Unicode
"ဒါတွေအားလုံးက အမှန်တွေလား"
"အမှန်တွေရိပေါ် ငါမလိမ်ဘူး"
ရိပေါ်က သူပြောပြသမျှစကားတွေကို နားထောင်ပြီး တွေဝေနေပုံရသည်။
သူ့အနေနဲ့ ဒါတွေကိုလက်မခံနိုင်တာလည်း သဘာဝကျပါသည်။
"မင်းလဲ သခင်လေးကိုတွေ့ခဲ့တာပဲမလား"
"ဒါဆိုတစ်လျှောက်လုံး သူကငါ့ခန္ဓာကိုယ်ကို
ဝင်ထွက်နေခဲ့တာပေါ့"
ရိပေါ်ရဲ့ပုံစံက ကြောက်ရွံတယ်ဆိုတာထက်
မကျေနပ်ပုံပေါ်တယ်။
ရှောင်းကျန့်မှာ ရိပေါ်ရဲ့ပုံစံကြောင့် ထူးဆန်းနေမိတယ်။ ရိပေါ်က သူမြင်နေကျရိပေါ်လိုမဟုတ်ဘဲအရမ်းကို တည်ငြိမ်လွန်းနေသည်။
"အဲဒါတော့ငါလဲ အတိအကျမသိဘူး"
"ဟုတ်မှာပေါ့ အဲဒါကြောင့်ငါ့ခန္ဓာကိုယ်က
ဒီရက်ပိုင်း ပိုပိုပြီးအားနည်းလာတာ"
ရိပေါ်က မကျေနပ်ဟန်နဲ့ထိုင်နေရာမှ
မတ်တပ်ရပ်ကာ ထသွားသည်။
"ဘယ်သွားမလို့လဲ ရိပေါ်"
ရှောင်းကျန့် လှမ်းမေးလိုက်တော့ ရိပေါ်က
ပြန်လှည့်မကြည့်ဘဲ ခေါင်းသာအနည်းငယ်စောင်းရင်း ပြန်ဖြေတယ်။
"မင်းအရမ်းချစ်တဲ့သခင်လေးကြောင့် အားနည်းသွားတဲ့ငါ့ခန္ဓာကိုယ်ကို ပြန်သွားအားဖြည့်မလို့လေ"
ရိပေါ်ရဲ့စကားကြောင့် ရှောင်းကျန့်ရင်ထဲ ဆစ်ခနဲခံစားလိုက်ရသည်။
ရိပေါ်ကတကယ်တော့ သူ့ကိုသဝန်တိုနေတယ်လို့ ဆိုရမလားပဲ။ ဒါမှမဟုတ် သူ့ရှေ့မှာ သခင်လေးကို ချစ်တဲ့အကြောင်းတွေ ပြောပြလိုက်မိလို့ ခုလိုပုံစံဖြစ်သွားရတာပဲ နေမည်။
သူနောက်ကလိုက်သွားပြီး အခန်းထဲဝင်တော့
ရိပေါ်ကသူ့ကို ကျောပေးပြီးအိပ်နေသည်။
သူလဲ အနားသွားလိုက်ရင်း
"ရိပေါ် မင်းဘာမှမစားရသေးဘူးမလား
ငါတို့တစ်ခုခုသွားစားရအောင်လေ"
ရိပေါ်က သူ့အမေးကိူပြန်မဖြေဘဲ တိတ်ဆိတ်လို့သာ နေတယ်။
"ရိပေါ် မင်းငါ့အပေါ်တစ်ခုခုမကျေနပ်တာရှိလား ဘာလို့ဒီလိုပုံကြီးဖြစ်နေရတာလဲ"
YOU ARE READING
Take me home (Completed)
Fanfictionအထီးကျန်နေတဲ့ ဝိညာဉ်ဟာ ခမ်းနားတဲ့အိမ်ကြီးထဲမှာ နှစ် ၆၀ကြာရှင်သန်နေခဲ့တယ် တစ်စုံတစ်ဦးကိုစောင့်မျှော်ရင်းပေါ့....
