❗كرونيك جزائرية ❗
النوع:غموض -اكشن-دراما-رومانسي-جريمة
وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت إلهام للبيجوتري كان فالسونتر فيل وقدرت تجيب شوية دراهم يكفوها لكاش شهر ... وقبل ماتعاود تولي للطونوبيل جاتها هاذيك اللحظة تع "مانقدرش نروح لدار تع انسان مانعرفوش !"...تنهدت بتعب وكملت طريقها للطونوبيل وهي تشوف فإياد فالتاقة يقارع فيها ويشوف فيها ببراءة وكانو ملامحو السعيدة وضوء الشمس لي قدرت تضرب بشرتو البيضة لي جامي طلعت من الدار ... تبسمتلو هي تاني وقدرت تحس بقلبها ليتفتح مجددًا...
اول مادخلت للطونوبيل قالت قبل مايديماري
إلهام: عمي ... ربييعطيك الصحة وجامي ننسى خيرك واذا كنت قادرة نرجعهولك اني نردهولك ... بصح مانقدرش نزيد نتعبك معايا بمشاكلي وتستقبلني في دارك الواسعة
تبسملها عبدالله بتفهم ...يعني شكون هاد لي راح يقبل يدخل دار غريبة عليها فجأة ويدمر كشاكلو لناس هاد الدار
عبدالله :ووين حاتريحي مالا ؟
إلهام :نشوف كش اوتال هنا يكون رخيص شوية فالوقت لي مخوس علىكاش دار وخدمة
عبدالله :اهمم ... فرات مالا نقدر نديك لواحد لوتال هنا ماشي غالي بزاف وعلى الخدمة نقدر نعاونك تاني !
تبسمت بإتساع وشكراتو مرة وحدوخرى وانطلاااق الى الفندق
...
حطت فاليزتها اياد فالسرير بينما هي تشوف فللحطة لي كانت نورمال يعني ... بصح لقات صعوبة انها تتعامل مع الصوالح لي جامي شافتهم في حياتها كيما لاصونصور وطريقة التعامل فليزوتال مي المهم تعلمت حاجة جديدة اليوم ...حكمت تلفونها الحطبة وتنهدت
إلهام :كيفاه حانلقا خدمة ؟
شعلت التلفون ولقات ابال من عند باباها بصح دارتلو سكيييب وعاوجت حطاتو ودارت لإياد لي كان يستكشف المحيط الجديد عليه ونطق
