اشرت له دُجى بتمام وراحت تغير وبدون ما تحس اخذ كيان الرساله وخرج من الغرفه لكن بدون ما ينزل فتح الرساله ورجم الهديه وخاف من نصها وحمد لله انه شافها قبل ل تشوفها دُجى وكان مكتوب :تزوجتي كيان ؟الله لا بارك لكم وجعلش ما تشوفي معه سعاده امين يارب العالمين ..عارفه ما بتوري حد الرساله لان محد ايعرفني ولا كل من قراها دعاء عليش ...هههه تهني اليوم .. وبعدين بوريش نجوم الليل بعز الظهر :) .
عرف كيان من طريقة الرساله بنت جيرانهم اللي ازعجته بارقامها الوهميه وحبها المقرف له وطريقة تعاملها مع اهله الراقيه علشان يستلطفوها لكن محد تقبلها شط الرساله ورجمها في زباله المَمر عدل ملامح وجهه اللي كلها غضب انتظر للعامل ولما جاء ابتسم كيان وأخذ منه الاكل ودق الباب فتحت له دُجى وهي ببجامتها الورديه الحريريه وشعرها الويفي بعد ما غسلته ومكياج ناعم جدا لدرجه ما يبان حط العشاء فوق الطاوله وحضن دُجى بقوة وقال :توعديني يا دُجى ما تفلتيني ابدا؟
خافت دُجى وقالت:ايش جاب هذا الكلام الان؟؟
كيان :الكلام لو ما انقال الان معد بينقال بعدين توعديني ما تصدقي اي حد علينا وما تفلتيني وما تفلتي اذكارش يا عيوني؟
شدت عليه دُجى وقالت :وعد ،وانت؟
باسها كيان وقال :اوعدش تلقيني جنبش واحتويش يوم غيرش كان حلمه اوعده!
مسكت دُجى على خدها وقالت :وامسك على صابري واقول جبر قلبي!
ابتسم كيان وقال:اخيرا!!!
دُجى :العشاء لا يبرد
ضحك كيان وبعد العشاء جلست دُجى تحكي له تفاصيل سفرتها ودراستها وانها اختارت هذا التخصص علشان رند الله يرحمها وهو مركز على جمالها اكثر من كلامها تعصبت دُجى يوم شافته وقالت:والله ما اكمل ركز في الكلام!
كيان بسرحان :مركز والله
دُجى :آخر كلمه قلتها؟
كيان :انش اجمل بنت في العالم
لا اراديا قالت دُجى :حبيبي فيك كبد مشاعر من سنه كم؟
انفجر كيان يضحك وقال :من وانتي صغيره
ابتسمت دُجى واحمر وجهها وزاد جمالها اكثر ما استحمل كيان و.....
وفي بيت حزام القاضي :
أمن غازي الباب وراح غازي لعند ام كيان وقال :تشتي حاجه يا عمه انتي وخواتي(قاصد خوات كيان) قبل ل ارقد
ام كيان:اسلم يبني ،وين اسامه؟
غازي:قلت له يروح وشرقد معه انا ،سع اللي استحى وقال ايرقد مع حسين في البقاله
ام كيان :اصيل هذا الولد المهم تعشوا؟
غازي :ايوة اسلمي يا عمه
أم كيان :الله يسلمك تصبح على خير
غازي بابتسامه :وانتي من اهله
راح غازي غرفته مع عبير وغلقت ام كيان الباب وقالت ورود :فيه حيا اكثر من بعض البنات
زهور :ارقدي سكته بكره معانا عرس
ورود :صدق تصبحوا على خير
الكل :وانتي من اهل الخير
وفي البقاله :
غلق حسين البقاله من داخل وراح يرقد في نفس المكان اللي كان كيان يرقد فيه وحسين في نفس المكان اللي كان فيه غيث ،فتح اسامه كيكه وراح مكانه ضحك حسين وقال بمزح :الحساب؟
اسامه :دام البوابه تغلقت يتغلق الحساب
حسين :لو على هكذا اكلت نص البقاله
ضحك اسامه وقال حسين بجديه :جمعت مبلغ محترم
اسامه :ليش فلوسنا قليلة أدب
حسين :ما تضحك
اسامه :المهم
حسين :اشتي اتزوج خلاص واشتي يجي كيان علشان يجيب لي نصايح قبل ما اخطب
لقى اسامه قلم مرجوم في الارض اخذه وبدأ يكتب على كرتون الكيكه وقال بحماس :الله يوفقك، واي شي ناقص عليا
حسين بحب :الله يسعدك ،وانت مش ناوي تزوج ؟
ابتسم اسامه وهو يكتب في الكرتون وقال :إلا لقيتها الحمد لله
حط حسين رأسه على وسادته وقال :حددت دقنتي اول الاسبوع والناس كلها تزوجت اول مره احلل الحلاقه
اسامه :غلطان كان لازم تحلق من زمان علشان تحل قضيه العنوسه
ضحك حسين وشاف اسامه لحد الان يكتب في الكرتون جاله فضول وقال :ايش تكتب ؟
اسامه :ولا شي
هزر اسامه كرتون الكيكه من يد اسامه وقرأ :
انشهد ان حبها غدا غايتي يا حسين
وش عاد لو صدري يعانق نحرها؟
لو كان حبها حرب وسط الميادين
لخوض حربً فيه واطحن عربها!
أثر المحبه تجعل القلب نصفين
نصيحتي في الحُب وانت اعتمدها
اما تجي من عيش مثل المحبين
ولا ادفنوني عند باب اهلها
قام حسين علق كرتون الكيكه في الجدار وقال بحماس :بعتمدها رغم اني ما طلبت نصيحتك
ضحك اسامه وقال :أحمد ربك اسمك فيه
حسين :مزحنا يا شيخ صح يدك
ضحك اسامه وقال:صح بدنك
حسين :تصبح على خير يا القائد المغوار بكره معانا عرس
اسامه بابتسامه :تلاقيه
وفي غرفه طيف :
اخذت ملاك شنطتها وقالت :انا شخطى يا بنات تصبحين على خير
طيف :عيب عليش يا ملاك زيدي ساعه واخطي واحنا انرقد!
شمس :صدق وغرفتش جنب أذني قريبه
ضحكوا البنات وقالت جهاد :وام فستان برتقالي مدري اصفر ؟
ملاك :بزيد اشوفها بكره وبعده واتكلم بكل راحه
امل :اجلسي ما معش طيب ؟
ملاك :كريم تاعب والله
طيف :صح الله يشفيه خلاص ونحنا شويه ونرقد علشان هاجر تشتينا نجي لها من ٦
ملاك :صح يالله تصبحوا على خير
الكل :وانتي من اهله
راحت ملاك غرفتها وشافت عهد راقده في حضن كريم وكريم رازح نفسه على السرير وراقد ابتسمت بحب واخذت عهد لفوق سريرها تنحنح كريم وقال :اخيرا
ملاك بنكزه :احسبك رقدت
فتح كريم عيونه بصعوبه وقال :كان باقي لي شويه وارقد
ملاك :طيب اكلت ؟
كريم:لا
أعطت له ملاك اكل وراحت تغير فستانها امد ما ياكل، جت جنبه وشافت الاكل ما تحرك وقالت بخوف :كريم ؟؟
كريم :عيونه
ملاك بحب :كل شويه علشان العلاج
كريم :مقدرتش
جلست ملاك جنبه ومدت الملعقه وقالت :علشاني طيب ٣ ملاعق بس
ابتسم كريم وقال :عرفتي من وين تجي لي يا خطيره
ضحكت ملاك وراحت جابت العلاج وقالت :هذا علاج جابته طيف قالت اينفعك
كريم :لو تشوفش طيف تشربيني العلاج وانا اكل قطعت الشهاده
ضحكت ملاك وقالت:لا لا بعد الاكل اقصد اهضم وبعدين اشربك
كريم :يمه احس ناقص تقولي يا طفلي
ملاك بمياعه :ارنوبي
كريم :غثيت
ضحكت ملاك وقالت :احبك والله لأنك تفهم الفصلات
ابتسم كريم بواسع ثغره على كلمه احبك وعدا الوقت شرب العلاج وقبل ل يرقد كمدت له ملاك ابتسم بحب وقال :
يابخت من رقد على بحة حبيبته
تهمس له احبك وهو قوي تاعب
ابتسمت ملاك على اخر كلمتين غمض كريم عيونه ورقد من التعب،غيرت له ملاك الكماده وتذكرت حنيته عليها لما تتعب وخاصة في ايام حملها وبعد ما تطمنت عليه وعلى حرارته وعلى عهدهم رقدت .
نزلت امل وجهاد وليان الدور اللي قاعدين فيه شافهم هتان وقال :تو الناس!!
جهاد:والله ياخوي ما حسينا بالوقت
امل :وبعدين الفرق بيننا دور واحنا في بيت واحد
هتان :المهم امي تبيكم روحون لها
ليان :يالله، تصبح على خير
هتان:تلاقيه
امل :اعتبرني قلتها مع ليان
ضحك هتان ودخلوا البنات ودخلت جهاد مسكها هتان وقال:مافي تصبح على خير لو حتى صباح الخير!
جهاد :اذا وحده تكلمت ومحدن عارضها يعني تكلمت بأسم الكل
هتان :عنبو الكسل اللي فيكم حتى ما تبون تهرجون
جهاد :الحين وش تبي يالنشيط؟
هتان :ابيها العمر كله هالقليل الراحل
جهاد :هوجس في الحوش ياغالي مو عندي الله يرضى عليك
ضحك هتان وقال :وينها
جهاد:منهي!
هتان :ماغيرها
جهاد :اقول ضف وجهك قبل ل انادي ابوي وانت تدري وش بيسوي
هتان :افا عليتس يا جهيد ترانا مملكين على بعض و....
جهاد :الله يسعدكم ،استحملت ٤ سنوات مدري ٣ وما بتستحمل يوم!
هتان :ا......
سمع ابو هتان أصوات في الصاله وقال :مين صاحي لحد الان؟
جرت جهاد لغرفتها وقال هتان :بغلق الباب وانام
ابو هتان:تصبح على خير
هتان :تلاقيه يا نبع الامان
ابتسم ابو هتان وغلق هتان الباب بحسره وناموا كل ابطالنا ومتحمسين لعرس مازن وطيوفه
وفي الظهر :
صحى مازن على صوت ماما لطيفه وهي تدق في الصحن وتغني ابتسم مازن بواسع ثغره وقال:صباحش يا لطيفة قلبي
ماما لطيفه :اسمي جده ملخبط في العنوان يا عريس
عدل مازن جلسته وقال :لطوفتي وبس والباقي خس
ابتسمت ماما لطيفه وحطت له الصبوح وقالت :ارقد بس واعمامك واخوانك واصحابك ينتظروك نازل والدنيا قدي تحرق حريق
مازن :وسعوا لمازن طريق
دخلت ترف تزغرط وغيث يصفق وقالت ترف :والدنيا تحرق حريق
غيث وماما لطيفه :وسعوا لمازن طريق
ضحك مازن وقام يصفق معاهم وقال :وين امي؟
ترف :مع طيف عند الكوافير
غيث:وابي باقي له شويه ويقتلك ايحين اتخطى عند الحلاق شكلك يدي الضيق
ترف بضحك :وامس بابا يقول له احلق مع كيان قال لا اشتي احلق يوم عرسي الصبح علشان اكون فاخر من الاخر
الكل :ههههههههههههههههههههههههه
مازن :لا غيبش يا دُجى بس
لفت ترف لعند غيث وقالت:هيا تشوف وانا استظرف دمي وازف ويقول وين دُجى؟
غيث:ما عليش منه يا جميله ولا غيبش يا دُجى صدق
ضربته ترف بخفه وراحت تتخبى وراء ماما لطيفه ضحكوا وقال مازن :بس اليوم ترف جميله
غيث :كل يوم ترف جميله بس لانه عرسك تشوف كل شي جميل
راحت ترف باست غيث وقالت:حبه على الرأس لأنك تستحق
مامالطيفه :سبحان مغير الأحوال من حال إلى حال
مازن :والعريس ما يستاهل؟
باسته ترف وقالت:لأنك مدحت لا غير
ضحك غيث وتنهد وقال:قسم بالله اني ششتاق لها
ترف :لا تخاف بكون اجي كل اربعه أشهر واتصل لك كل يوم
مازن :تستاهل انت اللي تكلمت
غيث بمزح :ضروري يوميا؟؟؟
ترف :جي يا يمه نخرج هذولا مش حق خير من الصباح
ماما لطيفه :كوني اتصلي لي انا معليش منهم
ترف :اكيد
كملت ماما لطيفه المزحه وقالت :بس مش يوميا
الكل:ههههههههههههههههههههههه
مشت ترف متوجهه الباب حضنها غيث وقال:من متى ترف تزعل وهي اللي سبتت لنا عقد نفسيه
غمزت ترف وقالت :من عاد يصدقني حركات بس اشتي انهي الحوار الخلاب هذا علشان اشوف باقي التجهيزات
ضحكوا وراحت ترف وماما لطيفه مع باقي البنات يتجهزوا في غرفه منعزله كبيره فيها ندى وهاجر دخلت دُجى الكل استقبلها بفرح وبدأو يسألوها ويضحكوا تنهدت ماما لطيفه بعد ما شافت حفيداتها حولها واطفالهم في أحضانهم وقالت:الله يالدنيا تزوجوا حفيداتي كلهن
ترف :إلا جهاد
ماما لطيفه :الكلام حزين الان!
جهاد:ماعليتس منها يا جده انا ما بتزوج بقعد عندتس
ليان :كم مرات سمعنا ذا الكلام ؟
امل :يوووووهههه اكثر من كلام ترف
ترف :وفي الاخير كلام اما فعل لوء
الكل :ههههههههههههههههههه
ريفال:متحمسه اشوف طيف
ملاك:لما خرجت معاها علشان تتكسى اختارت اكثر فستان مفتوح
ام شمس :ايش الجديد طيف دائما تحب اللبس الجرئ
شمس :تلقيها سرقت ملزمه مازن وخلت دُجى تصممه لها على شكل فستان
جهاد :يجمعنا حُب التعليم
الكل :ههههههههههههههههه
ام إسلام :إسلام يتصل هيا علشان نخطى القاعه
ريفال:بابا اللي ايوصلنا؟
ليان:الحين مو انتي بنت عمهم؟
ريفال :لا انا بنت حفيد ماما لطيفه
ليان :يعني رند حفيده حفيد جده لطيفه!!
ماما لطيفه :شفتي كبروني وانا شباب
ضحكوا البنات وقالت جمان :ماشاء الله يا جده كم عمرتس؟
ماما لطيفه :المشكله حتى لو قلبت العدد بكبر اكثر
ضحكت ريفال وقالت :الله يخليش لنا طول العمر يمه
الكل :امين ،ماما لطيفه :سعم اني عسل ادوم
ام كنعان :العسل قدامش مُر
ماما لطيفه بمزح :غزل اكبر مني
حضنتها ترف وقالت :قدوتي ماما لطيفه ينااسس
ابتسمت ماما لطيفه وقالت:ويحفظكم لي، عمري يا بنتي ٧٧ او ٧٨ والعمر مجرد عدد
ملاك :طول عمري اتريق على هذي الكلمه إلا اليوم صدقت
ترف :نضحك علشان ما يجي لها اكتئاب الحمل؟
ماما لطيفه :ممكن ههههه
الكل :هههههههههههههههههههههههه
ام شمس :شمس خلاص تتصووير !
شمس :والله هذي الذكريات اللي ابيع الدنيا ولا ابيعها
دُجى :صادقه
ريفال:يالله بابا يتصل!!
نزلوا كل البنات لباص ابو محمود متوجهين القاعه عدا دُجى اللي راحت مع لكيان واهله وطول الطريق كيان ماسك يد دُجى ويقرأ الأذكار ضحكت زهور وقالت:يراااسي البدايات
ورود :ماشاءالله عندنا وحده تزوجت تقليدي وقد لها ٣ سنوات في البدايات
عبير باحراج :مش وقت هذا الكلام!
ورود :فما بالش بالحبيبه
ام كيان :اول عريس يدق الباب زوجتش خلاص وضعش مشكوك!!
كيان بضحك :وانا موافق
دُجى بمزح :يالله شدي حيلش يا زهور وجري اخو اللي اتجره ورود ويبقى البيت لي ولعمتي ويالله حرام عبير
ام كيان :حتى عبير تروح
زهور :هذا كله بقلبش يا بنت عز الدين صدق المظاهر خداعه
ضحكت دُجى وقالت :امزح ما اعزكن واغلا هو بيتكم اما انا مجرد ض...
ورود بمقاطعه :اختنا الكبيره
رسلت لها دُجى بوسه في الهواء ابتسم كيان بواسع ثغره وشاف الفرق بين دُجى وبين جارتهم الكريهه نزل الكل وقال كيان:عبير اصبري ما اقلش
حطت عادل في حضن دُجى ضحك كيان وقال :قريبا ان شاء الله
دُجى :الله لا قال على الاقل اعيش حياتي سنه يا ابو الاسرار
عبير :اسمها فضفضه للأخت الكبيره
دُجى بمزح :ايوة لازم يحكي لش اضطهادي تجاهه
كيان :الله يكثر منها
دُجى :استغفر الله!!
ابتسم كيان وراحت دُجى مع اهله وبقت عبير وقالت :ما قد به ؟
كيان :تعرفي رأس البلا اللي جنبنا
دُجى :يع قصدك سماح؟
كيان :لا سامحها
عبير بضحك :ما ذكرك بها الان
كلمها كيان باللي حصل وقالت عبير :لو تشوف جت بفستان برتقالي والكل حش عليها
كيان :ذنوب على وحده ما تستاهل، المهم حذري دُجى منها بطريقة كأنش تكلميها لا تبيني لها شي
عبير :ابشر
كيان بحب :اي خدمات يا ام عادل
عبير :سلامتك يا ابو غيث
وهذا كان الاسم اللي بيسميه كيان ولده اذا رزقه الله بولد لان غيث الوحيد اللي وقف معه في كل حالاته واذا رزقه الله بنت بيسميها دُجى لان ما لقى اسم احب في قلبه غير اسمها ،عدا الوقت على خير وبدأت الناس تجمع واصوات الناس والغناء يعلى ويعلى والبنات الفرحه مش واسعه قلوبهم فتحت ترف الباب وزغرطت وقالت:مرت اخي الحاليه
طيف بخوف:ترف كيف ابتسم
ابتسمت ترف وقالت :هكذا
طيف :مش وقت سماجتش ما دريت كيف انزف
ام كرم :جننتني
ترف :مش هو يوم في العمر؟
طيف :إلا
ترف :خلاص ارقصي مع الزفه واضحكي بطبيعتش هذا اليوم ما اينعاد ولا تنسي هذا ال love
ضحكت طيف وقالت :صادقه
ترف :يالله جهزي نفسش بعد شويه اتخرجي
طيف :طيب الله الله في الحماس
ترف :ابشري ،مش مجامله علشان اخفف توترش بس صدقاً اليوم انتي ملكه صدق ايش الحلاوة هذي يا كلبه دلا دلا على قلب مازن
ام مازن :يا ترف!
ترف :خاطرني
طيف :لا اجلسي ق ....
غلقت ترف الباب وراحت شافت جهاد وشمس يرقصوا مع بعض ابتسمت وراحت جنب امل وقالت :ما تلاحظي شمس وجهاد فيهم شبهه؟
امل:علشان الثنتين شقر بس
ترف :ماشاءالله الله يحفظهم
امل بحب :امين ،وين إلياس وليلاس؟
أخذت ترف سلطان لحضنها وقالت :عند ماما لطيفه كالعاده
ما ردت امل وطولت بنظرها لجنب عبير ودُجى وقالت بخوف:ترف تعالي شوفي اللي وراء دُجى
ترف :سماح اللي تكرهها زهور
امل :شفتها سكبت شي للعصير وبادلت بين قلصها وقلص دُجى!
ترف :معتقدش!!!!
امل :خلي عندش سلطاني بروح وارجع انتبهي له
ترف بخوف :ابشري
راحت امل لعند دُجى جلست جنبها وقالت:شربتي العصير!!
دُجى :الان ،لو تشتيه خذيه يروحي
اخذت امل العصير بخوف لانها سمعت اكثر من مره على السحر المشروب لان أبوها كان راقي في الماضي وقالت :ماسخاها عليش حسبها الله ونعم الوكيل
عبير :مني؟
امل :تقول ترف اسمها سماح
شهقت عبير وقالت:ما فعلت؟؟
امل :اجلسي بس انا بربيها
دُجى :ايش في يا جماعه!!
اشرت أمل لترف جت ترف معاها وحطت سلطان في حضن دُجى وقالت امل :انتبهي تشربيه وانتبهي لابني بروح اتفاهم معاها وارجع
دُجى بخوف وصدمه :عيوني
مشت امل متجهه لسماح وقالت :ترف قريتي اذكارش ؟
ترف :ايوة ليش؟؟
امل :بنتعامل مع أعداء الله
خافت ترف لكن مع امل ما همت شي راحت امل أخذت شنطه سماح واخذت سماح من يدها لممر القاعه صاحت سماح وقفت امل وقالت :ولش عين تصيحي يا حقيرة!
سماح :بعدي يدش القذره عني ولا والله ل اكسرها!
أخذت امل سماح ورجمتها لفوق الجدار وقالت بهدوء :ترف فتشي شنطتها بسرعه
قلبت ترف الشنطه وشافت أشياء مشبوهه بها صدت عينها وقالت:استغفر الله العظيم من كل ذنب عظيم من الشيطان الرجيم!!!!
بدأت سماح تضارب امل لكن وين امل اللي كانت بألف رجال اذا لزم الأمر وما عرفت سماح تخرج من يدها تعصبت امل وقالت:اتصلي لكيان يجيب شرطه نسائيه بسرعه
راحت ترف وقالت لعبير كل اللي حصل انصدمت عبير وجرت للممر شافت وجهه سماح سود من الخوف ومن عمايلها اتصلت لكيان وقالت:كيان وينك؟
كيان :في الخيمه مع الرجال
عبير :بسرعه كلم القسم يجيبوا شرطه نسائيه بدون محد يشك علشان المعازيم
خرج كيان من الخيمه وقالت:وين دُجى يا عبير!!!!
عبير :بخير والله الكل بخير بس أسرع وتعال معاهم وانا بكلمك اللي حصل كله
كيان :دقايق وهم عندكم استودعتكم الله
عبير :الله معك
غلقت عبير التلفون تأشر لهم بتم وقالت:ترف انزلي عند الحارسه علشان يدخلوا الشرطه النسائيه بدون دعوه ولا تقولي لهم انهم شرطه
ترف :تم ،لحضه شكلهم واضح
اشرت لها امل بعصبيه ،نزلت ترف بخوف ولفت عبير على سماح وقالت بقرف :قليلة معروف من صدق ما أثر فيش العيش والملح اللي بيينا الله لا وفقش انتي واللي يمشي بهذا الطريق
ما ردت سماح بس جالسه تضارب امل خافت عبير على امل وقالت:يبنت امسكها معش؟
ضحكت امل وقالت:مروا عليا كثير هذي الحالات لا تخافيش
ابتسمت عبير لقوة امل وأخيرا جو ٣ شرطيات شافوا امل مثبته سماح والأشياء المشبوهه مرجومه في الأرض فهموا كل شي بدون محد يتكلم أخذت وحده منهم الاشياء والباقي اخذوا سماح وقالت وحده منهم لأمل :شكرا لش على تعاونش معانا
ابتسمت امل وقالت:واجبي
عبير :خلاص ادخلوا وانا شنزل اطمن كيان
اشروا لها امل وترف ب تمام ودخلوا الصاله ونزلت عبير مع الشرطيات رنت له انها في الدرج دخل كيان وقال بخوف :سماح صح؟
عبير :تم القبض
ابتسم كيان وقال :دُجى وينها بالله عليش فيها شي!
عبير :يا ذكي لو فيها شي كُنا طلبنا الإسعاف ،اوذكي طالع ترقص ومش عارفه باللي حصل ما غير وحده من من البنات كشفتها
كيان :ذكريني اجيب مُكافئه لها
عبير :اقول اخطى عند الرجال احسن لك
ضحك كيان وودع اخته وراح مشى بسيارته بعد سيارة الشرطه النسائيه وعند البنات:
طلعت عبير وشافت ال مُنيف وال سعد وخواتها في طاوله كبيره حول امل وترف ضحكت وقالت : ناقص طيف والله
ملاك :محد يكلم طيف ولا امهاتنا وخلوا العرس يعدي على خير وقوموا علشان المعازيم ما يشكوا وخلاص شر وانقلع وبعد العرس نسد او ندعمم دامه مَر
ريفال :صح والزفه شويه وتبدأ لازم نكون متحمسات علشان طيف والحمد لله الكل خرج منها سليم
شمس :صح وانا بجلس مع دُجى شويه ونجي
وافقوا البنات وراحوا كل وحده تقدم شي للحضور وتستقبل وشويه شويه تخطوا الفجيعه وعند دُجى :
حضنتها شمس وقالت :شفتي الله كيف حفظش من الأذكار
دُجى بحزن :ونعم بالله، لكن ايش تشتي مني ايش فعلت لها؟
شمس:انتي فيش كل الصفات الجميله وهي وحده حاقده وغيورة وخلاص واضح نهايتها قومي استمتعي ولا تزعلي نفسش علشان وحده حذا وعلشان خاطر طيف واخوش مازن لازم نكون اليوم من كل قلبنا فارحات
ابتسمت دُجى واقتنعت بكلام شمس وراحت مع البنات ومع جمعت البنات نست دُجى حزنها ورجع الحماس في قلوب البنات كلهن وأخيرا جاء وقت زفه طيف وهذا اللي ما توقعوه .....
______
بارت جديد ما تكتمل احداثه إلا مع اللي بعده،هذي المره لا تنسوا اذكاركم دائما يبنوتاتي واشوفكم في بارت جديد يَحلوين 🤎🤎.
أنت تقرأ
حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .
Poetryمن كثر ماهي في قلبي وفي عيوني اللي بيدقق وسط العين بيلمحها . [🇾🇪🇸🇦]
