حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثامن

عدا اسوء يوم على بيت ابو مازن ومحد ركز على عز الدين اللي انهار في مزرعة اخوه وهو كان يحب رند غير عن حب عياله الباقيين ، اما خوات كيان اللي فقدوا صحبتهم وانهاروا في حضن دُجى
*في الصباح*
اندفنت رند بعد صلاه الظهر والكل يبكي خاصه ترف بشكل مرعب جدا .
رجعوا الرجال من الصلاه والحزن مغطي قلبهم :
ابو امل : المسجد مليان ماشاء الله الله يرحمها
ام امل بحزن: من بنات الجنه ان شاء الله
ابو امل :اسرعي بنروح عندهم
ام امل :جهزت يالله
تجمع كل يقروا قران حول قبرها وتوجهوا البيت
طيف : ما يجي رمضان إلا يجبر كسر قلوبنا
شمس: ايوة و الله، بس لازم ترف تخرج من الغرفه حرام تقتل نفسها من الزعل
طيف : نحاول معاها وعلى الله عاد وجعهم طري !
عدت اسوء اول عشر ايام وبيت ابو مازن فاتح عشاء لمن هب ودب صدقه لبنته والحزن مسيطر على الجو رسميا والايام تمشي زي بعضها عكس رمضان الاول اللي يفطروا في السطح ويطلعوا التلفزيون معاهم وأصوات الضحكات تعج البيت وأجواء حلقات الذكر .
وفي ١٥ رمضان :
ملاك : بيجي اخي واهله عندنا
طيف : بيستقروا للابد أو زيارة ؟
ملاك : للابد ، آخر مزرعه لأبي عمي الله لا فتح عليه طلع أوراق مزوره واخذها والان خلاص بيستقروا هنا وبيشتغل مع أبي
طيف : حسبي الله ونعم الوكيل عليه
ملاك: بس الحلو ان ريفال بتكون معانا
دُجى بحزن: ايوة والله تعوض شويه مكان رند رغم محد يقدر ياخذ مكان رند ابدا
الكل: الله يرحمها
جاء أخو ملاك المغرب فطروا في بيت عز الدين بعد ما سووا الواجب وراحوا يرقدوا مع تعب السفر عدا ريفال اللي جلست مع البنات وقالت ملاك : انا شخطى اغسل الملابس وارجع لكم يا بنات
ترف : ريفال روحي ساعديها ما شقدر اليوم
ضحكت ملاك اللي دائما تساعدها ترف في التغسيل والعكس وقالت ريفال : الله المستعان بس عادني جيت !
دُجى: هذي بنت الريف والله ل تغسل ملابس اليمن كلها
ضحكوا واخيرا بدأ جو الحزن يخف شويه شويه
راحوا يغسلوا وفتحت ملاك باب السطح بقوة
ريفال بضحك: عادش على عاده ابواب السطح من زمان؟
ملاك : يا هبلا هذا لو في جن اعوذ بالله هم يتجمعوا في السطوح لازم نحذرهم ان احنا جينا
ضحكت ريفال وكملت تضحي الملابس وقالت ببكي : عمه ؟
ملاك بخوف : بسم الله الرحمن الرحيم ل يكون شفتيهم ؟وبعدين اسمي ملاك الفرق ٣ سنوات ي كلبه
ابتسمت بخفه وكملت: فيني شي ومحد اقدر اقوله ولا الاقي حل الا عندش
جلست ملاك وجلست ريفال وقالت : لما كان عمري ١٤ كنت اسمع بنات المدرسه يتكلموا على البرنامج وقصص الحب فيه وصدقت واستغليت جهل امي في التطبيقات وعرفت واحد وتكلمت معه وانا خايفه وقبل شهرين عرفت غلطي وحذفت كل شي يخصه وحذفت التطبيق وكملت بصوت باكي : كلي ندم يا ملاك كيف سمحت لنفسي وكيف نزلت رأس ابي رغم أني ما رسلت صوري ولا تكلمنا كلام بذيئ بس نتكلم على اليوم وخلاص
حضنتها ملاك وهي عارفه انهي فتره مراهقه وقالت : كلنا نغلط وكل واحد يصلح غلطه مادام تبتي وما استمريتي بالغلط وسترش الله خلاص انسي وارجعي لله وبحفظش القرآن معي وما نزلتي رأس ابوش بالعكس اتوجيه وانسي الماضي وركزي في الحاضر يبنتي
حضنتها ريفال ومسحت دموعها بقوة واتفقوا على هذا المبدأ
ملاك : يالله نزلي سلة الغسيل وغطي وجهش لو يظهر حد من العيال فجاءه، وندفن هذا الكلام هنا !
ريفال بحب : حاضر
ابتسمت ملاك وكملت تحط قباضه على الملابس وشهقت اول ما شافت كريم راقد جنب الخزان بطريقة غريبه طارت وبفهاوه تحسبه ميت حطت يدها على قلبه واهتز كيانه لكنه مثل انه راقد زفرت ملاك براحه وقالت : عايش وقلبه اسرع من ردود ترف لا اله الا الله
كان كريم بس يتأمل السماء بعد ما ضاق من العزا بس لما سمع صوتهم مثل انه راقد وأعجب كثير بحنيه ملاك مع بنت اخوها وتذكر كلام كرم وابتسم
*قبل سنه *
كرم : الان انتم اللي عندكم مافي شي اسمه حب وتقولوا امي بتخطب لي اخرتكم تحبوا وتزوجوا عن حب
كريم : يشيخ انقلع بس قال حب وكلام مريض
كرم : انت بذات اتزوج عن حب وقول قال كرم
*نرجع للحاضر*
ابتسم وقال داخليا : قال كرم
كملت ملاك وهي تصيح : يعني الغرفه اللي نسهر فيها موجود ويرقد في الأرض ومع هذا البرد !
راحت اخذت بطانيه من الطيرمانه ورمتها فوقه بشكل يغطيه من البرد وقالت : الرفق بالحيوان واجب
نزلت وغلقت الباب لأول مره بهدوء وطارت تجري لعند البنات خوفا من خيال جني السطوح
ضحك كريم وقال :
سرقني ما دريت انه سرقني
سلبني وأحسب اني فاطنٍ له
وأنا يوم ارسل ايدينه لقلبي
عطيته مُهجتي والمُعطي الله
عند البنات:
طيف بقلق :وين كريم محد عارف عنه واخاف فيه شي
ملاك وهي تبعد حجابها : في أرض الجبا راقد
شهقت طيف : وانتي ايش عرفش!
( كانت طيف وملاك اقرب ثنتين لبعض بعد امل وترف وبعدهم شمس ودُجى)
ملاك : اهدائي اهدائي والله لو هو كرم ما اراقبه
كحت شمس اللي كانت تشرب شاهي
ترف : صدق اللي قال راعي الهواء مفضوح
ملاك : شفتوا من الشُبهه
شمس : بالغلط اشترغت ولا تغيري الموضوع كيف عرفتي
ضحكوا البنات وواصلت ملاك : امسكوا يدي شوفوا كيف هي بارده عادني كملت انشر الملابس وشفته
ترف: فيني شك بس بمشيها اليوم
فرحوا البنات على نفسية ترف اللي بدأت تتعدل
دخلت ماما لطيفه وشافت شمس ودُجى جالسات مع بعض وقالت : ما يجتمع الليل والنهار  إلا في بيت ابني
الكل:هههههههههههههههههههه
تطمنت ملاك على الوضع وقالت : انا بطلع علشان اهلي عادهم جاءوا من السفر وريفال لوحدها تشتي ترقد تصبحوا على خير
الكل: وانتي من اهل الخير
طيف : وانا بطلع اشوف كريم
ماما لطيفه : صحيه ينزل يرقد مع إخوانه
طيف : منعيوني
في السطح :
طلعت طيف السطح شافت كريم راقد في الأرض وقالت :حد عاقل يرقد في الأرض
قلدها كريم بمزح : انا مو نايمه انا مسترخيه
طيف بضحك : على غيري قالت ملاك انك راقد
كريم : ما شفتها اصلا
طيف : يعني اجحد مهما كانت الادله قويه ؟
كريم بضحك : كنت شبهه راقد ما ركزت وبعدين نومه الأرض تعدل الظهر
طيف : يله انزل بس ماما وماما لطيفه يسالوا عليك وارقد مع العيال في بيت عمو قاسم .
كريم : طيب تصحبي على خير
طيف : تلاقيه
نزلت طيف ترقد وبعد خمسه ايام تعيد بعضها ،في الليل :
دُجى : امل تتصل
ترف: جاوبي وحطي المكرفون
فتحت دُجى المكالمه وقالت:الو؟
امل : اكيد محد راقد
شمس بضحك: ما بخليهم اصلا
امل : لا تشاركي في الليل لوسمحتي
الكل : ههههههههههههههههههههه
امل: بكره تعالوا عندي كلكم
ترف : بابا ما ايوافق
امل : لا تخافي بابا عزمكم كلكم ووافقوا
طيف : الله واكبر سبحان اللي حنن قلوبهم
امل : المهم تعالوا بدري علشان تساعدوني
ترف بمزح : ما باجي إلا علشان مطبخكم كل ما تتصلي وانتي فيه واساسا اشتقت له
ضحكت امل وكملت شمس : مابجي
امل :ترف لا تخليها في خاطري وهفيفها باللي قدامش
هربت شمس تضحك وكملت امل : وكلموا ايه تجي
ترف : هي في بيت خالتها عرس خالتها بالعيد علشان يتقضوا لعرسها
امل : احااا خالتها وعرس؟
ترف: خالتها حبوبه مش زي امها ومحد ايحضر العرس
امل : المهم تعالوا من ٥ المغرب وعلشان اروح معاكم علشان حفل ختمنا
شمس : والله نننسيت الان ذكرت
دُجى : انتي من زمان مفهيه ايش الجديد
الكل:هههههههههههههههههههه
ترف : خلاص تم ان شاء الله مع السلامه
صلوا البنات قيام وناموا على موعد لقاء في بيت ابو امل عدا اليوم بالخير وامسوا في بيت ابو امل:
ام امل : نورتوا البيت ارحبوا
ترف : منور باهله والبيت اللي مافيه نورا ينطفي نوره
حضنتها ام امل وقالت : صح لسانش يبنيتي
ترف : صح بدنش يا خاله
سلمت نوره على الكل ودخلوا الرجال مع عبد الرحمن والامهات المجلس والبنات مع امل في المطبخ
امل : كملوا سريع الباقي عليكم انا من واحده الظهر وانا اشتغل
ترف: اجلسي اجلسي حسافه بس كيف تقدري الضيف
امل : اللي يسمعش يقول اني لما اجي بيتكم اعيش في اكف الراحه
الكل :ههههههههههههههههههه
ريمان : ترف وين اوسان؟
ترف : زوجش عند الرجال
دقتها امل وعدلت كلامها يعني اوسان عند بابا روحي له
ام نجلاء بضحك : تخوني بنتي؟
ترف : بنتش كبيره على اوساني تاخذ كنعان احلا منه وبعدين هذا الشي الوحيد اللي يخليني انا وامل نتقارب
دُجى :عادكم إلا اتتقاربوا وهذا ايش
امل : بسم الله ارقينا ،اشتغلوا بسرعه علشان نصلي تراويح ونرجع نشوف فلم
ترف : وقح وواثق من نفسه بس علشان الفلم تم
الكل بحماس : تممم
خلصوا من الفطور وراحوا الرجال المسجد وصلوا البنات جماعه وشافوا الفلم و في نص فلم
ملاك : ايه تتصل
ترف : هاتي هاتي
ايه : هااي
ترف : وعليكم السلام رمضان كريم
ايه بضحك : وينكم؟
ترف : كنا نشوف فلم لكن انتي قاتله المتعه
ايه بمزح : رمضان كريم
الكل :ههههههههههههههه
ترف : فلم اكشن وشويه ونروح وانتي؟
ايه : في السوق
ترف : متى العرس ؟
ايه : في ١٠ شوال ، بتجوا؟
ترف بحزن : انقلعي اختي ما وفت شهر انا ما رجعت لطبيعتي الا لاني سمعت الحزن والبكاء يعذب الميت وتشتيني اروح عرس !
ايه: اسفه ،الله يرحمها
ترف : امين ، يالله مع السلامه
ايه: مع السلامه وسلمي على بنات
ترف: ان شاء الله يوصل
امل : مالش ؟
ترف بعصبيه : حماره تشتينا نروح عرس خالتها ولا كان بنت عمتها ماتت !
دُجى : حرام شكلها متحمسه خالتها مقربه لعمرها وجلست معانا شهر واحد يعني ما تعرف رند كثير واصلاً هكذا هكذا ما بنروح خلاص
ترف : حُسن النيه شوفي الفلم وانتي ساكته
وكملت الليله على خير وصلوا قيام وروحت امل معاهم البيت علشان التحفيظ قريب من بيتهم ومتحمسين لختمهم كتاب الله الست البنات
وفي عصر اليوم المنتظر :
تقدمت ترف بمشاعر مخلبطه مابين حزن وفرح قدام مديرات المركز والحضور وقالت : اهدي هذا الحفظ اختي رند اللي كانت بتكون معانا لو ما اخذ الله امانته
ترحم عليها الكل وختموا البنات تحت حفل منظم وتوزيعات بسيطه وما كان اسعد واحد في هذا اليوم إلا ابو مازن اللي اهداء لكل اللي ختموا طقم ذهب بسيط وكل واحد جاب هديته بفخر للبنات .
وانتهى اليوم بفرح وعدا اخر اسبوع في رمضان والكل ينظف ليوم العيد يحيوا شعائر الله لا غير وما كان ابدا في مخططاتهم يتمشوا أو يفتحوا اغاني العيد علشان موت رند ومش عارفين ايش مخبى لهم في أيام العيد ....

_____
أشوفكم في بارت جديد لا تنسوا النجمه يَحلوين 🤎🤎.