حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثالث والأربعين

قرب اوسان بكل براءه حضنه وعرف مفتاح قلب هتان ترف والاطفال ،خرج مازن وقال :هتان ايش تفعل هنا أدخل نجلس مع بعض
هتان :مازن في البيت اذا لم تقل سبحان الله فعلم أن الشيطان منعك
مازن بضحك :خلاص مناقشة الماجستير بعد بكره وبعدين يكون اسمي الباش مهندس مازن
ابتسم هتان وقال :ماشاءالله الله يوفقك
مازن :امين واياك، اسمع بالله تعال نجتمع الليل بعود سعود قبل ما نسافر
هتان :بتسافرون؟!!!
مازن :داري ما تقدر على فراقي بس السفر بعد سنه بالضبط
حذفه هتان بلعبه اوسان ضحك مازن وصاح اوسان اخذ هتان اللعبه ورجعها لاوسان وقال مازن :وين اتسير
هتان :مدري تخاوي؟
مازن :ونلقى نفسنا في البحر
هتان :احتمال
ضحك مازن وقال :الشاهي عليا هذي المره
هتان بحماس :أسرع يشيخ
مازن :بس شاهي حليب
هتان بمزح :اي شي يجي منك خير وبركه ما صدقت ان مازن جاء منه شي
مازن :شم شاهي
هتان:يخوي مزحنا
مازن:ذلحين وين نخطى؟
هتان:نروح نشتري حاجات السهره وبعدين ندكي في اي مكان حلو
مازن :قدام
وفي بيت نايف بن ناصر ال سعد :
دخلت ليان مع إبراهيم زغرطوا البنات وراح إبراهيم سلم على امه وعمته حصه ومن بعده ليان وراح عند ابوه وعند البنات:
دخلت ليان بكل جمالها ورزتها سلمت على البنات وقالت :اهرجون لي كل شي صار
ترف :الله لا وراش ايش الضيوف حشوا في شكلش ولا الاكل ولا ضحكت إبراهيم ايش خلوا وايش بقوا
ليان:اسالتس بالله!!!!
الكل :هههههههههههههههههههههه
جهاد :الله من الهلس اللي في ضلوعتس
ترف :لا تصدقي ولا غلطه العرس فنان واكشن وشكلش لا احكي لش وفقرة لُبنى حسبوها مقلب علشان العين 
ضحكوا البنات وبدأو يحكوا لها كل اللي حصل عدلت امل قعدتها وقالت :وهي صادقه المهم من الان عليش تنظيف الدور الثاني سهل ومحد يصعد له إلا نادرا
فرحت ليان على تفاصيل عرسها اللي ما انتبهت لها وقالت :مين قال اني بقعد معاكن بروح مع برهومي انطاليا
جهاد :انطاليا!!
ليان بمزح :اذكرين الله ترا العين حق
امل :البدايات
جهاد :خذوني كعامله على الاقل اوسع صدري
ضحكوا البنات وقالت ترف :يالله انتم جت لكم عامله غيركم لا شاروح البيت اساعد امي
جهاد :وقالوا ان الحسد مرض خبيث يعذب النفس والجسد
امل :احمدي ربش يا ترف تخدمي بيت ابوش اما هذي مجرد ما نولد انا ولُبنى وتروح ونرجع نشتغل
جهاد :وش قصدتس؟
ترف :اص اص اللي يسمعش يقول انش تطلعي الحر الجبا كرفتي عندي اكثر من عند سعود
جهاد :ظهر الحق وزهق الباطل ان الباطل كان زهوقا
امل :اوريش
ضحكت ترف وودعت البنات وفي طريقها للبيت شافت هتان ومازن عند السياره شاف هتان عيونها اللي اسرته ومن كثر الحب يعرف اذا هي متضايقه او فرحانه وكل حالتها من لغة عيونها واللي يساعده اكثر نظراتها اللي تفضحها دائما  خفق قلبه وحس بأمل انها من نصيبه رغم كل اللي حصل وعرف انها متضايقه بس ما عرف سبب الضيق ضاق من ضيقتها وهذا كله الإحساس بثواني صد هتان عيونه صون لحرمة البيت ولحرمه اللي ما شاف منها إلا كل خير ،ما ركز مازن بشي وطلع سيارته وبعده هتان وفي طريق شافوا تله عشبيه وقف مازن ونزل هو هتان صب له شاهي وقال هتان :جربت تبعد عن شي وتكون رزين وتوب عنه لكنه يحاصرك من كل اتجاه؟
مازن:الحب! وانا والله من الحب ما أتوب
ابتسم هتان بعد ما جاب له مازن الإجابة بدون ما يحس وقال :مازن يحب!
مازن :احب المدام واحب الدراسه واحب شركتي المستقبيله واحب اهلي واصحابي واحبك
هتان بضحك :وع الله يقرفك، وش سر حب الحياه اللي عندك
ضحك مازن وتخيل طيف وقال :
مالي غناةٍ عنش يا مال الغناه
انتِ الحياه اللي أهيم بحبها
طيفش يحاصرني مع كل اتجاه
يا اجمل مواضيع القصيد ولبها
شُفهم لا قالوا تحب الحياه
اتخيلش واقول ايوة والله احبها!
هتان:صح لسسااننككك
مازن :صح بدنك ،سمعنا شي من عندك
هتان:خليها لسهره الحين كيف بتفتح شركتك؟
مازن :شوف عند ابي مبنى متوسط يأجره سنويا لما نرجع ما ايجدد العقد معاهم زي كل سنه وبدخلها انا ،وانا جمعت لي مبلغ تعرف ما ينفع اعتمد على ابي بكل شي وبرتب المبنى وبجيب العمال والاثاث والادوات يعني من والى انا وابن عمي كرم هو كمان مهندس ونبدأ مع بعض من الصفر وبنسميها شركه المُنيف للاعمار المدني
هتان :والله منت بهين يبو عز الدين
مازن:ما بنساك لا تخاف
هتان:خذ إبراهيم معك تراه مهندس ديكور
مازن بمزح :افكر
ضحكوا الاثنين وقال مازن :وانت؟
هتان :رجل الأعمال ما ينخاف عليه
مازن:بزنز مان وملكية وأسهم وحركات
هتان :ما بنساك لا تخاف
ضحك مازن وقال:الله يبارك لك
هتان :امين،عمل صعب لكنه يستاهل
قاطعهم اتصال ابو مازن رد مازن وبعد المكالمه قال :ابي روح مع عمي عبد الرحمن ويسأل وين انا ويقول تعال تغداء معانا
هتان :تسلم كثر الله خيركم لكن إبراهيم اليوم موجود وبيسافر بكره وم..
مازن :الله يالدنيا قد إبراهيم ضيف
ضحك هتان وقال :الحين تعال ناخذ الاغراض ونكمل سواليف في السياره
مازن :ريع خمس دقايق بس
هتان :امش!
مازن :ناهي لا تهنجم
ضحك هتان وراحوا الاثنين بسياره يشتروا نواقص الجلسه حصل صمت في السيارة وكل ما شاف هتان مازن ذكر ترف صح ما يتشابهوا لكن في الاخير اسمه اخو ترف تنهد بضيق وقال مازن بضحك :هذي تنهيده بكلها ايش سببها
ابتسم بحسره هتان وقال :
المفارق شين طاريه ما يذكر بزين
عرض ارواح المحبين لدروب الخطر
ما حب مازن يدخل في حياة هتان وقال :اييه والله
ابتسم هتان وتعدد كلامهم ومن هنا لليمن:
غيرت ملاك ملابسها بمساعده امها أخذت تلفونها بملل شافت اتصالات ورسائل تهنئه ومن ضمنهم اتصالات كريم شهقت وقالت بحسره :جعلي مكسر
ام إسلام بعصبية:بسم الله الرحمن الرحيم عادش شفتي الموت وتدعي على نففسشش!!!
ملاك بحزن :كريم اتصل وانا ما جاوبت
ام إسلام :ويعني اخر العالم ولا كيف؟احسن انش ما جاوبتي بيسمع بكاء عهد وبيتعلق فيها اكثر وايتصل لش كل يوم وانتي داريه وضعه قد الله اخبر وما جاوبتي!
اقتنعت ملاك بكلام امها أخذت التلفون وكتبت رساله لكريم مكتوب فيها:حبيبي ابو عهد اشتقت لك في كل ثانيه تمر وكأنها سنه بغيباك ،مع انشغال الولاد ما شفت اتصالك تمنيت لو كنت جنبي لكني عارفه اني دائماً معك وانت دائما معي في دعائنا وفي تفكيرنا،عهد حاليه قوي أخذت مني الشكل واخذت منك فصيله الدم ،ومستقبلا طبعك ان شاء الله وعيون جدها الله يرحمه انا بقفل تلفوني علشان سلامتك وسلامتي وما بفتحه إلا وانت معي ك حل وسط بيني وبينك انا بخير وعهدنا بخير . الشجرة بدأت تطول!!،لا طول غيابك يانظر وانا عارفه انك تشتي ترد لكن ما بتقدر وبتكون عندك الرساله نص من جزء مفقود هههههههههه لكن اعرف كل كلمه في بالك، ملاكك تنتظرك بكل شغف ومعي لك أخبار كثيرة ونظرات عهد ولمستها الحنونه تنتظرك، احبك .
عند كريم في تعز:
وصلت له الرساله وبعد مده تجمعت عنده الرساله زفر وقال بحماس :اخيرا
اسامه:مو في؟
كريم :كرهن تجمعت رساله احتاجها
ابتسم اسامه وراح خارج الغرفه وهو يعرف طبع كريم اللي يدخل جو مع الرساله، قرأ كريم الرساله تغرغرت الدمعه بعيونه وهو لا قادر يرد ولا قادر يتصل وبعد ما وصله خبر ان ملاك غلقت تلفونها حط التلفون فوق الماسه وهو ماعد يعتبره مهم ابدا،شاف الساعه شاف ان الوقت تأخر غير ملابسه وتجهز يروح لعمله المؤقت شافه اسامه وهو يفتح الباب وقال :تشاء قات ؟
كريم :ما نخزن ولو واحد من الاهل بس يقرر اعمامي يلعنوا خير خيره جدي اللي عودنا هكذا الله يرحمه وهو صدق ما منه إلا خراب وضياع وقت ومال
اسامه :انتم يحنطوكم باسم العائله الممتازة
ضحك كريم وهو ما وده حتى يبتسم خرج وهو يدعي أن المسافات تنطوي ويدخل ملاك وعهد بين ضلوعه جلس كلام ملاك يدور في باله ،مشى لعمله من الضيق وهو يدندن :
كني المهيم اللي على الدرب زليت
بين الصحاري والظمى في لهاته
وكني غريق في خيالك وناديت
ليت الملبى شوفتك يا نجاته
ليت الاماني تنفعك لو تمنيت
ما كان قلبي مبتلي في امنياته
تنهد وتذكر نفسه وقال :يلي غيابك طال يكفي تماديت قلب خذيته لو تكرمت هاتهه !وواصل بخطاه لعمله ومن هنا لتركيا :
دخل هتان لغرفته وشاف لُبنى بجمالها الهادئ ابتسمت له وقالت :ليه ما رحت الدوام اليوم؟
هتان :اجازة
لُبنى:اجل نفرش الغداء
قرب هتان لها وقال :هم انتي ما تمسكين شي!
ابتسمت لُبنى باحراج وقالت :اذا جاء ولد وش تبي تسميه واذا بنت وش تبي تسميها
هتان :اذا ولد نسميه عبد العزيز على اسم الوالد الله يرحمه واذا بنت ..
لُبنى :مو حلو امة العزيز وعبد العزيز
مافهم هتان وقالت لُبنى:تراهم تؤام
ابتسم هتان بواسع ثغره حضن لُبنى وقال بحماس :انتي وش تبين تسميهم
لُبنى :إلياس وليلاس؟
هتان :ابو إلياس ... تم
لُبنى بفرح :تتم افراحك يالله نروح نلحق الغداء
ضحك هتان وراحوا الصاله وعند امل دخل سعود الغرفه وقال:امولتي؟
امل وهي تطق باصابعها :هلا امي هلا ابوي هلا يبعد طوايفي
ضحك سعود وقال بمزح :اليوم بنسهر مع اخوياي وابيتس تزهبي القهوة والشاهي والحلا وحركاتس الزينه
امل  :جعل لعدوينك الماحي قول امين
سعود :امين
امل :قلت انه ذكر عيد ميلادي وجاء يدلعني لكن وين زوجي ما درى عني
سعود :افاااا ياذا العلم اليوم عيد ميلادتس!
امل :حسبت بتقول افا والله اني جبت لتس اللي بخاطرتس
سعود :عيد الميلاد بدعه
مشت امل بخذلان تنحنح سعود وقال:وش اللي بخاطرتس ؟
لفت امل وقالت :زوج يتذكر
ابتسم سعود وطلع من بين الأكياس عطرها المفضل وقال بصوته الرخيم :غنوا لحبيبي واطلبوله التهاني لعيد ميلادها عساها مائه عام افرح حبيبي واطلب الله الاماني الليله يا عمري تناديك الاحلام
ما عرفت تلاقيها امل من الصوت ولا الأسلوب ولا الهديه اللي نوعا ما غاليه أخذت الكيس وحطته على جنب حضنت سعود بكل قوتها ابتسم سعود برضى باسته امل وقالت :كل عام وانت معي كل عام يا جعلني ما اودعك
كان بيرد لها سعود لكن قاطعهم صوت طق الباب من جهاد ضحك سعود وفتحت امل الباب وقالت :من اللي وكلش عليا؟
ضحكت جهاد وقالت :اقول تعالي كلي انتي وولدتس، هذا شكرا بلهجتس؟
سعود:ما اسمح لتس لوسمحتي على امولتي
جهاد:اقول خف علينا يا المعاملات امش لسفره قبل ل يجي ابوي يصفقك تصفيق
امل :ما اقول الا الله يرزقش أسلوب
ضحكت جهاد وقالت:وانتي امشي يا فتاة الميلاد
امل :جنه حين قد ذكرتي
ضحكوا وراحوا مع بعض وقعد سعود يتأمل علاقتهم ويبتسم ويحمد الله على عائلته وعلى حرمه وعلى كل شي مشى وتجمع الكل في الطاوله وبدأ الحش على شكل ليان وادبها سكتهم ابو هتان وفي نص الاكل شاف هتان الوضع كله ضحك وقال :عندنا عرض خاص
ابو هتان بجديه :وشو؟
هتان:سعود بيرزقه الله بولد وانا بيرزقني الله اثنين
إبراهيم بتسليك :وانا ثلاثه
جهاد :يحليلهم يحسبون الوضع اختياري
ام هتان :منجدك؟
هتان :اي والله تراها حامل بتؤام
ابتسمت لُبنى باحراج واعتلت التبريكات مره ثانيه سرح هتان في عالمه الخيالي وبنته الخياله من ترف اللي سماها العنود وقال بصوت واطي :
اعاهدتس لاجاني بعد طول عمر بنات
اذا منتِ الاوله ابسمي بتس الثانيه
محد قدر يفهم الكلام وقال ابو هتان :ارفع صوتك!
دريت جهاد انه هوجس وقالت بتصريف :هوجس الشيخ
إبراهيم :وحده من مشاكل اخوي انه يسرح ويعيش في العالم الموازي
الكل :ههههههههههههههههههههههه
تغاظوا على الموضوع وانشغلوا بسفر ليان وإبراهيم عدا الوقت على خير وفي الليل :
تجمعوا رجال ال سعد وال ثابت وال منيف وال ياسر في حديقة المجمع اللي ما بين بيت ابو مازن وأبو هتان وتجمعوا البنات في بيت نايف بن ناصر ال سعد  وعند البنات:
ليان :شرايكم يبنات نرقى لسطح ابي اشوف فعاليات قبل لسافر
جهاد :اي والله انتس صادقه
ترف :نلبس ونطلع بدون ما نطلع صوت ولا ضوء ومحد يركز
دُجى :والحوامل يلبسوا ثقيل ما انجلس نعالج
الكل:ههههههههههههه
طلعوا البنات حسب الخطه وامل جنب ترف مستعده تغطي على فمها في اي ضحكه ،بدأت التراحيب عند الرجال وبعد ما تجمع الكل حس مازن بتقارب الثقافتين بين اليمن والسعودية وكيف عاشوا ثلاث سنوات بحلوها ومرها مع بعض وقال :
ونعم بقوم الجود رفعين المقام
عتيب في كل البوادي والقرى
رمز الشجاعه والبطولة والمهام
لا جاهم الضيفان كلن له جرى
وقت الشدايد ما يهمون الظلام
على الخصم تتقدم وما ترجع ورى
أفعالهم تسبق من القول الكلام
ماهم كما اللي باع نفسه واشترى
سلام يا قوم لهم العز استقام
في صفحه التاريخ يمليها الثرى
لكم تحياتي عدد فيض الغمام
من قلب مخلص في محبتكم سرى
تحمسوا ال سعد كلهم من ترحيب مازن معلن بدايه جلستهم وتعدتت الردود ما بين صح لسانك الله يكرمك ونعم وما إلى ذلك
قام هتان يقهوي الحاضرين عدل سعود جلسته وقال :
لايبغيت المراجل فز صوب اليمن
ولا جهلت الدروب خاويت عربانها
هي ديرة الخير واصل الخير في أرض اليمن
وهي ديرة الفخر والعزه وسيسانها
وللقبيله والشهامه هي مرسى سفن
ما يدخل بحور الرجاله غير حمرانها
ومن دخلها وخالفها يعاف الحزن
من نقاع دروبها وخوة رجالها
ذابت امل من صوت سعود وشعره وفزت من صوت الرجال اللي يمدحوه حطت جهاد البطاطيسات قدام البنات وقالت:جوهمم البطل
لُبنى :ابنزل اجيب مويه وارجع
ترف :اجلسي شنزل انا
لُبنى :يبنت الحلال ترا المشي مفيد لي
اقتنعت ترف ونزلت لُبنى ،شاف هتان الوضع كلن يمدح الوطن اخذ القهوه ومسكها بالمسكه اللي دايم يهوجس فيها شافته جهاد من السطح وقالت:الله يستر
جمان:اي والله اني خابره حركات كونان لما يخدر عمه زي وضع هتان مع القهوة والشاهي
ضحكوا البنات وزي ما توقعوا سرح هتان في عالمه وشاف ان كل واحد يتكلم على الأوطان اشتد سواد الليل اللي ذكره بنجد العذيه ووضح ضوء القمر اللي يذكره ب ترف وقال:
مهما تباعدنا وحثينا المسير
حطي ببالش كل ما اشواقش سطى
غير البلاد اللي ربيت بها
وغير عيونش الثنتين ما عندي وطن .