حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثاني والخمسين

وأخيرا عدا الوقت وجاء وقت الزفه اللي اهل ترف منتظرين لها قبل الحاضرين لكن انصدموا ان امل مختفيه تماما من قبل موعد الزفه بربع ساعه خافت دُجى وتذكرت موقف امس راحت لعند ملاك وقالت :ملاك وين امل؟
ملاك :كانت ترقص مع جهاد اول
دُجى :طيب الان وقت الزفه وجهاد موجوده وامل لا!
مسكت ملاك على بطنها وقالت :لا تفجعيني انفدالش شوفي امها تضحك يعني مافي شي او انها في الحمام
دُجى :صح نزيد نريع خمس دقايق اذا ظهرت ظهرت ماشي تصرفنا
اشرت لها ب تمام وقالت ملاك بخوف :استودعتها الله .
افتتح الباب قبل موعد الزفه تجمع الكل عند الكوشه منتظرين الباب يفتح ويشوفوا ترف بكل حماس ،أخذت ماما لطيفه بخور (المُر)وحطته قدام الباب اللي بتخرج منه ترف ،وبمنطق ماما لطيفه القديم ان هذا البخور يطرد العين والحسد بدأت الزفه وعند ترف :
كانت امل مفتونه في شكل ترف وترقيها ابتسمت ترف وقالت :اتنزلي قبلي وانزفي تعويض زفتش اللي في تركيا
مسحت امل دموع الفرح وقالت بحماس :طيب يروحي،كيف شكلي؟
ترف :تقولي للقمر انزل وتطلعي بداله
امل :انا اقول شكلي مش شكلش
ضحكت ترف وباستها امل وافتتح الباب والكل منتظر ظهور ترف ظهرت امل بفستان وردي منكوش ضحكوا البنات وزفوها زفه سريعه ولما وصلت لعند البنات :
جهاد بضحك :كيف فكرتين فيها؟
امل :كيف بالعلم
الكل :ههههههههههههههههههههههههههه
ريفال :اول عروستين ينزفوا وأطفالهم موجودين
ضحكوا البنات لانهم عارفين ان ريفال تتكلم بعفويتها
وملاك :واحنا خايفين عليش
امل :بس كيف
طيف :قمر قمر الان خلونا نشوف ترف فيني فضضوولل اشوفها
الكل :صدق والله! ،رنت امل للمساعده اللي جنب الباب باشاره ان ترف تنزل ،تقدمت المساعده فتحت الباب وعلى طول افتتحت ايه الكرسي ظهرت ترف بفستانها ومكياجها الفكتوري وبجمالها الظااغغي ومسكة اليد البُنيه وعيونها الوسيعه البُنبه وابتسامتها اللي غزت المكان ،شهقت ماما لطيفه وكأنها رجعت للوراء ٦٣ سنه دمعت عيونها شافتها ترف ونزلت من الدرج بسرعه بدون ما تهتم انها عروسه حضنت ماما لطيفه بكل قوتها اعتلت الزغاريط وتأثر الكل بالمنظر، شدت عليها مامالطيفه وقالت :تبارك الله احسن الخالقين حوطتش باللي خلقش استودعتش الله يا قُمريه
لمعت عيون ترف وباست رأس ماما لطيفه وكان جنب ماما لطيفه ام مازن حضنت امها وقالت ام مازن بكل حُب :لو انا درايه انش بهذا الحلا كان علقت لش حرز
ترف بابتسامه :الحرز حرام
ام مازن :بسم الله عليش يا حاليه
ابتسمت ترف وقالت :من بعدش يا نبع الحنان باستها ام مازن وبعدها حضنت ترف ام هتان اللي كانت جنب امها وقالت ام هتان :تأخذين العقل بجمالتس ونعم ماختار ولدي
ترف بحب :تسلمي يمه من جمالش
ابتسمت ام هتان ووقفت ترف على الممر رفعت بوكي الورد وبدأت تتمايل مع الزفه وكل القاعه تحمست معاها بعد ما شافوا مظهرها وكأنها اميره ،عرفت المُغنيه ان العريس سعودي ولما وصلت ترف لنص غلقت الزفه وقالت :يبنات عمها لفوا عليها يا بنات عمها لفوا عليهاااا يا بنات عمها لفوا عليها
تحمسوا بنات ال مُنيف وال سعد وتجمعوا حول ترف وكل وحده تمدح من جهه واعتلت الزغاريط والتصفيق من الكل وكملوا يغنوا مع المغنيه :بنتنا غاليه والزين غالي بنتنا غاليه والزين غالي !
وأخيرا بعد ساعه الا ربع كامله من الزف جلست ترف على كوشتها اللي ما بين اللون البيج والبني وكأن اللوحه بجلوس ترف اكتملت، أخذت شمس الكيمرا واخذت لترف كم صورة وتجمع كل بنات ال مُنيف وال سعد حول ترف واخذت لهم ورود صورة ،وصورة ثانيه بس فيها صحبات ترف وبنات عمها وبنات ال سعد، وبدأت عادات وتقاليد ال مُنيف والابتسامة شااقه وجه ترف اما عند الرجال كان ما بين العريضه النجديه والبرع اليمني،وأخيرا جاء وقت دخول اهل العروسه والعريس تغطوا البنات وفجاءه تطفت كل أضواء القاعه وافتتح بروجكتر محتواه صور ترف مع فيديوهات من لما ولدت ل اخر صورة تصورتها مع اخوانها الصبح ،فيها ضحكوا وفيها تأثروا تغلق البروجكتر فجأه وطلع دخان من الأرض وفشيش من أطراف الممر دخلوا ابو مازن ومازن وغيث واوسان واصواتهم وهم يزفوها بغنيه صنعانيه قديمه وكأنهم يرقوها بالكلمات وبصوت ابو مازن:صلي يا ربي على طه الحبيب
اخوان ترف :الله يالله
ابو مازن:سيدكم سيد كل الناس
كل الحاضرين :يالله
المُغنيه:والف الصلاه والسلام عليك يا حبيب الله محمد
اعتلت الزغاريط وحضنت ترف أبوها بحب باس ابو مازن رأسها وقال :جوهره مكنونه
مازن :طلعت تشبه مامالطيفه اليوم صح ؟
ماما لطيفه :وكل يوم
غيث :بسم الله عليش يختي
دُجى :احمم
غيث :ماانتي ياسين عليش ياسين
الكل :هههههههههههههههههههه
ابدا ما غارت دُجى من اختها بالعكس هي أكثر من كان فارح لها وتعرف ان هذا كله علشان بتسافر وقبل هذا كله هي اختهم استودعت اختها بحب وحطت لها هديتها وتجمعوا كلهم حول ترف واخذت لهم شمس صورة،ما استحمل غيث مسح دموعه وخرج وبعده ابوه واخوانه ،دخل هتان وفي باله شعر يوصف كم عانى لهذي اللحضه مشى بخطواته لعند ترف وكل خطوة يبان جمال ترف اكثر وصل لمقابل ترف وشاف شكلها الملكي تجمد مكانه وضاعت علومه وأدرك انه مهما بيتكلم ويقول بيكون ظالم ترف لان جمالها فوق ماهو مسيطر على قلبه إلا أنه اليوم فاق الحدود اكتفى بس انه يتأملها ابتسمت ترف بحب ارتخى هتان وقال بأعلى صوته كلمه تختصر له كل شي :الله !
ترف باحراج :صوتك
حضنها هتان ودخلها في بشته وقال بانتصار :
انا ترى ل شفت وجهتس تحطمت
اضيع وما اعرف اجمع كلامي
انا امامتس استحي والتزم الصمت
ماهو خوفن منتس هذا نظامي
نظامي اسرح فيتس ولا من تكلمت
اضيع في عيونتس ومدري علامي
واللي اعرفه اني ل لقيتس تبسمت
واني احبتس واعشقتس يا هيامي !
ما عرفت ترف ترد واللي قدرها الله عليه انها تبوسه ،ابتسم هتان بواسع ثغره وكأن هذي البوسه جائزة الشعر ،دورها وقالت ترف :انتبه التاجج!
ضحك هتان وبعد من ترف وقال :احس اني بدمن شي قريبا
توسعت عيون ترف من جرأته ضحك هتان وعند البنات :
امل :اموت واعرف وش يقولون
جهاد بمزح :وش العشاء اليوم يحرمه، اخي وادرى به
الكل :ههههههههههههههههههههههههههههههههههه
ليان :وهي صادقه وش بيقول اكيد يهوجس عليها
ورود :الله يرزقني
جهاد :الجميع ان شاء الله
ضربتها جمان ضحكت جهاد وهربت لعند ترف وهتان واشرت لامها تجي ،تجمعوا ال سعد حولهم واخذوا صورة ،وبعد الصورة لبست ام مازن ترف الحجاب وقالت والدموع ماخذه مجاريها :بنتي في امانتك يولدي
هتان :امسحي دموعتس يا عمه بنتس بقلبي
ام مازن :استودعتكم الله
مشوا ترف وهتان متوجهين السيارة وقبل ل تركب مسك غيث يدها وقال لهتان :انتبه تجي ترف يوم وفي عينها دمع ولا قلبها حزين
هتان :ابد والله ما تشوف إلا السعد !
ابو مازن :حافظ عليها والله الله في بنتي!
هتان :ابشر ياعم
حضنها مازن وقال:وانا لش يا بنت ابي امن وامان
وانا معش في ضيقتش قبل السعد
ماعد عرفت عاد تتكلم حضنت ابوها واخوانها وركبت معه السياره وهي تشاهق ،حرك هتان السياره وقال بحب :ليه تبكين؟
مسحت ترف دموعها وقالت :احبهم!
عرف هتان انها خايفه مسك يدها وقال :انتي بتروحين عند اللي يحبتس ومستحيل يضرتس ولا بنكون نزورهم كل فتره يا حرم هتان
تطمنت ترف وقال هتان بحنيه :تبين شي قبل ل نروح الفندق؟
ترف :لا يا حبيب عيوني
تنهد هتان بحب وكأن هم كبير راح من رقبته ووفى بوعده ابتسمت ترف وقالت :هذي كلها تنهيده
هتان :لان في شي جديد
ترف بصدمه:ايش؟
جنب هتان موتره وقال :اعلمتس ل صعدنا فوق
طلعوا الاثنين الغرفه وبعدت ترف الغطاء وقالت :ايششش؟
ابتسم هتان وقال:الحين بيكون فكري كله كيف اسعدتس طول الدهر
حضنته ترف وقالت :احبك طيب !
هتان :يويلي ويلااااههه وش فاتني ٣٠ سنه
ضحكت ترف وبعدت لكنه شد عليها وقال :
حبيبتي الحُب حمل يتعبك شيله
انا بحبتس لكن انتي لا تحبيني
الحب ماهو بتقزيره وتعليله
الحب يأثر على الإنسان شوفيني!
يقضي على حاله ويقضي على حيله
وانا ما داني على قلبتس تعرفيني
من كثر ما ادرى على قلبتس وماويله
ودي اني استاصله واركبه فيني .....
ضحكت ترف وقالت :وش اجرام الحُب هذا!
سمع هتان ضحكتها وكمل وقال :
واريحه من عنى الحب وغرابيله
مع اني اخاف احبتس بقلبيني .
ترف :يشيخ الله يكثر من هذا التعب والله ل اطيح معك واعشقك
ارتاح هتان بعد ما ترف فهمت مقصده ابتسم وقال :مافي نقطه نختم الشعر؟
بعدت ترف وقالت باستغراب :نقطه ايش؟
اشر لها هتان لمكان البوسه وبحواجبه مدري ،رفعت ترف حاجبها وقالت :ليش الكلام ما كفى؟
هتان :والله انتي اللي عودتيتي غلطتس ماهو بغلطي
ترف :متى عودتك؟ ،وكمان رجع غلط!
هتان بضحك :مو قلتي تبين تتعبين من هذا التعب؟
ترف :وانت ما صدقت!
انفجر هتان يضحك ما استحمت ترف وقرر هتان انه هو اللي يبادر بهذي الخطوه بذات
ابتسمت ترف وقالت:اخطى اغير وارجع
هتان :لا تتأخرين
أخذت ترف تلفونها وقالت :بس قبلها صورة
قعد هتان جنبها واخذت ترف صورة ،شافتها وقالت بحب :الله تجننن
هتان :صادقه يحظي بس
ابتسمت ترف وراحت تغير ،أخذت دش وفتحت شعرها البُني ولبست فستان بُني حرير وبدون مكياج واكتفت بمرطب وردي بس وتبخرت وخرجت دهنت يدها بمسك وشافت باقة ورد حضنتها وقالت :يعععممري يا هتان
هتان :ما تدري وين الورده
ابتسمت ترف واخذت لهم صورة مع الورده ،حطت تلفونها وقالت :يوووههه التؤام
هتان :وش بهم؟
ترف :وينهم؟
هتان بضحك :ونعم
ترف :اقصد ليش ما روحناهم معانا
هتان :عشان ابوهم ياخذ راحته
ترف :مش وقت اتكلم صدق وينهم
هتان :عند امي بكره لما نرجع خذيهم
ترف :استودعتهم الله
ابتسم هتان وعم الصمت لثواني ضحكت ترف وقالت :مالكك!
هتان :اتأملتس لانتس الشي الوحيد الحلو اللي استحق أتأمله!
ابتسمت ترف وقالت :خلاص بقي كلمات للايام القادمه
هتان :توني ما بدأت باقي كككثيرر
ترف بصوت واطي :ياكثر الحب!
هتان :هاه؟
ترف بابتسامه محرجه :سلامتك
ما ادرى هتان ياخذها من الضحكه ولا الكلام ولا الجمال و ...
وفي بيت كيان :
اخذ اسامه أغراضه وقال :خاطرك يا دنيا
ضحك كيان وقال :بالله طول وفي الاسبوع على الأقل
اسامه :راجع قريب ان شاء الله
كيان :قريب من حقك او قريب ؟
اسامه :اقرب شي
ضحك كيان وسلم عليه وقال :استودعتك الله سلم على عمي وعلى العيال
اسامه :الله يسلمك
دق الباب فتح كيان الباب وشاف رجال ال مُنيف ابتسم اسامه وقال :والله انكم محازم راجعين من العرس ل عندي
كريم :شفت اشغلتنا لا إله إلا الله
ضحك اسامه وقال غيث :حد يسافر ليل ؟ما معك سافر صبح
سعود اللي تعلق بهم وبقعداتهم مع بعض :وهو صادق ليه مستعجل ؟؟
اسامه :معي شغل ضروري والله
الكل :الله يعينك
سلم عليهم اسامه وأخرهم كريم وهمس في أذنه:تعال السياره
سوا كريم نفسه طبيعي وقال اسامه :ما اشتقت لتعز
كريم :اشتقت رغم ان سفري كان فلم رعب
الكل :هههههههههههههههههه
خرجوا الكل من بيت ال قاضي وكل واحد راح بسيارته للبيت عدا كريم وغيث ،شاف كريم ان غيث مشغول مع كيان طلع مع اسامه السياره وعند غيث وكيان :
غيث بجديه : قل لن يصيبنا الا ما كتب الله لنا
كيان :ما قد به؟
غيث:دام ابي رجع خلاص معدناش المدير ف بنضم معاكم
كيان بحماس :أشهد الله ان رجالتك تُدرس
ابتسم غيث وقال :
تبقى على مر الليالي عشقنا
صنعاء منبع الفن الفريد
من أجل صنعاء مرخصين ارواحنا
يا عاصمه الامجاد يا مسكن كل جيد
كيان :صح لسامك
غيث:صح بدنك ،تشتي شي ؟
كيان :اسلم خاطرك
غيث :الله معك
وعند كريم واسامه :
طلع كريم وقال بقلق :خير
اسامه:خير خير ياخويف
فتح كريم الباب وقال :خلي الخويف يفزع لك
ضحك اسامه وغلق الباب وقال :حركات الهنود مش عندي يا حنوق
ضحك كريم وقال :فيسع ما معك؟
اسامه :اشتي اتقدم لوحده من ال قاضي واشتيكم تفزعوا لي
كريم بحماس:تم ،بس كيف وانت اتسافر؟
اسامه:اجيب اهلي يا ذكي
كريم :الله والعمل الضروري
اسامه بمزح :تذكر قبل سنه تقريبا
ضحك كريم وقال :خلاص ان شاء الله هات اهلك وابشر
دق اسامه لكريم التحيه وقال :خدمات؟
كريم بابتسامه :اسلم
ودعوا بعض ونزل كريم من سيارة اسامه وشاف غيث متحرك وقف غيث وركب معه استغرب غيث وقال :احسبك روحت
كريم :لا ودعته
غيث:عهد الاصدقاء وين سيارتك
ضحك كريم وقال :جيت مع كرم
غيث بمزح :جيت معه روح معه انزل
كريم :هيا قسماً عظماً ما اسوق إلا انا انزل
غيث بضحك :علشان قسماً عظماً بس
تبادلوا المقاعد وروحوا البيت وضحكاتهم ملان السيارة وفي دور ال سعد :
كان ابو هتان يتكلم مع ابو مازن استغل إبراهيم الفرصه وراح عند امه سلم على رأسها وقعد يتكلم مع امه لكن نص كلامه كان يأشر بس خافت ام هتان وقالت :علامك سارح اهرج معك ومنت معي؟
إبراهيم:كيف؟إلا معتس ونص
ام هتان بحنيه :ادري فيك يولدي شي وش فيك وانا امك؟
إبراهيم :تبين الصدق يمه والله ان صدري ضايق
شهقت ام هتان وقالت :في عدوك ان شاء الله وش فيك يولدي؟
إبراهيم :اخواني الله يسعدهم كل واحد عنده ذريه إلا انا
قعدت ام هتان جنبه وصبت له قهوه واعطته ،باس إبراهيم يدها وقال باحراج :المفروض انا اقهويتس
ابتمست ام هتان وقالت :مو وقت الحين، كمل؟
إبراهيم:ومن موت لُبنى الله يغفر لها وهي خايفه ما تبي تحمل، وانا ما ابي اضغط على ليان يمه وفي نفس الوقت ابي الذريه!
حطت ام هتان يدها على إبراهيم وقالت:يحليلها ليان اليوم وهي حامله عيال هتان وكأنها امهم بس يولدي نستقر في السعوديه وعين من الله خير ،لا تشيل هم وانا امك
باس إبراهيم رأسها وقال :جعلني قبلتس الله يطمن قلبتس ولا يورينا فيتس شر
ام هتان :مجار يولدي الله يحفظك
استأذن إبراهيم وراح متوجهه لغرفته شاف جهاد وليان وقالت جهاد :سمعنا الكل يشعر لحرمه إلا إبراهيم
ليان :وش دخلتس؟
إبراهيم :تدرين ليه؟ لان ليان لي اوصافها لي جمالها لي حتى خيالها لي ،ما اسمح لحد يسمعها!
جهاد :شخصنتوهااا
ضحكت ليان وقالت:تصبحين على خير
إبراهيم:نامي زين
جهاد :ليتك سكت
الكل :ههههههههههههههه
رسلت لهم جهاد بوسه بلهواء وراحت، دخلت ليان الغرفه وقالت :لبى تسبدها جهيد بس
إبراهيم:اي والله انها ملح البيت
ضحكت ليان وزاد زينها وقالت :كيف شكلي اليوم ؟
إبراهيم بهيام :تطيحين الطير من السماء! سوا اليوم وكل يوم
ابتسمت بحب وشاف في عيونها علامه استفهام من كلام جهاد وقال :
لو ما كشخت تدري ان الزين منبعها
وان اكشخت حطت البنات في فوضه
ما تتبع الموضه الموضات تتبعها
لو تلبس الخيشه الغبرا غدت موضه!
ليان بحب :صح منطوقك يا حبيبي
إبراهيم:صح بدنتس،تدرين لو الله رزقنا بنت وش بسميها؟
ليان :وش؟
إبراهيم :هيام
ليان:ليه؟؟
شاف في عيون ليان الحماس وقال :لان نظرتي لتس هي هي من اول ما شفتس هيام
لمعت عيون ليان من الحب وقالت :إن شاء الله يا بو هيام
رجع الامل في صدر إبراهيم ورجع له كلام امه ان ليان تبي الاستقرار .
وعند ماما لطيفه :
الكل راح غرفته عدا طيف وريفال ،حكوا لماما لطيفه القصه ضحكت ماما لطيفه وقالت :طيب يمزحوا؟
ريفال :مازن يمزح لانه اول يوم اما الحمار اللي عندي هو اللي أدى الفكره شكله يفكر بها!
طيف :بعد الشعر حرام حسيتهم يمزحوا
ماما لطيفه :ما توقعتش خفيفه يا طيف
ضحكوا وبدأت المواضيع تتغير ما بين عرس ترف ودخول امل ،دق باب ماما لطيفه راحت ريفال وقالت :من؟
مازن:طيف هنا؟
هربت ريفال وقامت ماما لطيفه فتحت الباب وقالت :بيت من تدور؟
مازن :بيت مازن عز الدين
ماما لطيفه :غلطان هذا بيت لطيفه عبادي
ضحك مازن وقال :والله إن غيث قرر يمقلبهم بس يعني زعلوا من كلمه وما زعلوا دهر من ترف؟
اخفوا البنات ضحكتهم وقالت ماما لطيفه :طيف ايش يرضيش؟
غمزت طيف لريفال بمعنى ان الطلب صعب وقالت :اسم شركته تكون طيف
مازن :شركة طيف المعماريه
توسعت عيون طيف بصدمه وقالت ماما لطيفه :هذا وعد وانت رجال!
كان مازن ناوي يسمي شركته طيف ويخليها مُفاجأه لطيف لكنها سبقته ،وقال:وانا ايش قلت؟شركه طيف المعماريه
طيف بصدمه :قول والله
مازن :والله يا طيوفي
أخذت طيف فستانها وقالت :تصحبي على خير
ريفال :اللهم الثقل والجنه
ماما لطيفه :انا لحد الان مصدومه
حضن مازن طيف بيده وقال :بنصدمكم كثير بحبنا
ضحكت ماما لطيفه وقالت بحب :الله يجعل الحب بينكم طول العمر يا عيالي
الكل :امين
راح مازن مع طيوفه الغرفه دخلت ماما لطيفه وغلقت الباب وقالت:ما توقعتها من طيف
ريفال :مثلت مثال لا تدع حد يعلم خطوتك القادمه
ضحكت ماما لطيفه وحزنت ريفال ليش ما جاء غيث حتى وان ما بتروح معه فرشت ماما لطيفه البطانيه ورفعت ريفال شعرها وتمدتت جنب ماما لطيفه وقبل ل تغمض عيونها دق الباب وقالت ماما لطيفه بصوت عالي وهي عارفه من اللي يدق وقالت :قد رقدوا
ضحك غيث وقال :يقوموا
دخلت ريفال تحت البطانيه ولتوت فيها وراحت ماما لطيفه فتحت الباب وقالت :ما مع غيث عز الدين ؟
غيث :غيمته
رفعت ماما لطيفه رأسها لسماء بسخريه وقالت :وينهي؟
ابتسم وشاف غيث الغرفه ما لقى ريفال ويحسب ان البطانيه مش معطفه لا غير وقال بخوف :وين ريفال
ماما لطيفه بضحك :من اول قول ريفال من غيمه ؟
غيث :يعني عندش
ماما لطيفه :أدخل دور الغيوم في الغرفه
ضحك غيث وباس ماما لطيفه في رأسها وعرف حركه ريفال بعد البطانيه ضحك وحمل ريفال وقال :تصبحي على خير يمه
ضربت ريفال غيث بيدها في ظهره بخفه علشان ينزلها وقالت :يمه خليني عندشش
ما اهتم غيث لشي وضحك من حركات ريفال الطفوليه ضحكت ماما لطيفه وقالت:تلاقيه
خرج غيث لغرفته وغلقت ماما لطيفه الباب ضحكت وقالت:أشياء ما تحصل إلا في بيت ال مُنيف حتى رند نسيتها عندي ،أخذت رند اللي كانت تتأمل السقف وتلعب بيدها ورقدتها جنبها ورقدت .
وفي بيت كيان :
دخل كيان يأمن الابواب سلم على امه وخواته وقال :وين دُجى ؟
ورود بسرحان :لان معانا ٣اعراس وراء بعض تعبت وراحت ترقد على قولتها
كيان :وانتي مالش؟
ورود :كنت معاهم في ٣ الاعراس وتعبت زيهم
كيان بضحك :حسد يعني
ابتسمت ورود وقالت:يمكن
ضحكوا البنات وقال :يالله تصبحوا على خير
الكل:وانت من اهله
راح الكل غرفته عدا ورود شدتها جمال القمريه المعمورة في كل بيت صنعاني راحت لطاقه وتأملت السماء الصافية ابتسمت وقالت بصوت واطي :القمر أخذه هتان اليوم وتنهدت وقالت :مش زي بعض الناس يعذبونا بنظراتهم ويسافروا زي الدجاج خوافين
زهور من وراها :بسم الله عليش تكلمي القمريه؟
خافت ورود وقالت :الناس تتنحنح
ضحكت زهور وجلست جنبها وقالت :تحسبي اني ما دريت مفضوحه يا بنتي
ورود :طز فيه ما همني
زهور :قلت لش تفضحي نفسش بنفسش انا اقصد انش هربتي من الاختبار
ورود باحراج :وانا ايش اقول طز ما همني
ضربتها زهور بخفه وجلست جنبها وهي الاقرب لها وقالت :لو هو نصيبش ايجي لش قومي ارقدي لا تخربي جمالش علشان موقف
باستها ورود اللي تتخطى أسرع من البرق وقالت :صادقه تصبحي على خير
زهور :وانتي من اهله .
وعند اسامه :
طول الطريق كان يفكر ب ورود وداخله يقول له انها نسته لكنه في امل في قلبه يقول انها تفكر فيه حاول ينسى الموقف لكن ما قدر ابدا وأخيرا بعد طول الطريق من الهواجيس وصل بيته بسلامه دق الباب فتحت له معالي وقالت :هيا اهلا وسهلا باخي السااححب
ضحك اسامه وقال :الله يححييشش
معالي :اشوف اللهجه تغيرت من ٣ ايام بس ؟؟
اسامه :وينهم؟
أخذت الشنطه منه وقالت :أدخل أدخل
دخل اسامه وشاف اهله ساهرين على فلم قديم وفي الوسط كيك من يد امه الكل قام يرحب به وبعد السلام قال ابو اسامه :طولت في صنعاء
اسامه:موسم اعراس واحرجوني وجلست
معالي :احرجوك هاه!
ضحك اسامه وقالت ام اسامه :عقبالك
عبد الله :خطبنا له نص بنات تعز والاخ رافض يشوف نفسه شباب
فاطمه اخت اسامه :واحرجت نفسي عند صحبتي وفي الاخير قال مش مناسبه
ضحك اسامه وقال:اختي وزوجها تجمعوا عليا يمه وانتي ساكته
ام اسامه :قالوا الصدق
اسامه :يا عيبتش والقسى يمه عليا
معالي :سرقوا لسانك وقدك تتكلم مثلهُن؟
الكل :هههههههههههههههههههههه
اسامه :الجسم معاكم والقلب في صنعاء
عبد الله :تكبير
الكل بفرح :الله أكبر
ام اسامه :ومن هذي اللي أخذت قلبك اخيرا
معالي بصوت واطي :عملت اجر
ضحكوا وقال اسامه:اخت صاحبي
معالي :كيف احكي بالتفصيل؟
اسامه :لا تفصيل ولا شي صاحبي ابن ناس واشتي اناسبه
معالي :اذا ما كان عن حب سموني طايش الحوبان
الكل :هههههههههههههههههه
ابو اسامه :ابني قلبُه رهيف
ام اسامه بجديه :مابش عندنا زواج عن حب اجلس عندك وشخطبلك اني
اسامه بصدمه :يمه!
ضحكت ام اسامه وقالت :شفتوا انه عن حب
الكل :ههههههههههههههههه
فاطمه :وكيف شتقول لصاحبك اشاء اختك وتقول اسمِه؟
تعدل اسامه وقال :هذا اللي ما حسبنا حسابه
معالي :قول مواصفاتِه ونختارِه
اسامه بحب :كامله والكامل الله
فاطمه :ياليل ما اطووولككك
تنحنح ابو اسامه استحى اسامه وقال :شقرا
مسكت ام اسامه على رأسها وقالت :نكعوا المالح !شفتِه بشعريِه؟؟؟؟
توسعت عيون ابو اسامه وقال اسامه بكذب:مله امزح! مدارني كيف روحوا اخطبوا لي من عندهم ولو نصيبي شحصله
صدقوا اسامه وقالت فاطمه :ايش اسمها؟
ضحك اسامه على نفسه لانه حبها بدون ل يعرف اسمها وقال :مدري
ابو اسامه:متى نروح ؟
اسامه بحماس :بكره الصبح
ام اسامه:عادك جيت!!
اسامه:انا متعود على خطوط السفر ما تضرني
معالي :والله اني اشأ اشوفِه ضروري اللي يسافر لها الخطوط
ضحكت فاطمه وقالت :ما معانا باكر؟
معالي :ولا شي على الأقل نسرح نغير جو
اسامه بحماس:تم
ابو اسامه :والله ما اردك يا وحيدي
تنحنت معالي وقال ابو اسامه:اقصد من الذكور
الكل:ههههههههههههههههههه
عبد الله :خلاص نروح نجهز الشنط ونرقد علشان باكر معانا خطوبه
اسامه :عبد الله عاد الدكان مفتوح تعال نشتري مكسرات وأشياء الخطبه ما يصلحش نروح بيدنا
عبد الله :هيا امشي قدامي عاد فيك طافه
اسامه :تشوا شي من خارج؟
فاطمه :فستان
أشر لها عبد الله على عينه بمعنى من عيوني اابتسمت فاطمه بحب وبانت غمزتها المحفورة وابتسم عبد الله من ابتسامتها ،قامت معالي من مكانها وقالت :أسأل الله أن ينظر في امري
ابو اسامه :بنت!
الكل :هههههههههههههههههههههه
ودعهم اسامه وراح كل واحد يجهز شنطه صغيره ورقدوا على موعد خطوبه اسامه وورود .

_______
بارت جديد هاتوا توقعاتكم واشوفكم في اخر ثلاثه بارتات لا تنسوا النجمه يحلوين 🤎🤎.