بعد ماخرجت الهام واياد ويماها يشرو شي صوالح برك ...ووعدو آدم انها ماراحش تفوت نص ساعة ... راهي لحقت لزوج سوايع ✨
قضاو وشراو وزادو ...بما انو لازم على كل دارتدير حاجة دار عبدالرحمان كان عليها تدير زوج انواع من القاطو والحلوى وبيانسور كملت سهيلة وشرات لإلهام قش جديد وتع العرس بش تفوت هادوك اليومين والسهرة ... العرس راح يكون على يومين تسما غدوة لازم يروحو للدار الكبيرة يعاونو اذا كش ماكاين ... كانت الهام تحس بنوع من الاستغلال ،حيث حست روحها انها تسال لليماها هادوك الدراهم لي صرفتهم عليها ،بصح تجاهلت هادوك المشاعر وقررت انها تعيش حياتها الوردية بعد مالقات عايلتها !
كانت الساعة الستة تع العشية وآدم مسكين طاب فالطونوبيل يقارع فيهم يكملو ، واخيرًا كملو بعدما قريب ماطرطقو الطونوبيل بالشكاير ! ، دخلو للدار وكل واحد رافد ميتين شكارة حتى اياد وكان رافد 😂 وباينة آدم كان رافد تاني ويجر في روحو مسكين اول مادخلو حط هغدوك الشكاير ونطق
آدم:نروح نكمل للوخرين لي بقاو ...
الهام كانت مزالها مغششة عليه وماشافتش فيه اصلًا ... هو كي حط عينه عليها حس بالانزعاج علاخاطر رهي تتجاهل فيه ونطقت سهيلة بنوع من الاسف
سهيلة :عييناك معانا ياوليدي اسمحلنا والله
تبسملها وقال
آدم:ماشي مشكل قاع عمتي ، راني هنا بش نعاون
...
بدا العرض الازياء ! الهام تقيس وسُهيلة تقيم 😂 حت اياد وكان يتفرج مع جداتو فلاشومبر ويصفق ليماه كل خطرة تبدل لبسة... وسهيلة كانت الابتسامة شاقة عينيها 😂 ... اما آدم لي كان لازم عليه يروح للبوسط بوليس بسبة قضية خلاف
ريح آدم فالبيرو تاعو ودخل عليه كمال دخول مفاطئ وقال
كريم: اااي راك داي فاكونص ياه ! انا نحوس عليك في كل قنت طلعت عند عمك الكبير اثعلب
تنهد ادم وقال
آدم :ازرب قولي وش كاين ني عيان !
تنهد كريم وحطلو الملف على الطابلة وقال بابتسامة
كريم :نطقتوا ! هاداك راجل بنت عمك
خزر فيه وعاود خزر فالدوسيي ورفده يقرا فيه وقال
آدم:وش قالك ؟
ريح كريم رفد يديه في زوج كنوع من حيرة واستغراب
كريم:كي العادة ! قاللي بلي ماشي هو الراص تع الحكاية ... ولا حتى هادوك لي قتلهم
خزر فيه آدم وحرك راسو بنعم وقال
آدم:ماراح تكون غير العايلة !
اومئ كريم وقال
كريم :ولا قادر تكون من برا ... بزاف راهم يطمعو فإسمكم ! وبزاف راهم يطمعو فعايلة عمك عبدالرحمان
تنهد آدم وامبعد خزر فيه وقال
آدم:على هادي رك عيطتلي ؟؟
تبسم كريم وقال كنوع من المزاح
كريم : لا ! توحشتك 🥺
ناض آدم وقالو
آدم:نندب على التوحاش تاعك ! ايا وصلني للدار عندي عين راهي مغمضة ولوخرة ماراحش تطول
ناض من بلاصتو وقال وهو خارج
كريم :حاضر حضارات!
...
دخلو الطونوبيل ...وقبل مايشعل كريم الطونوبيل قال كتساؤل
كريم :ريحة تع مرا كانت هنا !
دار آدم لاسانتور وقال
آدم:وليت تغير تاني ؟ وصلني للدار يرحم باباك قالك مرا 😑
تبسم كريم وقال بطريقة تع ربيعة القرعاجة عند تيقان الجيران
كريم :قولي ...بنت عمك هاديك لي تحبها من صغرك ياك ؟
كان آدم مغمض عينيه من التعب ونطق بإنزعاج
آدم:ايه ... (تفكر)لالا ! كيفاه نحبها !؟
ضحك كريم بصوت عالي وقال
كريم:احشيها للأعمى ماشي ليا ... اسمع غدوة عندنا جلسة خلاف معاه
اوزئ آدم وقال
آدم:وزيد شوف كيفاه تدخل لافار تع الطلاق فالنص خلينا نفكو الطفلة من داك البسيكوبات
اومئ كريم وكمل قال
كريم :ماحوستش تفهم علاش كانت بنت عمك هاداك النهار قريبة على الكارتيي تاعها
آدم:تلاقات بصاحبتها لي يحبها راجلها
تكمشو ملامح وجهو وقال
كريم :يحب راجلها صاحبتها وراحت تشوفها ؟ النسا هادو يتمشاو بالمقلوب ولاشاه ؟
تنهد آدم وقال : علاهادي نتا تتمشالي بالمقلوب ! ياك تدور على اليسرى ماشي على اليُمنى(الطريق)
كريم :ااا نسيت ... كنت حانديك للداركم
عقد حواجبو وقال :اما دار ؟ داري راهي عند عمي ...هادوك ديكور برك
كريم :حاضر ! دوك ندورو وندير على خاطرك ...
اومئلو آدم مرة خلافوراح زعما يغمض عينيه بصح ربيعة القرعاجة موش معولة تشد فمها
كريم :نتا ! هاديك مرتك راح تتعرض للعرس ؟
زفر داك الهوا وقال
آدم: ايه راه بنت الخالة ! ماتخلينيش نريح راسي
شنفلو وقال
كريم: ارقد ارقد ...عيب لي يسقسيك !
آدم:صحيتي ياربيعة القرعاجة !
يُتبع...
هااي ! البارت درتتو علاجال كريم. 😂💔 المهم اليامات تع القراية راح نولي نحط من التسعة تع الليل بإذن الله 🤍
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
