حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الاربعون

دخل كريم وهو مستصعب النوم خارج بيته رقد كيان طوالي اما كريم ما جاه النوم وهو اول يوم بعيد من اهله وملاكه وقرر يسوي الشي اللي حذره كيان منه بدافع الاشتياق ،رفع تلفونه كتب رقم ملاك وقبل ل يتصل عليها بثواني تذكر أن ملاك بتكلم صحباتها واحتمال يوصل الخبر ل تركيا  ابتسم واستودع الله ملاكه وحملها وهو ما قدر على فراق يوم واحد عاد غيبه الشهور؟ حط رأسه على الوساده بكل حزن يفكر وما حس بنفسه إلا وهو راقد .
وفي صباح تركيا :
سمع سند صوت انين جمان قرب لعندها وقال:جماني؟
جمان بتعب :هلا
سند :فيتس شي؟
جمان :احس بثقل
خاف سند واتصل على ام هتان جرت ام هتان لعند جمان شافت وجهها شاحب ولون جمان انقلب اصفر انفجعت وقالت :وش تنتظر خذها للمستشفى
سند بخوف :موتري خربان!!
ام هتان :دق على هتان
وفي غرفه هتان :
غلق هتان المكالمة وقال :وين ثوبي
لُبنى:وش في؟
هتان :اسرعي جمان بتولد
اعطته ثوبه ولبست عبايتها وتحركت معه للمستشفى  وصل الخبر لبيت ال سعد وال ثابت  وتوجهه ابو هتان من دوامه للمستشفى وبعد انتظار طويل وأصوات صياح جمان اللي خوفت قلب لُبنى وسجدات ام هتان خرجت الدكتورة وبشرتهم بسلامه جمان وولدها سجد سند بعد ما سمع البشارة وشاف ابو ريان وتذكر انه هو الوسيط بينه وبين جمان وقال :خالد بن سند
ابتسم ابو ريان وقال :يبشر بسعده السمي
تعالت التبريكات وراحوا كلهن يباركوا لجمان وفي البيت :
صحت أمل وشافت ألين وبنتها وابن جمان الكبير اسامه والبيت فاضي وقالت :صباح الخير
ألين :صباح النور
امل :وينهم؟
ألين بفرح :جمان ولدت
امل :الف مبروك لو تعرف جهاد جت تركض تشوفه
ضحكت ألين وقالت امل :متى بتسافري؟
ألين بحزن :بعد بكره
امل :الحمد لله لحقتي تشوفي ابن جمان بس حرام ما بتشوفي ولد سعود
ضربتها ألين بمزح ضحكت امل واخذت ابن جمان الكبير تلاعبه دخل إبراهيم وقال:وين الناس؟
ضحكت امل وقالت:يوم قرر هتان يتزوج ولدت ألين ويوم قررت تزوج ولدت جمان 
إبراهيم :اقشر حظ
ألين :بتنتظر شهر كامل
امل :هذا اذا وافقت له ليان
ابراهيم بمزح :أنا الغلطان يوم جيت عند ادج خلق الله
ضحكوا البنات وقال :متى بيجون؟
ألين:الظهر
إبراهيم :اجل ما بروح الدوام
امل :جمان ولدت انت شكو؟؟
إبراهيم :وجع اوخيتي من وجعي
ألين :انت بذات لا تهرج ولا تفزع ولا..
إبراهيم :ولا بدوام
الكل :هههههههههههههههههههه
عدا الوقت والكل منتظر لجيت جمان وولدها الجديد دق الباب جرى إبراهيم فتح وشاف جهاد وقال:لو اني داري ماجيت اركض
جهاد :وش في؟
ابراهيم :بتصيرين خاله للمره الثالثه
جهاد :هلااا والله وينها
ابراهيم :في المستشفى
جهاد :متى بيجون
ابراهيم :بعد شوي
جهاد :بدق على ترف ابشرها لين يجون
إبراهيم :امل سوت الواجب قبلتس
جهاد :في فرق لما يكون الخبر من جهيد
إبراهيم:اقول انقلعي بس
ضربته جهاد بالشنطة وهربت ضحك إبراهيم وقعد في الحوش مكان هتان المعتاد ينتظر متى بيرجعوا بسلامه
وفي بيت عز الدين بن محمد ال مُنيف :
بشرت ترف الكل بولاد جمان وقرروا يزوروها بكره، خافت ترف لو انها ما تجرب هذا الشعور وبدأ الحزن يدخل قلبها وقررت تروح غرفه مازن تغير جو معه هي ودُجى ،فتحت ترف الباب وقالت :اللهم ارزقني زوج يتمسك فيني زي تمسك مازن بكتبه
شهق مازن وقال :ما تعلمتوا اداب الاستذان
غطت ترف على انفها بعد ما شمت ريحه الشكلت وهي تكرهه السكريات بكافه الأنواع وقالت :وين الخصوصيه في الموضوع يا تذاكر او تكلم غيث وكرم وكريم حتى إسلام تسحب عليه
مازن :يا حبيبي يا غيث كأني انا اخوه الصغير ماشاءالله
ترف :مازن ممكن تحط الشكلاته علشان اقدر اكلمك
ضحك مازن وغطى على الشكلاته وحطها بعيد وقال:والله اني داري ان احنا مش بشر انا مهندس وانتي بكامل عقلش تكرهي الشكلاته
دُجى :بدأنا
ترف :انت داري انك ورثت جنون العظمه لاوسان امس الليل اخذته ارقده قال انا اخو المهندس ما ارقد بدري
ضحك مازن بأعلى صوته وقالت دُجى :لو انك تعيد سورة الفاتحة يحفظها وتأخذ اجر
مازن:وكيف رقد بعدين اخو المهندس
ترف :قام يتقفز اخذت اللعبه من يده وصيحت فوقه بكاء ورقد
دُجى :هذا وهي تخصص أطفال وتربيه حديثه
ترف:والله رحمته ولما قام الصبح جبت له بطاطيس رضاوه وقام يلعب زي الربح ماشاءالله
مسح مازن دموع الضحك وقال :إلا صدق كيف الدراسه معش؟
ترف :هي ربه بيت بس بشهاده
دُجى :علشان الناس يقولوا واو عندها شهاده من تركيا
الكل :ههههههههههههههههههههههه
ترف :بكمل هذي السنه واذا رجعت اليمن سجلت أمن سبراني
مازن :العب يالتخصص البطل
ترف :كان حلم امل بس خلاص سرقته
مازن :حتى الاحلام
ترف :هذا سر قوة علاقتنا
ضحكوا وقالت دُجى :ايش الأخبار
مازن :كريم سافر كيف ملاك؟
ترف :وين سافر ؟؟
مازن :ما قالت لكم طيوفي؟
ترف :طيوفك سحبت علينا وعليك
مازن :
احب النادر اللي محدٍ يطوله
واحب كل صعب لغيري ما تهيأ
ترف :اهاااا هوجس الحبيب
دُجى :سحبت عليه ويقول صعب ياخي العيال في العالم الموازي
أخفى مازن ضحكته وقال :ايش عرفكم في الحب
لفت ترف لعند دُجى وقالت :الموضوع ورأثه من ابي محمد  الله يرحمه ل عز وغزالته ل مازن
دُجى :يعوضش الله
ضحك مازن بعد ما تذكر قصه ابوه وقال :ذلحين منصدق ليش ما كلمتكم وهي ما تخفي عنكم شي تصايحتوا؟
ترف :ليش نتصايح بسم الله علينا هذا ايام الجهل كنا نتصايح بس الان معاها اختبار وعمي احمد كل ما تبدأ الاختبارات يغير باسورد المودم علشان تذاكر
مازن:حركه حلوة
دُجى :كسروا لقفش يا ترف دل طريقه الاخ
ضحكت ترف وراحت أخذت ببسي تفاح كان على طاوله مازن فتحت وشربت انصدم مازن وقال:بعيدا انش بلا حيا ما تستأذني مش إلا السكر سم ومستحيل اي شي سكري تاكليه
ترف :والله لو التفاح مسمم شربته
دُجى :ما عليك منها يا مازن ليش سافر
حكى لهم مازن كل شي حزنوا البنات وقالت دُجى :والله ان كيان شهم
شافها مازن بنص عين استحت وسكتت وقالت ترف كتغير موضوع :اسمع ورينا صورة غيث ما رضي يرسل لي صورته يعاند
ضحك مازن وفتح تلفونه شافته ترف بين اصحابه اكثر هيبه بطوله وعرضه ووسامته وجنبيته لكن في يده سجاره خربت كل شي وقالت :ما أقبح التدخين وما أجمل المدخنين
دُجى :والله لو يعرف ابي انه يدخن ل يذبحه عكس القبله
مازن :الله يهديه
ترف :الدعاء لوحده ما يأثر لازم العمل انصحه يبطل!!
مازن :نصحته وحلف انه بيخفف
دُجى :وين اعمامي عليه؟
مازن :ما يدخن في البيت إلا سكته
ترف :أنا اوريه اذا رجعنا
دُجى بضحك :ما قدروا عليه رجال بتقدري انتي
ترف :معليش اذا تحالفت مع ريفال طبعا
ضحك مازن وقال :ترف لتربيه وتعليم
ترف :مازن يا احلا اخ في العالم
مازن :لا
ترف :ابي وامي مع اوسان خارج وما ايرجعوا الا الليل نروح مطعم على الأقل ونروح بس
دُجى :لو انتي طيف كان وافق وين انت يا غيث بس
مازن:احمدوا الله اني جبت لكم من وقتي وانا مهندس عادني بخرجكم والله انكم طيبات
ترف :جي نخطى غرفتنا ماعليش منه يختي نطبخ وما ندي له رزه واحده حتى
سكت مازن وقبل ل تغلق ترف الباب قال :بسرعه البسوا
ترف بحماس :والله؟
مازن:اغير رأيي؟
دُجى :دقايق ونجهز معليك
جروا البنات الغرفه ضحك مازن على أشكالهم وهو يشوف خواته كأنهم بناته،تجمعوا الكل في السياره وقبل ل يحرك مازن شافه هتان وقال:الف مبروك ما جاكم
هتان :الله يبارك فيك
لمح هتان عيون ترف اللي كانت جنب مازن صد بنظره بحزن ونزل مازن من السيارة وراح سلم على سند وبارك له وسلم على الرجال وقبل ل يروح قال ابو هتان :تفضل معنا حياك الله
مازن :زاد فضلك يا عم الاهل منتظرين لي في السياره
ابو هتان : الله معاك
مازن :مع السلامه
دخل الكل البيت وبشوفه ترف افتتح جرح هتان اللي ما التم من لحضه فراقها مشى لغرفته وقال بصوت واطي :
دخلت من باب المحبة والاعجاب
وطلعت من باب الجفى والندامه
سمعته جهاد وقالت باستغراب :تبي شي؟
هتان :سلامتس بروح ارتاح
اشرت له بيده تمام وراحت .
رجع مازن السياره وقال :كيف لكم ما نزلتوا عند البنات
ترف :بكره انروح لهم الان عيب عادهي تاعبه
استغرب مازن من نبره ترف اللي رجعت هاديه وقال بمزح :رجعت تفهم في الأصول
ترف :ايش قصدك!!!
مازن :ايوة هكذا ترف ما تعودت على الرقه
الكل:ههههههههههههههههههههه
توجهه مازن لمطعم وفي بيت نايف بن ناصر ال سعد :
اعتلت الزغاريط اول ما دخلت جمان البيت ابتسمت بتعب واخذت ألين خالد وقالت:بسم الله حوطته من العين حبيب خاله
جهاد :جيبيه يا ألين
ألين :انقلعي انا بسافر وبيقعد عندتس طول الوقت لين تطفشي منه
جهاد:اقتنعت
إبراهيم:لا عندتس ولا عندها جيبوا خلودي
اخذ إبراهيم خالد في حضنه دخلت ام ريان وليان وام بيلسان وبيلسان البيت وبحكم انهم في الصاله شافت ليان خالد في حضن إبراهيم وضحكاته ابتسمت وقالت ام ريان:عقبال ما نشوف عيالك
شاف إبراهيم لعند ليان وقال:امين
ابتسمت ام ريان واخذت خالد من حضن إبراهيم خرج إبراهيم من البيت وهو مكتفي بضحكتها من ورا النقاب دخلت ليان عند البنات وقالت :حسدت الطفل في ضمه حنونه في صدره الباهي
جهاد :وشنهو؟
امل :لُبنى ازداد عددنا
لُبنى:قريبا نسيطر على البيت
جهاد بمزح :ان كنتن ضدي والحياه ضدي والله اني اعشق التحدي
الكل :هههههههههههههههههههههههههه
لُبنى :جهيد الشربيني
ضحكوا البنات وقالت جهاد :اقول ألين خلاص بعد بكره بتسافرون
ألين :اي
جهاد :تبي نصيحتي وانا اختس
ألين بمزح :لا
جهاد :سلمولي على الاهل
الكل :هههههههههههههه
ألين :وش نصيحتس الثمينه؟
جهاد :ما اعرض خدماتي مرتين
ألين :خلاص يا بنت الحلال مزحت معتس قولي وشهي
جهاد :بتطبقينها؟
ألين :لا
جهاد :اذلفي
انهارت ألين تضحك وقالت جهاد :الاوله طوفتها والثانيه لا لا
ضحك الكل وتعدد كلام البنات على الاستقبال وسفر ألين واهتمامات الحياه ومن هنا ل اليمن :
وصلت طيف من الجامعه دخلت غرفه شمس سلمت عليها وخرجت من الكيس بدلتين اطفال وقالت :هذي اول الهدايا اذا اشتغلت جبت لنور ذهب ولضياء فضه
شمس :وانا؟
طيف :بصرف لش حبوب منع الحمل لأني ما اتحمل بكاء الأطفال مره ثانيه
ضحك كرم وضربتها شمس وخرجت طيف طقم اكسسوار وقالت :خذي بس
شمس :يعمري يا طيف
طيف :كله بحسابه يا كرم
كرم بضحك :بدفع يالله خرج منش شي
طيف :جاحد والله
ضحك كرم وراحت طيف سلمت عليه خدادي وطلعت لغرفه ماما لطيفه شافت ريفال جالسه بهدوء على غير عادتها وقالت:من ضرب بنتي؟
ملاك بضحك:احتمال تكوني جده قريبا
طيف :يعني بعد ملاك قلت بيكون البيت هدوء جيتي انتي يا ريفال حرام عليكم
ماما لطيفه:الله يوصل عيني واشوف عيالش
طيف :تربيهم ترف هي عمتهم وتخصصها اطفال
ضحكوا البنات وغمزت ريفال لملاك وقالت:اتصلت ترف وانتي في الجامعه
طيف بحماس :ايوة
عرفت ماما لطيفه انه كذب كتمت ضحكتها وقالت ريفال :وبعدين نشوف بنت شقرا وعيونها زي البحر زرق ماشاءالله كأنها خرجت من فلم
طيف :من هذي؟
ريفال :سألتها نفس السوال وقالت قدام البنت جارتنا وبعدين راحت الغرفه وقالت إن مازن اشترك بنادي مختلط ووين ما راح تروح معه واليوم جت تتعرف عليهم
حبت ملاك الفكره وقالت بتعزيز :ولو تشوفيها غنوجه على قوله جهاد تلوع التسبد
رفعت طيف حاجبها وقالت :وين عمي ومازن عنده عادي؟
ريفال :يقول مازن عادي صديقه وعمي في الشغل
بعدت طيف الخاتم من يدها وقالت :صديقه!! وكملت بجديه :اسمعوا من اليوم وصاعدا طيف مش معقوده طيب !قدحنا يمنلاندا وانا مش عارفه نصادق وعادي
انهارت ملاك وريفال يضحكوا لدرجه خافت ماما لطيفه على جنين ملاك وقالت :بنات!!!
ريفال :والله اني كنت شاكه ان هذا الخاتم اللي ما تبعديه منه
ملاك :تغاري وقدامنا تفعلي نفسش المراه الحديديه
انصدمت طيف وقالت ماما لطيفه :كذابات ما اتصلت ترف ولا عبرتهم واذا خانش مازن فهو فتح ملزمه بدل الكتاب مافيش اطهر من مازن
الكل :ههههههههههههههههههههههه
رجعت طيف الخاتم وأخذت عصا ماما لطيفه وبدأت تضربهم فرعت بينهم ماما لطيفه وقالت طيف :انا الغلطانه اني صدقت على مزوني
ماما لطيفه:درس لش ما حب إلا بثقهه
ريفال :على الأقل لنا فايده نجيب دروس
طيف :ريحي لش مني يا ريفال والله ل اضربش هذي المره بالحزام
مر غيث لغرفته وسمع تهديد طيف وعرف انهم يمزحوا مع بعض وقرر يخوف طيف وقال بصوت جهوري :تضربي من ؟
ملاك:تضرب عمتك وهي حامل
خافت طيف من نبره الصوت ضحك غيث وقال :أنا طول عمري كنت اتمنى عمه بس اليوم اسحب كلامي
ملاك :هكذا تكلم عمتك؟
غيث:تشوفي هيئتش هيئه طفل وتقول عمه، الله يعين بنتش عليش
ريفال :سوا تحديد الكل
الكل :هههههههههههههههههههه
ماما لطيفه :أنا شاربي بناتها زي ما رييت الكل إلا انت
ملاك :عطططيههههه
غيث :الله المستعان يا طفطف لكن انتي اي شي منش عادي
مامالطيفه :لا تصدق انت اكثر واحد احبه
رسل لها بوسه في الهواء وراح ضحكوا البنات  وتذكرت ريفال قصه كريم وقالت :اسمعوا ذلحين منصدق
شافتها طيف بنظره شك وقالت ريفال :عرفت ليش سافر كريم
تجمع البنات حولها وحكت لهم القصه مسكت ملاك على قلبها وقالت ببكي :يارب وانا حامل وريني فيهم أشد عقاب واخس نهايه
الكل :امين
ماما لطيفه :يا حبيبي يا كريم الله يفرج على ولدي تحمل شي اكبر من عمره لكن ربكم كبير وهو اللي ايحفظه
طيف بحزن :ظلمناه والله الله يفرج عليه
ريفال :بس انتبهي تكلمي حد زي ما قلت لش افعلي نفسش طبيعي كانش ما عرفتي علشان سلامته وانتبهي تكلمي صحباتش أكد عليا غيث ااكد عليش
ملاك :ما ارضى كريم يكون بقلب حد حتى على هيئه سر
طيف :الحب المكتوم :
ماما لطيفه :يعني بعد هذا كله ومصره تحانكيهم؟
ملاك بمزح :شوفي المره الاولى ريفال المره الثانيه عمتها والله ل ابكيش
طيف :يعمري حامل تهدد
ماما لطيفه:طيف!
الكل :هههههههههههههههههههه
ماما لطيفه :يالله قربوا الغداء وننزل عند شمس
الكل بحماس:يالله
نزلت ملاك وعقلها مع كريم وفي كل خطوه تدعي له واللي طمن قلبها ان كيان اللي ماسك القضيه مسحت وجهها واستودعته الله وراحت
وعند كريم :
صحى الظهر وصحى كيان معه شاف كيان الساعه وقال:تأخرت يالله البس واسافر
كريم :والأكل؟
كيان :شاكل من خارج
سمع اسامه صوتهم وقال :لا تاكلش من خارج ولا ايذانا سويت الصبوح جاهز كل بس
كيان :تسلم م..
قاطعه اتصال غيث ابتسم كيان بواسع ثغره وقال:حياك يا حيدي
غيث بنفس النبره :الله يحيك شكل تعز عجبتك
كيان:عادني قمت سارت عليا نومه
غيث:يالله امسك خط ولعندي البقاله ما فيها لا كريم ولا كيان اشتاقت لكم
كريم بصوت عالي :ايوة حتى احنا اشتقنا للبقاله
الكل :هههههههههههههه
توادعوا وبعد الصبوح ودع كيان كريم ومسك خط لصنعاء ،جلس كريم وقال:وين اللي في السكن؟
اسامه :قمتَ من النوم وقد راحوا الجامعه
كريم :الله يوفقهم
اسامه :امين
مشى اسامه غير ملابسه وتوجهه للباب وقال :سيف
كان كريم يتأمل من الطاقه ويسمع اسامه يصيح ويحسبه يكلم التلفون ما جاب خبر وسرح يتأمل المكان ويتذكر ملاك ،اسامه :سسيففف!
لف كريم وقال اسامه :هيا وكيف مشتعرفش اسمك؟انت سيف
كريم باحراج :والله اني نسيت
اسامه:من الان تُركز
كريم:ان شاء الله
اسامه:اتجي معي منتزه السكون المكان كأنه بروفيلات النعيم
كريم بحماس :ومن ما يحب هذا المكان قدام
راحوا مع بعض وبدأو يتمشوا ويتعرفوا على بعض اكثر سأله كريم:وانت متزوج؟
اسامه :عادني ما لقيت بنت الحلال اللي تناسبني وتناسب وضعي المتقلب في السفريات
كريم :ان شاء الله قريب تلقاها
اسامه بمزح :على يدك اذا لقيت بنت الحلال اخطب لي
بسرعه جت في بال كريم ترف لكن ما حب يدخل واكتفى بكلمه ان شاء الله مع ابتسامه تسليكيه وفي طريق اتأسف اسامه من كريم ان معه مشوار مهم وافق كريم وجلس يتمشى لوحده وتمنى لو انه يصور لملاك كل شي وفجاءة سمع واحد يقول ملاك تعالي لف بكل قوة وشاف بنت طفله ابتسم للاب وحضن البنت وقال :ماشاءالله هذي بنتك
... :ايه
ضربته ملاك بخفه الأطفال ضحك كريم وتخيل عناد ملاك وخرج من جيبه مبلغ وحطه في جيب البنت وقال :جبرها ملوكه الله يحفظها لك
ابتسم الاب واعطى كريم البنت لابوها وقال الاب: شكلك من اصحاب صنعاء
تذكر كريم انه المفروض يتكلم بلهجه التعزيه وقال :دا اني تعزي بس احيان تعجبني اللهجه الصنعانيه
... :من بيت من؟
كريم :معك سيف القاضي 
... :ماشاءالله معروفين حياك الله
كريم :الله يحيك
تسالموا باليد وراح كل واحد مكان ،تذكر كريم ملاك وهو اصلا مانساها وقال وهو يمشي قال :
واعشق سميتش في البزارين وادعيه
واقبل خطاه لو أخطأ واتلقاه
واسمش يروعني لو مر طاريه
واحب ملقوف يسولف وطراه
واصل طريقه ولقى مطعم اخذ غداءه وراح السكن دق الباب فتح عماد سلم كريم وقال :انت الجديد
كريم :ايه
عماد :مسمك؟
كريم :سيف القاضي
عماد :عماد العزيز
كريم :حياك الله
دخل كريم بشخصيته الثانيه سلم على كل الطلاب وبدأو يتعرفوا ،عدا يوم بدون أحداث مهمه وفي بيت نايف بن ناصر ال سعد :
تجمع الكل حول ألين ودموعهم ماخذه مجاريها وهي اختهم اللي عاشوا الحلو والمر معاها مسك هتان عدنان وقال :امانتك ألين يا ويلك اذا دقت علي بيوم تشكي منك
عدنان :اختك بعيوني
شد هتان على كتفه وابتسم ودعت ألين وشهد وام عدنان الكل ومن ضمنهم ترف ودُجى ،حضنت ألين امها وهي تبكي وتقول :سامحيني يا اميتي لو يوم زعلتس
ام هتان وهي تمسح دموعها :مافي ام تزعل من بناتها
شدت ألين على امها وبعدها اخر حضن لخواتها وتحركت للمطار بصبحه اخوانها وأبوها انقلب البيت بكاء وخاصه جهاد تجمعوا البنات حولها يهدوها وقالت جمان وهي ماهي اقل حزن من جهاد :هي سافرت ما ماتت خلاص يا بنت الحلال ادعي لها توصل بسلامه
جهاد :بشتاق لهوشاتنا وضحكنا مع بعض
ترف :يا بنت الحلال سنه وترجعوا
جهاد وهي تمسح دموعها :ان شاء الله
لُبنى:مين لما جيت هنا وألين تغيرت ويوم تعلقت فيها راحت
اشرت أمل للُبنى وهي تعرف أنها قالتها بصفاء قلب استحت لُبنى وسكتت وعم الصمت في البيت وفعلا ألين بعد ما صارت ام بدأت تحسن من نفسها ولا ننسى عدنان اللي غير كثير من طبعها ومن هنا للمطار :
حضنت ألين اخوانها وباست رأس أبوها وسلم عدنان عليهم وقال ابو هتان :احفظها يا عدنان
عدنان :في الحفظ والصون يعم
هتان :ا...
شاف عدنان الموعد قرب ابتسم باحراج وقال بمقاطعه :لا توصون حريص
ابتسم هتان وودعوهم لين اختفوا من أنظارهم ورجعوا السياره حزينين على فراق اختهم مسح هتان دموعه بدون محد يشوف لكن شافه إبراهيم اللي كان جنبه وقال :الرجال ما يبكي زي الحريم
لف سعود وقال بضحك:مين يبكي؟
ابو هتان :مو وقت السواليف ما تشوف المطب اللي اكلته
عم الهدوء في السياره كتم هتان ضحكته وصلوا البيت والكل توجهه غرفته ،دخل هتان شاف جهاد في المطبخ تسوي العشاء شافته وقالت:وش عندك تناظر من عند الباب قطو انت؟
ضحك هتان وقال :ظاهره طبيعيه تجعل الإنسان ينظر كل ما هو جميل بتمعن
اخفت جهاد الحب وقالت بمزح :جو شيبان السوق
ضحك هتان وضحكت جهاد راح هتان قعد فوق كرسي المطبخ وشاف دله الشاهي جاهزه على الطاوله سكب له وقال:الحمد لله ان الشاهي حلال
اكتفت جهاد بابتسامه وقال هتان:يا عذلين الهواء ما يفيد الكلام
جهاد بحماس :مسكين مسكين من قد بلي ب الغرام
ضحك هتان وهو اكثر من تدخل بجوه بسرعه بعد سعود جهاد وقالوا بصوت موحد: ف الحب جنه وفي البعد نار وهيام مسكين مسكين من قد بلي بغرام
إبراهيم من وراهم :وتظن انك نجوت وتهزمك قعدت المطبخ مع جهيد
هتان :صادق
استحت جهاد وقال إبراهيم :الحين يوم جيت ابعرس ولدت جمان وسافرت ألين
جهاد بمزح:وبتعرس جهاد قبلك
ضحك هتان وقال :نكلم ابوي يعطيهم خبر لبعد شهرين تعرس
إبراهيم :ما ظنتي ابوي يوافق
جهاد :جرب ترى بابا حبيب وانت لعبتها صح يا خطير
إبراهيم وهتان بنفس الوقت :بابا!!!!
ضحكت جهاد وقالت:لا حول ولا قوة الا بالله خلوني اعيش انوثتي
إبراهيم:سامع تقول انوثه
جهاد :هين يا إبراهيم والله بعبي رأس ليان عليك
إبراهيم :وش دعوة يا جهيد حتى الاسم كله انوثه
هتان :وشفيهم بنات نايف ما يقبون المزح
الكل :هههههههههههههههههههههههه
جهز العشاء ونادت جهاد للبيت كله وبعد العشاء الكل توجهه غرفته وفي غرفه هتان:
شاف حبوب فوق التسريحه خاف وقال :وش فيتس؟
لُبنى :الشر ما يجيك علاجات امي الله يطول لي بعمرها وفتمين لي
هتان :مين اشتراهم
لُبنى :جارتنا جت عندنا اليوم وجابتهم مع طريقها
هتان:ثاني مره قولي لي انا بشتري لتس جميع حاجه
لُبنى بابتسامه :مشكور ما قصرت
رد لها هتان الابتسامه وقال :بتنامين
لُبنى :اي وانت
هتان :بروح الحوش شوي وارجع
لُبنى :طيب تصبح على خير
هتان :وانتي من اهل الخير 
خرج هتان وهو معجب بلطافه لُبنى اللي تزيد كل يوم لكن ما قدر انه يحبها ابدا وقرر يتقرب منها  ورجع بكل سرعته لعندها قبل ل تنام وتفشل الخطه اللي من زمان يحاول يسويها
وفي اليمن:
وصل كيان واستقبله غيث وقال:الظاهر قرية ابوك عجبتك اكثر من قرية امك
كيان:لا هذا ولا هذا وقفت عند مطعم في الخط ولقيت صاحب لي من زمان وجلست معه لعصر
غيث:ونعم، ولا مريت لاعمامك؟
كيان :إلا سلمت عليه ورحت الله يحفظه ما يقصر حتى ارض ابي الله يرحمه مهتم فيها كأنه أرضه
غيث :الله يحفظه ويرحم عمي
كيان :امين
غيث :يالله حرك للبيت قبل ل يقلقوا
كيان :سلم عليهم
رفع غيث يده وقال :يوصل
حرك كيان للبيت وهو مشتاق لامه وخواته كثير واللي مطمنه وجود غازي معاهم وصل البيت والابتسامة شاقه وجهه فتح الباب وسمع صوت بكاء وشاف دم في الأرض أسرع لداخل وشاف المنظر اللي تمنى ما يشوفه في حياته كلها .....

_____
البارت سويته وانا راايقه يعني ابشروا ب ٣ بارتات جديده لا تنسوا النجمه واشوفكم في بارت جديد يَحلوين 🤎🤎.