حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الخامس والثلاثين

توسعت عيون هتان لان ابوه بيطرده وهو مهما حصل ما يقوى على فراق اهله ولا غضب ابوه وتذكر كلام الشيخ وقال بغصه :نروح لهم العصر!
انصدم الكل وما توقعوا ان هتان بيتخلى على ترف بهذي السرعه ولا حتى ابو هتان نفسه ابتسم ابو هتان وزفر براحه وقبل ل يقول اي كلمه دخل سعود وهي يتنفس بسرعه ووجه اسود  وقال :لحقوا على ألين
ام هتان بخوف :بسم الله على بنيتي وشفيها ؟؟
راحت جهاد جابت لسعود ماء ارتوى وقال :يقول عدنان طاحت واخذها المستشفى وكتبوا لها ولاده
ما قدرت جهاد تكتم ضحكتها وقالت :حتى ولدها ضاق ما يبي يقعد زياده
نسى هتان ضيقته وقال بمزح :لو يدري ان امه ألين بيسقط من الخرعه
ابو هتان :عن ابو داركم ما تستحون يقول انها طايحه في المستشفى وانتم هنا تضحكون!
جرت جهاد بخوف بعد ما أدركت الموقف وراحت تجيب عبايتها هي وامها اما هتان جرى مع سعود شغلوا السياره وتجمعوا كلهم وراحوا المستشفى ، صحت امل وشافت البيت فاضي اتصلت على سعود وشافت تلفونه يرن في الصاله خافت ولبست عبايتها وراحت بيت أبوها .
وفي المستشفى :
جو كل اهل نايف بن ناصر ال سعد وشافوا عدنان وشهد وام عدنان متجمعين بكت ام هتان وقالت :وش فيها ألين؟
ام عدنان:صلي على النبي ولا فيها إلا العافيه زي اي أم بتولد وبتطلع
قعدت ام هتان وقعد الكل معاها يدعون لألين بسلامه وفي نص توترهم قالت ام هتان :بنأجل زواج هتان لبعد شهر النفاس
كحت شهد وقالت :خطبتون له
شافتها جهاد بنظرات حقد وقالت :أي
ام عدنان :ماشاءالله الله يتمم لهم على خير ومنهي العروسه
توسعت عيون شهد بحقد وقالت جهاد بكل برود :لُبنى بنت عبد العزيز
زاح الهم من صدر شهد شوي لان العروسه مو ترف وقالت بكرهه :ايه ونحنا اخر من يعلم
جهاد :ومن انتي عشان نستشير حضرتس
ام عدنان :وش قالت عشان تردحين لها ترا هو مجرد سؤال!
ام هتان :معليه متوتره يوخيتي
سكتت جهاد علشان ما تجيب فوضاء في المستشفى وراحت تصلي اما جمان كانت تسمع صياح ألين وتشوف بطنها وتذكر الألم وتبكي وتستغفر وبعد انتظار ٣٧ دقيقه طلعت الممرضه وقالت :الف مبورك خالتو صار عندكُن احلا صبيه بتشيل العقل بجملا ماشاءالله
فرح الكل وجابت لهم البنت ومن الفرحه حضنت جهاد الممرضه وقالت الممرضه إن ألين بتتاخر شويه داخل، اخذها ابو هتان أذن في إذنها وحط مبلغ في مقمطتها (لحاف النونو) واخذتها ام هتان لبستها الباس اللي جابته ام عدنان شافتها جهاد وقالت:ولي على البي شو حلوة كتير عم تشبهني
جمان بضحك :وش سرعه انتقال اللهجات عندتس
هتان:حضنتها وسوت اقتران
سعود :باب الحاره
جهاد بمزح :ما فهمت عليكون اولاد عمي
الكل :ههههههههههههههههههههههههههههههه
أخذت صورة لها وارسلتها لترف وامل ودخلوا كلهم عند ألين وعدنان يباركوا لهم
وفي فيلا عبد الرحمن وعز الدين :
كانت امل تبكي خايفه لو ان حد حصل شي
ام مازن :يبنتي الأخبار الشوعه توصل بسرعه يعني لا تخافي اكيد شافوش راقده وخرجوا بدون ل يزعجوش
ام امل بتوتر :وهي صادقه
قاطعهم دخول ترف اللي راحت تجيب اكل ل أمل وقالت بفرح :ما شفت اخبل منش خذي تلفوني وشوفي رسائل جهاد ألين ولدت وهم في المستشفى
حطت ترف الاكل قدام امل ومسحت دموعها ،أخذت امل تلفونها وشافته صامت وكان في ٣ اتصالات من رقم هتان وعرفت انه سعود لانه نسى تلفونه وقالت باحراج :واتصلوا لي كمان
أخذت دُجى الملزمة ورجمتها فوق امل وقالت :وتبكي ومشغله خلق الله وفي الاخير العاشق الولهان يتصل لش من تلفون اخوه!
ضحكت امل وقالت ام امل :زيديها ويمين بالله تستاهل
ام مازن:ان شاء الله نروح نزورهم بكره
أخذت امل تلفونها واتصلت على رقم هتان وخرجت تجاوب سعود في الصاله أخذت ترف الاكل واكلت بدون لا تنتظر لامل وقالت :وعادني تعاطفت معاها والله ما تستاهل
الكل :ههههههههههههههههههههههههههه
وفي اليمن :
اتصل غيث لأهله يسلم عليهم سلام الجمعه وضحك على دُجى ومازن اللي يداوموا يوم الجمعه وضحكت ترف معه لكن قال لها أنه كم شهر وتدخل جامعه وتكون مثلهم غلقت على وجهه وضحك وراح اخذ دش الجمعه شاف ريفال راقده بتعب بعد عزيمه امس ما حب يصحيها وراح اكل تمر وراح المسجد .
وفي المسجد :
شاف غيث كريم في الصف الأول يقرأ قران ووجهه ممتلي خوف وحيره ابتسم لانه عرف الحل اللي يبعد منه هذا الشعور ويحميه من الخطر اللي يواجهه ،لطالما كان ثاني واحد اقرب ل غيث كريم لكنه يحبوا يظهروا حبهم بطريقة  كلها مزح وضرب وذبات ،راح ل عنده وقال:المحامي في المسجد علشان هكذا الله راضي علينا ونزل الغيث
حط كريم المصحف فوق الدكه بعد ما كمل سورة الكهف وقال بمزح :محاسب ياكل حق الموظفين ل جيبه في المسجد لذلك الله خلى المنافقين في الدرك الاسفل في النار
نسى غيث انه في المسجد وضربه وقام كريم يستقضي حقه تنحنح شيخ المسجد واستحوا منه
وسلموا على بعض سلام الرجال جلس غيث وقال :ابشرك كيان سوا نفسه موزع في منطقة خصمك وعرف انهم يشتوا يقتلوك علشان دافعت عن غريمهم
سود وجه كريم وهو يتذكر بطن ملاك اللي بدأت تظهر وقال بخوف :بشرك الله بالخير يا غيث!
غيث بضحك :الحمد لله كنت بدخل نفس تخصصك بس قدني على الحساب ابرك لي
كريم بجديه :والحل اللي لقيته؟
غيث:بتسافر مع كيان تعز وبيرجع يكمل ياخذ ادله على الخصم لانه خلاص قدر ياخذ دليل باقي الدليل قاطع او يجمع ادله اول ما يعرف ان رجعتك آمنه بيقول لي واروح ل تعز اخذك ونرجع صنعاء ونعيش طبيعي وانا وكيان متابعين الوضع
زفر كريم براحهه وقال :كم مده السفر
غيث :مدري بس اول ما نشوف الوضع آمن وخصمك في السجن بنرجعك
كريم :الله يقدرني وارد جميلك يا اخي
غيث بمزح :يعني تشتيني اتجعجع علشان ترد الجميل!
ضحك كريم وقال :بعيد الشر
مسك غيث كتف كريم وقال :الأخوه ما بينهم لا شكر ولا جماله يوم لي ويوم لك
ابتسم كريم وبدأت الناس تجمع لخطبه الجمعه وبعد صلاه الجمعه خرج كل اللي في المسجد يسلموا على بعضهم وكل واحد يعزم الثاني للغداء وشم الريحان يفوح في المسجد والاطفال اللي يوزعوا مسواك وتمر وماء صدقه جاريه والكل راح بيته بكل فرح وخاصه ال مُنيف اللي يعرفوا ان غداء يوم الجمعه يكون كله مع الخبز بيد ماما لطيفه واكيد الاكل بيكون لذيذ مجرد لقمه منه يحسوا نفسهم رجعوا لزمانها وكأن أكلها عباره عن تراث ،
دخل كريم غرفته يغير وشاف ملاك اللي ما تغيرت عن عادتها كل جمعه لازم تحط في شعرها شذاب وفي دبلتها شذابه صغيره وتلبس ذهبها مع اي فستان يتناسق معه ورايحه البخور والعود تفووحح في أرجاء البيت مش إلا الغرفه شافها بنظره هيااام وما رف له جفن من كثر غلاها في قلبه اللي ما تغير إلا زاد وزود بعد الزواج ،خاف كيف يصارحها باللي ايسويه وانه مش بارادته وان بعده عنها لسلامتها وسلامه اللي في بطنها قبل سلامته هو لانه مهدد ،وقرر يواجهها لكن سرعان ما ابتسمت له وقامت تسلم عليه سلام الجمعه ارتبك وضاعت افكاره وضمها بكل قوته استغربت ملاك لكنه بادلته الحضن وقالت بمزح :حضن يوصل ل النونو دلا بتكسر ضلوعي
ضحك كريم وقرر يصارحها بالحقيقة لكن مافي حقيقة في قلب كريم بعد ابتسامة ملاكه وقال:
خذ قصيدي يا شذى الورد ل ندى
وانتبه لي واستمع موجز النشره
والله انش بالغلا فارقه جدا
مثل فرق الابتسامه على الكشره 
ملاك بحب :يووه جبر قلبي بابو عهد
كريم :يوه لو ام عهد تلبس حق الصلاه علشان تنزل تتغداء مع الحريم
ضحكت ملاك ولبست حق الصلاه ونزلت مع الجماعه وبعد السلام تجمعوا البنات في الصاله والعيال في الديوان وشم الاكل وأصوات الفرحه والموال اليمني ملان البيت
وفي وقت ما بين صلاة العصر والمغرب :
طلع غيث غرفته وشاف ريفال تعدل شكلها لجلسة البنات راح سريره وهو ما بعد عينه عليها ابدا وقال :اول مره في حياتي اشوف غيمه مُزهره
ضحكت ريفال وقالت :لانها بجنب غيثها!
ابتسم غيث وعدل نفسه وقال بتوتر :ايوة؟
راحت ريفال جلست جنبه وقالت باحراج :غيث اشوف عمتي وشمس وكل البنات متصورين مع أزواجهن إلا انا وانت ما عندنا إلا صور العرس بس
غيث :لو تسمعش ملاك وانتي تقولي عمتي بتحط بطنها على جنب وتضربش وترجع تقول ما تخافوا الله في الحامل
انفجرت ريفال تضحك ولا ارديا ضربت يده من الحماس وركزت واحمرت خدودها ضحك غيث من ضحكتها وقال :ويالضحكه اللي اصير لها فداء واروح!
انحرجت ريفال وقال غيث بجديه :هاتي كيمره شمس
ريفال :مافيش داعي لها نتصور بتلفونك
غيث :حتى حلم لا تحلمي به!
قامت ريفال من جنبه حسبها زعلت لكنها راحت خرجت ذاكره من صندوق ذهبها وقالت :حط هذي في تلفونك نتصور وانقل الصور فيها وبعدين خرج الذاكره هكذا ما نخلي صور في التلفون ولا نخاف عليهم
غيث بحماس :طيب روحي لعند المرايه وانثري شعرش
تحمست ريفال بدون صوت وراحت لمرايتها اخذ غيث جنبيته لبسها وعدل مشدته وخلها قدامه تحمست ريفال اكثر من جمال شكلهم وقالت من الحماس:احبك
اول مره حس غيث ان قلبه يضحك مش إلا ثغره بعد ما قالت غيمته اللي بخاطره من زمان لقط الصورة فيها ضحكتهم حقيقية وتوقعت ريفال انه يقول وانا او احبش او حتى يرد بأي شي ،قراء غيث من ملامحها انهي تشتي رد ابتسم وهو اللي يحبها قول وفعل قربها له وقال :
سمعت احلا احبك في حياتي كلها بشفاش
أثر بعض الشفايف همسها غيمه وبراقي
فزعت ارد قلبي اثرني حبيت سراقي
وصلت اخر مدادي وقلت لش خلش على مركاي
لو ان الموت كاسش بشربه يا حضرة الساقي!
باسها غيث وابتسمت ريفال من داخل قلبها وهي تعرف ان غيث عوضها عن كل شي ردت له البوسه واخذت التلفون من يده وصورت هي هذي المره ،ضحك غيث وقال :أنا مستغرب كيف انا باين في الصورة رغم أن طولش لركبتي
ريفال بسخريه:هههه
ضحك غيث وقاطع روقانهم دقة هيلا (اخت ريفال الصغيرة)للباب تأفف غيث وفتحت ريفال الباب شافتها وقالت :ماما تقول لش تأخرتي وقد كلنا تجمعنا
شافت ريفال الساعه شهقت واخذت حق الصلاه لبسته وقالت :غيث رجع الذاكره مكانها شلحق امي واساعدها في التقديم
أشر لها بتمام وغلقت الباب ونسيت تماما ان الذاكره فيها صور البنات راح غيث وفتح المعرض وشاف البوم مكتوب عليه(صورنا 🫂) عرف انه صورها هي وبنات ما فتحه ابدا وشاف الالبوم اللي بعده (غيثي❤️‍🔥)ابتسم بواسع ثغره فتحه وشاف صور له بدقه مش حلوة او صوره اللي يسويهم حاله عرف انه تصوره من تلفون ماما لطيفه ،نقل لها كم صورة له لذاكرتها وغلق المجلد وقبل ل يسحب الذاكره شاف البوم مكتوب فيه(صوري🤎) شد انتباهه عدل جلسته فتح الالبوم وشاف صور ريفال من عمرها ١٥ سنه حمد الله لأول مره ان حد اخذ ريفال معه علشان يتأمل صورها براحتهه وكل ما قلب صورة كل ما دق قلبه من جمالها وبعد ساعه تأمل رجع الذاكره لصندوقها وقال بفرح :الان دليت طريقي!
وعند البنات :
كانوا كلهم متجمعين عند ماما لطيفه وكل وحده من جمالها تقول الزين عندي ،بدأ كلام البنات وراحت طيف لعند شمس وقالت:الظاهر يا زوجة اخي انش حامله بالمجرات
ملاك بضحك :أخذت بطني
ماما لطيفه بحده :صلينا على رسول الله!!!
الكل :اللهم صلي وسلم وبارك عليه ،ماشاءالله
شمس :يخواتي اذكرين الله يوه والحسد
ام شمس:ابنش ايطلع قائد ان شاء الله من الصغر
طيف بجديه :صدق الان بنت او ولد؟
تذكرت شمس حلمها وقالت بخوف :ما أدى الله حيا به!
ماما لطيفه :عاقله ،والنعم بالله
ابتسمت شمس وقاطعهم ام كرم وهي تقول :خلاص بنزوج طيف قريباً وتضامن مع نسوان اخوانها
ماما لطيفه :لما يجي نصيبها ان شاء الله
ام كرم بفرح:جاء نصيبها امس صاحب احمد زوجي طلب طيف لابنه يقول يدرس معاها في الجامعه وحب ذكائها وادبها وكل شي
شافت طيف يدها وشافت خاتم مازن وتذكرت كيف راح يغترب علشانها وعلشان مستقبلهم وقالت بحده :والله ما اتزوجه!!
ام كرم :روحي قولي لهذا الكلام لابوش مش لي!
ما استحت ابدا طيف وراحت لعند أبوها كابسط شي تقدمه ل مازن انها ما تروح لغيره ،خافوا البنات من ردة فعلها السريعهه مسكت ريفال على رأسها
وقالت شمس :اتولدني هذي البنت من الفجيعه
ماما لطيفه:يمكن انها تشتي تكمل دراستها
ام كرم بعصبية:تكمل عنده!
رجع الوضع هدوء شويه من التوتر،وفي غرفه ابو كرم :
دقت طيف الباب فتح أبوها وشاف عيونها مغرقه بالدموع وقال:في شي؟؟
طيف :من متى يا بابا وانت ما تاخذ رأيي؟تشتيني اتزوج واحد لانه ابن صاحبك ما فكرت فيني ما فكرت في مستقبلي!
ابو كرم:يا بنتي الله يرضى عليش بيته جنب بيتنا وانشرط عليهم تكملي دراستش باقي لش سنه بعد ما تخلصي هذي السنه يعني مش صعبه
طيف :إلا صعبه انا مش حق تحمل مسؤوليه ولا بيت ولا زوج انا عادني بنت الماما!
تعصب ابو كرم من أسلوبها وقالت بحده :معش اليوم وبكره فكري فيهم براحتش لان نبيل منتظر مني رد
طيف :مش موافقين من الان بدون محد ينتظر
ابو كرم بعصبية:في بالش واحد نروح نخطب لش ،يعني متوقعه اقول لش هكذا؟ كلمه ما تنثني!فكري يومين براحتش واعرفي اني اخترت لش زوج يناسبش وانا ادرى بمصلحتش
اشرت طيف براسها بأسف وراحت بدون كلمه طلعت لعند البنات وبدون لا تحكي لهم حرف لانهم سمعوا نتيجه أصواتهم العاليه جلست جنبهم وجلست جنبها ريفال وقالت :كلها يومين وارفضي وعمي ما ايغصبش وانتي وحيدته صدقيني
ابتسمت طيف لفكره في بالها وقالت:ان شاء الله
صدقوا البنات انها وافقت واخذتهم على قد عقلهم ،عدا الوقت على خير والساعه ٨ ونص بعد صلاة العشاء في اليمن لكن في تركيا قبل أذان المغرب بدقايق استغلت طيف شغل اهلها بالعشاء وبالاعمال خلت محمود( اخو ريفال الصغير) يعبي لها رصيد من عند كيان بدون محد يعرف ،طلعت السطح بعذر المذاكره والهدوء ،تذكرت رساله مازن فتحت المعرض نقلت الرقم واتصلت له كآخر حل تقدر تسويه
وفي تركيا :
كان مازن يحضر بحث الماجستير بكل فرح انه باقي له قليل وياخذه وبعدها يدور له عمل علشان شركته ووليفة قلبه طيف ،قاطع حماسه للبحث اتصال ما كلف نفسه يشوف حتى من المتصل غلق التلفون ورجع منهمك بلابتوبه .
خافت طيف لو ان التلفون مع حد ثاني وجربت اتصال ثاني كآخر حل في يدها،رن تلفون مازن مره ثانيه أخذه يشوف من المزعج اللي يتصل له شاف مكتوب (❤my soulmate ) فز من مكانه وهو حافظ رقمها بقلبه قبل تلفونه لكنه خاف ان طيف تتصل له ولا دولي جاوب وقالت طيف بعصبية:اخيرا تواضع المهندس وجاوب
مازن بمزح :شفتي جاوبت وانا مهندس
طيف بنرجسية:انت تسوي المستحيل علشان كلمه مني! اكيد ما شفت المكالمه الأولى
ابتسم مازن وهو يحب كل شي فيها وخاصه ثقلها وقال بكل حب :ارحبي ثم ارحبي لما يبلغ الترحيب منتهاه
انشرح صدر طيف بصوته ونسيت انها متعصبه وقالت بمزح :باقي استيكر بنت وجنبها قلوب بكل الأوان وتحت مكتوب بالون الاحمر يسعد مساكم
مازن :لو سمعتش ام محمود تتحسس
انهارت طيف تضحك ابتسم مازن وكان في قلبه خوف من اتصالها قاطع تفكيره صوتها وهي تقول :المهم
مازن :المهم اني مكتفي بصوتش وضحكاتش ومالي في قرب غيرش لامطلب ولا نيه!
ابتسمت بحب وقالت:يا مازن الصدق انا ما اتصلت لك إلا علشان هذا الموضوع
مازن :خير؟
طيف باستفزاز :ابي يشتي يزوجني ابن صاحبه اللي معي في الجامعه يقول اني مؤدبه وذكيه واكيد استحى يقول جميله ولا قالها
حس مازن ان عروق دمه تغلي وهو اكثر انسان يغار على املاكه وقال بكل عصبيه :ايوة؟
صفر صوت من التلفون دليل ان الرصيد باقي له دقيقه ويكمل ابتسم مازن وقال باحراج :اوه الاتصال من عندش غلقي غلقي الان اتصل
طيف:شفت كيف!
غلقت التلفون واتصل مازن الاتصال الأول ما ردت تأخذ حقها ابتسم مازن بعد ما عرف حركاتها الطفوليه وفي نص المكالمه الثانيه جاوبت وقالت :عفوا ما ارد على الأرقام الغريبه يا أخ اذا كنت عربي!
مازن :دكتورة وتحاوبني ؟
طيف :الشي اللي يميزني عن بنات ال مُنيف كلهم  التواضع
ضحكوا الاثنين مع بعض وهم ما ودهم تنتهي مكالمتهم ابدا تذكر مازن كلامها ورجع بكامل جديته وقال:كملي،والله اني من ضربت خصروف ما ضربت حد وفي حد ثاني جلده يحكه وانا في الخدمه!
طيف :جونسينا اسمع قبل ل لحد يجي
كان مازن في حال ما يسمح له يضحك لكن ضحكت طيف قادرة تمحي كل عصبيته وقالت :وابي قال لي معش يومين ويرد لصاحبه وانا رفضت لكن تعرف ابي ايجبرني لان صاحبه جاب حل لكل عذر وقالت باحراج:وانا ما يكون كمال ديني إلا ابن عز الدين
ابتسم مازن من حركه طيف هذي وقال بكل هدوء:ما خلق اللي ياخذ طيوفي مني وانا ابن عز الدين لا تأخذي في بالش واعتبري الموضوع تغلق وتمسكي بي وابشري بي يا بنت العم
شافت طيف الخاتم وقالت بصوت واطي :واتبهى بك!
مازن :هاه؟
طيف :اقول كيف الدراسه معك
مازن :الحمد لله قربت اخلص وبعدين شساعد الطلاب في المشاريع واذا رجعت اليمن أخذت طيوفي وفتحت مشروعي الخاص وانتي؟
طيف :يجرني (ياخذني) مازن واكون ذراع يمنين ل ابي
مازن بثقه :ان شاء الله ،تحتاجي شي ناقصش شي اامريني ؟
طيف :تسلم يالله مع السلامه بنزل برد
مازن:انتبهي لنفسش!
طيف:استودعتك الله
غلق مازن التلفون وحطه على صدره تشوش مخه من التفكير وقرر يرجع اليمن بس بتكلفه خسارة وقت بس وفي نص تفكيره تذكر صاحبه اللي وَكل اخوه يعقد له ولما رجع تزوج فز من مكانه وراح الصاله وشاف الكل مجتمع فيها وقال :شتزوج الان
ابو مازن بتسليك :الف مبروك
دُجى :عرفتوا ليش قال الرسول عليه الصلاة والسلام وقت المغرب نغلق الطيقان ساعه شياطين
ام مازن بضحك :مشهي العروسه ملزمه تشتريها في ساعتها هذا زواج زواج
ترف :شبهت لك بأكثر شي ممكن تفهمه ،كنت تذاكر ما صنف لك ؟
مازن :كان في مستوى اقوى لذباتش يا ترف
راح اوسان يتعلق في حضن مازن وقال:انت تشبهه البيوت اللي ترسمهم
ترف :حتى الطفل وهو اخوك خاف منك فما بالك ببنت الناس
الكل :هههههههههههههههههههههههههه
اخذوا الموضوع بسخريه عكس مازن تماما وما عرف يكذب اكثر لانه في موقف حساس بالنسبه له وقال:عمي احمد يبَه ايزوج طيف على ابن صاحبه وانت تعرف اني ما بتزوج إلا وحده اعرف اصلها ومعدنها وما في إلا طيف
كان ابو مازن شاك انه ابنه يحب طيف واكد له هذا الفكره اليوم وهو ما يشتي يخصر مناسبة اخوه خاصه احمد ويعتبر زواج مازن وطيف تقويه لعلاقتهم وقال بعصبية:وايش عرفك انها بتنخطب!تخون عمك وتكلم بنته يا تافهه!
انصدموا البنات من الكلام وقال مازن بسرعه :لا كلمتني ترف ان طيف بتنخطب وانا قلت قبل ل اسوي شي استشيرك يبَه
حست ترف بوجع الفراق وما كانت تشتي هذا الوجع لحد وخاصه اهلها وقالت بجديه كامله :ايوة انا كلمته صراحه طيف ومازن من زمان الكل يقولوا انهم لبعض ومال للبنت إلا ولد عمها
ابتسم ابو مازن بفرح وقال:اذا نوكل عمك قاسم يعقد لك واذا رجعنا حددوا موعد الزواج
جرى مازن حضن ابوه بانتصار ومن بعده امه وخواته وقال بفرح :هذا اللي كان في بالي ،صدق كرم لما قال رُب ضارة نافعه!
زغرطت ترف من فرط الفرحه ومعاها اختها وامها وبدون ما يصيح ابو مازن هذي المره بالعكس كان مبتسم ان بنت اخوه هي مرت ابنه وقال :الصباح اكلم قاسم واحمد
مازن :الان يبَه اسالك بالله اول مره اطلبك
ابو مازن:فإذا سألتم بالله فأجيبوا ،اجلس نتصل لاعمامك
جلس مازن جنب ابوه وتجمعوا الكل حول ابو مازن والفرحه تعج في قلوبهم لزواج طيف ومازن .

_____
بارت جديد ما كماله البارت الجاي لا تنسوا النجمه واشوفكم في بارت جديد يَحلوين 🤎🤎.