حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت السادس عشر

فتحوا العساكر باب سجن غيث وبصوت عسكري: غيث بن عز الدين ال مُنيف إفراج ، ابتسم غيث من هيبة الاسم واخذ مشدته رجعها على رأسه و في بوابة السجن جرى كيان وحضن غيث كأنه شافه بعد سنين غربه بادله الحضن وابتسم
كيان بضحك : بس والله بيضت في السجن
غيث : ايش رأيك تسكت ولا برجع أكمل اتبيض
انفجر كيان يضحك وبعده غيث وركبوا السياره وتوجهوا مطعم طلبوا شي خفيف وواصلوا لبيت عز الدين
في تركيا :
ترف اللي اشتاقت ل غيث لكن كل ما تتصل لتلفون تشوفه مغلق تبتسم بضيق وراحت عند امها
ترف : يمه شخطى عند جهاد
ام مازن : انتظري لما يرجعوا دُجى وامل من السوق واخطي
ترف : لا شخطى اضيع وقت
ام مازن : ناهي وجري معش الكعك لهم واوسان خذيه وسلمي على نجود (ام هتان)
ترف : ان شاء الله
وفي فيلا نايف بن ناصر ال سعد  :
ام هتان : ارحبي يبنيتي
ترف : الله يبقيش يخاله ، تفضلي
ام هتان: ماشاء الله زهبتوا كعك للعيد
اوسان: وانا ساعدتهم
باسته ام هتان ودخلت ترف لغرفه جهاد
جهاد : توتس تذكرين ان عندتس جاره
ترف بمزح : وهل يخفى القمر بس تعرفي نجدد اثاث وانشغلنا
جهاد : سامحتس
سلموا على بعض وكمل اوسان : عندكم العاب؟
جهاد : تعال بوديك لعند هتان يعشق الاطفال وعنده العاب
ترف : لا لا بيزعجهم خليه يلعب بالحوش
جهاد : احسن يصحيهم بيأذن عصر وهم نايمين
ترف : بكيفش انا حذرتش
جهاد بضحك : ما بيصير شيء بيطردوه بس
ضحكت ترف واخذت جهاد اوسان لغرفه اخوانها وراحت لعند ترف توانسها
في غرفه العيال :
اوسان بلغه اطفال : الشمس بتروح وانتم راقدين؟
هتان بضحك : هلا بأخو الزين كله
ما فهم اوسان لكن راح يصحي ابراهيم وسعود اخذه هتان واستغل الفرصه يسأله عن كل شي
هتان : انت ومن جيت؟
اوسان : انا و ترف
هتان : مين ترف ؟
اوسان : اختي
هتان : ما اعرفها كيف شكلها ؟
اوسان ببراءه : تشبه ماما لطيفه
سعود بضحك : صرفففككك
هتان : هذيك اللي عيونها بُني كبيره ؟
اوسان: ايوة وشعرها طويل وفي وجهها نقط يقول عنها غيث نمش
تحولت نظره هتان من هيام ل جديه وكمل : من غيث؟
راح اوسان وجلس في حضنه فتح يده وبدأ يعد إخوانه
اوسان : مازن ووطى صوته وقال غيث بس تقول عنه ريمان انه خطير ،ودُجى وترف ورند
سعود  : ومن ريمان؟
اوسان: اخت امل اللي تعيش عندنا صحبه ترف هي زوجتي
انفجروا يضحكوا وكمل هتان : انت متزوج؟
اوسان : تقول ترف اذا اكلت وسمعت كلامها بكبر وبتزوجني ريمان
هتان : اها ووين غيث؟
اوسان : قالت ماما انه ينتبه ل رند
سعود: ووين ذي رند ؟
اوسان : قالت لي خاله امينه انهي راحت عند الله وبابا بناء لها بيت تحت الأرض
سعود وهتان : الله يرحمها
سعود : ذي العائله اسرار
هتان : مع اوسان ودع الأسرار
ضحكوا وباسه وعطاه شكلاتتين من الدولاب وقال: هذي لك والثانيه ل ترف
اوسان : ترف ما تاكل شكلاته
هتان : ليه؟
اوسان باستغراب : علشان لما رند راحت عند الله قالت لها الدكتورة ما تأكل
سعود : يمكن خافت وجاها السكر
هتان : والله حتى دمها ما تحمل حلاوتها
سعود : اهجد ل تكون اختها وانت تتغزل
هتان : صدقني انها هي!
اكل اوسان الشكلاته وسأله: انت ما تروح تدرس ليش ترقد للان؟
هتان بضحك: لا ما ادرس اشتغل
اوسان: يعني انت زي بابا
سعود : اجلدهه يا اوسان وخرب مزاجه اللي من الصبح رايق
هتان: اسكت ل ارفسك الحين
اوسان: غيث كبير زيك ويشتغل مع بابا
سعود : كم عمر غيث ؟
اشر له اوسان بكتوفه ما ادري واكل الشكلاته الثانيه
هتان : اظن انه الصغير لان ابوه ينادوا له ابو مازن !
سعود : مع الايام ونعرف
في غرفه جهاد :
ترف : وهذا اللي حصل
جهاد : لو اني عارفه كان جيت ساعدتكن في التنظيف
ترف : كانت معانا امل وامها وبعدين من صدق تتكلمي ؟
جهاد بجديه : اي والله صادقه
ترف : اذا الليل بنظف مع ام امل بيتهم تعالي معانا
جهاد بمزح  : لا امزح عندي مذاكره لسنة اولى
ترف: قلت لش كذااابه
جهاد : امزح معتس جاايه ومن بعد صلاه المغرب يشيخه
ترف بحماس : سماعه وتنظيف جماعي وبعدين فلم
قاطعتها جهاد : وتبيني ما اجي ؟ يشيخه ابعيش عندكم
ترف : حاايي جهااد
جهاد بضحك : حي نباتس
ترف : يالله شخطى علشان اساعد امي واشوفش بعد المغرب ان شاء الله
جهاد: ان شاء الله اتفقنا
ترف: هاتي اوسان
جهاد : نسيته والله ، الحين تشوفين هتان مروق معه
ترف : اذا خلوه لكم
ضحكوا وكانت الأبواب مفتوحه وصدى الصوت ل غرفه هتان ابتسم وقال بصوت واطي : ترفي !
راحت جهاد الغرفه تأخذ اوسان
جهاد بشهقه  : لو تناظر صديقتي يد اخوها بتجلدك انت اوسان
هتان   : تخسى
سعود بصوت واطي: سبحان الله كيف تغيرت طريقة الكلام !
ابتسم هتان وراح غسل يد اوسان ، ودعت ترف ام هتان وجمان اما ألين ما خرجت تسلم حتى خرج هتان وبحضنه اوسان شافها وتأكد انها ترف نزل اوسان من حضنه وراح اوسان جري يحضن ترف راح هتان لغرفته وقال بابتسامة : اليوم اوسان بكره انا
روحت البيت ودُجى وامل رجعوا من السوق
دُجى : أخيرا روحتي ؟
ترف : أخيرا انتم روحتوا
امل : اسمعي اتصلت ماما لطيفه مع البنات  قالت تشتي تكلمنا كلنا بدون نقص حتى مع أمي
ترف : يالله نصلي عصر ونتصل لهم ، والمغرب بتجي جهاد تساعدنا
امل : طيب يالله اسرعي
ترف : ان شاء الله
قبل يوم في اليمن :
وصل غيث البيت بسيارة كيان شاف اعمامه وعيال عمه وخاله في باب البيت اول ما نزل أطلقوا كلهم للجو وبدأت التراحيب ابتسم غيث وسلم عليهم
ابو اسلام : حياه جديده لك يا ابن اخي ان شاء الله 
ابو شمس : الله لا يختبرنا فيك مره ثانيه يا ابني
كرم : اليوم حجزت شاليه لعيون ابن العم
غيث: ما تقصروا كلكم
ابو كرم : وامشي وانت رافع راسك انت الغالي ابن الغالي براءتك معك
ابتسم غيث بكلافه بعد ما سمع (براءتك) دخل البيت زغرطوا قريباته وراح يبوس ماما لطيفه وعماته وابتسم لبنات عمه
ماما لطيفه: رديت روحي برجعتك يا حبيبي
غيث: الله لا يحرمني بس
ماما لطيفه وهي تقرأ التعب من عيونه : خلاص تغسل وارقد ولوقت العشاء شقومك تصلي وتتعشاء
غيث: إن شاء الله
عند البنات:
شمس: ولا كانه خرج من المستشفى وسجن
طيف : اعوذ بالله قولي ماشاء الله
شمس : ايش متوقعه مرت اخو ترف هكذا توقع
الكل : ههههههههههههههههه
ملاك : فجع بنتي وخرج
ريفال : خلاص خطت الفجيعه بشوفته
طيف : الله الله على سليفتي
شمس بضحك : الله يرزقني ثقة طيف
ريفال بربكه : لو آخر رجال ما اتزوجه انتي فهمتي غلط اقصد بعد ما وسمتني ماما لطيفه وشفته خلاص تخطيت
ملاك: شكوك كبيره
ريفال : الجلسه معاكم حرام شخطى اجيب علاج ماما لطيفه قبل العشاء
ضحكوا وراحت ريفال لغرفه ماما لطيفه لكن لمحت غيث يحاول يفتح غرفته لكن ما عرف، يمسك على رأسه ويغمض عيونه قربت شويه منه لكن سرعان ما مسك رأسه وثبت نفسه على الجدار قربت منه ابتسمت بخوف وبانت غمزتها وقالت : فيك شي ؟
غيث بدون وعي : تعالي
كانت غمازتها تشابهه رند وكان في حاله هلوسه من بعد ما حصل له من خوف وتعب يحسبها رند قربت وفقد وعيه لكن سرعان ما مسكته ودوخ في حضنها
ريفال بخوف : ططططيفففف
طارت طيف والبنات ل غرفه غيث بعد صوت ريفال وقالت طيف : ايش حصل له؟
ريفال : دوخ عند الباب بعد ما شافني
شمس بفهاوه : من الجمال
ملاك : ابدا مش وقت دمش الثقيل
طيف: خليش ماسكه رأسه شصيح لابي واجي
تجمع البيت كله فوق رأسه لكن محد ركز ل نظرات إسلام  على بنته ريفال اللي تطلع شرار ، تربى في القريه وعنده كل شي للبنت غلط وحرام وجن جنونه بعد ما شافها بعدت ريفال رأسه من حضنها ل حضن طيف بعد ما شافت نظرات أبوها وراحت
ابو محمود سحبها بعصبيه وقال : ايش هذا؟
ريفال ببكي : والله يبه اني خطيت اجيب العلاج لماما لطيفه لكن كان قدامي دوخ ولحقته بس
مد يده ابو محمود : ممنوع عا...
وسرعان ما لحقتهم ماما لطيفه مسكت يده وقالت بعصبيه: تزعل واتمد يدك لانها راحت تجيب علاجي وفعلت موقف إنساني ؟
ابو محمود باحراج : لا والله
ماما لطيفه وهي تسحب ريفال : لا بارك الله في مرجله لُبها ضرب البنت!
استحى ابو إسلام وقالت ماما لطيفه:خلاص ريفال اترقد عندي اليوم تنتبه لي !
ابو محمود : طلباتش أوامر 
ماما لطيفه بابتسامة: الله يصلحكم يا عيالي
عند غرفه غيث :
ماما لطيفه : ايش في ؟
ابو كرم وهو يغلق الباب وراه : طبيعي عنده هبوط ضغط اللي مر به مشو سهل .
ابو اسلام : والحل؟
ابو كرم : فاق واعطيته حبه الضغط ورقد يرتاح واول ما يقوم ايكون بخير ان شاء الله
طيف : الفخر بابا للابد
ماما لطيفه: الله يحفظكم يا عيالي
وفي الصاله بعد ما تجمع الكل بدون إستثناء
ابو شمس : خلاص الان نكلم عز الدين
كرم : أخيرا اقدر اكلم مازن
ابو شمس بضحك: إفراج
طيف : كيف بتقول لعمو عز الدين  وكيف خبيت عليه
ابو شمس : قلت له مسحوب التلفون منه علشان الشغل وصدق واذا سألني وينه اقوله يسلم عليك لكن الان في  الشغل واغلب الوقت ما ارد عليه
طيف: كيف الاب ذكي وكيف بنته
شمس : ايش قصدش ؟
الكل : هههههههههههههههههه
طيف : خلاص اقدر اكلم ترف باللي حصل
ابو شمس: ما تقدروا تسكتوا ابدا
شمس: انا ما قدرت اخبي إلا علشان ما تخاف
ابو شمس بضحك: إفراج كلموها
كرم : عمي اليوم اي شي عنده إفراج
ابو شمس بضحك : بدل اللقافه روح الغي الحجز وخليه ليوم العيد
كرم : اوووه صح الان
طيف بصوت واطي : مفهي زي شمس
ملاك بضحك : لايقين لبعض
ريفال : اضحكوا بس وانا غيث بيطلع لي السكر
ام محمود وهي تنزفها بماء بارد : بدري عليش يا بنتي
شهقت ريفال والكل ضحك وراحوا يرقدوا على موعد اتصال لبيت عمهم عز الدين 
نرجع في حاضر تركيا :
صلوا البنات عصر واتصلت دُجى لشمس
رحبوا ببعض وكملت دُجى : الساحبين اشتقنا لهم
شمس : احنا أو انتم
دُجى : كيف أجواء قرب العيد بدوننا
شمس : ما تسوى لكن بنعيد بشاليه
ترف : واذا تسوى بتعيدوا وين ؟
ريفال بمزح : بتركيا
الكل : هههههههههههههههههههه
ماما لطيفه: عندنا أخبار قويه
ترف : ما تفتح النفس إلا ماما لطيفه انقلعوا انتم بس
ام امل : ل يكون الخبر اللي اجتمعنا عليه
ام مازن بقلق : الله يجعله خير
ام امل : خير دام عمتي مُبتسمه
ضحكوا وبدأت ماما لطيفه تحكي لهم من لما قرر يدرس جامعه إلى رجعته للبيت
بكت ام مازن اما ترف تصنمت
ام امل: وليه تسكتون للحين والله لو يدري عز الدين بيخاصمكم
ماما لطيفه : ايكلمه قاسم
امل بصدمه : الحمد لله على سلامته
دٌجى : يقهر قلبي عليك يا غيث اول ما يرجع  يتصل لي ضروري
ام مازن وهي تمسح دموعها : حبيه مني يمه واول ما يرجع من الجامع يتصل لي
ماما لطيفه : حاضر بس وين ترف ؟
دٌجى : ساكته ودموعها تنزل
ماما لطيفه : جيبيها
اما ترف اول ما شافت جدتها بكت وبدأت تعاتب لكن جدتها راضتها وغلقوا المكالمة على وعد اذا رجع غيث يكلمهم
وفي بيت نايف بن ناصر ال سعد :
جهاد : وين اخوي حبيبي
هتان : لا
جهاد : طيب اسمع وبجيب لك عرض ،تعرف ابوي ما بيوافق اطلع لحالي خذني عند بيت عمي عبد الرحمن والليل رجعني ، بنجتمع البنات بساعدهم بالتنظيف حرام واذا أخذتني وعد اقنع ابوي يعبي لك بنزين
هتان : ابشري
جهاد بفرح  : الله يبشرك بالخير
هتان : تجهزي بنتظر لتس خمس دقايق بس
جهاد : ثوااننيي واكون عندك
ابتسم هتان واخذ جهاد لبيت عبد الرحمن سمع أصوات البنات تطمن وراح البيت
امل : ارحبي يعين صحبتش
جهاد بحب: الله يبقي من يرحب
امل بضحك : يالله الحقي بدأنا ننظف
جهاد : انقلعي بس وين ترف
امل : أخوها طلع من السجن وزعلانه
توسعت عيون جهاد بصدمه وقالت : مااززنن!
امل : لا غيث في اليمن قصه طويله
جهاد : قولي ما عندتس غردي
امل: طيب ادخلي على الأقل
ضحكت جهاد ودخلت حكت لها امل كل شي
جهاد بصدمه : وليه ما جاء؟
امل : يشتغل بتجارة ابوه
جهاد: وين ترف ؟
امل : مع دُجى في غرفتي
جهاد : وليه قاعدين هنا تعالي نروح لهم
امل : لا يكلموا غيث
جهاد : يالله يديم اخوتهم
امل: امين
اما في الغرفه امل كانوا خواته يكلموا غيث بكل حب ويتطنوا عليه ويطمنوه
ترف : دام شفتك يا عين اختك خلاص اتصل لامي اكيد الان قلقانه
غيث : ادي لها التلفون
ترف : انا في بيت عمي عبد الرحمن
غيث بضحك : حتى بتركيا
ترف : في كل مكان
دُجى بحب : انتبه لنفسك يخي لا تفجعنا فيك
ترف : والله لو ارجع وما اشوفك بخير يا ويلك
غيث : فرق فرق بينكن
ضحكوا واستودعوا بعض واتصل لامه وطمنها
ترف : امل خلاص تعالي
جهاد: وانا ادخل؟
ترف : حيااا بروحي
جهاد: الله يحيتس
ترف : معلش كنت اكلم اخي
جهاد : وانا آخر من يعلم
ترف: إلا بتعرفي كل شي بكلمش ونحنا ننظف
حكت لها ترف كل شي وقالت جهاد بحزن: احس رند كانت عسل الله يرحمها
الكل : امين
امل وهي تغير الموضوع : ايش رايكم نشوف فلم؟
الكل بحماس : قددداممم
وبعد الفلم اتصل هتان لاخته بعد ما شاف ان الساعه تسع ووقت اخته تروح
ترف : من هذا
جهاد : هتان يبيني اروح وكأنه عرف ان الفلم خلص
ترف : قاتل المتعه
جهاد : القعده معاكم ما تنمل ما ابي اروح
ترف بضحك : مستوى شرقد عندها
سمع ضحكتها هتان اللي منتظر لهم في الحوش وتذكر وصف اوسان لها وقال :
يا ترف معاد في قلبي معاني
لاعبيني واسجعي سجع الحمامه
اطربي سمعً ما يطرب ل الاغاني
واضحكي لليل ويودع ظلامه
وش نبي بالبدر وانتِ بدر ثاني
فيك شامه والقمر مافيه شامه

جهاد بضحك: يالله بروح يا نذله
ترف: استودعتش الله يروحي
حضنتهم جهاد وراحت مع هتان
جهاد: علامك تقتل المتعه كان ابطيت بقعد معاهم شوي
هتان : قاتل المتعه !
جهاد : اخذتها من الترف
هتان : اجل انا قاتل المتعه ؟
جهاد : امزح وش بهم عيال نايف ما يقبلون المزح؟
هتان: اشوى يالله طسي داخل بروح عند مازن
جهاد بضحك  : حتى انت تعلقت فيهم
هتان: الشكوى لله
جهاد بمزح: اجل سلملي عليه
هتان : تدخلين أو اكسر راستس؟
ضحكت وجرت تدخل و في البيت :
ألين بصراخ : وينتس؟
جهاد : في بيت الجيران
ألين : ما تشوفين الساعه
جهاد بتجاهل : إلا الساعه تسع
ألين وهي ماسكه كتفها: لا والله ؟
جهاد : وخري يدتس احسن ما اكسرها لتس !
ألين : وعلموتس هناك قلة الأدب على الكبير
جهاد: امي وابوي سامحين لي وهتان وصلني مالتس دخل
ألين: آخر مره تروحين عندهم سامعه اللي يبيتس يجيتس
دخل هتان وقال : صوتس لشارع عارفه؟
ألين : اذا ما تربت جهاد انا اربيها
هتان بعصبيه : احشمي ابوي ل اكسرتس انا سامح لها وبعد لو تبي تنام عندهم سمحت لها
جهاد بحماس : موافقه
ألين بنفس الوقت : لا والله
هتان : اااصهههه ، يالله كل واحده غرفتها وألين شغلتس معي بعدين
ابتسمت جهاد بنصر وراحت ألين غرفتها وفي بالها شر
وفي فيلة عز الدين:
ابو شمس : وينك اتصل عليك من عصر يرجال !
ابو مازن: والله الان رجعت من الشغل
حكى له قاسم كل اللي حصل مع غيث
ابو مازن : اسالك بالله اللي تقوله صدق
ابو شمس : والله هذا اللي حصل ياخي
ابو مازن بعصبيه : وانا آخر من يعلم ؟
ابو شمس: كان في محامي شاطر وبعدين بترجع على الفاضي وتضيع شغلك فقلت اذا ما انحلت الامور بتصل لك تجي واذا تيسرت خلاص بقول لك الحقيقه والحمد لله فرجها الله عليه
ابو مازن: خير ان شاء الله وأين غيث الان ؟
ابو شمس : رديت بعد ما رقد الصباح هو بيتصل لك بس انا منعته علشان انا احكي لك الموضوع
ابو مازن: خير خير يالله تصبح على خير سلم على الاهل
ابو شمس : مع السلامه تلاقي الخير
وعند مازن :
مازن : حصل هذا كله وانا مش عارف!!
كرم : ابي منعنا نكلمكم وبعدين انت في كتبك ما نلحق نكلمك والليل كنت عند صاحبك السعودي
مازن: يا كريهه وين غيث ؟
كرم بضحك : راقد الصباح بيتصل لك انت وعمي
مازن : امي عارفه ؟
كرم: كلمتها ماما لطيفه هي وخواتك بس ما كنت موجود
مازن: تمرجل اسمها جدتي
كرم : تذكر قبل سنتين وانت تسميها مامي؟
مازن: السخف اللي فيك وراثه أو بجهد؟
كرم بأبتسامه : اتصل ل ماما لطيفه الصباح كمان
مازن : تصبح على خير
كرم بضحك : يخي روق خلاص قد اخوك راقد وانت متعصب
ابتسم مازن وغلق التلفون على وجهه ضحك كرم وخطى يرقد اما مازن استصعب النوم بعد ما حصل مع اخوه ومن الفجر اتصل عليه هو وابوه وطمنوا عليه  .
عدت الأيام وبقى للعيد ثلاثه ايام كانت ترف تكلم
طيف مر مازن اللي اشتاق لها جدا وقال :
باقي على عيد الأضحى عدة أيام
متشفق لشوفتش ولو هي بصورة
العيد لا يعدي مثل عيدي العام
عيد ما اشوفش فيه باهت شعوره
ترف : مازن شاعررر !!
مازن بضحك : لا لكن لعيون الحلوين نشعر
انحرجت طيف اللي كانت تسمع واخذت ترف الجزمه حق البيت رجمته بها وقالت : الله يرزقني واحد شاعر بس
رد لها الرجمه بجزمتها وضحكت دُجى وطيف وعدت الأيام وجاءت ليلة العيد ومش عارفين ايش منتظر لهم فيها ...

_____
حياااكم ببارت جديد بأيام فضيلة مُتقبل فيها دعائكم ان شاء الله اشوفكم ببارت جديد لا تنسوا النجمه يَحلوين 🤎🤎.