بعد ما رجع غازي من مهمته طالب يد عبير له وتم الزواج بمساعدة اهل غيث ل كيان لكن اللي ما حسبوا حسابه تمرد مبخوت في جريمته هذي المره عدا اول اسبوع وتأكد مبخوت من هدوء الوضع وبدأ اعماله القذره وصل الخبر ل كيان من الأمن، وفي البقاله كان غيث وكيان يتغدوا مع بعض وصل اتصال ل كيان جن جنونه وغلق المكالمه حط التلفون على الارض بقوة انفجع غيث وحط الاكل وقال بخوف : مالك ؟
كيان : تمادى مخبوت ! اليوم بدأ بتوزيع شحنه الممنوعات
غيث : راقب مكانه
كيان: بدأت اشك انه شفاف ملعون الجدف هذا اول مجرم اتعب معه حتى اذا مسكنا شركائه في السجن ولا ينطقوا حرف
غيث بضحك : اجلس بس راقب اعوانه في هذي البقاله لما يفرجها الله
كيان بجديه : تجارة ابوك !!
غيث: ايش دخلها الان !
كيان : بيضطر انه يهرب فيها ف بنستخدمها طعم
غيث : تقصد بيهرب بضاعته مع تجارتنا
اشر له كيان بعيونه بايوة وقال بحده : بس انتبه على اهلك هذي الفتره
غيث : شوف انت استخباراتي على حالك اما اهلي ما يدخلوا، يأخذني انا
كيان : ايجر حد كتهديد يا غبي ما نعرف من
غيث بضحك : يجر كريم
كيان: بتفلجني انت ، اسمع امسك البقاله وشوف الوضع بروح على اساس ازور غازي بمكتبه اخذ الأخبار وارجع واذا حد سألك وين انا قول خطى يشتري أشياء للبقاله
دق غيث على صدره وقال : احتزم
رجع كيان من جدية ملامحه لطبيعته الضحوكه وخرج والقلق مسيطر على قلبه خاصه على اهل محمد ال مُنيف .
ومن هنا ل تركيا وتحديدا في بيت نايف ال سعد :
نزلت جهاد الحوش شافت أخوها هتان سارح في السماء وفي يده شاهي بعد الغداء قالت بسخريه : شعنده النعنع تحت الشمس قاعد ؟ما رد عليها علت صوتها وقالت : هتانن !
هتان: وش بلاتس انتي ؟
جهاد : وش بلاك انت ساعه انادي لك ما ترد
هتان بسرحان : وش تبي ؟
جهاد : ولد اصحى وين حسك؟
تنحنح هتان وقال :
خذاه اللي على خده علامه
سواد الغيم في شمس مطله
جهاد: يمه فيك ضربة شمس
ابتسم هتان وقال: وش تبين
جهاد: بتروح مع ابوي اليوم
هتان : لا بروح البحر مع العيال ليه ؟
جهاد بمزح: ليه تسوون التان
هتان : ظريفه انتي ووجهتس ؟
ابتسمت جهاد وقالت بجديه : ملل وعزمت كل البنات وما ابي ولد في البيت عشان ناخذ راحتنا
هتان: حتى بنات عمي عز الدين
جهاد: شدخلك!
هتان بعصبيه : روحي سوي شاهي بدله وحطي الفصفص وشويه من الحلا في الحافظه وحطيهم ب الشنطه بناخذهم معنا
جهاد : طيب قول لوسمحتي على الأقل
هتان: بنت !
هربت جهاد تجهز الأكل لهم وما صدقت انهم بيخرجوا دخل سعود المطبخ وقال : وين العود ؟
جهاد : في الدولاب ... بتأخذ العود !
سعود بضحك : اي بنطول
جهاد : هونت بسحب على البنات وبروح معاكم
سعود : اقول اقعدي في البيت واذا جو البنات امدحيني عندهم
جهاد : ما ابي قعدتنا تتلوث
مشى سعود ودقها على رأسها بخفه وقال : خلاص روحي اجهزي انا بسوي الشاهي خابر طبختس يخرب المزاج
جهاد : بسكت ليه ؟عشان بتسويه انت
سعود : هونت
حضنته جهاد وقالت : شعندهم عيال نايف ما يقبلون المزح ؟وانت صادق طبخي مو حلو سويه وبروح أكمل تجهيز
راحت جهاد غرفتها وبقى سعود في المطبخ وكله حب لأهل نايف اللي عمرهم ما حسسوه انه مقطوع من شجره وانه بحسبة ابنه بالضبط سوا الشاهي وجهز الشنطه وراح غرفته يستعد لطلعة البحر
وفي الحوش :
كان هتان قاعد مروق منتظر إخوانه متى يخلصوا دق باب الفيلا فتح وشاف شهد صد بعيونه وقالت بغنج : سلام عليكم
هتان بصوت واطي : عاد رد السلام واجي وقال بقرف : وعليكم السلام
شهد : شلونك عساك طيب ان شاء الله
ما رد عليها إلا أنه بعد عشان تدخل لكن ما تحركت ابتسم هتان يوم شاف ترف من وراها متجهه لبيتهم وفي يدها صحن كعك ، حسبت شهد ان الابتسامه لها وقالت : وانا بخير الحمد لله!
ما جاب لها اي اهتمام وكان يشوف لترف وكل ما تقدمت خطوة ل عند الباب كل ما زادت ابتسامته ، تأكدت ترف انها شهد غارت وبدون تفكير أشرت لهتان بعيونها "ادخل" توسع ثغر هتان أكثر واتجهه لغرفته ينتظر لهم انصدمت شهد ولفت وشافت ترف زاد حقدها وقالت : وانتي جيتي ؟
ترف : شوفت عينش جيت وخمس دقايق يجوا دُجى وامل
شهد : كان انتظرتي لهم
ترف : لا ما احب اجلس عند بيبان خلق الله اكلم عيالهم
شهد: شقصدتس؟
ترف : ولا شي بس اقول لش ليش ما انتظرت لهم
مشت جهاد تفتح الباب لكنها توقفت لما فتحه هتان شافت كل اللي حصل لكن ما ركزت على نظره ترف لهتان وقربت أكثر لباب وقالت : يالله انك تحييها
غلقت ترف الباب وراها وقالت : الله يحيش ويبقيش
جهاد : ارحبي يا شهد
شهد : البقى ، وين ألين ؟
جهاد بضحك: ما تعرفي وين حرم اخوتس ؟ في بيتكم وين بتكون
شهد : هي قالت بتجي وما صعدت فوق اتاكد أحسبها جت
جهاد: لا مع الحمل تعبت ونامت
شهد : اجل بروح
اخفت جهاد الضحك وقالت : تو الناس
شهد : بروح اتطمن عليها اذا اختها ما همها
جهاد بسخريه : ووصلي سلامي لها
ما اهتمت شهد لجهاد وفتحت الباب شافت ليان وسيلين وراحت بيتهم بدون ما تسلم
ليان : وعليكم السلام!
جهاد : هي ما تعرف تسلم إلا على هتان
ترف : شفتيها ؟
جهاد : تقهههر ، عاد ردتس عليها يبرد القلب
سيلين : تعالوا ندخل وش مقعدكم في الحوش
جهاد : ثقل دمها
ليان : وش سوت
جهاد : اكلمتس فوق
قاطعهم دقت الباب فتحت جهاد ودخلت امل ودُجى تجمعوا البنات في الصاله وجت جمان وفي يدها اسامه استقبلتهم بكل حُب وقالت: وين ألين وشهد
جهاد : ألين تقول مريضه بتنام وشهد جت وراحت
جمان : اجل نروح عند ألين نزورها
جهاد : يا بنت الحلال نايمه مع غثى الوحام نروح نصحيها ليه ؟بكره نروح نشوف وش فيها الحين خلينا نستانس
جمان : شورتس وهداية الله
سيلين : الله يتمم لها على خير
الكل : امين
جمان : وش سجلتوا يا خريجات
ترف : بهذله مجتمعيه
الكل: هههههههههههههههههههههههههه
جمان : وامل ؟
امل : انا ما بدرس جامعه بسجل في نوادي وبعدين اذا نويت اشتغل بكون مدربه او استاذه رياضة
ليان بحماس : يليق لتس
رسلت لها بوسه على الهواء وقالت جمان : انتي معتس شهادات كثيرة تقدرين تروحي تشتغلي في اي مكان
امل: أي بس بشارك هنا بالمركز الرياضي العالمي وباخذ شهاده من تركيا علشان اكون رياضيه عالميه
ترف : المشكله مش هنا المشكله انها واثقه انها بتجيبها
امل بثقهه : اجيبه يعني اجيبه
الكل بحماس : ان شاء الله
ليان : وانا خلصت الحمد لله باقي قرة عيني يجي
سيلين : هانت باقي سنه واتخرج وقرة عيني موجود ولا منه فايده
ليان : الله يحفظ ساره
ضربتها سيلين وضحكوا البنات وقالت ترف : ماشاء الله تدرسي ومعش بنت
سيلين : تخصصي بسيط وهي سنه تكون عند عمتها ليان وبعدين اخذها
ليان بتقليد : انتم تخلفون وانا اربي لا حبيبتي ما حزرتي
الكل : ههههههههههههههههههه
ترف : هاتيها عندي دخلت دبلوم تخصص رياض اطفال
انصدم الكل واعتلت التباريك وقالت جهاد : يا هطف كان دخلتي بكلرويس
ترف : لا دبلوم سنه وحده بس اذا عجبني دخلت بكلرويس اذا لا بغير تخصص يعني زي ما تقولي تجربه
جمان: اجل خذي اسامه ازعجني
ابتسمت ترف اللي تعشق الأطفال ورقدته بحضنها دق الباب ودخلت لبنى رحبوا بها البنات جلست جنب ترف وقالت :انتي ترف صح
ترف : ايوة يروحي وانتي
لبنى : عرفتس من كلام جهاد ، انا لبنى
ابتسمت ترف : تشرفت فيش
لبنى : الشرف لي ، هذا ولدتس
ترف بضحك: ياليت هذا ابن جمان ما تعرفيه
لبنى باحراج : إلا بس صار لي فتره ما زرتهم ما ركزت على ملامحه ، يا زينه وهو نايم ماشاء الله
ابتسمت ترف لها وراحت حطته في سرير جهاد راحت لبنى عند جهاد وقالت: حنونه عليه كانه ولدها
جهاد : اي وبعد تخصصها اطفال
لبنى بخوف : أحسها ما بتجيب اطفال
جهاد بعصبيه : فال الله ولا فالتس
لبنى : احس اي حد يدخل تخصص يحبه يكون محروم منه
جهاد : اذلفي ولا كُلي يا ام الاحساس
ضحكت لبنى وبدأت فعاليات البنات
ومن هنا للبحر وصلوا العيال فرشوا سفرتهم
هتان : وين ريان
ابراهيم : مسافه الطريق وجاي
سند : ولد شوف وراك
ما اهتم له ابراهيم ومشى ما ركز على الحجره سقط وانفتح جرح في يده
سند : حذرتك بس انت بزر
ابراهيم : جرح بسيط
هتان : جرح بسيط ولو رمشت طاحت الدمعه
سعود بضحك: تعال عندي ضماد جبته احتياط
هتان : رجل المهمات الصعبة
وصل ريان لمكانهم المعتاد في البحر توسط الجلسه وفتح الحلا مد يده لكن هتان مسكها وقال : يولد على الأقل سلم ! اللي يشوفك يقول ما عندك حرمه ولا بيت
ريان بضحك : العهد قريب ،وحرمي عند حرمك انا جويع
ضحكوا وسلم عليهم ورجعوا يأكلوا وبعد الأكل اخذ سعود عوده وقال : الجو يبي له محمد عبده ؟
ابراهيم : دندن يا وحش
سند: هتان صب الشاهي
هتان : يحضر لكم احلا شاهي
ريان: ابعتبرها حفلة تخرجي
هتان : امحق تخرج وامحق خريج وامحق طيار وامحق اب
ريان : كذا حقاده الشيبان اللي باقي لهم سنتين ويتقاعدون لا مشروع ولا حرمه ولا حول ولا قوة الا بالله
اخفى هتان ضحكته وقال : تشوف الشاهي والله ما تذوقه
ريان : الان يكون مر
هتان بعناد : هخخ يا ريحه النعنع
الكل : هههههههههههههههههه
صب هتان للكل شاهي وقاطعهم سند وقال : ما عزمتون مازن
هتان : إلا بس يقول عنده بحث ما يقدر يجي
سند : الله يوفقه
اخذ سعود عوده وكالعادة كان اللي يغني هتان بصوته الثقيل وبتدأت جلستهم بمحمد عبده وبصوت هتان :
لا لا اجي واروح بنظرة من عيونه
لا لا ولين اضلمت دنياي نوره غمرها
لا لا لا تضايقونه الترف لا تضايقونه
لا لا خلوه يجني من حياته ثمرها
ابتسم سعود وقال : الله
وتحمس الكل وبدأو يغنوا مع بعض بريحه البحر والشاهي ولمتهم اللي ما تنمل
وفي بيت نايف بن ناصر ال سعد :
جهاد : كان ودي اجيب العود وادندن لكم لكن سعود اخذه
امل: تعرفي ؟؟
جهاد: اخت سعود وما تعرف
ترف : خلاص اذا يوم جينا عندش وهو موجود هاتيه
جهاد بحماس :ان شاء الله
دُجى : يالله استمتعنا معاكم بنروح
جهاد : دُجى ما غير العنتس تو الناس
دُجى بضحك : الساعه ٩ والله ابي ما يفتح لنا الباب
جهاد : اجل استودعتكم الله
لُبنى: وانا بعد بروح
جهاد : مو كذا على الأقل اذلفن وحده وحده عشان ما احس بوحشه
جمان : افا وانا وين ؟
جهاد : وانتي بتروحين عند زوجتس اذا جاء
سيلين : دام كذا وانا بروح عند امي
ليان : معليتس منهم بنام عندتس اليوم
جهاد: يحبي لتس بس ليت الناس كلها ليان
الكل : ههههههههههههههههههه
وبالفعل الكل روح البيت وبقت ليان بس عند جهاد وواصلوا سهرتهم وبعد صلاه الفجر :
جمان : وين العيال ؟
جهاد : مسويه مصدومه بكره اجازة و اكيد بيصلون فجر ويجون
ضحكت جمان وراحت غرفتها وراحت جهاد وليان يناموا واخيرا وصلوا العيال البيت النوم كاسي ملامحهم وعدا اليوم بفرح الكل
ومن هنا ل صباح اليمن :
فتح كيان البقاله بعكس مزاجه امس وهو عنده الخطه اللي بيمسك فيها مبخوت ، خرج غيث ل عنده وقال : صباح اللي يبكر سالي ماهوش ضابح
ضحك كيان وقال : بتروح الجامعه؟
غيث : ايه باقي اسبوع واتخرج
كيان : شهر وبنوفي سنتين ! يا سرعه الأيام لا إله إلا الله
غيث : تخيل هذا الشهر ويرجعوا اهلي من السفر
ابتسم كيان بحب وقال : إن شاء الله
قاطع كلامهم مبخوت ووقف المتر وقال : صباح الخير
كيان بتمثيل الفرحه: صباح النور يا مهنجم تعال اصتبح معانا
غيث بصوت واطي : سم يدخل عروقه ان شاء الله
مبخوت : لا بس جيت اسلم عليكم وخاصه غيث سمعت انك اخذت مكان ابوك في التجاره
مسح غيث على لحيته وقال: الله الله ، وكمل يغريه : والمدير العام للحسابات
مبخوت بخبث : ماشاء الله ، وتجارتكم متى تشحنوها
غيث بغباء : بعد شهر ليش ؟
حسب مبخوت ان كيان صاحب بقاله عادي وما اهتم ابدا له وكان كل تركيزه غيث وقال : عندي اهل هناك اشتي توصل لهم كرتون فيه نواقصهم
غيث بفرح :ابشر
ما رد عليه مبخوت إلا أنه ابتسم وتحرك بمتره تعصب غيث وقال :مممستفز حتى ما تكلم الحقه ؟
كيان : الوضع زي ما توقعت ما يقدر يهربها إلا بك لأنك انسب واامن حل له بس انتبه بياخذ شي يذلك فيه علشان تعدي الشاحنه بدون ما تفتشها
غيث: الحيوان قسم بالله لو يجي ليدي ما يفلت ل انسيه حليب امه
كيان بضحك : خلاص افعل نفسك اهبل وعادي وانا بجلس في البقاله اراقب تحركاته وروح الجامعه وارجع ل عندي احتاجك
غيث: يالله استودعك الله
دق كيان لغيث التحيه ابتسم غيث وراح الجامعه مغبون وبس يفكر كيف يمسك مبخوت وعصابته وكيف يحمي اهله وخاصه ريفال اللي تروح ضحيه مشاكله دائمه ، عوذب من الشيطان وركز مع المحاضره واخيرا روح من الجامعه ومن غثا الشمس مهدود حيله واول مكان راح له هو البقاله ، قفز من زجاج ديكور البقاله ورمى شنطته في الأرض وجلس
كيان بضحك: هلا بالطلاب
غيث بمزح : اسكت وجيب الغداء ل اخرج غرقتي فوقك
قرب كيان الغداء اللي جابته امه وكانت دائما تحسب حساب غيث مع ولدها تغدوا وفي نص غداهم قال كيان : جاء إسلام
غيث : ابن عمي بدر ؟
كيان : ايوه ،يسأل عليك يقول يشتيك في موضوع حياة أو موت
غيث: بروح البيت واشوفه
اشر له كيان بتمام وواصل يأكل لكن خاف غيث لو حد قال له انه شافه مع بنته يوم العرس
ابو محمود : اخير جيت !
غيث : والله اني قلت بتغداء واجيك
ابو محمود : خير
غيث: تفضل عندنا
ابو محمود : عندكم العافيه ، انا جيتك طالب الله ثم طالبك الفزعه
غيث: احتزم
ابو محمود : انا اشتريت بقعه ارض بعيده من بيتنا لكنها تسوى ومن بعد ما اعمامي باعوا الأرض في الريف وما عندي عمل إلا مع تجارة ابوك وتعرف الوضع ولو لا قدر الله حصل بي حاجه اكون ورثت لمحمود شي ولو على الأقل يزرعها
غيث : بعد عمر طويل ان شاء الله ، وايش الشي اللي ضاق عليك
ابو محمود : تسلفت من واحد ثلاثه مليون واتفقنا انه ل نهايه السنه ارجعها جمعت حاليا مليون لكنه قلب عليا يقول الان يشتيها أو بيحبسني فأنا طالبك سلف من حلال ابوك ل نهايه السنه ان شاء الله ارجعها
غيث : أشهد بالله انه ماهو رجال، لكنك تبشر بها يا ابن العم
ابو محمود بفرح : الله يقدرني ارد جميلك يا غيث انت وابوك
غيث: وانا طالبك يا ابن العم طلب
ابو محمود : تم من قبل ل تقوله
كان غيث خايف قوي على ريفال من لعانه مبخوت وفي نفس الوقت فرصه وجت ل يده وقال : انا طالب القرب من بنتك على سنه الله ورسوله ولا ترجع المبلغ اعتبره مهرها
توسعت عيون ابو محمود بصدمه وقال: وابوك؟
غيث : نهايه السنه بعد ٣ أشهر وقت ما ترجع لي المبلغ، يكون ابي جاء والمبلغ متوفر معك اعتبره مهر ريفال ونتم الزواج على رجعتهم
ابو محمود : اتفقنا ونعتبر هذا الاتفاق خطبه بشهاده كيان
انصدم كيان من طلب غيث وقال بصوت واطي : غيث متأكد اللي تقوله؟ هذي المواضيع ما فيهاش مزح ولا تراجع ل يكون ضربة شمس اثرت عليك
غيث: شفتني يوم جبت لرجال كلمه وخلفتها ؟
كيان : لا
غيث: اذا تمت الخطوبه على خير .
ابو محمود : الله يتمم عليكم بالخير يارب
الكل : ان شاء الله
راح ابو محمود البيت وجلس غيث هو وكيان يكمل اكله بكل برود الأرض
كيان بصدمه : مستوعب اللي فعلته ؟
غيث: وبكامل رضاي
كيان : انت حالف ما تزوج من بعد م..
قاطعه غيث بحده وقال: الماضي ومحيناه الان يا كيان! انا انسان موظف دارس عندي بيت اقدر اكون حياتي بوحده من اختياري !
كيان : انت اخبر والله يتمم لك على خير
غيث: إن شاء الله
ومن هنا ل تركيا :
كان البيت كله هادئ عدا ام هتان وبنتها جمان يسوون الغداء جاء ابو هتان وقال بحده : وين الباقي؟
ام هتان : امس روحون فجر وللحين نايمين
جمان : اجازة يبه خليهم يرتاحون
ابو هتان : ابك حتى وانتي نفاس ما نمتي ل ظهر شعندهم العزابيين ؟
أخفت جمان ضحكتها وراح ابو هتان فتح باب غرفة هتان اللي الكل نايم فيها دق بعصاه بقوه محد رد راح وضرب كل واحد على رجله وقال: صلاة ياللي ما تخافون الله حتى انت يا ريان هنا ومخلي حرمتك عند امها!!
فزوا العيال وكل واحد راح ياخذ دش
ابو هتان : إبراهيم روح صحي جهاد تساعد امها في المطبخ
ابراهيم: إن شاء الله يبه
راح ابراهيم دق الباب بقوة فتحت ليان الباب ببجامه جهاد وشعرها مفتوح كانت تمسح على عينها شافها ابراهيم حسب انه يتوهم رجع بخطواته وقال : روحون ساعدون امي
انتبهت ليان لصوته غلقت الباب بقوة راح ابراهيم ووجه احمر من الصدمه وبعد نص ساعه اجتمعوا الكل في سفره الغداء عدا ليان اللي روحت بيتها منحرجه بعد الموقف ودعتهم وراحت .
ابو هتان : سعود
سعود : سم يبه
ابو هتان : سم الله عدوك بكره انت واخوانك تجهزون الحوش ترا عزمت عبد الرحمن وعز الدين وولده قبل ل يسافرون
هتان : يسافرون؟!
ام هتان : بسم الله عليك يا ولدي وش فيك
جهاد بصدمه : وين
ابو هتان: بعد شهر بيردون ديرتهم ،فتره الاجازة ويرجعون
ام هتان : شهر وبتعزمهم من الحين؟
ابو هتان :وانا بسافر عمل بعد اسبوع وبقعد شهرين وباخذتس انتي و ابراهيم
ابراهيم: شمعنى انا
ابو هتان : ولد !
ابراهيم بخوف : حاضر
هتان بحزن : كم مدة سفركم وسفرهم؟
ابو هتان : اعتقد شهرين وبيرجعون بنفس يوم رجعتنا
هتان بصوت واطي : انا مقوى على بعدكم ولا بعدها
ابو هتان : هاه؟
سعود بتغير موضوع : اجل يبه انا نويت اعرس
الكل بصدمه : مين ؟
عدل ابو هتان جلسته وقال بجديه : صادق ؟
سعود: اي والله اني صادق
ابو هتان : من هي
سعود : أمل بنت عبد الرحمن
جهاد بحماس : ابركها من سااعه
ابو هتان :اجل نجيب له علم وتعرسون لما يردون
ام هتان وهي تمسح دموع الفرح: اخيرا واحد من اولادي قرر يعرس
ابراهيم : يالله وانا بعده
ابو هتان: اصه عاد الكبير ما اعرس
انغبن ابراهيم وضحك هتان وقال :
وانا لي اطلق حبيبة يا طويلين الاعمار
ما بين منسب عريق ووجه القمر
من كثر حبي لها كل العذارى تغار
لكن جعلهم عليها كل أبيهم نذر
الكل : الله
جهاد : دام افراحكم يا ال سعد
ابو هتان: ابك ومين تكون ذي ؟
إبراهيم بضحك :الحين تكون اختها
ضحك الكل عدا هتان اللي ابتسم بعد ما يعتبر إبراهيم بمزحه جاب لهم بدايه الموضوع وقال : لبعد عرس سعود بقولها انا ان شاء الله
محد ركز بالمقصد وقالوا كلهم بحماس : ان شاء الله
*وفي نفس الوقت في بيت محمد ال مُنيف *
طلع ابو محمود والفرحة ما تسعه وهو يعتبر ان كربه انفرج وخاصه ان ريفال بتزوج وهو يعتبر ان البنات بالنسبة له عار وان جيتها كانت بالغلط لكن بالمقابل كانت هذي البنت سبب تيسير حياته كلها ما اهتم ابدا وطلع للبيت دخل الصاله وقال: يا بنيه
ريفال : حيا يابه
ابو محمود: وين امش ؟
ام محمود : اوذنا جيت
ابو محمود : جهزي بنتش وعلميها من الان تعتبر مخطوبه وعرسها بعد ثلاث اشهر
مسكت ريفال على قلبها وقالت ببكي :كيف ومن قال ومنهو؟؟ يابه خاف الله عادني شدخل ١٨ بعد شهرين عادني صغيره!
ابو محمود بعصبيه : قدو وقتش وزياده وكلمتي ما تنثني
ام محمود : طيب على من ؟
ابو محمود: غيث ابن عز الدين ومهرها ثلاثه مليون تحمد ربها
دمعت عيون ريفال وصاحت ام محمود بقوة وقالت :جحفه والله ما ازوج بنتي لارهابي زيه !
سمعت ملاك وامها الصياح وجروا للغرفه شافوا المنظر وريفال تبكي بحرقه قالت ام ملاك بعصبيه : ايش في !
حكى لهم ابو محمود قصة الدين وقال : وانا عندي مليون تروح تتكسى فيها والباقي مش مهم
حست ريفال انها بضاعه زاد بكاها وسرعان ما رفع ابو محمود يده ناوي لها كف من ازعاج بكاها حضنت ملاك ريفال ومسكت ام إسلام يده وقالت : تضرب حفيدتي يا وقح في وجودي !سكت ابو محمود وكملت ام إسلام : هو سؤال واحد اذا هي مش موافقه ما ايتم العرس ، ريفال انتي موافقه ؟
بهرر أبوها فوقها خافت منه وقالت بغصه : ايه
عم السكوت في البيت ونزلت ملاك وريفال عند البنات شافت ريفال البنات حول ماما لطيفه وخاصه شمس وهي جالسه بكامل اناقتها تتجهز لحفل تخرجها جرت ريفال حضنت ماما لطيفه وانهارت في حضنها اما ملاك اكتفت انها جلست وحكت للبنات كل شي
مسحت ماما لطيفه دموعها وقالت : دام مهرش راح في ارضيه التعويض ذهبش على غيث من راسش ل رجلش
شمس : وانا المصورة بس عيونش لا تدمع
طيف : والمكياج عند هاجر الكل على حسابي انا وامي هديه
ملاك: وابي يعرف واحد عنده قاعه تجننن ولا تاخذي همها
ماما لطيفه: والفلوس اللي جابها إسلام خليها كسوه ملابس
مسحت ريفال دموعها وزغرطوا البنات معلنين زواج ريفال لغيثها ،سمعت ام محمود الزغرطه سقطت دموعها خوفا على مستقبل بنتها لكن اكتفت بقول: لعله خير ونزلت لعند البنات تفرح ببنتها ولو هي مش موافقه على هذي الزواج .
اتصل غيث لأخته وقال : حيا باخت العريس
دُجى : لا تقولها ما توصل يا غيث
ترف : كلها شهرين ونرجع لا تفجعنا
ام مازن : ايش في
غيث بضحك : اخذتها مرجله وعناد !
الكل بصدمه : من
غيث: ريفال ،وزواجنا بجيتكم
ترف : يبرود دمك كيف تقولها هكككذا بسهوله
دُجى : لو تزوج قبل جيتنا تبريت منك
ام مازن بفرح : للمره الثانيه يبني كان انتظرت لمازن
غيث: ما بضيع عمري
مازن من وراهم : ايش في
ترف : اخوك عريس على رجعتنا
مازن : سويتها يا وسخ
غيث: ايش انا مازن مضيع عمري
ترف بمزح : عاد لو تشوف هتان ايش بتقول
غيث: هاه ؟
الكل: ههههههههههههههههههههه
ترف : اذا رجعت حكيت لك المهم احكي لنا
حكى لهم غيث كل شي وقالت ام مازن بعصبيه : ريفال موافقه أو أحرجت أبوها
غيث: موافقه
ترف : ايش دراك
غيث بتقليد: إذا رجعتي بحكي لش
ترف : كلب والله
جاء ابو مازن وتعصب لان ابنه حطه في الأمر الواقع لكن بنفس الوقت فرح انه يعتمد على نفسه وان عنده سند اذا غاب .
عدا اليوم على خير وبدأت تجهيزات عزومه بيت نايف بن ناصر ال سعد لبيت عز الدين ال مُنيف وعبد الرحمن آل ياسر خصيصا ....
_____
هاتوا توقعاتكم للببارت الجاي اشوفكم في بارت جديد وأحداث جديده لا تنسوا النجمه يَحلوين 🤎🤎.
أنت تقرأ
حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .
Poetryمن كثر ماهي في قلبي وفي عيوني اللي بيدقق وسط العين بيلمحها . [🇾🇪🇸🇦]
