حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت السابع عشر

رد لها الرجمه بجزمتها وضحكت دُجى وطيف وعدت الأيام وجاءت ليلة العيد ومش عارفين ايش منتظر لهم فيها ،بدأت تكبيرات عيد الأضحى والرجال في المسجد والبنات يتكشخوا لصباح العيد
شمس : بنات فستاني وين؟
طيف: اتفق معش يوم العيد أغلب الأشياء تضيع لكن ما توصل الفستان وبعدين ما تركزوا انها دائما تنسى فساتينها
ريفال: الحمد لله ان ترف مش هي هنا ولا كانت شمس حديث المساء
طيف بضحك : انا حطيت فستاني جنبي في السرير ورقدت
الكل : ههههههههههههههههه
شمس : ملاك اللي اتساعدني وخروا مني
ريفال : ملاك مش عارفه وين انتي فوق تتكشخ
شمس : وين انتي يا دُجى بس
طيف : والله صدق ما يكمل العيد إلا بهم شرأيكن نتصل لهن ؟
ريفال بضحك : تنزل ملاك وتلقى شمس الفستان ونتصل
رجمتها شمس بالوساده وواصلوا يكشخوا
و في تركيا :
ترف : متى بيرجعوا من المسجد
ام مازن: ربع ساعه ليش ؟
ترف : علشان نسلم عليهم ونتصل لماما لطيفه وبعدين اروح عند جهاد انا والبنات
ام مازن : خلاص نعتمد جهاد من العائله
ترف بضحك : اكككيد
وفي المسجد :
انتهت صلاة العيد وبدأت العرب تسلم على بعضها وتعايد
هتان : علامك يعمي سرحان
ابو مازن بابتسامة : لا توجع راسك يولدي
هتان : الله المستعان حنا عائلة واحده
ابو مازن : الله يسلمك ، عندي عمل بعد شهر خارج اسطنبول وسجلت بنتي في المدرسه ثالث ثانوي لازم تخطى المدرسه ومستحيل تروح مع باص المدرسه زي صحبتها تعرف تأخير البنات واخاف عليها في الغربه ومازن دوامه غير دوامها والان ادور باص عربي مضمون
هتان : متى دوامها وفين مدرستها ؟
ابو مازن : المفروض باص المدرسه يجي الساعه ثمان ونص والحصه الاولى تبدا تسع ومدرستها بعد شارعين
هتان: حلو دوامي يبدأ تسع وربع بأخذها معي تسع للمدرسه وربع الساعه طريق دوامي
ابو مازن : لا يبني الله المستعان بتتعب
هتان : لا ياعم مافي اي تعب وكمل بمزح: انت تبي ناس ثقه وهذا رجائك وجاك
ابو مازن : الله يحفظك والله اني اشوفك زي ابني مازن ، لكن لازم تحدد مبلغ في الشهر
هتان : كانك تهينني يا عم؟ من متى والجار ياخذ من جاره ؟ واصلا مدرستها على طريق عملي
ابتسم ابو مازن : أصيل ما تقصر
رجعوا يتسالموا مره ثانيه اما هتان عيده رجع عيدين
و في بيت عز الدين :
بدأت السلام والبخور والمعايده
ابو مازن : وهذي عيدية المترفه
ترف : الله يعيدك معي كل عام يا احلا اب
ابو مازن : وهذي عيدية دُجى
دُجى : زاد فضلك يا عيون بنتك
اوسان: وانا ؟
حضنه ابو مازن وعطاه عيديته وقال : ترف سجلتش في المدرسه والدوام بعد شهر
ترف : ايش جااب خبر المدرسه في فرحه العيد مافيش اي تناسق
ضحكوا وقال أبوها : واعرف مستحيل تروحي بباص مدرسه
دُجى بضحك : اكيد هذا الشي ولا كل الايام غياب
ابو مازن : ف بيوصلش هتان وهو رايح لعمله
شرغت ترف اللي كانت تاكل مكسرات العيد وقالت : اخو جهاد
ابو مازن: تعرفي جهاد وما تعرفي هتان ؟
ترف بضحك : وما غيره لقيت يبه
ابو مازن: خلاص شسجلش في باص المدرسه
ترف : لا لا وماله هتان ماشاء الله عليه لا باص ولا شيء
الكل : هههههههههههههههههههه
قاطعهم دخلت مازن جرت دُجى تحضنه وبعدها ترف واخرهم اوسان عايدهم وراح يبوس رأس امه
ترف : يا بخيل اعطِ امي
ام مازن: ترففف!!
ضحك مازن وخرج اسواره ذهب من جيبه وقال: امي ما تتعايد إلا بذهب
ترف بشهقه: وانا اختك
مازن بسخريه : روحي روحي اتصلي لامل تأخرت
ترف : يعوضنا الله
بخرت أبوها واخوها وتصورا صورة العيد مع بعض وقاطعهم دخلت امل تسالموا سلام العيد وراحوا البنات بيت ابو هتان .
و في بيت نايف بن ناصر ال سعد :
ام هتان : من العايدين الفايزين كل سنه وانتم طيبين
امل : وانتي سالمه ان شاء الله
ترف : وانتي الطيب كله
جهاد : فنون الرد ابداع
الكل : ههههههههههههههههههههههه
ام هتان: وين امكم
ترف : عند عمتي نوره العصر وبيمروا عليش
ام هتان : ان شاء الله حياهم الله
امل : الله يحيش
ام هتان : يزين ريمان ماشاءالله
ريمان بلغة اطفال: امل اللي سوت لي فيونكه
باستها ام هتان وعايدتها ودخلوا البنات الغرفه وبقيت ريمان مع اوسان في الحوش يلعبوا بالسياكل
جهاد : وش الكشخه يبوييي تجننوا
ترف : والله انتي الكشوخي
جهاد بضحك: كشوخي؟
ضحكوا وبعدت امل البالطو وقالت: انا الان اغطي عليكم
كانت امل لابسه شورت جنز اسود وفلينه بيضاء واكسسوارات ناعمه وبقصه شعر جديده ومن الأطراف ويفي كانت جميله فعلاً
جهاد : يحححلوووتسس بس متى قصيتين شعرتس؟
امل : قبل امس علشان لوك العيد
جهاد : من قص لتس؟
أشرت امل ل ترف اللي كانت بكل ثقه تبرد أظافرها وقالت: انا
امل : ما يليق عليش النرجسيه
جهاد : تعرفي تقصي ؟
ترف : ومواهب أخرى
الكل: هههههههههههههههههه
دخلت جمان تسلم عليهم لكن قطع سلامهم دخلت ألين مع القهوة كانت نيتها شر خاصه بعد ما شافت ترف اخذت القهوة ومثلت أنها تكحولت لكن فستان جمان الطويل مسك كعبها فيه وبدل ما تحرق ترف حرقت جمان في بطنها فزت ترف للحمام تجيب ماء بارد اما جهاد وامل واقفين يهدأو في جمان مصدومين
ألين : حسبي الله ونعم الوكيل
جمان بعصبيه : عليتس يارب ما تشوفين حرقتي ولدي الله لا يبارك في عدوتس
ترف بضحك والماء في يدها : انتي اللي انحرقتي ولدش محمي لا تخافي
جمان بخوف : ابدا مو وقته
سمعت ام هتان الصوت وجت وشافت المنظر وعرفت القصه وقبل عشر دقايق :
ألين : يميمتي جيبي القهوه والحلا انا بروح للبنات اعطيهم
ام هتان: سبحان الله اللي عقلتس تفضلي يبنتي
ألين بشر : زاد فضلتس .
تذكرت ام هتان بعصييه ومسحت ترف على الحرق وبعدت لها الفستان بشويش وكان الحرق ابدا مش خطير لكن مؤلم
ترف : يكفي ثلج ،عندش زيت زيتون؟
جهاد: مع امي ليه ؟
ترف : هاتيه
امل : بنت جدتها علاجها الاول الزيت
ابتسمت جهاد وجابت الزيت ل ترف اخذته وحطت عليها مع شويه من آيات قران تحصنها
ترف : خلاص البسي شي واسع وارتاحي القهوه مش حاميه والحرق جدا بسيط احمرار وشويه ألم ويروح ان شاء الله
جمان : يابعد قلبي يا ترف والله
ترف : ما سويت شي الله يتمم لش على خير
ابتسمت جمان وعلى خرجتها من الغرفه عاتبت بنظراتها ألين
ام هتان : ما قصرتي يبنتي
ترف : الله مستعان هي زي اختي الكبيره
دُجى : اللي اكبر مني يعني
الكل : ههههههههههههههههههههههههه
ابتسمت ام هتان وقالت : ألين امشي وراي
ألين وهي ما كان مقصدها ابدا جمان كان مقصدها ترف وقالت بخوف : ان شاء الله
جهاد : تستاهل الان امي بتوريها خوفي كله وألم جمان
امل : ليش تسوي كذا طيب
ترف بجهل :حقاده ما تزوجت
دُجى بضحك: بس يمكن يكون بالغلط أحسنوا الظن يبنات
جهاد : ما اظن بس يمكن
ترف : المهم عندي لكم خبر
جهاد : احسها بتصير دكتورة
ترف : لا يع الله لا قال
جهاد بضحك : اجل وش خبرتس؟
ترف : لبعد الغداء مُفجاءه
وفي غرفه ام هتان :
ام هتان بصراخ : والان هذا وش اسميه؟
ألين : بالغلط دخلت رجلي على طرف فستان جمان وسقطت
ام هتان : بالغلط وانتي ما عمرتس دخلتي مطبخ تقربي لضيوف ؟ وش سوت فيتس البنت مسكينه، وسوء اعمالتس اختس اللي راحت ضحيتها
ألين تمثل الخوف : الان بدل ما تقولين كيف رجلتس أو تروحين تشوفين جُمان قاعده تقولين علي سوء اعمالتس؟
ام هتان: بمشيها اليوم مو عشانتس عشان العيد واختس لكن والله يا ألين والله لو اشوف شي مو كويس أو حركه سخيفة ما تلومين إلا نفستس !
ألين : بروح عند بيلسان وبخلي لحبيبة قلبتس البيت هي وصديقاتها
ام هتان : انثبري مكانتس بيجوا عندنا بعد الغداء
راحت ألين غرفتها أما العيال وزوج اختهم كانوا في حوش مع ريمان واوسان وفي نص السوالف قاطعهم سند وهو يقول بعصبيه : اسالتس بالله ؟
فز هتان وقال سند : الان بجي لتس لا تبكين يا أمي انتي
هتان : ايش في
سند: اختك السلقه ح...
هتان: هيهه تغلط على اختي ادفنك حي !
سند: اختك اللي تدافع عنها حرقت حُرمتي وولدي
هتان : ألين ؟
سند : و في غيرها من لما بدأت تروح عند عمتك وبنتها وهي كل يوم تزيد مشاكلها
هتان: روح جيبها نوديها المستشفى
سند : ما يحتاج تقول القهوه ما كانت حاره وبنت الجيران عطتها علاج طبيعي
تذكر هتان لما تعلمت اخته ضرب المُغذيه في يدها وقالت المُترفه اللي علمتها ،واكيد اللي داوت جمان ترف ابتسم وقال بصوت واطي : باقي جروح قلبي!
سند : هاه ؟
هتان : ولا شي خلاص روح لها وبعد شويه بلحقك انا والمانجو خابرها تحب المانجو
سند بابتسامة: منتظرين لك
اما سعود اللي كان يلاعب ريمان وسعود وما ركز ابدا لأخوانه راح سند الغرفه وقعد هتان يتقهوى ويتذكر كل شي سوته وكيف بحركاتها البسيطه سيطرت على قلبه وعقله
سعود بصوت عالي: ولد
هتان : مين اللي سلطك علي كل ما افكر تحطم أفكاري ؟
سعود:هتان يفكر! امحق الأفكار
هتان : هيهه !
سعود بضحك : وين ابراهيم وسند؟
هتان : واحد حرمه حرق والثاني ينظف حوش من دم الذبيحه مع مازن
سعود : حرقت جمان !
هتان : خفيف حتى ما يسمى حرق دام الدواء كان من يدها
رجمه سعود بقلص حديد فاضي وقال : انقلع بس نظف معاهم
هتان بضحك: خلي الشباب ينظفون مالك صلاح
قاطعهم صوت صياح ريمان باعلا صوتها لما اوسان صدم سيكلها واكتسرت العجله ابتسم سعود وراح يصلح لها للعجله اما امل اللي كانت مع البنات سمعت صوت الصدمه وصياح اختها تذكرت أخوها اللي مات بحادث سير في عمر خمس سنوات وبدون تفكير جرت للحوش تشوف اختها
جهاد بخوف : يبنتي العبااايه !
ترف : البسي نلحقها
وصلت امل للحوش وشافت ريمان في حضن سعود وهو يصلح سيكلها مسحت عيونها بقوة وتصنمت مكانها بعد ما سمعت صوت ريان ابن عم سعود يصيح له ، شافها سعود وهي بكامل زينتها توتر وبعد بشته وجرى مع ريمان ل عندها غطاها ببشته ودخلت امل اما ريمان راحت تلعب مع اوسان
ترف بشهقهه : عادني بلحقش بالعبايه
جهاد: هذا بشت سعود ؟ إلا والله عطره
بعدت امل البشت باحراج واعطته جهاد وقالت : ما لحقت افكر حتى حسبت فيها شيء
ترف : فجيعه واحده زياده ويرتفع لي السكر
امل : بسم الله عليش
ترف : ادخلي بس نتصل للبنات
جهاد: اي والله ابي اتعرف عليهم
امل : هم في الشاليه وما في نت اتصلت شمس وانا في البيت وماعد مسك الخط بتصل لهم بعدين
ترف : خلاص تعالي ندخل العيال صوتهم بيدخلوا
جهاد : عاد لو ابراهيم معاهم بنتصفق تصفيق
ترف : والله لاخرج خوفي فوق ذا الابراهيم
جهاد: عاد هو الرجل الشرقي الغيور
امل : خاطري اقولها بس حشمه لش
الكل : هههههههههههههههههههههههه
وفي اليمن تحديدا في الشاليه :
طيف : لما نروح نتصل لهم
شمس : يمكن نرقد هنا
طيف بحماس : والله؟ شرقد في المسبح
شمس : انقلعي بس جيبي الصبوح مع ملاك وريفال تشوفيهم الان يتحسبوا علينا
طيف : محد يذبح بحوش شاليه إلا ابي واعمامي حسبي الله ونعم الوكيل من صدق
وعند الرجال :
كرم : غيث
غيث : هاه
كرم : بعقد اليوم ما استحمل خلاص
غيث بصدمه : ومن اللي دعت عليها امها واتاخذك
كريم : تصدق اذا قلت لك شمس
غيث : انا مش موافق
كرم: لا يشيخ بصفتك من
غيث بضحك : ابن عمها
اخذ كرم شحم الخروف ولحق غيث اما غيث اللي طار للمطبخ
ريفال: بسم الله الرحمن الرحيم!
ملاك : بتجيب لبنتي سكته قلبيه تنحنح يا ولدي
غيث بضحك : بنتش وولدش اقول افعلي الصبوح بسرعه يا نتفهه
ريفال بضحك : هذا لقبي ما اسمح لك
ملاك : انا نتفهه؟ ريفال هاتي اي شي ريحته مش حلوة اوسخ ثوبه
غيث : هربت من مهبول جاءت مهبوله
ماما لطيفه: ايش في ؟
ملاك تمثل البكاء : بدل ما يقول لي شكرا على الصبوح يقول لي نتفهه وهبلا
ماما لطيفه: وهو صادق
غيث : ححححيو الام البطله
ملاك: والله ما حد ياكل اذا
ماما لطيفه: دام فيها اكل مردغيه يبنتي
ملاك: هذا الكلام الصح
الكل: ههههههههههههههههههه
ابو كرم : ما اتصل عز الدين
طيف : مافي تغطيه هنا لما نروح نتصل لهم
ابو كرم : خلاص بعد الصبوح العيال بجهه والبنات بجهه علشان ياخذوا راحتهم
طيف : يقرأ أفكاري دائما
كرم بضحك: بجلس عندكم بس هكذا اخرب الأجواء
ابو كرم : ولبسوه فيونكه
طيف بضحك : عطيهه
كرم : للبيت واوريش اصبري
طيف : حركات مازن المتوارثه
ماما لطيفه: صبوح وبعدين تضاربوا
ملاك بثقه : بينسوا المضرابه بعد اكلي الرهيب
ام شمس : جحدتني
ملاك بضحك: يعني لا ننسى عمتي في بعض المكونات
الكل : هههههههههههههههههههههه
كرم وهو يشوف شمس : بعد الصبوح يبه اشتيك في موضوع
ابتسمت شمس وقال ابو كرم: يالله من هذا الموضع اللي من الصبح شاغلني فيه
كرم بمزح : اذا شغلتك من الصبح انا من سنين شاغل تفكيري
ابو كرم : اصتبح ل ارجمك بالصحن
ماما لطيفه بضحك : ومن بيدخل في الموضوع
كرم : على حسب الوضع
ملاك بثقه: اكيد انا صاحبه الفزعات
كرم : انتي وطيف بذات مستحيل تعرفوه
شمس بضحك : اذا انا
كرم بابتسامة: انتي الموضوع
ابو شمس: هاه ؟
كرم : اقصد يعني اكيد بتعرفه لاني ما تكلم خلق الله
شمس باحراج : خلق الله هم بيت عمي عز الدين
كرم: خلاص بفكر واقول لكم
ضحكوا وبعد الصبوح راحوا الرجال في ديوان صغير في الشاليه وصوت اغاني العيد والضحكات ماليه المكان، مشى كرم لعند ابوه وقال :يبه الحمد لله تخرجت وتوظفت في شركه وعندنا بيت ومع الأيام بترقى ان شاء الله ومصدر الدخل أكبر
ابو كرم : بشرني وقول بتزوج
كريم : مع الأسف
ابو كرم: انت اصهه
غيث : تستاهل محد قال لك تدخل ادرس جامعه بأدب
كريم : اوريك يا عاطل
كرم بضحك : والبنت لولد عمها
ابو كرم : ماشاءالله نعقد لك على ملاك؟
كرم : لا عادها صغيره اشتي شمس باقي لها سنتين وتتخرج اعقد عليها وزواجنا بعد سنتين على جيت عمي عز الدين
أبو كرم بضحك : الخطه مدروسه لكن شمس بتنعقد على ابن خالها يحيى امس أبوها اتصل لقاسم وبعد العيد بيعقد عليها لو كنت أسرعت في الخبر يوم
كرم بعصبيه : والله ما يأخذها وانا حي !
غيث: شروخان اهدأ ل يشرخك عمي
كرم : سمعت ابي لما قال لكم اصه ؟
تعصب غيث لكن قال كريم بهداوه : اعذره والله ما الومه
ابو كرم بعصبيه : ايش اتفعل مثلا يا بطل
كرم : شفعل اي شي ولا يأخذها الرخوه يحيى
ماما لطيفه : عيد عيد ليش أصواتكم عاليه
كرم : يمه تعالي اشتيش بموضوع
ضحكت ماما لطيفه جاهله ايش حصل وقالت : شكل الموضوع حامي
غيث بضحك : الا حريقه
راحت ماما لطيفه لغرفه منعزله هي وكرم وحكى لها وعيونه مليانه دموع
ماما لطيفه: عندي الحل بس يارب أم شمس توافق
كرم بفرح : كنت داري ان معي جده بالف رجال
ماما لطيفه بمزح : وايش المقابل
كرم : بعد العقد باخذش عمره معي انا وشمس
ماما لطيفه بضحك: اذا الف مبروك يا عريس
حضنها كرم وراحت ماما لطيفه عند ام شمس :
ماما لطيفه: وهذا اللي حصل وانتي تعرفي كل عيالي تزوجوا عن الحب وواصلت بغمزه: يعني اذا تذكري
ام شمس بضحك : والله كرم زي ابني أكثر من قام معي هو
ماما لطيفه: كم الفرق بين شمس ويحيى ؟
ام شمس : سنه
ماما لطيفه بضحك : ما تذكري لما تروح امه لمعهد الخياطه ورضعيته
ام شمس بشهقه : ايوة صح
ماما لطيفه : خلاص أخوها تفركشت الخطبه
ام شمس : بس مش هي خمس رضعات مشبعه؟
ماما لطيفه : انتي بتقولي رضعته والباقي عليا
ام شمس بضحك : اذا الف مبروك ل كرم وشمس
سمعت كل شي ريفال من وراء الباب كانت بتجيب علاج ماما لطيفه راحت تجري لعند البنات وخاصة شمس
صد غيث بعيونه وقال : هدي السرعه اتتكحولي بالكعب!
ريفال بعدم وعي من الفرح رسلت له بوسه في الهواء وقالت : متعوده المهم اوصل لهم الخبر
ابتسم غيث لفهاوتها وراح لعند كرم بفرح لكن وجهه ابدا مش مبين وقال : انتشر الخبر
فز كرم وقال: ايش في؟
غيث : الظاهر وافقوا عليك أو ماما لطيفه طيرتك
ماما لطيفه من وراهم : لا تصدقه
غيث بضحك : مستحيل ماما لطيفه في الموضوع وما تشوف موافقه هي ام الفزعات
كرم : منافق والله
غيث بضحك : خلاص بس توتر ابتسم يخي
ماما لطيفه: روح انت وابوك الان وكلم عمك قاسم وانا بكون موجوده
كرم : متأكده؟
ماما لطيفه : وحده بعمري تستهبل معك؟
الكل : ههههههههههههههههه
كرم : والله اني احبش
ماما لطيفه: امشِ بس
وفي الديوان :
أشرت ماما لطيفه ل احمد (ابو كرم ) وخرج من جنب إخوانه وعيال اخوانه
ابو كرم: في شي ؟
ماما لطيفه : تقدم لشمس الان حليت الوضع
ابو كرم بضحك : لعبه هي
ماما لطيفه : تشتي تزوج اول فرحه لك ؟
ابو كرم : الا
ماما لطيفه: أخطب له الان
ابو كرم : شورش وهدايه الله ، كرم تعال بعدي
كرم: غيث قلبي يرفرف
غيث : أثقل الله ياخذ شنبك بس
كرم : الله يوصل عيني لما اشوفك هكذا
غيث : حلم إبليس بالجنه
كرم بضحك : واذكرك
كريم : وانا تذكرت كلامه
غيث بحماس: ل يكون ح...
كرم : نستفسر بعدين تعالوا نشوف ايش ايحصل
وعند البنات :
شمس: قولي والله
ريفال: في حد يكذب في هذي المواضيع
ملاك : انا
ريفال : انتي حاله خاصصه
طيف: وانا اقول وقت الصبوح ليش يقول هكذا
شمس : التحليلات بعدين البسوا حق الصلاه وتعالوا نسمع من وراء الباب
طيف بحماس : قداامم
عند الرجال :
ابو كرم : ياخي طلبتك وانتبه تردني
ابو شمس بضحك : ابداً طلباتك أوامر
ابو كرم : نحنا طالبين يد بنتك شمس ل ابني كرم ومافي أامن واحسن من ابن عمها
ابو شمس : والله اتشرف لكن ابن خالها سبقه ، ياخذ ايه اللي تقرب لام مازن
كرم : اذا هو كلام انا فعل! وبعدين انا ما اشتي إلا شمس
ابو شمس:ما اكرهه انك تزوج بنتي لكن لا يجوز خطبه المسلم فوق أخيه المسلم !
دخلت ماما لطيفه وقالت : لكن اخوه المسلم هو أخوها من الرضاعه
توسعت عيون شمس بصدمه وتنهد كرم براحه وواصلت ام شمس من وراء الباب جنب البنات : الا انا رضعته مع شمس
ابو شمس بفرح : جت من عندك يالله خلاص نشوف موافقه البنت واذا موافقه نعقد لك بعد صلاة العصر
كرم : اسألها
دقه ابو كرم وقال : أثقل الله يقلع ابليسك
ابو شمس: استاذنكم
كرم : اذنك معك يا احلا عم
فتح ابو شمس الباب وسقطت ريفال اللي كانت معلقه فيه لمحها غيث وضحك اما شمس اللي تغير لونها للاحمر
ابو شمس: مسرع وصل الخبر لكم
طيف بضحك : ياعم نروح البيت ويكون الخبر في تركيا
ابو شمس ابتسم وحضن شمس وقال : موافقه
شمس : انت ايش رأيك؟
ابو شمس حب يخفف لها التوتر: من العروسه انا أو انتي
شمس : اذا انت موافق مالي كلمه بعدك
ابو شمس : والله كرم مؤدب ومننا وفينا ويشتغل واحسه مناسب أكثر من يحيى
شمس : تمام
ابو شمس: موافقه يعني
طيف : ايوة موافقه بس تستحي
ابو شمس : لا ياخذش الحماس لانها مرت اخوش لكن هي العروسه
سكتت طيف وقالت شمس بضحك : بس بشرط
ابو شمس : تدللي
شمس : بعد الجامعه العرس ولما يرجعوا بيت عمي عز الدين
أبو شمس : ابشري
شمس باحراج : موافقه
ابو شمس بابتسامة : مبروك يا وحيدتي واميرتي
مسحت دموعها بحنيه ودخل ابو شمس الديوان
كرم : طولوا يارب خير
غيث : اهدأ هي زواجه مش بضاعه
كرم : محد يستشير غيث إلا انا الغلط مني
غيث : اسكت دخل واثقل
ابو شمس بمزح : والله مش انا داريي ما اقول لكم
كرم : بشروا ولا تنفروا!
ابو شمس بضحك : قبل ل نقرأ الفاتحه في شرط
ابو كرم: تأمر بنتي
ابو شمس : ما يأمر عليك عدو، تزوج بعد الجامعه وعلى رجعه بيت اخي عز الدين
كرم بحماس : وهذا كان شرطي
ابو كرم بصوت واطي : اسكت انا اللي اتكلم يحيوان
غيث بضحك : تستاهل
كريم: الله لا يبلانا
كرم : اوريكم يا كلاب
ابو كرم : موافقين ومتى بيجي الشيخ؟
ابو شمس : بتصله يجي بعد صلاة العصر
ابو كرم : ومهرها يوصل لها لآخر ريال وذهبها معه هذي الغاليه من أصل غالي
ابو شمس: نقرأ الفاتحه اذا
اعتلت صوت الزعاريط وكل فرحان لزفة اول عروسه لحفيدات محمد ال مُنيف
شمس : ايش العادات هذي على الأقل شوفه شرعيه أو خطبه على الأقل
طيف : بتقنعيني انه ما شافش بشعرش وبعدين انتي كاشفه قدامه مافيش داعي
شمس: قنعتني
الكل : ههههههههههههههههههههههههه
ماما لطيفه : الله يديم فرحكم يبناتي
شمس : وانتي معانا ان شاء الله يا احلا أم
ام شمس: مش متخيله ان بنتي الوحيده عروسه
طيف : بتكون في نفس البيت بس بتطلع دور واحد بس وكل يوم بتشوفيها لدرجه بتصيحي على كرم ياخذ لها بيت لوحدها
ام شمس بضحك : من الان ياخذ بيت
شمس : والله ؟
ضحكت ام شمس وحضنتها وجابت لها سلس ذهب رقيق اللي كان على رقبتها كهديه بسيطه لفرحها
ملاك: والله لو عرفت ترف بتجي مشي
ريفال بضحك : وازيدكم من الشعر بيت قال ابي ان الشبكه النت حرقت وما اتصلح إلا بعد شهر
طيف : كذااابههه كيف لما؟
ريفال بضحك : ما سمعتي بهدم الفرح؟ هذا هو النت
ماما لطيفه : العصر بيتصل عز الدين مكالمه دوليه ونكلمه بالخبر ولما يصلح النت احكوا للبنات
طيف : فكره
ماما لطيفه : يالله ادخلوا صلوا ظهر قد انتم بحق الصلاه وبعدين زفنها براحتكن
شمس: بنظام لوسمحتم
طيف : خلاص بتصدق نفسها الشمس هذي
كرم من وراهم : يحق لها حبيبة قلب ابن عمها
انسحبوا الكل وحضن كرم شمس وقال: قلت لش بتكوني حقي وحلالي
شمس بتوتر : قول وفعل لا خلا ولا عدم
كرم : شخطى الحق الجماعه في المسجد يا حلالي وشد على الياء
ابتسمت شمس وراحت عند البنات
طيف : لو يعرف ابي أو ابوش انه حضنها ذبحوه بدل الخروف المسكين
شمس : والله هذا اخوش ربيه
طيف بغمزه : والله هذا زوجش مالي دخل
اخذت المقرمه تضرب طيف لكن هربت لعند ماما لطيفه وكمل يومهم بفرح واصبح العيد عيدين
وفي تركيا:
اتصل ابو مازن ل دُجى وكلمها وقالت بصدمه : من قال لك يا بابا؟ احلف
ابو مازن : تكذبي ابوش يا قليله الحيا
دُجى : اسفه والله بس مع الصدمه
ابو مازن : الشبكه خربت ولما تصلح قالت امي بتتصل لكم
دُجى : يا حبيبي يا شمس زعلت وفرحت بنفس الوقت
ابو مازن : قبل أذان المغرب وانتم في البيت
دُجى : حاضر مع السلامه
ترف : ايش في
دُجى : شمس انعقدت
ترف بشهقه : من شمس حقنا ؟؟ وكيف وعلى منن؟؟
دُجى : والله يقول بابا انعقدت على كرم والعرس لما نرجع
امل : مدري افرح أو ازعل لاني مش موجوده
ترف : نتصل لهم طيب ونسأل!
دُجى : الشبكه خربت لما تصلح هم بتصلوا
ترف : اوف يالقهر يعني وقت الان تخرب
جهاد : وش صار
ترف : شمس اللي احكي لش عليها اخذت اخو طيف
جهاد : يعمري الله يهنيها والعقبى لتس ان شاء الله
ترف بضحك : ان شاء الله
ليان : فهموني طيب
جهاد : والله يا بنتي انا ما فهمت إلا بعد الف شرح بس ابن عمها اخذ بنت عمها الثاني
ليان: ماشاءالله مبروك
امل : والله طبع ليان يجنن مش زي بيلسان
ليان : بيلسان مثل ألين محد يطيقهم
جهاد بمزح : تلقيهم الحين يخططون لمشكله
ليان بضحك: الله ينجينا بس
دُجى : يالله بنات نشوفكم قريب بنروح
جهاد: تو الناس والبيت قريب
دُجى : والله هذا امر من ابي ولا بجلس عندكم
جهاد : يالله مع السلامه
دُجى : تعالوا عندنا
ليان : نستأذن ونجيكم ان شاء الله
توادعوا وامل في الباب شافت سعود دارت باحراج وتذكرت موقف الصبح وانقلب لونها احمر اما سعود اللي عرف انها امل اخت ريمان ابتسم بخفه ودخل عند العيال وانتهى اول ايام عيد الاضحى المبارك والكل متحمس لعرس شمس ومُفاجئته ...

_____
عيد مبااارك ان شاء الله عجبكم البارت اشوفكم لبارت جديد ولا تنسوا النجمه يَحلوين 🤎🤎.