Unicode
အရှေ့ကပြေးလွှားဆော့ကစားနေတဲ့ ကလေးလေးတွေကို ကြည့်ရင်းရှောင်းကျန့်ပြုံးနေမိတယ်။
ညနေခင်းမို့ ပန်းခြံထဲမှာ လူပိုစည်နေတယ်။
ဒီပန်းခြံလေးက လမ်းထိပ်မှာရှိတာမို့
ရှောင်းကျန့်ငယ်ငယ်ထဲကရောက်နေကြနေရာလေးပေါ့။
ငယ်ငယ်ကဆို သူရယ် ရိပေါ်ရယ် ကျင်းရှန်းရယ်ကျောင်းပြေးပြီး ဒီမှာအမြဲလာကစားနေကြ။ အဲ့လိုပဲ ရိပေါ်နဲ့အမှတ်တရတွေဆိုတာ
မရေမတွက်နိုင်အောင် များပြားခဲ့တာ။
ဒီပန်းခြံလေးထဲမှာပဲ သူတို့ပတ်ပြေးပြီးကစားခဲ့ဖူးတယ်။ သူ့ရှေ့က ကလေးလေးတွေလိုမျိုး။ ချော်လဲသွားလို့ငိုနေတဲ့သူ့ကို ရိပေါ်သေးသေးလေးက မငိုအောင် သူ့မှာရှိတဲ့မုန့်ဖိုးလေးနဲ့ ရေခဲမုန့်လဲ ဝယ်ကျွေးဖူးတယ်။
အရွယ်တွေရောက်လာကြတော့ မိန်းကလေးဖြစ်တဲ့ကျင်းရှန်းက စာကြိုးစားတာကြောင့်
သူတို့နဲ့အတူကျောင်းမပြေးတော့ဘူး။
အဲ့အခါကျရင် သူတို့နှစ်ယောက်ထဲ ဒီပန်းခြံထဲလာခဲ့ကြတယ်။
ပြီးတော့မုန့်တွေဝယ်စားတယ်။
အိမ်ကလူတွေလာဖမ်းရင်လဲ ပတ်ပြေးခဲ့ကြဖူးတယ်။ ပြီးရင်တော့ အတူတူအရိုက်ခံရတာပေါ့လေ။
ကျူရှင်သွားရင်း လမ်းလျှောက်ရလို့ ခြေထောက်ညောင်းလာရင် ရှောင်းကျန့်လမ်းမပေါ်ထိုင်ချပစ်လိုက်တာ။ အဲ့အချိန်ဆို ရိပေါ်ကသူ့ကိုကုန်းပိုးနေကြလေ။
ငယ်ငယ်ကဆို သူရိပေါ်ကို အတော်လေး
နိုင်စားခဲ့တာ။ ဒါကြောင့်ပဲ ရိပေါ်မိဘတွေကသူ့ကိုသဘောမကျခဲ့တာ ဖြစ်မယ်။
အချိန်တွေပြောင်းလဲလာခဲ့ပေမဲ့ ရိပေါ်ကတော့မပြောင်းလဲခဲ့ဘူး။
ဒါပေမဲ့ ရည်းစားတွေအများကြီးထားလာခဲ့တယ်။ အဲဒါကပဲ ရှောင်းကျန့် ရိပေါ်ကို
ခပ်ခွာခွာနေခဲ့မိတဲ့အချက်ပါပဲ။
ရှောင်းကျန့် မကြိုက်ဘူး။
ရိပေါ်ကသူမဟုတ်တဲ့ တခြားလူတစ်ယောက်နဲ့အတူရှိနေတာမျိုး အတူရယ်မောနေတာမျိုးကိုပေါ့။ သူရိပေါ်ကို စကားကြမ်းကြမ်းတွေပြောပြီးအော်ဟစ်ခဲ့ဖူးတယ်။
ရိပေါ် သူ့ကိုချစ်တယ်လို့ ပြောလာတုန်းကလဲ
သူဟားတိုက်ခဲ့ဖူးတယ်။
သူက ရိပေါ်ကိုအများကြီးနာကျင်အောင်လုပ်ခဲ့မိတယ်။ ဒါပေမဲ့ ရိပေါ်ကသူ့ကို တခါမှစိတ်မပျက်သွားခဲ့ဘူး။ သူ့ဘေးမှာ ကပ်တွယ်နေခဲ့တာ။
YOU ARE READING
Take me home (Completed)
Fanfictionပြင်းပြလွန်းတဲ့သူ့အချစ် ကြမ်းတမ်းပြီး မွန်းကြပ်လွန်းတဲ့သူ့အချစ် ချုပ်ချယ်လွန်းတဲ့ သူ့အချစ် ငါလုံးဝမရုန်းထွက်နိုင်တဲ့ သူ့အချစ် အဲ့ဒီအချစ်တွေအောက်ပဲ ငါဟာသေဆုံးခဲ့ရတယ် ....
