حبست بلاصتها وخزرت فيه غير بلاعقل ... وهي تشوف داك الجسم لي كان يخوفها في كل مرة تتخايلو ... كان بعيد عليها بشي ميترات بصح كان يقرب فنفس الوقت ... وهي تبعد عليه بلااعقل وبدات ترجف ويجيها صوت تع آدم
آدم :شكون راه معاك ؟
ماقدرتش تهجر الهام ونطق اسلام
اسلام :ماشي طولتي شوية على الدار ؟
وهي تبانكات وعيطت قالت
الهام :بعدني ! اخطيني !
ضحك بالصوت وقال
اسلام :كيفاه هادي ! انا راجلك لا ؟ تخافي من راجلك
سمعه ادم وعرف بلي اسلام وقال لإلهام
ادم : شوفي كيفاه تهربي وتقربي من الطريق اني جايك ...
الهام حبست وحبس اسلام معاها قعد يخزر فيها وقال بهدوء مخيف
اسلام :ايا نولو بلا تكسار الراس الزايد ... فالدار نتفاهمو
تنهدت الهام وامئتلو جات حاتقرب هو دار للجيهة خلاف زعما دار في راسو بلي راهي تتبع فيه بصح هي فالعكس عاودت جارت للطريق وراهي تجرييييي... تجرييييي الدوبامين يتدفق في عروقها مليار وهي تشهق دموع وخناين وتمسح علاخاطر ماولاتش تشوف ... اسلام كي سمع الخطوات عرف بلي حشاتهالو ويجري موراها تاني ...
انا نجري والدولة تجري انا نجرييييي💃✨
لقاتو بلي قريب يلحقها علاخاطر هو راجل اي باينة راحت بدلت الطريق فجأة بلا ميديرها في حسابو
بدات تدخل فالزنق بش يودرها سعات شرق ساعات غرب حتى ماولاتش تسمع لخطوات الجري ديالو موراها وهي مزالها تجري وتجري النفس راحلها مسكينة ... حتى جست بيد قاوية تجبدها وتخبط فيه ...مع الاول كان عمبالها اسلام وبلي ماتت بصح الريحة كانت غير وجاها صوتو وهو يعيط
آدم:هبلتي تخرجي وهو مزال ماحكمناه
بعدت يدو على يدها وحكمت البلاصة لي حكمها فيها وبعدت عليه تاني بخطوات وقالت بعناد
الهام :ماعندك مادخلك فيا ! اذا كنت حانموت راح نموت وحدي ماراحش نجركم معايا
وهو بالعياط قال
ادم :كيفاه هادي ماعندي مادخلني فيك ! دخلني وزيد دخلني وماتسالينيش !
مسحت الهام وجهها وجات حاتدور حتى لقات اسلام مقابلها ...كانو في طريق ضيقة بين واحد الديور وخالية ... كي شافت اسلام طاح منها جنب بصح ماولاتش للور لآدم علاخاطر قالتلو بلي مايدخلش روحو فيها ...قرب اسلام بخطوات وقال
اسلام :ياه! هاد الشي كامل علاجال راجل ؟
اول ماشافو ادم جاحايرجع الهام للور كحماية بصح هي كي البيلونة ماحبتش تتحرك وقعدت مفيكسية النظر تعها في اسلام وقالت
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
