حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الخامس والأربعون

اخذوا إذن الخروج مع الادويه وتوجهوا للبيت وفي الطريق كان دق البوري والموال اليمني معبي الشارع وفرحه خروج غيث بدنيا كلها وصلوا البيت وقبل ل يبدأ سلام الرجال صاحت ريفال بأقوى ما عندها وكان صياحها مش صياح فرح ابدا ولا صوت يثير غيرة غيث كان واضح انه صوت مصيبه دهف غيث ابو محمود اللي كان قدامه وجرى مثل الريح لدور الثالث ونسى تماما انه خارج من المستشفى وجرى بعده ابو محمود فتح غيث الباب ولكن ما لقى ريفال كان يسمع صوت بكاها بس فتح غرفه ماما لطيفه شاف ريفال وماما لطيفه فوقها تحاول تولدها وطيف وملاك وشمس جنبها صاحت ملاك فوق ابو محمود وقالت :إسلام وغيث انلقعوا نحنا كاشفات
غيث بعصبية:انقلعي انتي ايش فيها!!
لفت ماما لطيفه وقالت :اتولد أخرجوا وملاك اخطي ادي لي ماء حامي بسرعه
خرج الرجال لصاله وتجمعين بنات ال مُنيف في غرفه ماما لطيفه كانت ريفال تصيح من الألم وهي جسمها وعمرها صغير على هذا الألم نزل ابو محمود لعند الرجال يطمنهم وقرب غيث لعند الباب اللي فيه ريفال وحس بوجعها وقال بصوت عالي :غيمتي سعليش انا موجود وجع ايمر انا جنبش
حست ريفال بطمأنينه لكن شعور الوجع غلاب وقال :غغغيث تعاللل جنننبي
خرجت ملاك وطيف وشمس لغرفه ريفال المقاربه لغرفه ماما لطيفه وبقوا الامهات دخل غيث شاف المنظر ارتعش خوف عليها مسك يدها وبدأ يقرأ قران بدأ صوت ريفال يهدأ لكن بسرعه سحبت ماما لطيفه راس بنتهم رجع صياح ريفال اقوى مسك غيث يد ريفال قحصته ريفال من الوجع في يده المصابه ابتسم غيث من الوجع وما فكت ريفال يده إلا بعد ما سمعوا صوت بكاء النونو غمضت عيونها وارتخى جسمها أخذت ماما لطيفه البنت قمطتها وحطتها في حضن غيث جلست فوق الكرسي بتعب وقالت :الف مبروك يا عيالي
اخذها غيث شافها بهيام وانعاد الزمن بغيث وتذكر لما حطوا رند في يده وكيف بنته تشبه رند بالضبط رفعها بيده وقال :رند بنت غيث بن عز الدين بن محمد آل مُنيف
ابتسمت ريفال بتعب زغرطت ماما لطيفه وزغرطوا البنات من بعدها أخذت ماما لطيفه ريفال تغير لها وراح غيث مع ام محمود يلبسوا رند ملابسها وطول الطريق وهي بحضن غيث وهو يبوسها ويحضنها وهو عارف انه عوضه الحقيقي بعد ريفال ومن ريفال اخذتها ام محمود غيرت لها وغيث بس يتأمل حجمها اللي بحجم كفه وبعد ما خلصت مكنت غيث وراح طوالي لعند ريفال جلس جنبها وحطها ما بينهم الاثنين اخذتها ريفال ورضعتها فتح غيث يده وقال:الظاهر شرجع المستشفى
شافت ريفال شكل اسنانها مطبوع في يد غيث قالت باحراج :انا؟
غيث :مع انا
ضحكت ريفال وقالت :اسفه
قربها له بحيث تكون هي ورند بحضنه وقال :اخر مره اسمعها يا غيمتي
ابتسمت ريفال وقالت:رقدت بسرعه
غيث:علشان تخلي ماما وبابا يأخذوا راحتهم
ريفال :وقح انقلع هذي الحمد لله على السلامه
غيث :الحمد لله على سلامتنا الاثنين
جت لريفال لحضه ادراك وقالت :صح متى جييت؟؟
ضحك غيث ودقها برأسها بخفه وقال :ما ذلحين قدش ام مابلا تركزي
شافت ريفال رند بحب وقالت:تشبهه عمتها الله يرحمها
غيث:اساسا انتي ورند تشباهوا كثير والغمازه هي منش ومنها
ريفال :الله يرحمها يارب ويحفظ رندي
غيث :امين
دخلت ماما لطيفه وشافت غيث يحرك بشعر رند ابتسمت وقالت :اثنين مرضى جنب جنب
ضحكوا وقالت ماما لطيفه :انزل انت وكريم اكتبوا اللوحه
ريفال :وانا ؟
ماما لطيفه :وانتي بس اولا يتصور كريم وبعدين تنزلي انتي وغيث ورند
وضعت ريفال نفسها بحماس ابتسم غيث كونه يشوف بناته الثنتين ،نزلت ملاك مع كريم فتح كريم الزجاجه وكتب جنب اسمه ملاك ولان ملاك مش من عائله ال مُنيف ما كان اسمها موجود  وكتب تحت اساميهم عهد بنت كريم بن أحمد بن محمد آل منيف
انذهلت ملاك من اللوحه ابتسمت وراح كريم جنبها وفي حضنهم الاثنين عهد وجنبهم ام كرم وأبو كرم وأبو إسلام وام إسلام وماما لطيفه أخذت لهم شمس صورة وطلعوا غرفتهم ونزل غيث مع ريفال وام محمود وأبو محمود تمنى غيث لو كان ابوه وامه جنبه لكن ماما لطيفه هونت عليه الموضوع أذن في إذن رند وكتب غيث جنب اسمه ريفال بخط الرقعه وتحتهم رند بنت غيث بن عز الدين ابن محمد ال مُنيف
واخذت لهم شمس صورة، اخذ غيث رند وقال :انتي خذي رند
استغربت ريفال واخذت رند وأخذ غيث ريفال وفي حضنها رند استحت ريفال وقالت :يدكك!!
غيث :لقت بلسمها ،لعد تزيدي تتحركي علشان ما توجعينيش
استحت ريفال ان هذا تحت منظر امها وأبوها اما غيث مااهتم لجرحه ولا لاهله وطلعها للغرفه بكل فرح وفي الديوان :
تأملت شمس اللوحه بحب كيف تكبر ولحد الان متماسكين دعت الله انه ما يفرقهم ابدا وراحت تجمعوا رجال ال منيف ومن ضمنهم كيان كلهم في الديوان الكبير اللي يضيفوا فيه وبعد صور الاهل رجعوا لديوان الداخلي اللي فيه اللوحه شاف كيان اللوحه ابتسم وجلس يعد الايام اللي ترجع فيها دُجى علشان يكتب اسمه بينهم واسم ولده
تنحنح ابو إسلام وقال :دام الله جمعنا على خير يا اخوتي وغيث خرج بسلامه وكريم رجع وجب علينا نذبح لبناتهم ولسلامتهم
الكل وافق رأي اخوهم بدر واتفقوا يذبحوا ٤ كباش عدل كيان جلسته وقال :عليا نذر ان واحد منهم عليا
كريم :وانا الثاني
كرم :وانا الثالث
ابو محمود :وانا الرابع
لف ابو كرم لعند اخوانه وقال :الله يالدنيا قد عيالنا رجال ويحلفوا علينا
ابو شمس :الله يحسن الختام بس
مثل كريم الحزن وقال :وقد انتم اجداد
ابو كرم:ربي اوزعني اشكر نعمتك
ابو كرم :
ضحكوا الرجال وعند البنات:
حط غيث ريفال في السرير وضحكت شمس وقالت :صدق الحب افعال
طيف :استغلي الدلع ما يجيش يوميا
غيث:قل أعوذ برب الفلق من شر ما خلق يخواتي اذكرين الله وبعدين ريفال تدلع براحتها
رفعت ريفال حواجبها بحناك ضحكوا البنات وقالت ماما لطيفه:انَّ مداك عند النسوان؟قوم انزل عندهم
ملاك :يوه زاد عددنا
الكل:هههههههههههههههههههههه
غيث بمزح :الضرب سهل بس كريم قد رجع
ملاك :يح جبرني بسندي
غيث :اديتي لي الطاوي، خاطرني شخطى
ملاك :الله معي
ضحكوا البنات وراح غيث لعند الرجال وقالت طيف :ذلحين نكلمهم ان غيث خرج من المستشفى عادي
ماما لطيفه:عادي اتصلي نكلمهم ذلحين
طيف بحماس :عيوني
وفي تركيا :
كانت جهاد في بيت عزالدين وعبد الرحمن وتحديدا عند امل وترف ودُجى جالسات مع بعض ويحشوا على حجم سلطان قامت جهاد وقالت :ابي اروح الحمام في حد؟
ترف :لا مازن من بعد ما اخذ شهاده الماجستير ما يتواضع ويجلس في البيت
ضحكت جهاد وراحت وفي طريقها شافت مازن داخل البيت شافها مازن وهي عكس مواصفات طيف تماما ما عرف من هي بس اللي عرفه انها جميله جدا رجعت جهاد لعند البنات تجري وقالت :اذكر التسلب وجهز له عصا
ترف باستغراب :مالش؟
جهاد :اخوتس جاء
دُجى :يا قليل الحيا ما تنحنح
ترف :شافش؟
جهاد :ما ادري
ترف :دعممي خلاص ايخطى غرفته وما ايخرج وانتي روحي
جهاد :زين
راحت ترف تشوف طريق لجهاد قربت لعند مازن تشتي تكلمه جرى اوسان لعندهم وقال :امسكي التلفون
ترف :اوسان شبع من اللعب سبحان الله!
اوسان:طيف تتصل
ابتسم مازن وقال :سمعنا ان قلب الام يحس مش قلب الزوجه كمان
ترف :شفتها يا حيوان!!!
مازن بارتباك :انا ما يملي عيني إلا طيف
ترف :والله انتم الرجال ما يملي عينكم إلا التراب اجلس في غرفتك ولا تخرج إلا لما اقلك خرجوا الناس من عندنا
مشى مازن غرفته بملل غلق على نفسه ورجعت لعند البنات وقالت :روحي الحمام خلاص المكان امن
راحت جهاد ورجعت لعند البنات وقالت ترف :طيف اتصلت وغلقت كنت اكلم مازن ذلحين شاعيد الاتصال 
امل :اكيد اشتاقت لابني
جهاد :انثبري بس ،تدرين اشتقت لسواليف جدتس
ترف :ولا عليش جي جنبي بس 
قربت جهاد لجنب ترف وفتحت ترف كام وقالت :هلا بجزيرة بيتنا
طيف :ليش غلفتي يا ثقيله اول
ترف :كنت اكلم مازن
طيف :واذا؟
جهاد:على ما يحكون لي عليتس ما توقعت انتس خفيفه
طيف باحراج:هلا هلا بالجيران الفخمين
جهاد :هلا فيتس
طيف :شوفوا من جاء
دُجى :خوات كياني؟
طيف:صدق كلن على همه سرا
امل :من طيب
قلبت طيف الكيمرا وقالت:هلا بعمات رند
قشعر جسم البنات نزلت دموع دُجى وقالت:هذي حقنا
ريفال :لا حقي
بدأت ترف ترتعش من الفرحه وقالت :بنت غيث هذي
ماما لطيفه :رند بنت اخوش
الكل :حححياا بماما
ماما لطيفه:الله يحيكم وين غزال
ترف بصوت عالي:يا ماما يا خاله نوره أسرعوا
جروا الثنتين خايفات وقالت ام مازن :كم حذرتش من الصوت العالي؟؟
ترف :جي يا جدة رند شوفي حفيدتش
سحبت ام مازن التلفون وشافت رند راقده في حضن ريفال وقالت ببكي :لااا!!
ريفال بضحك :إلا
ام امل بفرح :الف مبروك يبنيتي تتربى بعزش
ريفال :الله يبارك فيش يخاله امين
ام مازن :ما اتموت رند ابدا واسمها في قلوبنا وفي البيت حي
ريفال:حتى تشبهها
شمس:بعد المكالمه شرسل لكم الصورة الجماعيه
ترف :الان
شمس :لما انسخها من الكيمرا يا لغجه
ماما لطيفه:دام الكل متجمع الحمد لله على سلامه غيث
ترف بضحك:ريفال اتبكي هي اللي ولدت مش غيث
ماما لطيفه :ايحين اخر مره كلمتي غيث
ترف :اليوم الصبح رسل لي يسأل عن الحال بس كيمرا يمكن قبل اسبوعين
حكت لهم ماما لطيفه من لما نفذ كيان الخطه ل حمل غيث لريفال ما عرفوا يجيبوا اي رده فعل وقالت جهاد :هذا كله بأسبوعن واحد!
ماما لطيفه :ايوة وهذا اللي حصل كله
ترف بعصبية:لمتى ايجلس غيث حمار ويخبي
ريفال:لما ترجعي له يا بيت ٢
ضحكوا البنات وما فهمت جهاد قصة البيت ٢ حكت لها امل على السريع وضحكت معاهم بدأو البنات مع الامهات يتكلموا على أخبارهم وبعد ساعه قالت ترف :قولوا لغيث يبشر ابي ومازن هو  ويحكي لهم
طيف :قولي لمازن يجي بسرعه ينقذني قبل ل يرجع البيت روضه ويصدع راسي منهم
ترف :أنا ما درست رياض اطفال إلا لأني درايه انكم أرانب ماشاءالله
الكل :ههههههههههههههههههههههههه
شمس:صدق متى اترجعوا؟
ترف :تقريبا بعد خسمه أشهر
شمس:وهاتي معش جهاد
جهاد :من فمتس لباب السماء
ترف:بسرقها على ال سعد
جهاد :والله الود ودي تنفذين الخطه
ضحكوا البنات وكملوا كلامهم وفي الليل اتصل غيث لاهله وبشرهم ببنته رند عتب عليه ابو مازن لانه ما كلمه على الحادث وانه اخر من يعلم على بنته استسمح منه غيث وسلم ابو مازن ومازن على اهلهم كامل، بارك لهم ابو مازن وبدأ كلام الرجال على الشغل ورجعه وكل شي وانتهت المكالمه على خير وعدا أسبوعين بنفس النظام زيارات لبيت ال منيف يباركوا للمولوده الجديده وفي بيت نايف بن ناصر ال سعد :
كان إبراهيم يعدل شماغه وليان جنبه اخذ العقال وقال :كأنه خصر محبوبي
ابتسمت ليان باحراج واخذت المبخرة بخرت إبراهيم وتوجهوا الاثنين لصاله كان الكل قاعد فيها يتقهوى وكانت بينهم لبنى جسد بدون روح والحمل هاد حيلها هد قعد جنبها هتان وقال :حلوتي تبي شي؟
لُبنى :اي احس بثقل ابي اروح المستشفى
امل :لا تخافي عادش في السابع
ام هتان :يمكن انها بتولد بسابع
لُبنى:لا لا الله لا قال
هتان :مافي وقت يالله نروح!!
قاموا البنات بحماس يجهزون استقبال لُبنى ويحجزون الحلا والزينه راحت ام هتان مع هتان واخذوا ام لُبنى مع الطريق وصلوا المستشفى وشعورهم ما بين الخوف والفرح فحصت الدكتورة لُبنى وقالت بخوف :تسمم حمملل!!!
هتان:وش معناه؟؟!!
ما جابت لحد فرصه يتكلم اخذوا لُبنى لغرفه التوليد وصياحها يقطع قلب هتان بدأ صوت لبنى يخف شويه شويه وانقطع فجاءه طلع للجهاز صوت وسمعوا أصوات بكاء الأطفال ابتسم هتان وراح لجنب ام لُبنى مسح دموعها وقال :الحمد لله يا عمه انتهى ألمها
قامت ام لُبنى بفرح لكن استغربوا ان الغرفه ما افتتحت وقالت ام هتان :الظاهر بيأخذون الأطفال للحضانه
هتان :ليه؟
ام هتان :أطفال خدج
هتان :وش فيهم اولادي!!
ام هتان :يابن الحلال ما فيهم إلا العافيه اللي تولد في السابع اسم اولادها خدج يأخذوهم الحضانه يتأكدون من سلامتهم ويرجعوهم
هتان :ولُبنى ؟
خرجوا طاقم المستشفى من الغرفه مرصوفين صف واحد وقالت ام لُبنى :وينها بنيتي؟
تكلمت وحده منهم تعرف عربي وقالت:عندنا خبرين عكس بعض تماما
هتان بخوف :قولي
الدكتورة:الله جاب لكم تؤام كأنهم ملائكة
ابتسم هتان وقال :والثاني؟
الدكتورة بحزن :لله ما أعطى ولله ما اخذ دخلت لُبنى في مضاعفات وبالعافيه ماقدرنا ننقذ إلا جنينها
كان الخبر لهتان كصاعقه جت له قعد في الأرض مهدوم حيله غمض عيونه ودعى الله انه حلم هذا الخبر سمع صوت بكى ام لُبنى بحرقه وأم هتان تهديها وتبكي معاها غطى وجهه بشماغه وبكى بصمت وحرقه زاد بكاء ام لُبنى ما استحمل هتان رفع جواله اتصل على سعود رد عليه سعود وقال بفرح :بشر يبو إلياس
هتان بصوت باكي :اليأس يا سعود اليأس
سعود :وشفيك يولد ؟!
هتان بصعوبه :لُبنى في ذمة الله
اختنق هتان بالعبره وغلق التلفون وراح لعند ام لُبنى وقال :شهيدة يعمه شهيدة
ام لُبنى بحرقه:ما عندي الا هالبنت وهي نظر عيني راحت مني يا هتااان رااحتتت
ام هتان ببكي :عاشت وهي طيبه ما عمرها اذت حد وماتت شهيده الله وفقها بحسن الختام
جت الدكتورة وفي يدها التؤام حطتهم في حضن هتان وراحت بصمت مثل ما جت شافهم هتان وكأنهم عيونه وفيهم ملامح من لُبنى ككثييررر ضمهم له ودموعه تذرف ما قدر اكثر اعطاهم امها ورجع يستغفر اخذتهم ام لُبنى وقالت :ما دريت اكرهم لانهم سبب موت بنيتي ولا احبهم لانهم منها
ام هتان:استغفري الله يا رهف هذا قدر وحكم وحكمة الله محدن يقدر يغيره
ام لُبنى بحزن :اللهم إني رضيت اللهم لك الحمد والشكر يااارب اجبر قلبي يااارب
ام هتان :ترا الله بنى لتس بيت الحمد في الجنه
ضمتهم ام لُبنى بحضنها وبكت خافت ام هتان على احفادها وخاصةً انهم لحد الان ما رضعوا اخذتهم منها واتصلت لجمان تسرع في الجيه علشان ترضعهم لكن جمان كانت تتمشى مع سند وتلفونها صامت وما دريت عن اللي حصل وفي بيت نايف بن ناصر ال سعد :
دخل سعود بوجهه اسوود عرفت امل ان في مصيبه من شكله وقالت :بشروا ولا تنفروا
جهاد :وشش فيك يخوي
ابو هتان :انطق!
سعود :انا لله وان اليه راجعون
تجمد الدم في عروق الكل وخاصه ليان وقالت:التؤام فيهم شي؟؟
سعود بحزن :لُبنى في ذمه ورحمة الله
جهاد بصدمه :لُبنى مين؟؟؟
ليان:يسعود ما يمزحون كذا!
ابو هتان :لا إله إلا الله لا باقي إلا الله البسون بسرعه نروح المستشفى
الكل قام يلبس إلا ليان اللي ما تحركت من مكانها بس دموعها تنزل لطم إبراهيم بشماغه وحضنها وقال :لياني يروحي ما ينفع نروح نعزي وانتي تبكين
ليان :الله يتقبلها عنده شهيده تعبت في حملها كثييير اهه يا قهر قلبي عليتس يا لُبنى
ما عرف إبراهيم يواسي وراحت ليان لبست عبايتها ولثامها وتجمع الكل في السياره عدا امل اللي حلفت ما تروح إلا مع اهلها وصلهم سعود للمستشفى وراحت امل مع اهلها تجمعوا الكل للمستشفى والكل تجمع حول ام لُبنى وصوت البكاء معبي القسم والرجال كلهم تجمعوا حول هتان اللي ولا نطق كلمه ،شافت ترف عيال هتان في حضن ام هتان ومحد رضعهم أخذتهم من حضن ام هتان وقالت:رضعوا؟
ام هتان :لا وجمان ما ترد ترضعهم امل
مسحت ترف دموعها وتذكرت لُبنى لما قالت ربيهم وعرفت انها الان وصيه وقالا :هاتيهم برضعهم
ام هتان باستغراب :كيف؟؟؟
ترف :عندي هرمون الحليب زايد
ما حبت ام هتان تزيد في الكلام وراحت ترف في مكان بعيد عن أنظار الناس رضعتهم الاثنين وكل ما غلب حنيتها دموعها تذكرت ان ما ينفع ترضع طفل وهي حزينه أخذت نفس عميق ابتسمت في وجههم ورضعتهم الاثنين  لما غفوا حست بشعور غريب في قلبها تجاهلته وراحت لعند ام هتان اعطتهم الأطفال وراحت جنب البنات يواسوا بعضهم
خرجوا لُبنى بعد ما غسلوها شافها هتان وقال :خلونا لوحدنا
خرجوا الكل من الغرفه دفن هتان وجهه بحضنها وقال ببكاء :لا تصدقين يا لُبنى انا ماني قوي كل ما اقول انفرجت زادت اااهه يالُبنى قلبي كله ندم وحزن مشاعر ملخبطه لكنها اسئ ليه لما بدأت اتعلق فيتس رحتي ؟انا ما كنت ابي تروحين بذي الطريقه وشهق وقال :لُبنى تكفين اصحي ناظريني ناظررري اولادتس يشابهونتس مررههه تكككفييين ي لُبنى تكككففييييننننن بكاء في حضنها بحرقه وحمد الله انه ما زعلها ولا بين لها شي غير الاحترام وحسن العشره ،مسح دمعته وقال بحزن :سلمي على ابوتس مني وسلمي على أجدادي الله يجعل قبرتس روض من رياض الجنه وترافقين محمد صلى الله عليه وسلم في الجنه .
باس جبينها وغطى على وجهها الي زاد نور وخرج حضنه سعود وقال:شهيده يخوي تصبر يخوي والله عنده كل الخير
هتان :يا قلبي تصبر وعند الله كل الأجر
سعود :ان شاء الله
مشى سعود مع هتان لعند الرجال واتفقوا ان دفنها بعد بكره صلاة الظهر .
تحركوا بسيراتهم للبيت وأخذوا معاهم ام لُبنى اللي تشاهق احيان واحيان تصيح واحيان تدوخ
وصلوا البيت اللي تحول من فرح ل حزن نزلوا معاهم ال منيف وحرم عبد الرحمن وتجمعوا ال ثابت وبعض من معاريف ال سعد راحوا البنات عند ام هتان وام لُبنى اما ترف كانت مع التؤام ترقدهم ،بدأت ام مازن تدعي وتجيب محاضره تصبر فيها قلب الحاضرين اما سيلين وليان بدأو يقهووا الحضور ويصبروا جهاد وامل وام هتان، دخلت جمان البيت شافت الكل لابس اسود والكل يبكي مسكت على قلبها وقالت:وشفيكم
حضنتها دُجى وقالت:اذكري الله يا جمان اذكري الله
تصنمت جمان في حضن دُجى وقالت:مين طيب؟؟
دُجى :لُبنى اصطفاها الله تكون شهيده واخذ الله امانته وهي تولد
جمان :لُبنى حرم هتان؟
دُجى بحزن :ايوة
بكت جمان بحرقه وهي تعرف الم الولاده والم الفراق مسكتها دُجى وقالت :ما ينفع تدخلي وانتي تبكي وتزيدي على قلب امها لازم كلنا نشد بعضنا علشان ام حبيبتنا الله يرحمها
مسحت جمان عيونها بقوة ودخلت لكن مجرد ما شافت امها وام لبنى رجعت لبكاها معاهم قعدت ام امل عندها وبدأت تسمي عليهم ،دخلت ام عبدالله وحده من معاريف ام هتان وبدأت باسلوبها الحنون تجيب محاضره على اهل البيت لما الكل نزلت على قلبه الصبر دخلت ترف بعد ما حطت التؤام في الغرفه توزع التمر والقهوه ووجها ورم من البكي والقهر مسكتها ام عبدالله وقالت:عيني منش ملان يا بنتي ايش اسمش؟
ما كان لترف نيه تتعرف على حد وقالت :يمكن شفتيني في نادي المجمع
ام عبدالله  :انتي بنت عز الدين؟
ترف :الله الله
ام عبدالله :أنا اللي شفتيني جنب شجره العنب جارتكم اللي نقلت بعد ما جيتوا بأيام
ترف :حياش الله
مسكتها ام عبدالله وقالت :الله يجبر قلبش يا بنتي ويعوضش عوض يتعجب منه اهل السموات والارض انتي وكل الحاضرين ويرحم اموات المسلمين والمسلمات جميع وخاصه لُبنى يارب
حست ترف بنفس الشعور الهادئ اللي أخذت فيهم التؤام دمعت عيونها لا ارادي الكل امن بعد دعاها وكل من جاء جاب معه تمر وقهوه وطبق اكل جاء الليل وبدأت الناس تروح لما فضى البيت وبقى بس المعاريف حطت جهاد رأسها فوق ترف بيأس واخذت جمان التؤام وبدأت تلاعبهم وتتحسسهم بحنانها شافتها ام لُبنى وقالت :وش تسوين؟
خافت جمان لو ام لُبنى تكره احفادها وقالت :الاعبهم وش الفرق بينهم وبين اي طفل
ام لُبنى بحده :حطيهم
ام ريان :علامتس يالخبله وش ذنب الاطفال!!
سكتت ام لُبنى لثواني وقالت:ترف
ترف بتعب :هلا
ام لُبنى :خذيهم رضعيهم
ام هتان:وليه حليب بنتي مو عاجبتس؟
ام لُبنى بحزن :يبنت الحلال افهمين انا اقصد لُبنى الله يرحمها ،وكملت بغصه :إذا ناظرت لترف قالت بيصير بيني وبينها شي وكم مره تقول ان ترف بتصير ام حنونه وبتساعدها بتربية بزورها
قشعر بدن ترف ودفنت وجهها في حضن جهاد وبكت بشكل مُخيف هي صح انها محرومه من نعمه الأطفال لكن ما حبت يكون عوضها بهذا الشكل ابدا، خافت عليها جهاد وقالت :اذا تحبيها روحي نفذين وصيتها مو تقعدين هنا تصيحين
مسحت ترف على عيونها أخذت التؤام في حضنها شافوها الاثنين يتأملوها بشكل لطيف جدا ابتسمت لهم ابتسامه حنونه جدا وحضنتهم وقالت :ايش اتسموهم؟
امل بحزن :كانت تقول لُبنى الله يغمد روحها الجنه إلياس وليلاس
ام لُبنى :اي من زمان تبي هالاسماء
باست ترف راسهم الاثنين وقالت :تعيش الاسامي وأصحابها
الكل :امين
راحت الغرفه ترضعهم والكل مستغرب من هدوء ام مازن اللي من لما نطقت ام لُبنى ولا قالت حرف وبس دموعها اربع اربع وبعد ما تطمنت ان بنتها ما تسمع قالت :ترف عقيم
الكل بصدمه :هاهه!!
ام امل اللي عارفه بالموضوع:اصطفى الله لبنى بشهاده ان شاء الله وترف بالعوض
ام سيلين :وش الهرجه؟
ام مازن :ترف عندها هرمون الحليب زايد وعكس هذا الموضوع انها ما تنجب ابدا أطفال ومن حبها للأطفال وتعلقها فيهم رضعتين زياده وتكون امهم من الرضاعه
امل بصدمه :صدمه وراء صدمه تتكلمي من صدق يا خاله!!!!
جهاد بخوف :إلا مره لُبنى كانت عندنا وقالت تحس ان ترف ما تجيب أولاد وانا طقطقت عليها
ام لُبنى :ولا عمرها بنتي حست بشي وطلع غلط
ام هتان :عاشت وماتت مثل الملاك
الكل :الله يرحمها
ام هتان :اجل يا غزال ترف بتنام عندي مع ام لُبنى في غرفه لوحدهم وانا بنام معاهم ولا تخافين على بنتس هي بحسبة بنتي وفي الحفظ والصون
امل :وانا بنام معاكم
جهاد :وانا
ليان :وانا
سيلين :و...
ام هتان :ترا ماهي حفله محد بينام معانا إلا امل
ابتسمتوا البنات ووافقت ام مازن وهي تشوف نجود (ام هتان)اختها اكثر من جارتها ومن هنا لعند وضع الرجال :
توقع ابو سيلين ان اهله كلهم بينامون في بيت ابو هتان وقال :وشرايك ينايف الرجال ينامون عندي والحريم ينامون عندك
ابو هتان :جزاك الله الف خير يارب
ابو سيلين :الله المستعان يخوي نوقف معاك بالمره قبل الحلوه
ابو هتان:ونعم فيك ياخوي والله
لف ابو هتان نظره لابنه هتان وشاف سعود وإبراهيم وسند وريان ومازن معه يحاولوا يصبروه ويغيروا جوه وقال سعود :بروح البيت اشوف لو يبون شي ناقصهم شي وارجع
هتان :لا بروح انا .

_______
بارت جديد يحزن لكن العوض في الجاي ان شاء الله الله يرحم المؤمنين والمؤمنات والمسلمين والمسلمات جميع اشوفكم في بارت جديد لا تنسوا النجمه يَحلوين🤎🤎.