ចំណាំ ៖ រាល់សាច់រឿងដែលអ្នកនិព្ធបានតាក់តែងឡើងគ្រាន់តែជាការស្រមើស្រមៃ រួមទាំងឈ្មោះតួអង្គ និងទីកន្លែងផ្សេងៗគឺគ្រាន់តែជាការសន្មតឡើងតែប៉ុណ្ណោះ ដោយមិនបានពាក់ព័ន្ធឬសំដៅទៅលើបុគ្គលណាម្នាក់ឡើយ។ ដូច្នេះហើយ សូមអ្នកអានទាំងអស់មានវិចារណញ្ញាណក្នុងការអានទាំងអស់គ្នាផងចុះ ហើយក៏សូមអភ័យទោសចំពោះការខុសឆ្គងលើអក្ខរាវិរុទ្ធផ្សេងៗផងដែរ សូមអរគុណ 😊🙏
🔻🔻🔻🔻🔻🔻🔻🔻🔻🔻🔻🔻🔻🔻🔻🔻
《ភាគទី 02》សង្គមហាយសូ
ទីបំផុត ថ្ងៃចូលរៀនដំបូងក៏បានមកដល់ សុនអ៊ូមានអារម្មណ៍ថារំភើបតិចតួច ផ្ទុយពីអ៊ិនជុនស្រឡះ។ នាយកំលោះរាងតូចឈរធ្វើមុខឡិងឡង់ រវើករវាមនៅមិនស្ងៀមដូចកូនកណ្ដុរហែមស្ទើរ៍ក្នុងទ្រុងអ៊ីចឹង រីឯអ្នកដទៃទៀតក៏មានសភាពមិនខុសគ្នាប៉ុន្មានដែរ គ្រាន់តែមិនសូវបញ្ចេញអាការខ្លាំងស្មើនឹងអ៊ិនជុន។
ពួកគេទាំងប្រាំនាក់ទទួលបានអារហាររូបករណ៍ផ្នែកផ្សេងៗគ្នា ពោលគឺសុនអ៊ូរៀនផ្នែកហិរញ្ញវត្ថុ អ៊ិនជុនរៀនផ្នែកអក្សរសាស្រ្ត រីឯបីនាក់ទៀតដែលគេទើបតែស្គាល់ឈ្មោះមានដូចជា ចែវ៉ុន សានហា និងបុរសក្លាហានពាក់វ៉ែនតាគឺ ស៊ឹងមិន ពួកគេទាំងបីរៀនផ្នែកគណិតវិទ្យា គីមីវិទ្យានិងផ្នែកឌីហ្សាញ។ ដូច្នេះហើយទើបពួកគេមានទិសដៅរៀងៗខ្លួន ដែលនឹងត្រូវចែកផ្លូវគ្នាទៅកាន់គោលដៅក្នុងពេលដ៏ឆាប់ខាងមុខ ហើយពេលនេះពួកគេទាំងអស់គ្នាក៏កំពុងតែឈរនៅក្នុងជណ្ដើរយន្តប្រអប់ឡើងទៅខាងលើ។
"សុនអ៊ូដូចជាមិនសូវរំភើបសោះ ខ្ញុំនេះវិញបេះដូងលោតញាប់ចង់ផ្លោះចេញមកក្រៅហើយ" អ៊ិនជុនស្រដីឡើងដោយសម្លេងញ័រៗតិចតួចកាត់បរិយាកាសស្ងប់ស្ងាត់ ព្រមទាំងសម្លឹងមកកាន់សុនអ៊ូភ្លឹះៗ។
YOU ARE READING
❌The Ambition Game❌ (SUNSUN) (ចប់)
Fanfictionល្បែងនេះត្រូវភ្នាល់ដោយជីវិត... បើចង់រួចខ្លួនត្រូវតែរកអ្នកការពារ