حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الرابع والخمسين

حضنها هتان لما حسها هدأت مسك يدها واتوجهوا لطيارة اما امل ما كانت الا تدمع حزن على صديقاتها لكن بقرب سعود وأهلها وترف هان عليها السفر
عرف صاحب غيث ان البنت اللي كان يشتيها تزوجت لواحد سعودي حقد اكثر على ال مُنيف وقرر يدخل في صراع تجاري مع ال مُنيف .
وفي البيت :
دخل ابو مازن البيت وشافه هادئ ما لامهم واتوجه غرفته يرقد وهو لحد الان مش مستوعب اللي حصل ومازن نفس حركه ابوه اما غيث وصلت له رسائل من الشركه ان جارهم القديم سحب رأس ماله الضعيف جدا اللي ما يأثر على سمعه التجاره ولا على ال مُنيف ابدا ،حمد الله انه ما زوجه اخته لانه غدار وحمد لله انه قاطع علاقته به من زمان بس بينهم سلام اما الان قرر يحذر منه ويحذر الشركه كامل ووافق على المنافسه التجاريه اللي اتقوم بينهم بس غيث كان ينافس بشرف ويعرف بضاعته وعملائه وعماله بجودتهم وكفائتهم، ويعرف يتصرف مع هذي النوعيات من الرجال ريح راسه منه ودخل غرفته شاف رند تضحك وتلعب مع الهواء ابتسم من ضحكتها وقال بتنهيده :ما كذبت لما قلت لش انش تشبهي عمتش في كل شي
جلست ريفال جنبه ووجها منفوخ من البكاء انفجع وقال :خلاص يروحي قد ابي قرر ان شاء الله كم شهر ونروح نعتمر ونشوفها
ابتسمت ريفال بحنيه وقالت :بدل ما اهديك تهديني
غيث :واجبي
ابتسمت ريفال وقالت :امس وانا مع ترف جابت في رأسي سؤال! كيف تغيرت عن الماضي؟
تنهد غيث وقال :صح اصحابي كانوا انجاس وصح شربوني حبوب وطلقت على ابي وصح اختي ماتت وهي ماسكه يدي وصح قتلت وانغدرت وانخنت و..
كست الغيره ملامح ريفال ضحك غيث وقال :بس الحمد لله ان ما كان بيننا شي
ريفال :ايش دخلني في الماضي؟
ضحك غيث ولا كأنها سألت قبل شويه وقال :
ما على الماضي حسايف فدوتش عمرٍ بقى لي
‏كل يوم يمرّ جنبش من حياتي فيه قيمة !
ابتسمت ريفال وقالت :الحُب يعني غيرك !
غيث :الشي اللي كنت ما اتخيله على الاستخبراتي غيث ابن عز الدين ال مُنيف هو انه يجيب بنت من وحده متولع فيها مش بس يحبها
ريفال بحب :حبي...هاههه من الاستخبرااتتي؟؟
مسك غيث على فمها وقال :وطي صوتش او كملي الكلمه الأولى
ريفال :من صدق انا اخر من يعلم؟
غيث:محد يعلم انتي الاوله والأخيرة لا تخافي ما فيه ضرر ابدا وبحكم ان كيان ترقى بدخل  استخبراتي لان الناس تعرفني اني مدير وابدأ أنقذ الشباب اللي كانوا مثلي ولو باسم القانون مشتيش غلطتي في اختيار اصحابي تكون لأي شاب ثاني ويدخل في دوامه الحشيش عز الله السامع والى اخره، وابدأ امسك عيال الحرام ،بس يعني الموضوع يحتاج ذكاء اكثر من قتال
اقتنعت ريفال بالفكره وقالت بمزح :المعدوم
غيث :اهاا !
ريفال :مزحت يا حبيبي
ابتسم غيث بواسع ثغره وقال :الله يلوم من لامني
ريفال :بس اوعدني تنتبه لنفسك علشاني وعلشان رند واهلك
غيث :وعد يا غيمتي
حطت رأسها في كتف غيث بحب واخذت بنتها في حضنها ترقدها اكتفى غيث انه يتأمل عائلته الصغيره بحب ،عدا الوقت وفي مطار السعوديه:
هبطت الطيارة استقبلتهم سند وعدنان وألين ،شاف اسامه ابوه ركض بسرعه حضنه بقوة وقال :انتبهت لماما مثل ما قلت لي
حمله سند وباسه وقال :ولدي الرجال ،ما اشتقت لي؟
اسامه :اشتقنا لك ححيللل انا وماما وخالد
حضنه سند ولمعت عيونه بعد ما سمع كلام ابنه وشاف جمان حامله خالد نزل اسامه من حضنه وسلم على عمه واخوان حرمه هو وعدنان ومشى سند متوجهه لجمان أسرعت جمان بخطواتها وحضنت سند بكل قوة وقال سند وهو يكسر الشوق :وحشتيني!
جمان :مو اكثر مني يبو اسامه
اخذ سند خالد وقال بابتسامه :غريبه كنتي تسميني حبيبي!
جمان:ابو عيالي وحبيبي واللي واحشني
ابتسم سند بواسع ثغره ومسك اسامه بيده واخذت جمان خالد وحضنها سند بيده ،وعند ألين:
دمعت ألين اول ما شافت اهلها حضنت امها وابوها وسلمت على رأسهم بشوق كبير وبعدهم خواتها لفت ليان على امل وقالت:ما كنها تغيرت؟
امل :إلا حتى ارتاحت شويه
ترف :صح ألين كانت في تركيا نفسيه شويه بس شكلها تغيرت مع السعوديه وغلبت طيبتها على غرورها
امل :اي والله ال سعد أصلهم طيب ومعدنهم ذهب
ليان :وال ثابت؟
امل :وال ثابت يا حرم إبراهيم آل سعد
ابتسمت ليان وقالت :حتى انتم وال منيف ونعم فيكم
امل بحب :ما عليش زود
ترف :الله ينعم عليش
ضحكت ليان وقالت :استاذه في فنون الرد
ضحكوا البنات وقالت ألين :يا زين السلايف لما يضحكون يا مرحبا بحريم اخواني
حضنتها ليان وقالت :يا هلا ببنت عمتي الزينه اشتقنا لتس
ابتسمت ألين وقالت :وانتم اكثر والله
حضنت ألين ترف وقالت :كان بخاطري احضر زواجكم انتي وهتان
ترف بحب :ولا اخليها في خاطرش اوريش الزفه كلها صورتها
ألين بحماس :إن شاء الله
حضنتها امل وقالت ألين بمزح :ارحححبي يالمصارع الكيوت وعلومه غانمه
ضحكت امل وقالت :البقى يا آخر حبه في الكرتون
الكل :هههههههههههههههههههه
جهاد :سبحانه مغير الأحوال
امل :زمان كانت العلاقه متوتره
ليان :الحين خلاص صرتون حريم وامهات
ألين :لا تسوين اني محافظه على زهره شبابي وقذا بتجربين الشعور قريبا ان شاء الله
ليان بصوت واطي:ان شاء الله
جهاد بتقليد :أبراهيم ارحمني
ضربتها ليان بقوة في ظهرها وقالت امل :هذي المره تساتتتهللللييننن
ضحكوا البنات ومشت كل وحده مع زوجها عدا جهاد مع امها توجهه الكل لبيت نايف بن ناصر ال سعد عدا جمان راحت مع زوجها وفي بيت سند :
دخلت جمان البيت وشافت ام سند وأبو سند لفت على سند بفرح وقال سند :وهذي اللي أخذت قلب ولدتس يمه
ام سند :ارحبي يبنتي حياتس الله في بيتس
سلمت جمان على رأسها وقالت:البقى يعمه، مافي فرق بيتي هو بيتس
ابتسمت ام سند وقالت:ما الومك يا ولدي
ضحكوا وقال ابو سند :ماشاءالله اخلاق وجمال ونعم فيتس يا بنيتي
سلمت جمان على رأسه وقالت :ما عليك زود يا عم
اخذوا عيال سند وقالت ام سند :اليوم باخذ عيالتس عندي اشبع منهم
سند :ونعم ما فعلتي يا اماه
استحت جمان وقال اسامه :مين هذي
حملته جمان وقالت:هذي جده خلود ام بابا
اخذته ام سند من حضنها واعطته هديه كانت مجهزه لها وقالت :وش رايك اليوم نقعد نتعرف على بعض
اسامه بحماس :ايه
ام سند:وش سويت في تركيا واليمن ؟
سند :لعبت مع اوسان وكنعان وماما لطيفه جابت لي هديه كمان
ام سند بصدمه :مين امه لطيفه؟
ابتسمت جمان وقالت :هذي جده حرم هتان الاطفال يسموها ماما وهو قلدهم
ابتسمت ام سند وقال اسامه :وانتي بسميتس ماما خلود
ام سند بفرح :اتفقنا
ابو سند :وانا بابا اسامه
اسامه بفرح :مثل اسمي !
ابتسم ابو سند وقال :عاشت الاسامي ياسمي
أبتسم اسامه من ابتسامه جده  وابتسمت جمان من حلاوة المنظر وقال سند :اجل اليوم اقعدوا معاهم احنا نستأذن
ابو سند :اذنك معك
دخل سند مع جمان فتحت جمان غرفتها وشافت ورد على السرير وديكور الغرفه اللي نفس غرفه أحلامها لفت لعند سند وقالت ودموع الفرح في عينها :هذا بيتنا؟
سند :ايه يا ام اسامه وازيدتس من الشعر بيت ترا البيت باسمتس واسم عيالنا
تأملت الغرفه جمان دمعت عيونها دموع فرح وحب وحضنته وقالت :ما توقعت انها بتكون حلوة لذي الدرجه تسلم يدك يا يا أول غرامي وآخر أحبابي
ضمها سند بقوة وقال :ايييي والله ناقصنا حضن ططووويلللل
وفي بيت ال سعد :
تجمع ال سعد وإخوان نايف يسلمون على اخوهم بعد طول غياااب وكأن البيت كله حياااا ما طولوا بالقعده لانهم وصلوا من السفر وراحوا على وعد يجون بكره ،ابتسمت ترف وقالت :عرفيني عليهم كلهم
جهاد :ترا جوهن مثل جو اهلتس في اليمن ،بكره اعرفتس عليهن اكثر
ترف بحماس :ان شاء الله
ام ريان :اخيرا جت حبيبه امها
حطت ليان رأسها في حضن امها وقالت:وحشتيني
باستها ام ريان وبدأت ليان تحكي لها سفرها 
امل :انا بروح انام لأني خلاص عيوني تغمض من نفسها
ليان:كلنا لكن بنام اليوم عند امي
توادعوا البنات وراحت ترف غرفتها الجديده دخلت وشافت هتان على الطاقه يراقب السماء ابتسمت وقالت :الله يا هتان محلا ليالي نجد
هتان :يـا حظ نجد
‏يـضـوي بليـاليها قمـريـن!
ترف بحب :تذكرت شفت نفس العباره مكتوبه في وراء بيتنا في تركيا وفي بيتنا في صنعاء و..
هتان :وفي كل مكان انتي فيه ياحظه!
ترف :والله يا حظ ترف صدق بك
ابتسم هتان بحب وقال :وش رايتس تسحبي على البنات ونام لان عمي بكره ملزم علينا نتغداء عنده
ترف :انا اصلا جيت علشان ارقد لان عيني ملان نوم
هتان باستظراف :لا هذا استدعاء انا سويته لعيونتس لانها مصدر احساسي
ترف :ههههه سامج
عم الصمت لثواني وراجعت ترف كلامها انفجر هتان يضحك ما تحملت ترف وضحكت معه وقالت:واضح قدحنا فاصلين هيا نرقد
هتان :فاصلين او منقطين
ترف :يسعد مساك
هتان :يالله يالله نوم
ابتسمت ترف وناموا الاثنين فارحين عكس عصرهم
عدا اول اسبوع ما بين الترتيب والضيوف والتأقلم وفي صبح الجمعه :
شافت جهاد أبوها قاعد يقرأ قران في حوش البيت رجعت بها الذكريات وهي صغيرة مشت بحب متوجهه لابوها حطت القهوه غلق ابو هتان المصحف وقال :صبحها يالله بالخير
ابتسمت جهاد وصبت له قهوه وقالت :صباح النور، يبه ابي اكلمك شي مهم
ابو هتان :وش الهرجه؟
جهاد :يبه انا درست وجبت شهاده ترفع الرأس وانا الصدق ما ابي اعلقها على الجدار وبس ابي اشتغل في مستشفى الديره منها ما انسى معلوماتي وانقذ أرواح الناس وتدري من احياها كأنما احياء الناس جميعا ،المستوصف يحتاج كادر متميز عشان تكون ثقه وابي اكون من ضمن الكادر
ابو هتان :الثقه اللي بمحلها ابشري والله على هالخشم
طارت جهاد من الفرحه وباست راس أبوها وقالت :عليه الشحم والله ما اخذلك
ابو هتان :ادري بس بشرط!
جهاد :تم من قبل ما تقول
ابو هتان :ما تفكين نقابتس والدوام يكون صباحي
جهاد بحماس :اتفقنا
ابو هتان:اجل صاحبي يداوم هناك بكلمه بعد صلاة الجمعه وتداومين من بكره
جهاد بفرح :الله لا يخليني منك يا سندي
ابتسم ابو هتان وجرت جهاد تبشر البيت كله والكل قام يبارك لها ويهني وما درت جهاد كيف نامت من الفرحه واخيرا جاء صباح راحت جهاد مع إبراهيم للمستشفى كملوا مع بعض بعض البيانات وبحكم خبره جهاد عينوها رئيسه المُمرضات فتحت باب مكتبها وشافت بوكي ورد دخلت وشافت هتان وسعود وإبراهيم يصفقون دمعت عيونها وقالت:الله يطعني عنكم
سعود :استغفر الله هذا غزل الممرضات؟
هتان :الحب المطعون
ابراهيم :عشان تترزق الله
الكل :هههههههههههههههههههه
إبراهيم بجديه:خلي تركيزتس كله على شغلتس وراقبين الله في كل مريض
جهاد بحماس :إن شاء الله 
هتان :ابي اسمع ان بنت نايف ال سعد أفضل ممرضة في المنطقه
سعود :وش منطقه وخرابيط على السعوديه كلها
ضحكت جهاد وقالت :إن شاء الله، الحين وش جابكم هنا ،لا تعطلوني
إبراهيم:اهاا اعتوج اللسان من اول ساعه
حضنتهم جهاد وقالت :والله زارتني البركه
هتان :تعامل المكتب بيت أبوها
جهاد :المستشفى
سعود :خلاص بنَت هدفها القادم من كلامكم
الكل :هههههههههههههههههههههه
هتان :يالله شدي حيلتس عشان تشترين سيارتس وما تزعجينا خلصت دوامي تعالون لي يالله خذوني الدوام تأخرت
إبراهيم:لو تسذا انا موافق اخاف احنا نسحبها لدوام غصب
ضحكوا وقالت جهاد :الحين وش تبون
هتان:اسرقين علاجات ابفتح لي صيدليه اترزق الله
جهاد :وين حذيااانني!!
سعود:اخاف ياخذهم كمان
انفجرت جهاد تضحك واخوانها معاها سلم هتان على راسها بفخر وقال :يالله استودعتس الله ابنروح نقدم في الشركه ادعين لنا
جهاد :الله يجبركم بالقبول مثل ما جبرتون قلبي الحين
الكل بحب :امين
توادعوا وراحوا من عندها لبست جهاد الاب كوت وخرجت معلنه بدايه عملها أخذت حالتين إذن ظهر وراحت الغرفه استراحه غداء ومنها فرصه تتعرف على الممرضات وفي نص القعده دخلوا اثنين عساكر ماسكين فريق أول ،خافت اللي تشتغل في الاستقبال وخاصه ان الدكتورة اللي ماسكه هذي الحالات أخذت إذن ضروري وخرجت زاغ عقلها وقالت بربكه :حولوه لدكتورة جهاد
ما اهتم الملازم بالاسم ومشى لممر وقال :الدكتور جهاد وينه؟
خافت جهاد من الصوت ونزلت لثامها وخرجت تعكس خوفها بكل ثقه وقالت :الدكتورة جهاد*
التقت عيونها بعيون شخص تعرفه ومستحيل تنساه رجعت لها الذكريات وما صحت إلا على صوت واحد من العساكر يقول :جته اصابه في يده
اشرت لثنتين ممرضات جابوا الكرسي ودخلته الغرفه لفت على واحد منهم وقالت :من فيكم فصليه دمه o-
الملازم الاول:انا
مسكت جهاد جرح تركي وقالت :نحتاج قربة دم ضرويي
راحت وحده مع الممرضات مع الملازم وخرج الثاني يرد على الجوال بقى بس الفريق الأول تركي والدكتورة جهاد وثالثهم ذكرى قبل ثلاث سنين!
لفت جهاد على جرحه تستغل الوقت وخافت انه يفقد الوعي وخاصه انه فقد دم كثير وماسك على رأسه بقوه تنحنحت وقالت :تسمعني يا اخ؟
فتح تركي عيونه بمعنى ايوة وقبل ل يغمض عينه شده اسم الممرضه المعلق على الابكوت اللي لابسه له عاد يقرأ الاسم الرباعي مرتين لما تأكد انها اخت رفيقه إبراهيم دخلت الممرضه وفي يدها الدم اعطتها وقالت:دكتورة جهاد وين تحاليل المريضه اللي جت الصباح ابيه لو ما عليتس امر
جهاد :اول رف فوق الطاوله حقتي يروحي
ابتسمت الممرضه بعد ما اعتادت على لباقة كلام جهاد في الكلام وهي مستجده وخرجت وفي هذا الوقت تذكر تركي طول جهاد اللي كأنها غزاله وعيونها العسليه الفاتنه وصوتها اللي الانوثه طاغيه عليه بعد ما قالت "يروحي" تخدر جسمه وكأن الدعاء اللي كان يدعيه طول هذي السنين اُستجيب وجابها الله لعنده ،خافت جهاد لو انه فقد اعصاب الحس بعد ما شافت سرحانه وهي تبعد له الرصاصه ولا جاب أي حركه صح ان الرصاصه ما كانت خطيرة ابدا لكن توقعت يتوجع،حطت الرصاصه فوق الحوض الكلوي وقالت :الحمد لله الرصاصه ماهيب عميقه تقدر تطلع والمجارحه بدل ل تضرب مشوار خلي دكتور المعسكر يطهر الجرح لانه مو صعب وتعديت مرحله الخطر الحمد لله
تركي :ان شاء الله .
استغربت جهاد من نبره صوته وخرج تركي على نفس هدوئه وهو ما درى كيف بدأت العمليه الصغرى وكيف انتهت بهذي السرعه ولا حس بشي بس التفكير كان مسيطر عليه ولا جهاد توقعت انها بتسوي عملية من الخوف  خرج تركي لعند صاحبه وقال بصوت واطي :مافي شي اسمه صدفه ..في شي اسمه نصيبك بيجيك وين ما كنت!
الملازم الاول :سم؟
وقف تركي وقفه جمود وقال :وش منتظرين؟مشينا نخلص المهمه!
خاف الملازم ولا كأنه خرج تركي من المستشفى دق التحيه ومشوا الثلاثه للمقر تحركت السياره على جيه إبراهيم نزل بسرعه ودخل غرفه جهاد شافها ماسكه على رأسها خاف وقال :وش فيتس؟
ابتسمت جهاد وقالت :المستشفى استقبلوني احسن استقبال
تطمن إبراهيم وقال :وش يبون الأمن عسى ما شر؟
جهاد :جاءون ثلاثه عساكر وواحد منهم فريق أول جت فيه رصاصه والدكتورة المتخصصه بذي الامور خرجت تقول عندها ظرف طارئ واضطريت اخذ الحاله والحمد لله خرج بخير
إبراهيم بفرح :ونشهد انتس كفو وترفعين الرأس
جهاد بحب :تشهد لك يمناك
إبراهيم :وش سبب الرصاصه
جهاد بتمثيل :ما سألت بس قريت اسم الفريق الأول وش كان اسمه يا ربي ؟اايههه تركي بن عبد الله بن فهد ال...
شهق إبراهيم وقال :ال سيف!!!!!!
جهاد:بسم الله الرحمن الرحيم  تعرفه؟
إبراهيم :كيف ما اعرفه هذا صديق الطفوله
تأكدت جهاد انه هو وقالت :لا تخاف ترا أصابته خفيفه مره الحمدلله
إبراهيم :امشي امشي اوصلتس البيت وبعدين بروح له، مع عزايم هذا الاسبوع والترتيب والحوسه ما لحقت اقول له اني وصلت
جهاد بخوف :يعني بتروح له
إبراهيم بحماس :وبعزمه باتسر غداء
جهاد:فاهم الموضوع عكس المفروض هو اللي يعزمك
إبراهيم :مافي بين الاخوياء تكاليف  وبعدين انتي وش دخلتس امشي
أخذت جهاد شنطتها ووقعت خروج واتوجهون للبيت وجهاد طول الطريق ساكته مصدومه باللي صار ! وفي البيت :
دخلت جهاد البيت وقالت امل :اخيرا شرفت الدكتورة
جهاد بنرجسيه :ان شاء الله يكون الغداء جاهز لأني مره جوعانه
هفتها امل بالصحن وقالت :باقي السلطه ادخلي قطعيها قبل ل اقطعش
حطت جهاد الشنطه وضربت امل وقالت :يا حياه الشقاء
ترف :اخدام تضاربين بالصحون؟؟؟
انفجروا البنات يضحكوا وقعدت جهاد وتجمع حولها البنات وقالت امل :كيف كان يومش يا دكتوره؟
جهاد :من أول يوم ٣ حالات يا مصارع
الكل :هههههههههههههههههههه
امل :دروا كيف يستقبلونش
ترف :المهم اول راتب نشتي نطعمه (بمقصد تشتري لهم جهاد اي شي من راتبها )
فهمت جهاد وقالت باستغباء :ليه تاكلون الفلوس؟
امل :خاصه لو كانت زرقاء ييممميي
ضحكوا البنات وقالت ترف :شرايكم دام تجمعنا  نتصل على البنات والله اشتقت
امل وجهاد بحماس:يالله
اتصلت ترف على دُجى وقالت :نت الديرة ونت القريه يارب يمسك بس
ليان :سالب في سالب موجب تفائلين خير
الكل :ههههههههههههههههههه
جاوبت دُجى وقالت:وش تبون داقين في عز الشمس
ليان :حنا اللي نتكلم كذا مو انتي ل تكون أثرت عليتس الشمس
ضحكوا البنات وقالت امل:يعني نتصل مثلا نص الليل
دُجى :جهاد مالهم اليوم؟
جهاد :ما عليتس منهم تراهم كذا من لما رجعت من الدوام
دُجى :دوام ايش؟
اشرت لها جهاد على الابكوت شهقت طيف وقالت :عننن بو الهههيبهه
شمس بفرح :الف مبروككك يروووحي
ورود :ابارك لش وبكره عرسي
جهاد :وارد عليتس وانا دكتورة
ضحكوا البنات وافتتحت المواضيع وعند إبراهيم :
دخل عسكري لعند تركي دق التحيه وقال :يا فريق اول تركي في رجال اسمه إبراهيم ال سعد يقول يبيك ضروري
تركي بفرح :دخله
دخل إبراهيم وفي يده هديه ل تركي ابتسم تركي اول ما شافه بواسع ثغره وقال :يا جعلهاااا ترحب مليون
دق إبراهيم التحيه ضحك تركي وحضنه وقال :الحمد لله على السلامه
اعطاه إبراهيم الهديه وقال:الله يسلمك ،خذها وان كانت كثيرة تستاهلها وان كانت قليله فالاخوه اللي بيننا تكملها
ابتسم تركي بواسع ثغره وقال:يا جعلني ما اتبدل فيك ياخوي
إبراهيم:اجل اسمع ما يصلح نتكلم هنا فملزم عليك بكره انت واهلك بكره تجون عندنا غداء نهرج ونقعد وكل شي
اشر تركي على جرح يده وقال إبراهيم:يرجال من متى تتأثر من الرصاص ماشاءالله ،وقال لا شعوريا :وبعدين جهيد تقول جرحك بسيطه
ضحك تركي وقال :منهي؟
توهق إبراهيم وقال بتصريف :كريمتي هي الدكتورة اللي جارحت لك
مثل تركي انه متفاجئ وقال :ونعم والله وكمل يقول بعتاب يغير الموضوع :لحضضهه من متى وانت في الديرة يا تسلب ولا تكلمت
إبراهيم:باتسر أن شاءالله يوم تجي بهرج لك الهرجه كلها وبتلقى الجواب ان شاء الله ،والله وصار عندك مكتب ويسمونك الفريق الاول
ضحك تركي وقال :باتسر تعرف الجواب
ضحك إبراهيم وقال تركي :اجل ان شاء الله الظهر امر المستشفى اعقم الجرح ونلبي الدعوة
إبراهيم بفرح :منتظرين يا فريق اول
دقوا الاثنين مع بعض التحيه واتذكروا حركتهم في الماضي وتوداعوا لموعد زيارة بيت ال سعد بكره، وفي اليمن :
بعد المكالمه تجمع الكل في الغداء وكان وجهه طيف اصفر وتأكل قليل على غير عادتها شافتها ماما لطيفه وقالت :مالش يا بنتي ؟
مسكت طيف رأسها من الصداع وقالت :مغثيه
خاف مازن وقال :مال ابي وروحي ،اجرش المستشفى؟
ضحكت مامالطيفه وقالت :مستشفى ايش طيف حامل
طيف بصدمه :لا مستحيل كيف عرفتي ؟
ماما لطيفه :الان لو جبت لش علاج وقلت لش حق ايش اتقولي لي صح لانش صيدلانيه
اشرت برأسها ايوة وقالت ماما لطيفه:وانا زمان كانوا يسموني جده ذلحين تقولوا له مولده (قابله)ولما اقولش حامل يعني حامل
مازن بفرح :يعني شاكون اب وتكون ام ابني او بنتي طيف
ضحكت مامالطيفه وقام مازن وجلس من الحماس  ضحك ابو مازن وقال:هذا اللي يقلق في الموضوع ان هذا اب وعاده يلعب قيام جلوس
غيث :إعادة تشغيل
الكل :ههههههههههههههههههههه
صاح مازن وقال :الحمد لله
ام مازن :الف مبروك يا ابو..؟
غيث بفرح:ابو غيث
مازن :ابو لطيفه
طيف :اول مره اتفق معك بشي بدون نقاش
ضحكوا وقالت ماما لطيفه بحب :ما أدى الله المهم تخرج طيف وجنينها بسلامه
الكل بفرح :أن شاءالله
راح مازن غرفته الكل استغرب ورجع وفي يده جاكت لبس طيف وقال :من اليوم ومطلع حتى اصبعش تحركيه برقه
ريفال بمزح :ايووواااه فوق انها كسله تدلعت ،تحسبي شخدم لش لااااا طبعا المهندس اللي جاب لش اذن الراحه هو يشتغل
غيث بتعزيز:صححح
مازن :اوووه خفت! اشتغل ايش فيها هذي ام لطيفه !وبعدين الرسول صلى الله عليه وسلم اشتغل مع نسائه عادي 
ريفال :ركزي نسائه
مازن :يا غيث أشهد على مرتك!
غيث:تقول دُرر
ضحكت ريفال وقالت :لا تصدقيش يا طيف الله يتمم لش على خير اخدمش بعيوني
رسلت لها طيف بوسه في الهواء وقالت :داريه جبر قلبش
ابتسم غيث بحب وحضن مازن طيف بيده تنحنح ابو مازن وتعدل مازن وغيث وقالت ماما لطيفه :هذيك الايام ماني بناسيها
مازن:احكي لنا عنهم يمه امانه
ام مازن باحراج :كُل يا مازن سكته ولا اخطى مع كرم كملوا تخطيط
الكل :ههههههههههههههههههههههههههه
دخلت دُجى وقالت :الله يديم الضحكه ومسببها
الكل بترحيب :حيااااا
جلست دُجى وقالت:الله يحيكم لا سلام على طعام ،ايش في؟
غيث:أولا وين كيان علشان يطلع
دُجى :اجلس اجلس خطى مع اسامه علشان يكملوا أشياء العرس وصلني وخطى
طيف :معي خبر
دُجى بحماس :اسمعوا خبري اول
ام مازن :الله يديم الاخبار الحاليه
دُجى باحراج :اتكونوا اخوال لأول مره
زغرطت ماما لطيفه وقالت :محجره (زغروطه)لكن الثنتين الله يتتم لكن على خير
ريفال :اهااا يعني ما يحملين إلا دفع دفع علشان انا وشمس نكرف كرف الحمير
الكل :ههههههههههههههههههههه
دُجى بصدمه :ايش فييي؟
طيف :انا مثلش حامل
ابتسمت دُجى بفرح ونرجع بالأحداث شويه :
بشرت دُجى اهل كيان انها حامل وفرحوا كثير لقدوم اول حفيد ل حازم ال قاضي الله يرحمه ،رجع كيان من الدوام مهلك دخل الغرفه وشاف في المرايه مكتوب (حيا بابا كيان انا هدية لك من الله لكن من انا محد يعرف إلا بعد ٤ اشهر من الان وبعدين بزعجك ببكائي بعد ٩ اشهر من الان انتبه لي ولماما ،احبك ♡ )نزل كيان بعيونه وشاف فوق التسريحه جهاز فحص حمل لف على دُجى وقال :امانه دُجى لا تمزحي بهذي الأشياء
دُجى :هذي رساله مستقبليه ما ادخل بها!
نزلت دموعه لأول مره لهذا الحد وهو متمسك بالجهاز دمعت دُجى معه وقال كيان :من عيوني اللي هي مسكنش اني انتبه لش وانتبه لقره عيننا لما يجي وبعد ما يجي وكل وقت
حضنته دُجى بقوة وقالت :إن شاء الله، من الان نختار الاسامي
كيان :انا سميتهم من وانتي صغيره
دُجى بحب :قول
كيان :إذا ولد غيث واذا بنت دُجى لان مافي اسم احسن من اسمش في هذا العالم!
مسحت دُجى عيونها وقالت :تعرف أنا لو كان بيدي عشت معك من أوّل سنيني!
حضنها كيان مره ثانيه وهو مكتفي فيها وزيااادهه .
نرجع للحاضر :
بشروا البنات كل البيت واعتلت الزغاريط معلنه فرحه الحمل وفرحه عرس ورود واسامه بكره
بدأو البنات يجهزوا انفسهم ويجهزوا ورود لعريسها اسامه .....

_________
لا تنسوا النجمه واشوفكم في بارت الجاي يحلوين 😢.