حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الثالث والعشرين

فرشت ماما لطيفه في الليل سجادتها الحمراء الناعمه في السطح وتجمعوا البنات حولها ووسطهم صحن فيه عجين الكعك وكل واحده قدامها صحن تكعك لعرس شمس وصوت ضحكاتهم يعج بالبيت عج إلا طيف اللي كان فيها خمول وفي نص فصلتها وصل لها اشعار رساله وطار النوم من عيونها انصدمت لما شافت الرقم غريب ومحتوى الرساله كان:
كل ما ضمت عيوني منش طيف
يا بعد كل الطيوف
قلت ما مثلش على الدنيا وصيف
لا حشى مالش وصوف !
لا سحاب ولا مطر ولا نسيم ولا زهر
ولا طيور ولا غزال ولا مع باقي البشر
شمس : طيف ... طيف ... طططيف
طيف بصدمه : هاه هاه
شمس : ايش فيش
اشرت لها تجي تشوف ابتسمت شمس وقالت بمزح : شكلنا بنتزوج مع بعض
طيف : من وين عرف اسمي
شمس بضحك : لا تفعلي نفسش بليده الرقم واضح انه تركي وواضح انه مازن بس السر عبى رصيد دولي علشانش هذي أكبر التضحيات
عادت تقرا الرساله وقالت باحراج : يمه كأني اقدر اسمع نبراته
شمس : كعكي سكته ولا بيزوجوش زيي
طيف: بطبق خطه كرم
دقتها شمس وضحكت طيف ورجع لها نشاطها وقاطعها رسالة ثانيه :
(عارف انش ابتسمتي وهذا أعظم إنجازاتي ما تقدري تردي ولا بتردي علشان هكذا اخترت رساله نصيه بس حبيت اذكرش اني ما نسيتش ولا بنساش واشتقت لش فوق ما تصوري في اليوم  . مازن ♡)
ضحكت طيف على أخر سطر اخذت لقطه شاشه وحذفت الرساله وقالت باشتياق :
كل صوره لك في عيوني ماتغيب
وكل نبره من صوتك حافظ لحنها .
ملاك من وراء : الله الله رجع نشاطش ولا مع شعر نشتري فستانين أو كيف
ريفال بضحك : يمه سمعينا زفه جماعيه
ماما لطيفه : الموضوع فيه شك بس من عيوني
الكل : ههههههههههههههههههه
شمس : كان نفسي دُجى وترف يكونين معانا
ماما لطيفه بحزن: بكره غيث ايعبي نت نكلمهم الصبح
الكل بحماس : ان شاء الله
اشتد سواد الليل وبان القمر أكثر والاضاءه الخفيفه علشان صحون الكعك وتجمع البنات الدافي فوق سجاده جدتهم بدأت تغني من أغانيها القديمه والبنات بعدها والكل تجدد نشاطه وقاطعهم دقت باب السطح
ماما لطيفه: تحمسنا وقومنا رجال البيت و الشارع كله
شمس : انا عروسه خذوا راحتكم 
ريفال بضحك : حتى عرس سفري ما يكون بهذه السرعه
هربت ريفال تفتح الباب وجلسوا شمس بالقوة وقالت شمس بحزن: ما بلحق افعل خلطات حتى
طيف : حبيبتي أكثر من هكذا بياض اتكوني شفافه
ملاك : نحنا اللي المفروض نسوي خلطات ويله نلحق عليهم
ماما لطيفه بمزح : جلستوا في البيت وقت الاجازة علشان تتوحد بشرتكم توحدتوا انتم
الكل: هههههههههههههههههههههه
وعند الباب رجعت ريفال الحجاب على شعرها  وفتحت الباب وشافت غيث ابتسمت وتذكرت موقف الصبح وقالت باحراج : تشتي شي ؟
غيث : يعني محد قام إلا انتي
ريفال : عمل كل صغيرة
غيث : على العموم وطو صوتكم
ثبتت نفسها على الباب وقالت بابتسامه : ايش عنده الرجل الغيور
تأملها وابعد عينه بسرعه ورد لها غيث نفس الابتسامه ونزل بدون اي كلمه ثانيه
رجعت الطيرمانه وقالت ماما لطيفه : من ؟
ريفال : الثقيل
ملاك بضحك : غيث
أشرت لها ب ايوة وقالت : شكل صوتنا وصل ل ديوان العيال فقال نوطي أصواتنا
ماما لطيفه: خلاص كملنا كل واحد تاخذ صحنين وننزل للمطبخ ينضجوا والكل يرقد عندي
فرحت شمس بطقوس عرسها جدا وكيف أن بنات عمها حولها وجدتها ومع شعور الفرحه ولو بشي بسيط يكفي اللمه زغرطت بدون ما تحسب حساب الليل وزغرطت ريفال معاها ضربتهم ملاك والكل نزل يضحك ووصل الصوت لديوان العيال وسمع غيث صوت ريفال جنب عيال عمه ضرب الأرض بقوة وراح غرفته
كريم : ايش فيه ؟
كرم بضحك : تحول مع اكتمال القمر
ضحك كريم وقال : مش ناويين البنات يسكتوا خلاص ليل
كرم : فدا فدا هذا عرسي حتى ل الصبح
شافه كريم بنظرات سخريه وعدل الوساده ورقد في نص المجلس اما كرم قرر يسهر يحسب كل شي يخص عرسه
وفي غرفه غيث :
كل ما حاول يرقد تذكر ريفال وقرر يتصل بخواته لما يغلبه النوم
وفي تركيا :
روحت امل بيتها خايفه باللي حصل مع سعود لكنها مع التعب وسرعة التخطي غلبها النوم وما فكرت ابدا
وفي فيلة عز الدين ال مُنيف :
تجهزوا دُجى وترف للنوم وكانت ترف عند مراية الغرفه حررت شعرها على ظهرها وسوت كريم لوجها وراحت سريرها جنب دُجى
دُجى : ترف قبل ل ترقدي طفي الضوء
ترف : وارجع وسط الظلام
دُجى : مافيني طافه هيا و بفتح الفلاش
قاطعهم اتصال غيث فزت دُجى وقالت : اخيرا غيث من بعد يومين
جرت ترف ل عندها بكل حماس جاوبت غيث وبدأت التراحيب
دُجى : وين الغيبه
غيث: ما كان عندي نت
رفعت ترف شعرها وقالت : ايوة ايش الأخبار
انصدم غيث من جمالهم كيف يزيد مع الأيام وحزن كيف ما يقدر يعيش معاهم ولا يشوفهم يكبروا معه لكن قاطعته ترف بضحك : عادك زي زمان تسرح في وجهه الواحد وتنسى الموضوع
غيث بتهرب  : ايش مسويه لوجهش
ترف : كريم
دُجى : كريم أو كرم
غيث : سامجه
عم الهدوء لثواني لكن انفجروا يضحكوا من أشكالهم
غيث : كم حماسكم لعرس شمس يا مسكينات ما اتجين
دُجى : مالها شمس ؟
غيث: ما كلمتكم ولا ماما لطيفه
ترف : لا هذا الاسبوع ما عندهم نت
غيث : خلاص تصبحوا على خير
ترف بقهر : غيث ما شقدر ارقد مالها
دُجى : انطق
ضحك غيث وقال : تصبحوا على خير بعبي بكره لهم نت علشان يكلموكم
غلق غيث المكالمه وصاحت ترف : نذل
دُجى : يالله بكره نتصل لهم ونشوف
فتح مازن الباب وقال بخوف : من النذل
ترف : دق الباب يا ابني ولا ما علموك
دُجى : وتسمع كمان
توسط مازن بينهم وقال بضحك : كنت ماشي وسمعت
ترف : والكذاب
دقها مازن كانت بتصيح لكن سد على فمها وقال تصبحين على خير
قحصته ترف ضحك وخرج قالت دُجى : غلق الباب والضوء
مازن : الكبير يخدم الصغير ؟
ترف بغنج : لا يعني مع الطريق ونحنا انرقد بكره دوام لوسمحت يا احلا اخ
ابتسم مازن وغلق الضوء والباب وراح يرقد ورقدت العائله كلها على انتظار خبر من شمس
وفي الصباح راحت ماما لطيفه مع حفيدتها السوق بسيارة ابو شمس
ماما لطيفه: حجزتي الفستان مافي وقت ؟
شمس بتوتر : حجزت باقي المصورة
ملاك : ام كنعان
شمس : كيف راحت عن بالي خالة دُجى ايه صح
طيف : وهاجر الميكب والنقش 
وبعد ٥ ساعات في السوق روحوا البنات منهكات تغدوا و في نص الغداء رن تلفون شمس
شمس بفرحه : دُجى تتصل
ماما لطيفه : بيزعلوا يحبي لهم
شمس : ال ...
ترف : لا الو ولا شي ايش في غيث حمسنا وهرب
شمس : اتخيلوا عرسي
ترف : برجع رجل
شمس بضحك : يالله سته ايام تكفي مشي ، عرسي بعد ٦ أيام
دُجى بصدمه : هههاااهه !!
ترف بضحك : اص اص مقلب ما تعرفي سخافتها
ماما لطيفه : إلا والله عرسها
ترف :  وحشتين ... لحضه كيف عرسها !
الكل : ههههههههههههههههه
حكت لها جدتها كل شي وزادت طيف توريهم فيديو اللي صورته بكت دُجى وبعدها ترف وبعدها كل اللي اتصلوا
دُجى : كله من كرم كان نرجع وتزوجتوا حسبي الله عليه
ملاك : خلاص ان شاء الله تجوا على عرسي انا وريفال
طيف : وانا ؟
ترف وهي تمسح دموعها : لما دودة الكتب يكمل يقرأ كتب العالم
طيف بضحك : بسم الله عليه
الكل : ههههههههههههههههههههه
ترف : لا اوصيكم صوروا لي كل شي
شمس : من عيوني وكمان الزفه مباشر
زغرطت ترف وضحكت ماما لطيفه وقالت: شفتوا شفتوا
ضحكوا وقالت ريفال : وين امل
ترف : في بيتهم روحت من المدرسه اتصلت لكم طوالي اذا جت حكيت لها
الكل : سلمي عليها
جت ام مازن بعد ما سمعت صوت ترف عرفت القصه باركت لها وهنت شمس وانتهت المكالمه
عرفت امل وانصدمت من صدمتهم وعدا اليوم وترف تدعي انها ترجع العرس بأي طريقه .
وفي اليوم الثاني راحوا السوق لآخر مره يكملوا النواقص وبدأت تجهيزات العرس وحماس مليان قلوبهم
وعدت الأيام بتجهيز وفي ليله اليوم المنتظر رقدوا الكل بحماس لعرس شمس عدا كرم اللي ابدا ما عرف يرقد من الفرح أشرقت الشمس صحت ماما لطيفه وصحت معاها كل للبيت
شمس بتوتر : بنات خايفه
ام شمس: تخافي ونحنا جنبش؟
ابتسمت شمس وقالت : يالله أسرعوا بياخذنا كريم
ملاك: يالله نلبس البالطو بس
وتوجهوا للكوافير بسيارة كريم وفي السياره :
ريفال : عمه
ملاك بعصبيه : لا تقولي عمه !
ريفال بضحك: كوكو
ملاك : حتى هوهو ولا تقولي لي عمه تكبريني وانا عادنا في سن الزهور
الكل : ههههههههههههههههههههههه
ريفال : المهم ابي ما خلاني افعل مكياج بس جيت افعل شعري
ملاك : ياليل إسلام الحيوان
ماما لطيفه : بنت !
ملاك : ما اقصد ،وقررت تستخدم خطتها المعتاده وقالت بحزن :شوفي يمه كيف يخرب اليوم ونحنا من اهل العروسه على الأقل تسوي اساسيات
ماما لطيفه : خلاص سوي وانا بتفاهم معه
كريم : كيف سكتكم ملاك !!
طيف بضحك: سوق وانت ساكت ولا افتح زفه
ملاك : افتح زفه
كريم : عيوني
طيف بصوت واطي : أثقل عن مرجلتك !
كريم بنفس الطبقه: ادعي الله يعينني ولا شفعل زي كرم
طيف : والله ابي ليقتلك
ماما لطيفه : ليش ؟
كريم بتوتر :قلت لها بسرع واخاف اصدم
طيف : قلبتها عليا !!
ضحك كريم وشغل الزفه واخيرا وصل بعد ما أصواتهم شقت راسه وراح يرفع الخيمه مع العيال ولما انتهوا رجع لهم وتوجهوا للقاعه
طيف وهي تصور: بنات كل شي يجنن ولا غلطهه
ملاك: تعالي نتصور والقاعه فاضيه
ام كنعان : اخيرا جيتو
ماما لطيفه : من متى وانتي هنا
ام كنعان : من نص ساعه صورت التفاصيل وذلحين شمس تلبس الفستان اصورها
ماما لطيفه: لا اولا نتصور صورة جماعيه
وافقت ام كنعان وتوسطت شمس الصورة وكأنها ألماسه محاطه بالأمان وما كان ناقصها إلا بنات عز الدين
ام شمس: يالله بنات شوفوا الترتيبات وانا بجلس مع شمس في غرفة العروسه شويه وارجع
اشروا لها ب تمام وبدأو الحضور يتجمعوا ومن ضمن الحضور ام يحيى وبناتها اللي جو مكرهات بس علشان شمس تقرب لهم
طيف : يعع ايش جابهم
ملاك: عوذبي من ابليس ولا تخربي زواج اخوش
طيف : يالله علشان كرم بس ولا والله ذبحتها
ريفال : بنات هذولاك اهل كيان ولا اتخيل
ملاك : ايوة روحي استقباليهم وهاتي عبير وخواتها عندنا
ريفال بضحك : عادهم يذكروا دُجى؟
ملاك : إلا يعشقوها كأني اختهم محد بكى زي عبير
ريفال : يالله بروح وبرجع
تجمعوا البنات في طاوله واحده واكتمل بجية ايه
بدأت المغنيه إيمان بعملها والتوزيعات من قبل البنات وتراحيب
*توضيح بسيط للبس بطلاتنا*
طيف : فستان طويل بلون العشبي وشعرها نص مرفوع والنص يغطي فتحه ظهرها باكسسورات ذهبيه ناعمه
ملاك : فستان بني قصير على الجسم وجرئي وبرفعة شعر واكسسوارات رقيقه باختيار طيف
ريفال : فستان كحلي متوسط الطول  بكُم واحد وشعر على الجنب واكسسوارات فضيه
اما الباقي فساتين عاديه والامهات فسالتين طويله بزينه قديمه عدا ام حمود اللي كانت لابسه فستان احمر .
قاطع ضحكاتهم طربهم أذان المغرب استعد الكل لصلاه وبعد الصلاه توجهه الكل جنب كوشه  شمس وتحت تصوير طيف مباشر لاهل عمها عز الدين معلين زفة شمس انزفت تحت حماس رهيب من كل الحاضرين وكالعاده بعد الزفه لازم اهل بيت محمد ال مُنيف كلهم في شوط خاص وخاصة انهم اهل العرس تجمعوا بمنظر مُهيب وفاتن قدام شمس بدأت فعاليات أهلها وبحماس ماما لطيفه اللي حمس الكل وبعد ما انتهوا اخيرا زفة كرم لشمس وكان في كل طاوله في القاعه عليها توزيعات مكتوب (شمس الكرم)
وقفت شمس بكل خوف بمنظرها الفاتن وفستانها اللي ترصع من الصدر كله كرستال وعلى أطراف الفستان نقشات تبرز جمال الفستان وجمالها وبمسكه يد زرقاء مع بيضاء مقابله للون الكوشه تغطوا البنات ودخل ابو شمس وابو كرم وكرم بمنظر جميل جدا وجنابيهم على خصرهم وزغرطوا البنات وتقدم كرم لشمس وانصدم من جمالها كل ما قرب اكثر وقال لابوه : حشى والله هذي مش شمس والله انها ملاك
ابو كرم بصدمه : ما تعرف تفرق بين ملاك وشمس
ضحك كرم باعلا صوته وكل من في القاعه ركز عليه وقال : لا اقصد انها مش بشر
ابو كرم : لو مش انت عريس اليوم كان ضربتك قدامهم
انحرجت شمس من ضحكات كرم وعمها
وعند البنات
ملاك : اموت واعرف عمي وكرم ايش يقولوا
طيف : هذا وجهي اذا ما سفل فيه
ريفال : وصل وصل ل عندها رجعي الكيمرا ل اتجاههم علشان يشوفوا سوا
طيف : والله ما اسمع شي من ترف من الصوت بس واثقه انها تسفل فيني من قوة الحركه
وصل كرم لشمسه وقال : سلام الله عليش يا بنت عمي وبقربش طاب طاب الوصل والله !
شمس : كأني بحلم تزوجنا خلاص ؟
ما اهتم كرم لحد حضنها وهمس في اذنها : 
يا منوة الروح يوم ان الحشا ضمش
تلّي حشا القلب تلّ ورزي القامه
ويا فتنتة الغيد يوم ان الغلا زمش
سمي على القلب من خلفه وقدامه
سحبه ابو شمس بضحك وقال : يولدي الله يصلح حالك فرق بين الأماكن
كرم : حتى انت يا عم
ابو شمس بحزن  : يالله استودعناكم الله
طيف من بعيد : بنات بروح اسمع ايش يقولوا ريفال خذي التلفون وودعي ترف ودُجى وامل وارجعي بسرعه
ريفال : وين اروح طيب
طيف : اي مكان هادئ ارض الله واسعه
ريفال : لو شافني ابه وفي يدي التلفون وخارج؟
طيف : بضربش انتي وابه تكلمي سوا
ريفال: طيب اركني عليا
ضحكوا البنات من لهجه ريفال وجرت طيف ل عند أبوها واخوها وراحت ريفال حوش القاعه .
طيف : اهدأ يا اخي كل القاعه تتكلم عليك
ابو كرم باحراج : خزا بنا
كرم : امشي بس خلوني اليوم يومي
مشت شمس برفقة كرم غطتها امها تحت توصيات قويه ل كرم
كرم : نسيتوا اني مستعد اضحي بأي شي علشانها
ابو شمس بمزح : شفنا شفنا
ابتسم كرم وودعوا بنتهم وتوجهوا للسيارة .
في حوش القاعه كان في عيال عم كرم واعمامه متفقين يزفوهم بسيارات من وراهم (موكب العروسه )
كان اهدأ مكان لريفال راحت وراء الباب وما ركزت ابدا بوجودهم
كيان: ولد
غيث وهو يصلح مشدته : أرحب
كيان وهو موطي رأسه : لمحت بنت عند الباب شكلها من حرمك انتبه ل يشوفها حد
كان غيث يعرف ان كيان مستحيل يخونه وعارف انه من باب النصح ابتسم له وهو واثق فيه وتوجه للمكان اللي قال له
كانت ريفال تودع البنات واخذها الحماس وبدأت التحليل العرس السريع لكن في نص الكلام سمع غيث ضحكات ترف كل ما قرب سحب التلفون وما ركز على الشاشه غلق المكالمه ولف بنظره ل ريفال اهتز بدنه من جمالها لكن ردة فعله كان عكس تماما مسح على لحيته ولف لنظره للارض وقال: تلفون من هذا
ريفال بخوف : طيف
ضغط غيث بعصبيه على التلفون وقال : وعلشان هذي الحديده تخرجي ويشوفوش العيال
ما انتبهت ريفال ابدا ان حد شافها لكن كانت خايفه على تلفون طيف قال بصياح : تلفون البنت!!
رجم غيث التلفون للارض وقال: تهمي التلفون ! أحمدي الله انا اللي ركزت ولا لو كان ابو محمود ذبحش ادخلي ويمين بالله لو شفت وحده خارج بدون ما تتغطى ما تلوم إلا نفسها و ..
اخذت ريفال التلفون من الأرض وهي تدعي انه ما اكتسر ما اهتمت لكلامه ابدا ودخلت بعد مقاطعه لتهديده تعصب غيث من اسلوبها واستقرت عناد في رأسه انه يأخذها غصب عن الكل لكن هذي المره عناد وحب فيها هي .
عند البنات :
تأكدت ان التلفون سليم وأعطت طيف تلفونها
طيف : وينش تأخرتي
ريفال والخوف باين على ملامحها : تكلمنا شويه
طيف : مالش شكلش خايفه !
ريفال : لا بس زعلت على شمس
طيف بضحك: انا اخت العروس وما سويت هكذا
ملاك : انتي حجره لكن بنت اخي مُرهفة الحس
طيف : قوموا البسوا نروح قبل ل ماما لطيفه تفصل علينا
انتهت الليله على خير وروحوا البنات بتحليل العرس وضحك عدا ريفال اللي اغلب وقتها ساكته من موقف غيث لكن قالت : احلف ان شمس الان تبكي تشتي تحضر معانا التحليل
طيف بضحك: اتفق
ماما لطيفه : خلاص يبنات اليوم فعلتوا كل شي روحوا ارقدوا
الكل : ان شاء الله
وفي تركيا
ترف بحزن : والله عرس كان رهيب الله يهنيها
دُجى : نرجع في ولادها ان شاء الله
امل : شوفوا غيث الله يعلم ايش سوا ب ريفال
دُجى بضحك : ولا شي بياخذ التلفون علشان تدخل وينبح كم كلمه وايروح وريفال تتخطى مع الأيام زي كل مره
انهارت ترف تضحك على كلمه ينبح ورقدوا كل بطلاتنا بخير الليله
وبعد شهرين بدون أحداث مهمه تزوجت ايه بزواج متواضع وقررت تسافر هي وابن خالتها شهر العسل في أوروبا
وفي تركيا وعلى أيام بداية أيام شعبان في بيت نايف ال سعد :
كانت جمان تتقهوى مع سعود في المجلس:
سعود: تفزعين لي
جمان : ام الفزعات
سعود : ابي أخطب
جمان : هاه!!
سعود: اص اص بس مو الحين لين تخلص الثانويه
جمان: ترف ؟ اهنيك على الاختيار والله
سعود بزلة لسان : تبي هتان يذبحني
جمان : شدخل هتان !
سعود بربكه : لا اقصد اتزوج قبله
جمان بضحك : هاه ، معليك منه بتعنس لو تمشي وراه ، المهم مين بتاخذ ؟
سعود : امل
جمان : الله والنعم أبوها قحطاني يماني وامها قحطانيه سعوديه ن..
قاطعها دخلت سند وشافها مع سعود تضايق وسلم ببرود وقال: جمان تعالي ابيتس
سعود: يالله روحي وبرجع أكمل لتس بعدين
أشرت له ب تمام وراح الغرفه مع سند وفي الغرفه :
سند: كم مرات اقول لتس ما تقعدين مع سعود لوحدكم وبدون حجاب
جمان بقرف: ويعع يا سند مره وع تراه اخوي !
سند بعصبيه: اخوتس من وين
جمان: رضاعه ! وعاش معانا من عمره سنتين
سند : ولو نفسية الحوامل ذي مو عندي !
مسكت جمان على رأسها وجلست بتعب استغرب سند لكن فأجاته بصياح قوي الكل سمعه حاول يسكتها لكن سرعان ما تجمع البيت كله في الغرفه
سعود : يغبي ابعد عنها بتولد
سند: لا تغلط !
هتان بعصبيه : البنت بتموت مو وقته
اخذها هتان على سيارته وركب الكل متحمسين لحفيد جديد
وصلوا اخيرا لمستشفى عربي وبعد ساعه كامله من الصياح جمان وقلق من حولها ودعائهم لها رزقهم الله باول حفيد شافه سند أبتسم وعيونه مليانه دموع وتذكر ابوه وقال: الله يبنتك النبات الصالح يا أسامه
اعتلت الفرحه وتبريكات ل ابو اسامه، الله يرزقك بره وكلمات كثيرة تبارك له
اخذه ابو هتان وإذن في اذنه
هتان : يبه وطي صوتك مو من اول يوم له صراخ
ام هتان بضحك : اهجد بس شعرفك بذي الأشياء
جهاد: غيران اصلا اللي اكبر منه واللي أصغر منه خلفوا وهو عند امه
ضحكوا عدا هتان اللي دقها بخفه وقاطعتهم الممرضه وقالت : البيبي لازم يروح ع الحضانه هلى تقدروا تشوفوها ل جمان تجمع الكل عندها تحمدوا لها بسلامه لها ولابنها وحطوا الهدايا وقال سند بفرح: متى بتكتبون لجمان والبيبي خروج
الممرضه: بكره اذا كل شي سليم
الكل : ان شاء الله
ومن هنا لليمن :
راح غيث عند كيان وقال بملل : لمتى بتجلس تكذب على الناس انك تشتغل في بقاله ابوك خليهم يعرفوا انك استخبار ...
مسك كيان على فمه وقال : الغباء فيك وراثه أو بجهد اص بتفضحنا
غيث بصوت واطي: ان شاء الله تمسك على مبخوت الكلب دليل  وينتهي عملك 
كيان : قريب ان شاء الله !
مش عارفين ان يوم مسكه مبخوت هو اخس يوم لمازن وطيوفه ....

_____
وطولت البارت لعيونكم بارت جديد وإحداث جديده ولا تنسوا النجمه واشوفكم في بارت جديد يَحلوين   🤎🤎.