حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت السابع

بدأ الناس يتجمعوا في القاعه والبنات يتصوروا وسلموا على الضيوف بدأت المغنيه تغني والبنات يرقصوا وكان صوتها حلو وكانت ام براءه من الفرحه حجزت كل شي فخم وعرس مناسب جدا لمقام ال مُنيف.
رند : خلاص يا ترف شكلش واضح تحشي انتي وامل
ترف : روحي هاتي لي وجبه زياده قولي لها انتي من اهل العريس
دُجى : يا مفتريه اكلتي وجبتي ووجبتش وتشتي زياده
ترف : جبت لش الحلا بالمقابل لا تجحدي وقاطع كلامهم انتهى وقت صلاه المغرب وبدا زفه العروسه ابتسموا وتجمعوا كلهم في الكوشه وخرجت براءه بكامل اناقتها بفستانها الأبيض اللي الصدر كله كرستال والباقي عادي والتاج مناسب مع الاكسسورات والمناكير مع البوكي مع لون الكوشه كان باللون موف وكانت تجنن بمعنى الكلمه بدأت تنزف تحت زغرطه وحماس ووصلت لنص ورقصوا البنات معاها وواصلت الزفه وكانت من عاداتهم العروسه ما تروح بيت زوجها تنتظر يوم بعد العرس وتروح
جاء غيث تصور معاها ومع ابوها وانبهر بجمالها وانصدموا كلهم من مفاجأه ترف .
وقبل خروج غيث من القاعه اعتلى صوت ترف في القاعه كلها والاضواء مغلفه بدأت تمشي والاضواء عليها متجهه للكوشه وتغني بصوتها اللي احلا من المغنيه وفي يدها فل وهديتين ومشت تغني لما وصلت ل عند غيث حضنته ولبسته الفل ومكنته هديته هو ومرته تحت تصوير شمس وكان المنظر لطيف وتجمعوا خوات غيث بهدايهم وتصوروا وخرج غيث وهو عيونه مليانه دموع والبنات بكوا من فرحه روحوا البنات وغيث معاهم منتظرين متى زفه براءه لغيث
*وفي ليل اليوم الثاني *
طلعت ترف السطح وقالت بحماس : زفه الرجال بببدددأتتتتت اسرعواااا
ماما لطيفه: انتبهوا من راجع الرصاص
الكل طلع السقف وهم متغطيات وبدأت زفه غيث بالبرع والعود والبنات يزغرطوا من السقف وكل بنات البيوت المجاورة على نفس الحال وحضر عرس غيث ناس كثير جدا لمعاريف ابو مازن والناس المارين من الشارع حضروا من فخامه العرس
وبدأ عروض ولعب الرجال بالبرع والجنبيه وشمس توثق الزفه وتصور كرم بدون محد يلاحظ وبدأ القريح والرصاص وتحت زغرطه البنات والزفه انزف غيث ل بيت ابو براءه واخذ براءه وراحوا الفندق وانتهت الليله بعد تعب بس يا محلا التعب اذا كان بفرح .
تجمعوا الكل في بيت ابو مازن وفي غرفه ماما لطيفه:
ترف : يجنن ي بناات اعراسهم والكل يصور بدون محد يصيح ورقصهم شصيححح
ام نجلاء : بتصيحي صدق اذا نزلتي المطبخ شفتي صحون العشاء
ضحكوا كلهم وراحوا المطبخ وبدأ التعاون في المطبخ وانتهوا الساعه واحده الليل من كل شي وبدأت تحليل اليوم ورجعوا غرفه ماما لطيفه،
رقدت امل عند صحبه عمرها ترف وهذا اللي حلى اليوم وقالت امل : اتخيلوا قالت لي وحده وين امش أشرت لها ل عند امي وقلت لها هذي ام زوجي امي متوفيه
شهقت ام امل : فال الله ولا فالش
امل بضحك : بسم الله الرحمن الرحيم عليش يا نبع الحنان بس هكذا طيرت بها وكملت انا وترف نرقص
ماما لطيفه : انتي طيرتي الطرفين وبعدين انتي ولا وقفتي رقص انتي وترف زي المش والفات
شمس: تعلموا العقل مني
طيف : ومن يرقص في الحمامات زي المجنون؟الصدق كلنا جننا اليوم
ضحك الكل والإرهاق كساهم ورقدوا على طول لان عرس خالهم نصر بكره
وفي الصباح تجهزوا البنات لعرس إيثار ونصر وكانت عرس يوم واحد بس وكانت إيثار لابسه فستان ناعم جدا مع مناكير وبوكيه زيتوني وقاعه كانت حلوة بس مش زي قاعه غيث ابدا زفوها له وراحت معه على طول عكس غيث وتحت بكاء ايه اللي شويه فرح وشويه قهر
عدت الأيام على خير تعيد نفسها وبدون حدث مهم وفي صباح يوم الثلاثاء:
صاحت ماما لطيفه وقالت : خذوا رننند المستشفى سود جسسمهاا
طار مازن للمستشفى وصوت بكاء الكل وصلوا وعلى طول شبكوا الاجهزه وبعد مافاقت الكل فرح وقالت
رند : وين انا ؟
ام مازن وهي ترقيها : في المستشفى يا عين امش
رند : ليش ؟
ام مازن: نسيتي ما تحطي تبخيره وما شربتي العلاج
رند بابتسامة حزينه : اول مره أشعر هكذا مقدرش اتنفس إلا بصعوبه
ماما لطيفه: طبيعي مع الاجهزه ترجعي بخير
*عند الدكتور *
غيث : طمنا يا دكتور
الدكتور نوح: والله مش عارفين ايش نقول لكم لكن وضعها صعب جدا جدا
ابو كرم : شفت فحوصاتها الجهاز المناعي صفر
ابو مازن بخوف : يعني؟
الدكتور نوح: يعني بتجلس تحت الاجهزه لما يستقر وضعها
ابو مازن والدموع في عينه : ان شاء الله خير
وفي غرفه رند :
رند :اشتي غيث
راحت ترف تصيح لغيث دخل غيث وقال : غيث فدا لش يشيخه
رند : جاوعه وخايفه !
غيث بمزح : الاثنين
ترف : لا الثلوث
مازن : انقلعي ما تضحك
وكانوا بهذا الاسلوب يعدلوا نفسية رند وجاءت ماما لطيفه معاها العشاء الصحي للكل والكل روح يرقد إلا ترف وماما لطيفه اللي رافقت مع رند
عدا اليوم والكل يدعي ل رند بسلامه .
في عصر يوم الخميس :
روح غيث وهو كان مركز على انشغال براءه في التلفون المتواصل وكيف توصل له رسائل بشكل جنوني ما اهتم وقال : يجميلتي ؟
ما شاف لها حس وسمع صوت من الحمام دليل انهي تتغسل
اخذ تلفونها اللي لقط كلمه السر وانصدم صدمه العمر وندم انه جاب له ولو بمقدار ذره حب وحمدالله انه ما فكر يجيب عيال وخاصه منها خرج وهو فاهم ايش يفعل بالضبط
راح المحكمه وطلقها وانتظر لليل لما تاكد انها رقدت
رجع من الشارع شافها بقذاره وقال : نومه اهل الكهف ان شاء الله
اخذ الذهب اللي جابه لها وقت العقد والخاتم اللي جابته لها امه وقال بحقد : ما تستاهلي شي يارخيصه
وحط ورقه الطلاق موقعه في صندوق ذهبها وكتب رساله جنب ورقه الطلاق وخرج
و في صباح يوم الجمعه اول ايام رمضان
راحت براءه بيت أبوها تبكي بورقه الطلاق
ام براءه : لحضه لحضه في ورقه ما لاحظتي عليها
اخذها ابو براءه وهو يقراء الرساله بكتابة غيث : اعرف بتستغربوا ليش عديمه التربيه عندكم بورقه طلاقها واخذت خاتم امي منها بالمختصر الرخيصة ما تاخذ شي غالي و اسالو بنتكم على عبد الغني اللي كان في بيتي وعلى شله العيال اللي في التلفون انا ما فضحتها لان من ستر مسلم ستره الله للعلم انا ما قربت لها تأكدوا من شرف بنتكم واسف لك يا عم لبنت زي هذي والحمد لله اللي بين حقيقتها من البدايه .
تجمدت ام براءه مكانها من الصدمه ونزل ابو براءه ضرب ولا خلا فيها عظمه سليمه ضربها بحديده لما دخلت بغيبوبه
وترك ابو براءه رساله نصيه لابو مازن نصها : خلاص بنتكم تطلقت والذهب اخذه ابنكم واستروا ما واجهتوا نحنا انغسل شرفنا و نحنا مسافرين ل قريتنا الان !
شافها ابو مازن وعلامه الصدمه في وجهه وقال : ايش يقول هذا ؟ اتصل ل غيث يا مازن بكلمه ! وفهم ان غيث سرق ذهب مرته لكن جلس باله يدور في كلمه استروا ما واجهتم والمعذره ونحنا انغسل شرفنا
دخل غيث المستشفى بضيق وقال : يابه طلقت برا...
ابو مازن وهو مضغوط من حاله بنته اللي تنهار كل يوم قاطعه بعصبية وقال : متبري منك يا عله حياتي
رند بتعب مُهلك : مما سسوى شش شي غغيثث تت تعال
جرى غيث لعند رند ولا سوا لكلمه ابوه اعتبار وقال : رندي تعالي ي حبيبه اخوش
رند بتعب : ايش حصل ليش طلقتها
حكى لها كل شي بالحرف الواحد وقال لها تستر عليها وم تكلم حد
انصدم ابو مازن اللي كان وراهم وفعل نفسه ما سمع
دخل مازن غرفه رند شاف غيث قلب وجهه وقال : الله حيو العزابي مالك اسبوع يرجال!
تجاهله غيث وفزوا أول ما سمعوا صوت الاجهزه
مسكت رند يد غيث والكل تجمع بخوف حولها وقالت : انتبهوا لنفسكم ولبعضككم احبكككممم.
ودق جهاز علامه مافي نبض صاح مازن لدكتور وطاروا كادر الدكاتره كلهم ،دخل الدكتور نوح وقال : لوسمحتم اخرجوا
غيث والبكى في عيونه : مش مفلت يدها
الدكتور نوح: اختك تنازع ابعد اشوف شغلي !
الكل انهار ووصل الخبر لبيت ال مُنيف تجمعوا كلهم في المستشفى وبعد ٥٠ دقيقه توتر ودعاء خرج الدكتور نوح منزل رأسه وقال بحزن: عظم الله اجركم في بنتكم رند رئتها الثانيه تلفت زي الاولى
دوخت ترف وانهار غيث يبكي زي الاطفال والكل بكى حتى اوسان بكاء وما كان فاهم هرب ل حضن ام نجلاء وقال: ليش تبكوا
ام نجلاء : علشان رند راحت عند الله
اوسان : الله وانا اشتي اروح
حضنته ام نجلاء وقالت بحزن: بعد عمر طويل ي روحي
أخذ مازن ترف بعد ما دوخت وزاده فوق فراق رند مرض ترف وقال مازن بخوف : دكتورة كيف وضعها
دكتورة نور : دخلت في صدمه حزن وجاء فيها أعراض بوادئ سكر انتبهوا لاكلها ولها
اتصلت ايه للبنات والكل تجمع عند ترف وأخذوا الرجال رند لمغسلة الاموات بعد ما ودعوها بقهر صحت ترف على وجه امل اللي تقراء عليها وكلهم في بيت ابو مازن بعد ما أجروا مراسيم الدفن
ترف ببكاء : رحتتتيي ي حبيبة ترف ونظرها رحتي وخليتي حبش بقلبي واشيائش معي يارب هذا حلم يااارب
بكت دُجى فوق سريرها وتذكرت رند اللي ما تفارقوا ابدا
دخلت ماما لطيفه ووجها انخطف من البكاء وقالت : خلاص هذا خير لها وهي تتعذب بالاجهزه الله رحمها
رفعت ترف صوتها لأول مره وقالت : خلاصصصصص اصصصصص خلوني لوحدي
كل واحد اخذ زوه في البيت يبكي فيها والقران شغال وام مازن عندها كل الامهات يهدوها بعد انهيارها المُخيف
*عند الرجال*
ابو شمس بحزن : عظم الله اجرنا يخي
ابو مازن: اجرنا عظيم ، اسمع طردت غيث وبنسافر يدرسوا في الخارج خليه عندك وفي امانتك انا فعلت هذه الحركه علشان يتمرجل وينسى اللي حصل ويبدأ يفكر في مستقبله صح هو وصيه رند وقبلها هو ابني اللي مهما حصل يبقى نور عيني !
ابو شمس : انت دائما أفكارك رغم غرابتها إلا أنها لها حكمه ،لكن حاضر وابنك هو ابني
ابو مازن :تتم افراحك الله يحفظك يا عضيدي لكن محد يعرف اني موصيك عليه!
ابو شمس : ابشر
عند غرفه مازن :
دخلت طيف غرفته بعد ما سمعت أنينه وقالت وهي مش اقل حزن منه : مازن خلاص بكاء كُكل
مازن بعصبية: انقلللعععييي
جلست بهدوء جنبه بدون كلمه وبعد خمس دقايق انهار يبكي وهو تذكر كيف كانوا يمزحوا مع بعض ويسهروا في الجبا مع بعض وحركه طيف اللي تشبه رند لما يكون حزين وياكلوا سوا
مسكت طيف لأول مره يده وقالت : لو هي معانا كنت اتاكل
جفف مازن دموعه بضيق وتعشى تأكدت طيف انه هدا شويه وقالت : خلاص ارقد وانا بنزل عند البنات
اشر لها بتمام ورقد بحزن وهو للان يحس بثقل جنازة رند رغم خفتها .
عند غيث :
كان يبكي وهو يتذكر كيف وصت عليه وكيف فقد اخته اللي يشوفها زي بنته وكيف براءه ما صانت بيته وكيف الظروف تكالبت عليه، دخلت ترف وقالت :
هي عند ارحم مني ومنك !
حضنها غيث وبكوا سوا ودخلت ايه بالأكل لهم وخرجت بدون كلام واكل غيث بعد محاولات من ترف ورقد زي شعور مازن بالضبط وزياده عليه الانيين .

_____
اعتذر على حزن البارت بس نعوضكم بالبارتات الجايه ، أشوفكم في بارت جديد لا تنسوا النجمه يَحلوين 🤎🤎.