والله مانحشم طولت عليكم قاع كيما هك🙂💔 المهم وليت لهاد الكرو راح نركز عليها فهاد العطلة ان شاء الله 🤍✨
قراءة ممتعة يافراشااات💖✨
...
كانت الهام فالكوزينة تدير اخر لقطاتها بش تكمل الماعين ! الرغوة والريحة تع الجافيل وبدات تحك كل قنت ...تعشاو وكملو وعبدالرحمان وسُهيلة راهم فالصالة مع اياد يلعبو معاه...كانوا افكارها في جيهة خلاف وهي تخمم في حياتها وكيفاه راح تكون خدمتها الجديدة ... حتى سمعت صوت "بسس " عند وذنها وسوطات ...بعد عليها آدم بعد ماكان قربب لبها وهوسلها في وذنها ودارت ليه بينما هي تحك وذنها لي فجأة ولات حمرا
الهام :خلعتني !
ضحك وترنح شوية بالطول تاعو يقارن فطولو وطولها ...مالغري كانت طويلة بصح بالنسبة ليه جات شوية قصيرة ... عقدت حواحبها وتفكرت قالت قبل ماتدور وتكمل تحك
الهام:تعشيت ولا مزال ؟
جبد كرسي وريح فيه وقال بينما عينيه كانو معلقين فيها
آدم: شكون لي طيب ؟
جاها السؤال غريب ونطقت
الهام :اليوم انا لي طيبت ...كانت ماما عيانة من الخرجة دونك... اممم...نقدر نكسرلك حباتبيض اذا ماتبغيش ماكلتي ؟
حرك راسو بالنفي وقال
آدم: لا ...حميلي الماكلة ... راني ميت بالجوع
اومئتلو وراحت تجبدها من الفريجيدار وشعلت النار بينما هي ولات تمسح وبعدها تريح !
كان الهدوء هاداك يخوف ...حتى نطق آدم بنوع من التأسف
آدم: الهام ...عندك الحق !
دورت ليه وقالت باستفهام
الهام:فواش ؟
آدم:احم ... هاداك ! مايستاهلش اسم اب مهما كان ... تبانلي كنت متحيز لجيهتو ممكن علاخاطر ...خلطت اموري ومشاعري الشخصية بتاوعك مالغري الظروف المختلفة ...مايستاهلش حتى انو يكون انسان كيفك مرته ! ولا حتى يكون عنده طفل
تنهدت الهام وقالت بعدما تسندت على داك البوطاجي ...كانت لابسة جبة غوز كلاغ ودايرة طابلية كحلة
الهام:علابالي ... قبل مانلحق لوين راني وقبل مانهرب من ديك الدار ... السيد رفد يده على طفل من دمو ولحمو ...قدرت نصبر على روحي ! بصح على وليدي لي ماعندو حتى ذنب ماقدرتش نخليه يتحقر من باباه لي عايفو ...
أومئ بتفهم وابتاسمت الهام وقالت
الهام:المهم دكا فرات ... كان نقاش برك صغير وكل واحد عندو رايو ووجهة نظرو ! عادي
آدم: علاهادي من قبيلة ونتي رافدة شواربك عليا !
ضحكت من قلبها وياليتها لم تضحك ! السيد فجأة ولا يشوف الدنيا كامل غوز ... ابتسامتها وصوتها كانو كافيين يصفو راسو ويبتسم هو تاني ...وهنا دخلت عليهم القوات العسكرية وحمحمت عليهم بش يفهمو رواحم
أنت تقرأ
الوريثة الوحيدة (باللهجة الجزائرية)
Любовные романы❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
