Unicode
"ဟာ မစ္စတာရှောင်းတို့တောင်လာပြီ လာ လာ "
တိုနီ့အိမ်ရှေ့ရောက်တာနဲ့ အပြင်ထွက်စောင့်နေတဲ့ တိုနီက သူတို့ကိုကြိုလာသည်။
"လာပါ မစ္စတာရှောင်း"
တိုနီ့ရဲ့အိမ်က သိပ်မကြီးသိပ်မသေးတဲ့ တိုက်ခံအိမ်လေးဖြစ်သည်။
ခြံဝန်းလေးကတော့ ကျယ်ပြီးအထဲမှာ သီးပင်စားပင်အနည်းငယ် စိုက်ပျိုးထားသည်။
"တိုနီ့အိမ်ကချစ်စရာလေးပဲ"
ရှောင်းကျန့်က ချီးကျူးလိုက်တော့ တိုနီကပြုံးရင်း ပြန်ပြောသည်။
"ဒါတွေက ကျွန်တော့်ပါပါးစိုက်ထားတာတွေပါ"
"အော်"
"အိမ်ထဲအရင်ဝင်ထိုင်ပါ မစ္စတာရှောင်းတို့
တစ်ခုခုအရင်စားမလား"
"ဟင့်အင်း ကျွန်တော်တို့စားခဲ့ပြီးပါပြီ"
အိမ်ထဲရောက်တော့ တိုနီကသူတို့ကို ဧည့်ခန်းထဲရှိသစ်သားခုံလေးတွင်ထိုင်စေသည်။
"ခဏစောင့်နော် မစ္စတာရှောင်း
ကျွန်တော် အဘိုးကိုသွားခေါ်ပေးပါ့မယ်"
"အာ ဟုတ်ကဲ့ပါ တိုနီ"
တိုနီက ပြောရင်းအိမ်အတွင်းဘက်ကို ဝင်သွားသည်။
ရှောင်းကျန့်တို့လဲ ဧည့်ခန်းထဲကခုံတွေပေါ်ထိုင်ရင်း စောင့်နေမိလိုက်သည်။
ရှောင်းကျန့် နံရံထက်က ချိတ်ဆွဲထားတဲ့ပုံတွေကိုလိုက်ကြည့်လိုက်မိတယ်။
"ဟင် ဒါက"
သူကြည့်နေတုန်း ဓာတ်ပုံတစ်ပုံအရောက်မှာ
သူ့မျက်လုံးတွေရပ်တန့်လို့သွားသည်။
ရိပေါ်က သူကြည့်နေတဲ့ပုံကို မတ်တပ်ရပ်ပြီး
သေချာထကြည့်လေသည်။
ကြည့်ရတာ ရိပေါ်လဲ ထိုပုံကို မြင်ပြီးအံ့အားသင့် သွားတာဖြစ်နိုင်သည်။
ရိပေါ်က ထိုဓာတ်ပုံနားရောက်သွားတာမို့
ရှောင်းကျန့်လဲ လိုက်သွားလိုက်သည်။
ဓာတ်ပုံက ရှေးခေတ်ဓာတ်ပုံ ပုံစံဖြစ်ပြီး
ဆေးအရောင်သိပ်မရှိတဲ့ ပုံတစ်ပုံဖြစ်သည်။
ပုံထဲမှာ ယောကျာ်းလေးသုံးယောက်က
မတ်တပ်ရပ်နေကြပြီး အလယ်ကတစ်ယောက်ရဲ့ ပခုံးပေါ်ကို ဘေးနှစ်ယောက်တို့က လက်တင်ပြီးဖက်ထားကြသည်။
အချိန်တွေကြာလွန်းလို့လားပဲမသိ။
ဆေးတွေကပျက်စီးနေပြီး အလယ်က
ကောင်လေးရဲ့မျက်နှာကတော့ လုံးဝပျက်နေပြီဖြစ်သည်။ ပြီးတော့ ခုလိုဆေးပြယ်နေတဲ့
ဓာတ်ပုံကို အမြတ်တနိုးဧည့်ခန်းမှာ ချိတ်ထားတယ်ဆိုထဲက တော်တော်ထူးဆန်းနေပြီဖြစ်သည်။
ကြည့်ရတာ ဒီပုံက တော်တော်အဖိုးတန်ပုံ
ပါပဲ။
YOU ARE READING
Take me home (Completed)
Fanfictionအထီးကျန်နေတဲ့ ဝိညာဉ်ဟာ ခမ်းနားတဲ့အိမ်ကြီးထဲမှာ နှစ် ၆၀ကြာရှင်သန်နေခဲ့တယ် တစ်စုံတစ်ဦးကိုစောင့်မျှော်ရင်းပေါ့....
