمت طيف بواسع ثغرها واعتلت الزغاريط في القاعه كلها حط مازن الخاتم الأول في العلبه وحطها فوق الكرسي وحضن طيف وكأنه وصل لمسعاه الحقيقي شدت عليه طيف اللي تأكدت انها اختارت الصح وقالت بحنيه :
صدق قلبك وحبك لي وشوقك وجاد الله ياروحي بعشقك وانا ذا اليوم مملوكك وحقك انا لك وانت لي والشاهد الله!
كانت هذي الكلمات كبيره على قلب مازن جدا جدا حملها ودورها وقال بابتسامه وصوت مسموع :احححبششش
ابتسمت طيف باحراج وعند البنات :
مسكت ترف على رأسها وقالت :مازن اخي تحمس
جهاد :يا شيب عيني شيباه فهمي اخوتس انه مو بالبيت
دُجى بضحك :كنت متوقعه اكثر من مازن
امل :اكثر من هكذا تمنتجه شمس وتنزله مسلسل
ترف :من التدويره الفستان غطى على الكيمره
ليان :الحين شمس بتاخذ من الطيب نصيب يا بتروح عينها يا بيطير التاج ويكسر كيمرتها
ملاك :وتكسر مازن تكسير وتعلمه الادب الصح
ضحكوا البنات وقالت ريفال :لو كان غيث هكذا من البدايه ما عيوقع به
ترف :انا للان مستغربه ان غيث حب وشاكه فيش لو فعلتي شي باخي وانتي تقولي لو هكذا احمدي الله طلع عنده قلب
ابتسمت ريفال تذكر حنانه وقالت بهيام :واحلا قلب
ملاك :حب الجعجعه :
جهاد :مو طبعيين الاثنين
الكل :هههههههههههههههههههههههه
أشر مازن لامه وجت ام مازن وام كرم غطوا طيف وقالت ام كرم بدموع باكيه من الفرح والشوق :بنتي في أمانتك يا مازن انتبه لها زي عيونك
مازن بحب :هي عيوني يا عمه لا تخافي
ام مازن:اهدا يا ولدي
ضحكوا وراحت طيف مع مازن ومن وراها البنات يزفوها خرجت طيف من القاعه وركبت السياره وهي ميته توتر وفي نفس الوقت تموت وتعرف ايش يقولوا البنات سلم مازن على اهل طيف وبعد توصيات طويله جدا من اهلها توجهه بها للفندق وفي الفندق :
شاف مازن التاج وقال :زي ما جيتي لي ملكه اتجلسي طول عمرش في حياتي ملكه
ابتسمت طيف بواسع ثغرها واخذت تلفونها وبدأت تصور مع مازن ويفعلوا ترندات مع بعض وبعد الصور شاف مازن ان طيف خايفه ابتسم وقال :روحي غيري وتعالي نشوف فلم
ابتسمت طيف لانها تعشق الافلام في الليل مع الاكل وقالت بحماس :دقاااايققق
ضحك مازن وراحت طيف فتحت شعرها واخذت دش ولبست بجامه ريش وبخرت شعرها ورجعته كرلي وسوت مكياج ناعم دخلت الغرفه وشافت الضوء طافي والبروجتكر في الجدار والأكل اللي تحبه جرت بسرعه لحضن مازن وشغل مازن الفلم وعدت ليلتهم الأولى على خير وفي بيت محمد آل مُنيف :
طلعوا كل وحده غرفتها ترقد لان بكره عرس ترف وفي دور اللي فيه ال سعد دخلت امل مُنهكه بعد اليوم أخذت دش وجلست مع البنات وقالت جهاد بمزح :اشتقت لزوجي المستقبلي
الكل :هههههههههههههههههههه
ليان :انا بروح انام بكره اخر عرس لازم نوفر له طاقه
امل :اي والله كلنا بنروح ننام بكره عرس مترفتي لازم افزع لها
الكل بحماس:ان شاء الله
جمان :والله تعب الاعراس لما تصير وراء بعض
امل :صادقه لكن تجي مره وحده وبعدين راحه احسن
اتفقوا الكل مع رأيها ودخلوا البنات غرفهم ورجعوا الرجال من العرس دخل سعود نشيط عكس امل وقال :سلام عليش وافااا عليش
امل :وعليكم السلام ،وش فيك؟
سعود بحسره :توقعت اروح اشوفش بفستان
امل بتعب :تعال اجلس ما اقولك
استغرب سعود وقعد وقال :فيش شي يحبيبي؟
امل :اشياااءءء
سعود :بسم الله عليش من المضره وش فيش؟
حكت له امل كل اللي حصل باس سعود يدها وقال :تسلم يدش والله يلعنها هي ومن سلك هذا الطريق
هان على تعبها وقالت بحب :الله يسلمك وامين
سلطان :ممم
فز سعود وقال:اخيرا نطططقق!!!
طار التعب من عيون امل وقالت :توقعت والله بعيد الشر عليه انه اعجم ،اخذته وقالت :ماما
سلطان :بابا
سعود بفرح :ححححييي ععيينههه ولد ابوووهه
ضحكت امل وقالت بحسره :حرام عليه التسعه أشهر
أخذه سعود وحضنه وقال :ليه ما قال حي نباك؟
امل :غلطان كان لازم يقهويك كمان
ضحك سعود وبدأو الاثنين يحاولوا ينطقوه لما قال ماما و بابا ولا
ابتسمت امل وقالت :شكله عنيد من الان
سعود :شديد شديد نفداه
اخذته امل وقالت :هات انومه هات لو جلس معك دقايق زايده بتعلمه الرمي
ضحك سعود من ضحكة امل بعد ما شاف التعب هان في عيونها بموقف بسيط جدا جلس يتأملها وهي تنوم سلطان بكل حب وعدت الليله على خير وفي الصباح الكل قام بحماس لعرس ترف وهذا العرس المنتظر من سنين طويله صحى سعود شاف هتان يكوي بشته وقال :صبحهم الله بالخير
هتان:الكل نايم  إلا العريس
ضحك سعود وقال :ابشرك
هتان:بشر بشر
سعود :امس سلطان تكلم الحمد لله
هتان بفرح :اكيد بينطق دام عمه عريس
ضحك سعود وقال :وين البنات؟
هتان:نايمين
جهاد من وراه :وش مصحيك؟
هتان :اعوذ بالله من الشيطان الرجيم
لفت جهاد وشافت وجهها في مرايه الصاله ضحكت وقالت :يا زيني زيناه حتى بأسو حلاتي جميله
ضحكوا واخذت من هتان الكاويه وبدأت تكوي بشته وهتان فاتح زفه بصوت واطي عشان اهله وجهاد تشوش بيدها قامت ام هتان وقالت :وش هالحماس يعععريسس يسعد لي جوك
حضنها هتان وقال :وجوتس يا حبيبتي
قام كل ال سعد وتجمعوا في الصاله يصتبحوا وصوت ضحكاتهم ماليه البيت وبعد الصبوح قام هتان يحدد شنبه تجمع حوله سعود وإبراهيم وجهاد وقال إبراهيم:اللي يشوفك يقول انك اول مره بتعرس
ابتسم هتان وقال:في فرق تدرون شنهو الفرق؟ خلي وخذيته وفايز عشانه بحرب!
ابتسمت جهاد وقالت: احسه بعد الزواج بيسحب علينا سحبه
هتان :مين انتم؟
ضحكوا وقال ابو هتان من وراهم بابتسامه :صبحهم الله بالخير
الكل راح يسلم على رأسه ابوه وقالوا :صباح النور
اخذ ابو هتان السماعه وعلى الصوت على مقطع :
يا فاتنه يا مترفه يا الجميله
ياللي ذوات الحسن منك يغارون
ياللي جمالك ما لقينا مثيله
ياللي ذوات الذوق منك يعانون
في حظرتك هالليل ينثر جديله
كنه يلبي شوق يا بدر هالكون
انصفوا الرجال مع بعض يلعبوا وتوسطت جهاد قبالهم تلعب بشعرها وام هتان تصفق وتزغرط مع ليان وامل وتشوش بيدها ،والفرحه مش واسعه قلب هتان وهو يحب انه يكون الأول في قلبها وهي أول من بدأ بها الحُب وأخر من ينتهى به وعرف ان الحُب ماله قوميه معينه الحُب يجي في قلب الإنسان من الله والنصيب فوق كل شي وهنا تذكر كلام الشيخ فتحي ان الله كل تدبيره بحكمه زاد حبه لله ،ابتسم بواسع ثغره بعد ما شاف فرحه اهله اللي من فرحته وتحمس زياده تعب ابو هتان وقعد فوق الكنبه وقال :وين التؤام
جهاد :عند ترف
ابو هتان:روحي جيبيهم
طلعت جهاد تدق الباب فتحت لها ريفال ابتسمت جهاد وقالت :متى صحيتون؟
ريفال :يوه قد هاجر كملت شمس وملاك وطيف وذلحين دوري
جهاد :وين ترف؟
ريفال :عند خالتها ندى ،ادخلي
دخلت جهاد سلمت على البنات وقالت :وين الفستان ابي اشوفه
ماما لطيفه :ما خلتني انا اشوفه تقول مفاجئه
طيف :يخوفي تكون فاجعه
ضحكت جهاد وقالت :متى جيتي؟
طيف :يوه من ساعه مازن قام من ٧ يالله نروح اليوم عرس ترف
ترف :جعلني قبله المازن هذا كم احبه
ام كنعان :مش قبل شويه جاء يسلم ضربيته
ترف :ايش دراش بسلام الاخوة وبعدين اشتي اتصلح وبعدين يشوفوني
ضحكوا البنات وقالت دُجى :ذلحين من صدق ايه بتجلس طول عمرها في اوروبا؟
ام كنعان :ايوة الله يستر عليها زوجها هناك شغله
دُجى :امين ووين ام سعيد
شمس :اتجي العصر
جهاد :يا جده ابوي يبي التؤام
ماما لطيفه :اتعرفي تبزيهم الاثنين ولا ينزل حد معش يساعدش
طيف :يعني تحمليهم
جهاد :اي اي معليتس فهمت ،اي يجده اقدر
اعطتها ماما لطيفه واستودعتهم الله ،نزلت جهاد واخذهم من حضنها ابو هتان وقال:كبروا ماشاء الله
ام هتان :ما قصرت جدة ترف تأخذهم مع ولد سعود تشمسهم وتدلك لهم اول ما تشرق الشمس
امل :انفدالها الله يحفظها مع جهال العائله كلها هكذا
الكل:امين
ابو هتان :دام اليوم زواج هتان بعد باتسر ان شاء الله بنرجع السعوديه
امل :ما ينفع يا عم نطول اسبوع كمان
ابو هتان:والله يبنتي انا مشتاق حيل لديره ول ألين وسند شايل هم التجارة لوحده ما اقدر أطول زياده
امل بحزن :صح
ابو هتان :واهلتس وترف بيسافرون معانا!
امل :ادري بس ما ابي أترك خوياتي وماما لطيفه
ابو هتان :بنزورهم بين فتره وفتره لا تخافين يبنيتي
ابتسمت امل وباست رأس ابو هتان وراحت فوق مع البنات، وعند ترف :
دخلت مع ام كنعان غرفه وطلعت ترف صورة ماما لطيفه في عرسها وقالت:يخاله اشتي نفس استايل التسريحه بس حديثه
ضحكت ام كنعان وقالت:لو اني مش خالتش كان ضربتش
ابتسمت ترف وفتحت فستانها اللي صمتته لها دُجى وكان مقارب ما بين فستان مامالطيفه وما بين العصر الفكتوري انذهلت ام كنعان وعرفت مود ترف بالضبط سوت لها نفس تسريحه ماما لطيفه بس على أحدث شويه ومكياج بُني على بيج كأنها اميره فكتوريه وناسب على شامات اللي في وجه ترف وبعد ما انتهت خالتها تسوي المكياج عدلت ترف عليه أشياء بسيطه وطلع اللوك اللي في بالها لبست الفستان واكتمل شكل ترف الفكتوري مشت لوراء خطوتين وشافت نفسها في المرايه وقالت:اشبه ماما لطيفه؟
ام كنعان بأنذهالل :انتي بشر ولا ملاك!!!!!
ترف بضحك :انا ترف
ضحكت ام كنعان وقالت :آخر مره اتغزل فيش
باستها ترف وقالت :ما شوري حد شكلي بذات مامالطيفه اشتيها تنصدم وقت الزفه
ام كنعان :اتفقنا لا تخرجي من الغرفه وانا ما شخلي حد يدخل
ترف :إلا غيث ومازن واوسان لوسمحتي
ام كنعان :الان ادعيهم
وبالفعل راحت ام كنعان وكلمتهم ان ترف تشتيهم وفي غرفه شمس :
كانت شمس بفستان اسود ومن الصدر فيه فصوص ولابسه اخراص فضيه طويله ورفعت شعرها وتمكيجت مكياج يناسب اللوك ،نزلت غرفتها بعد ما تجهزت شافت كرم جالس مقابل الطاقه سرحان وفي يده اوراق تكاليف الشركه والتراخيص فتحت شمس الباب وقالت بهدوء :حبيبي فاضي ؟
حط كرم القلم وقال :يسموني كرم الفاضي
ضحكت شمس وقالت:ضياء عمره سنتين وشويه خلاص خذه معك العرس اليوم مشتيش اعوده يكون معي عند البنات وانتبهههه لههه
كرم :بس؟حاااضر
شمس :تحضر لك العافيه ونور وعهد مع طيف تشتي شي قبل ل اخطى
قرب لها كرم وقال :اااشيااااء
باسته شمس بسرعه وقالت :ركز في شغلك وانا اطلع اكمل مابش وقت!
مسكها كرم وقال :
شبيهه الشمس لا قبلش ولا بعدش
قل للحزن بعدش يدور على غيري
اطلبي تدللي عليا من يقدر يردش!
كيف ارد المطر يا اجمل مشاويري؟
يا ويل كبدي من لون الورد في خدش
لو كساه الخجل من قوه تعبيري
انتِ الحسن والترف وان كان ما سدش
انتِ اجمل الناس في عيني وتفكيري
ابتسمت شمس لحُب كرم لها اللي ما تغير من قبل ما يشوفها بفستانها الأزرق ولا ندمت مره انها اختارته ،وعند ترف :
فتح مازن الباب وشاف ترف مغطيه على وجهها لف على غيث وقال :مالها؟
مدت له ترف بيد صورة ماما لطيفه وقالت :تأمل الصورة
ضحك غيث وقال :شكله اختبار اجد الشبهه
ترف :سامج ،من هذي ؟
مازن باستغراب :ماما لطيفه
بعدت ترف يدها وقالت :ما اشبهها؟
مسك غيث على قلبه وقال لا ارادي :يووه والحلا
دقه مازن وقال :يعني مقبول ٥٠ بالمئه
ترف بجديه :ايش اللي مش حلو الفستان او المكياج؟
مازن:انا
ضحك غيث وقال :اسالش بالله انش ترف؟
ترف :لتعديل العروسه ترف*
مازن :والله انها هي
ضحكت ترف ومشى غيث لعندها حضنها بكل حنيه وكان هذا اول حضن حنون لهذا الحد من غيث لأخته وقال :بسم الله عليش استودعتش الله يا قُمريه
مسكه مازن من يده وقال :بس دوري دوري
ضحك غيث وحضنها مازن وقال :ونشهد ان هتان معه حظ العالم اجمعين
استحت ترف لكن ما حبت تكسر برتكول العائله وقالت :مش زي بعض الناس ما يعرفوا يختاروا
غيث :إلا ريفال!
مازن :ما دريت قبل فتره جت تقول طلق طيف ووو وفي الاخير طلعت طيف معانا في الخط
غيث :يعني نجحت في الاختبار؟
مازن :أحسنت يا خروف
الكل :هههههههههههههههههههههههههه
غيث :وين القشابش حقش؟
ترف :ايش القشابش؟
مازن:امسحيها في وجهي يقصد اكسسوراتش
ترف :امسح به الارض يا غيث دامه يعرف الاسامي
غيث بمزح :شاك فيه من زمان
ضحكوا وقالت ترف :عند امي اترجع تديه بعد ما تكمل تجهز
مازن :يوووه يا غيث ذلحين اتشوف امي وايتقطع قلبك من الحلا
غيث :المشكله ان احنا زوجناه ،بس ما الومك عز الدين ذويق لما اختار غزالته
ترف :اسكه انقلعوا خلاص محد يفعل لكم فرست لوك
ضحك مازن وخرج من الكيس طقم الماس مناسب على فستانها لان اللي اختارته دُجى وهم دفعوا قيمته وكذبت عليها ان الاكسسورات مع امها وقال :ايش رايش بلمعته اللي تعمي العيون
ما قدرت ترف ودمعت وقالت :مازن هذا لي!!
غيث :مني
مازن بضحك :مننا هذا الكذاب حتى اوسان شارك ب ١٠٠ ريال
دمعت ترف وحضنتهم مره واحده وقالت :الله لا يبدلني فيكم
غيث:لو اني داري اشتريت لها من زمان
مازن بمزح:لو عاد تعرف انه تقليد اتبكي اكثر يا محيرف
مسحت ترف عيونها ولبسته وقالت بحب :مناااسب!!!،وبعدين حتى لو تقليد يالله طلع منكم شي
مازن:جي نخرج
غيث :يالله محد يدي لها وجهه
ترف :لا لا امزح والله
ضحكوا وقال مازن :لا تصدقي انتي ما ينهدى لش إلا شي من مقامش
غيث:اعتبري هذا شي بسيط على كل حضن وانتي مسافره حضنش القرد مازن وانا لا
ترف :ياليت لو حضني سهل
مازن:يالنصابه!
ترف :يعني مرتين يمكن بس
غيث :داعس نعم ما تفعلي
ترف بتمثيل الحزن :شفت!
ضحكوا وسلموا على رأس اختهم دخلوا اوسان ودُجى وقالوا :واحنا؟
فتحت ترف ذراعها وقالت :جوا وروحي فدالكم
مازن:جي يا غيث نخرج قال لا
ضحكت ترف وحملت اوسان في حضنها وحضنت دُجى وقالت :من الأميره الفكتوريه الحلوة؟
ترف باحراج :اخت الجميله دُجى
غيث:شفت يا مازن ؟
مازن بحب :شفت منظر مضر بالصحه
ضحكوا واخذت ترف الكيمره وقالت :غيث صورنا انت الأطول
لف غيث على مازن رفع حاجبه باستفزاز ضربه مازن في ظهره ابتسم غيث ودخلت ترف وسط ما بين مازن وغيث ودُجى جنبها واوسان في حضنها اخذ غيث لهم كم صورة وقال :سبحان الله كأن ماما لطيفه رجعت من الماضي على حلاوة اكثر
مازن :محد ورث جمال ماما لطيفه إلا ترف
ترف :قل أعوذ برب الفلق من شر ما خلق
دُجى :سرقت الجمال كله
ترف :من بعدش ياجميله
غيث :شفت فرق الرد
الكل :هههههههههههههههههههههه
دخلت ام كنعان وقالت :خلاص يكفيكم
غيث :جي يا ندوشه داري انش تشتي تصوري معانا لا تغاري
ان كنعان :صادق فسحوا لخالتكم
ضحكت ترف واخذوا صورة جماعيه مع خالتهم
وقالت ترف :يالله خلاص محد يدخل اشتي مامالطيفه تتفاجى وقت الزفه
مازن :شاسير اوريها الصور
دُجى :ما كذبت لما قالت عليك نذل
ضحكوا غيث ومازن وخرجوا كلهم من عند ترف وفي الصاله شافوا طيف وريفال جالسات يتجابرين وبدون ما يركزوا غمز غيث لمازن وقال غيث بصوت عالي :الواحد بعد ما يشوف الفستان الأبيض يخور يثني
مازن:صادق
لفت ريفال بصدمه وقالت :يعني الفكره موجوده!!!
طيف: خليش انتي نقول لش فتره اما انا ماليش ٢٤ ساعه عنده هذا الجاحد
انفجروا الاثنين يضحكوا وقال مازن:مقلب مقلب
ريفال :ما تعرف الصدق إلا وقت المزح
طيف :صادقه ،خرجوا من عند ترف والظاهر غيرت تفكيرهم منصدق هذي المره
مازن :شخصنوها
دُجى :راقبي زوجش الفكره ما تجي من اخت
ضحكوا العيال وقالت ريفال بتهديد :من عيني!!
طيف :نرقد اليوم عند ماما لطيفه
ريفال :وبكره
دُجى :وانا بكره بسحب على كيان تضامن معاكم
مازن :كسروا لقفك يا غيث
غيث :استاهل امين
اخفوا البنات ضحكتهم وقالت دُجى :قد جهزنا متى تودونا القاعه
غيث :يالله نص ساعه واتصل
دُجى :استودعتكم الله
وقف غيث وقال :اتغارِ انتِ وانتِ كل احبتي!
مازن :عجباً أمن ملك الفؤاد يغار؟
ابتسموا ريفال وطيف لكن قالوا بنفس اللحضه :مافيش رجعه على القرار
ابتسم غيث بحسره وقال :ادبنا
مازن: انزل انزل بس
نزل غيث وهي يدندن :حاربيني خسريني حسسيني بأنهزامي
مازن :الخسارة منك فرحه مغترب عاد لمربه
شافهم إبراهيم وقال :هلا يعيال
عدل غيث وقفته وقال :أرحب
إبراهيم :البقى ،مشينا؟
مازن :توكلنا على الله
نزلوا كلهم لحوش ال مُنيف وبحكم انه كبير كفى ال مُنيف وال سعد وكيان واصحابه واقراب وأصحاب ال مُنيف دخلوا مازن وغيث الوسط ومسكوا الالي كبديل الجنبيه ولعبوا تحت برع وحماس الحاضرين رفع كرم وكيان وطلقوا على الجو والبنات في السطح يراقبوا الفعاليات ،وفجأه شمس صاحت خافت ملاك لو جاء راجع لفوقها جرت لعندها وشافت رصاصه جنب شمس بدون ضرر لشمس ضربتها وقالت :اتولديني قبل وقتي يا حذا
جهاد :وش فيتتس!!
شمس بضحكه خايف :اسفه والله جت ل جنبي وحسبت فوقي
ملاك :نزلنا نزلنا بس قبل ل يطلعوا يلعنوا خيرنا
نزلوا البنات وعند الرجال :
رجع غيث ومازن لصفوف الرجال وبدأت عريضه نجدية وبعد ربع ساعه اخذوا الرجال حريمهم للقاعه وراحوا الرجال الخيمه ،بدأت فعاليات والرقص عند البنات  كالعاده وأخيرا عدا الوقت وجاء وقت الزفه اللي اهل ترف منتظرين لها قبل الحاضرين لكن انصدموا ان امل مختفيه تماما من قبل موعد الزفه بربع ساعه ....

______
البارتات الجايه بتكون اخر خمس بارتات 💔💔💔بارت جديد وإحداث جديده لا تنسوا النجمه واشوفكم في بارت جديد يَحلوين 🤎🤎.